2Tɛsè 3:10 - WƆŊ FƐ̀Ì EBÒ SÌÀŊ DAYÀA

¹⁰ E teengaà è yaà ko nɛ̀ɛ̀iŋ niìŋ lɛ, è heiŋ wa woò wìyàà, “Wo nyùnɔ̀ɔŋ gbiŋ naŋ gangà wèè wo tomo wɔ̀ ɓɔ̀ wò jènɛ̀ŋ.”

2Tɛsè 3:10 ပူးပေါင်းရင်းမြစ်များ

Luù 24:44

Kpeiŋ wò naŋ nyiŋ woò wààŋ, “Maŋ kèì guùŋ mɛɛ̀ŋ mìŋ naiŋ woò e teengaà mìŋ yààìŋ wa e tɛɛ lɛ̀. Maŋ keì maŋ gbiŋ yaà sìnga miŋ maŋ Sàwà Mòòze màŋ sùà, maŋ fɛ̀ì aŋ wɛ̀ijì nyaŋ sùà, yèè wɔŋ fɛ̀ì Saàaŋ sùà, màŋ kuwa maŋ hɛɛnɛ̀ŋ.”

Jɔ̀ɔŋ 16:4

Mìŋ yààìŋ naàŋ tɛɛ̀ wòo sùà wèè naŋ niŋ jàà jii wèè kɛ̀ sèè è kaaìŋ wa nàwèè naŋ nyìmàŋ kɛ̀ kàiŋ niŋ wa woò. “Miŋ gòiŋ wa wòò màŋ keì mɛɛ̀ŋ kò tɔ̀ɔ̀tù è mɔ̀ɔ̀nɔŋ wilɛ̀, esaɓù kɛ̀ è yààìŋ wa koɓɛ̀ guùŋ.

Nyɛ̀nɛ̀ŋ 20:18

Nààŋ àŋ naŋ hàì ko nɛ̀ɛ̀uŋ niìŋ, wò naŋ nyiŋ woò wààŋ, “Nyɛ̀iŋ bi nàŋ nyìmàŋ e nɛ̀ɛŋ gbiŋ mìŋ naŋ nyɛ̀nɛ̀ŋ lɛ e teengaà yàwi nààŋ gbiŋ yààìŋ wa koɓɛ̀ guùŋ lɛ e hnaàŋ jiɛ̀jiɛ̀ mɛ̀ sùà ko Eesìà.

1Tɛsè 3:4

E teengaà è yààìŋ ko nɛ̀ɛ̀iŋ niìŋ lɛ èiŋ niŋ wa wòo gɔu kɛ̀ àŋ do wi nàŋ mɔɔnɛ̀ŋ, yèè nààŋ nìŋ naŋ nyìmè lɛ tiiŋ nɔŋ naŋ kaaìŋ.

1Tɛsè 4:11

Nyɛ̀nɛìŋ niŋ e kpàŋ è kɔɔiŋ e gbɔ̀ɔɔ ɓɔ̀ è nɔ̀ŋ maŋ nyiiŋ gèiŋ màŋ sùà, kùwieìŋ e gòngò e kèì nyɛ̀iŋ bi lɛ̀, yèè niŋ kamè e nɛ̀ŋjè nyaàiŋ nɛ̀, màànààŋ nɔŋ è naiŋ wa woò lɛ.

2Tɛsè 2:5

Niŋ fè jàà è keì jii? Mìŋ naiŋ wòò màŋ keì mɛɛ̀ŋ gbiŋ è teengaà mìŋ yaà kò nɛ̀ɛ̀iŋ niìŋ lɛ.