2Tɛsè 3:13 - WƆŊ FƐ̀Ì EBÒ SÌÀŊ DAYÀA

¹³ Kɛɛ nyɛ̀iŋ nààŋ wùìya wi nyàŋ, ɓɔ̀ nìŋ yɔkpɔ̀ wèè è keì sìàŋ nyɛ̀nɛŋ.

2Tɛsè 3:13 ပူးပေါင်းရင်းမြစ်များ

Luù 18:1

Wo Jisɛ̀ naŋ gììyè anyùùŋ màŋjɛ̀wɛ̀uŋ nyàŋ ke kàɓanè kɛ̀ aŋ zoolò e teenga gbiŋ e kìlà e bɔ̀mɔ̀ŋ ɓɔ̀ è wùìyà nyiŋ julɔfɔ.

Luùm 2:7

Wo Dayà do nàŋ kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ naŋ kùwò maŋ jii wèè e tɛ̀ɛ̀tɛ̀ɛ̀ɛ àŋ naŋ nyɛ̀nɛ̀ŋ lɛ. Àŋ do nàŋ yɛ̀mɛ̀ e jòòwo, e ɓɛ̀ɛ̀jàa, e keì sìàŋ yaà wɔŋ nyiiŋ gèe wèè julɔfɔ.

1 Kɔliìŋ 15:28

Kɛɛ sèè manɛ̀ŋ maŋ gbiŋ nɔ̀ŋ naàŋ e gààŋ Kulaìɛ dìì, kpeiŋ kɛ̀ wuŋ bi, wo jɔ̀àa, do nàŋ hɔ̀ɔ̀ wuŋ bi wo Dayà dìì, wo yèɔ nauŋ hɔ̀ɔ̀ manɛ̀ŋ maŋ gbiŋ dìì wɔ, kpeiŋ kɛ̀ wo Dayà do nàŋ kùwìè e gààŋ nɛ̀ŋ gbiŋ diɛŋ.

2 Kɔliìŋ 4:1

E yìwìà ke nyòwò Dayàa sùà wò naŋ wi fè e tòmo lɛɛ̀ wèè e niŋ nyɛ̀nɛ̀ŋ, yèè wèètii e ɓɔ̀mɔ̀ fè wi wùìyà.

2 Kɔliìŋ 4:16

E wèè esaɓù lɛɛ̀, e ɓɔ̀mɔ̀ŋ fè wi wùìyà, jòòpɛɛ e kɔɔ wilɛ̀ yaà yɔ̀kpɔ sùà, kɛɛ wo Dayà sie wo jinàŋ wiɔ̀ e gààŋ niìsìa gbiŋ.

Fèle 1:9

Mìŋ zoolà wèè e mànaiŋ nɛ̀ e dɛɛ̀ sùà zimgbe, e nyɛ̀nɛ̀ŋ niŋ kɛɛnɛ̀ŋ jiikɛ̀ɛ e kìlà niŋ nyìmàŋ e keì fèemàŋ,

1Tɛsè 4:1

Nyɛiŋ nààŋ wùìya wi nyàŋ, ko jèè e ɗìi nàŋ yaà kɛ̀ nàŋ wi naàŋ gbèè ko sìwè nàŋ nyìmàŋ kɛ̀ diè nìŋ nɔ̀ŋ wɔŋ nyiiŋ gèeɔ̀ sùà wèè naŋ nyɛ̀nɛ̀ŋ wo Dayà ke jiiuŋ nɛɛ̀ŋ ke fà. Wɔŋ nyiiŋ gèe wiiŋ nɔŋ zà nìŋ yaà sùà. Kɛɛ è yààìŋ pɔ̀wɔ sùà yèè è dawàìŋ e dèè Kanaà Jisɛ̀ɛ diɛŋ wèè naŋ jɔɔlɔ̀ e tii nìàŋ.

2Tɛsè 3:15

Kɛɛ ɓɔ̀ nìŋ kùwà nyiŋ è kùwà è joo, kìɛìŋ nyiŋ e gòo mààŋ aŋ wùìya.

Hiɓu 12:3

Weètii jàaìŋ maŋ jiiŋ màŋ wo Jisɛ̀ maŋjɛ̀wɛ, wo yèɔ naŋ jàà maŋ mìè ɓɛ̀ɛ̀pɔ̀ɔ zimgbe kùàŋ dìì e yìwìà anyùùŋ maŋ jùumù sìwè. Tɛɛ̀ do nàŋ nyɛ̀nɛ̀ŋ e zɔ̀kpɔ̀ naàiŋ nɔ̀ŋ wèè naŋ fè è hààweiŋ nɛ̀ jɛwɛ.

Hiɓu 12:5

Kɛɛ nàŋ nyɛɛnɛ̀ŋ wèè maŋ mìè jii nyingè maŋ wo Dayà naiŋ wa kiɛ̀ŋ maŋ, nààŋ nìŋ yaà aŋ jɔ̀à ko nɛ̀ɛ̀uŋ niìŋ. Wò naŋ wa woò wààŋ, “Jɔ̀à miɔ̀ŋ, sèè wo Kanaà woum kìɛ̀ŋ e keì nyìngà wèè woum dè ke dòmaŋ siaŋ diɛŋ, e zɔ̀kpɔ̀ ɓɔ̀ è nɔ̀um yèè ɓɔ̀ mùŋ niingè niŋ fɛ̀ɛ̀.

Maŋ kèì nyɛɛnɛŋ 2:3

Nìŋ kuwa maŋ jii tɔumtɔ̀ùm, nàŋ kùwà e keì nyìnga wèè esaɓù e deè mɛ̀, kɛɛ e bɔ̀mɔ̀ŋ kòò è wùiyèìŋ wèè naŋ dàngè è hààwiŋ nɛ̀.