2Tɛsè 3:1 - WƆŊ FƐ̀Ì EBÒ SÌÀŊ DAYÀA

¹ Ko jèè e ɗìi nyɛ̀iŋ nààŋ wùìya wi nyàŋ, zòòloìŋ weè wi wèè ke mìè gbìàŋ Kanaà Jisɛ̀ ke kunò nɔŋ ɓààye keleiŋ, yèè ke yɛmɛ̀ kuàŋ jàà dìì e ɓɛ̀ɛ̀jàa sùà, màànààŋ nɔŋ è naŋ kaaìŋ e teengaà è yààìŋ e tɛɛ lɛ̀.

2Tɛsè 3:1 ပူးပေါင်းရင်းမြစ်များ

Maafiù 9:38

Dàweìŋ wo kɛ̀ɛ̀nɛ̀ŋ ɓùɔ wèè wo tùàŋ anyuùŋ tòmo wèè aŋ kpàà maŋ nɛ̀ŋjè ɓùuŋ màŋ aŋ hiàŋ miŋ.”

Luù 10:2

Wo Jisɛ̀ naŋ nyiŋ woò wààŋ, “Maŋ nɛ̀ŋjè ɓù maŋ ko ɓùi naŋ gàŋ, kɛɛ anyuùŋ tòmo nyàŋ gò gàŋ wèè aŋ miŋ gbònògbònò koɓɛ̀ guùŋ. Dàweìŋ wo kɛ̀ɛ̀nɛ̀ŋ ɓùɔ wèè wo tùàŋ anyuùŋ tòmo wèè aŋ kpàà maŋ nɛ̀ŋjè ɓùuŋ màŋ aŋ hiàŋ miŋ.

Nyɛ̀nɛ̀ŋ 12:24

E tèèngà guùŋ bi sùà anyuùŋ zimgbe naŋ wa kòmò ke mìè Dayàa yèè àŋ naŋ nyiŋ haawè.

Nyɛ̀nɛ̀ŋ 19:20

Kpeiŋ ke mìè Kanaà Dayà naŋ wa ɓaayè yèè kè naŋ ngèè ɓɛìŋ kɛ̀ɛ̀nɛ̀ŋ gààŋ e nìàŋ e gɔuɛ̀.

Nyɛ̀nɛ̀ŋ 6:7

Kpeiŋ ke mìè Kanaà Dayà naŋ wa ɓaayè. Ke gbòò anyuùŋ hààwe nyàŋ ko Jùlusɛ̀làm naŋ wa dɛ̀kɛ̀ sùà gbee, e kìlà ke gbòò aŋ sìèfèìŋ zòòlo zimgbe naŋ wa jàà e hààweɛ̀ kùàŋ dìì.

Luùm 15:30

Nyɛ̀iŋ nààŋ wùìyaim nyàŋ, e yìwìà e gààŋ Kanaà Jisɛ̀ Kulaìɛ sùà yèè e mànaàŋ yewe wo Jìnàŋ Nɛɛmaàŋ sìwè lɛ, mìŋ yààìŋ pɔ̀wɔ sùà wèè yàwi nààŋ gbiŋ eiŋ zòòlò wo Dayà koɓɛ̀ guùŋ e weèim.

1 Kɔliìŋ 16:9

Wɔŋ gbèmgbèè e tòmo gbee kià yilè, e yèɛ yaà tɛ̀ɛ̀ wèè ka nyɛ̀nɛ̀ŋ lɛ, jòòpɛɛ aŋ jooim nyàŋ naŋ gàŋ.

2 Kɔliìŋ 1:11

Nyɛ̀iŋ pɛɛ kpùùmaìŋ niŋ zoolò weè wi, wèè anyuùŋ zimgbe aŋ gè Dayà ɓaikà wèè wi, wèè e kìɛɛ̀ŋ wò naŋ wi fè e yìwìà maŋ zòòlo zimgbe màŋ wò naŋ jàà kùàŋ dìì maŋ.

2 Kɔliìŋ 13:11

E gbiŋ sùà, nyɛ̀iŋ nààŋ wùìyaim nyàŋ enììsìàiŋ. Nɔ̀ɔìŋ tɛ̀ɛ̀ yèè niŋ kuwìè e gòngo wèè maŋ keì maŋ mìŋ naiŋ woò maŋ. Fɛ̀ɛìŋ niŋ nɔ̀ŋ ɓɛ̀ guùŋ ke jii fàa sùà. Kɛ̀ wo Dayà kùwìè e mànaàŋ yaà ke jii fàa doiŋ nàŋ nɔ̀ŋ e kɔɔ.

Kòlo 4:3

E tèèngà guùŋ bi, zòòloìŋ weè wi yàwi pɛɛ, kɛ̀ wo Dayà do wi nàŋ kìɛ̀ŋ e ɗeweɛ̀ wèè eiŋ wòò ke miè gbìauŋ nɛɛ̀ŋ e nyaàiŋ dè ke gbùnuɛ̀ wo Kanaà Jisɛ̀ Kulaì sùà. E wèè esàɓù tɛɛ̀ zà mìŋ yaà naàŋ ko sààŋ nyìwì.

1Tɛsè 1:5

E gòiŋ nɔŋ hìàŋ Èbò Siaàŋ màŋ mìè gbòa sùà nɔŋ, è naŋ niŋ kpùlìè e gààŋ yaà wo Jìnàŋ Nɛɛmaàŋ, yèè e hààwe jùà sùà gbɛlɛiŋ nyaàiŋ dè e tɔ̀ɔ̀nyaàŋ niŋ nɛ̀. Nàŋ nyìmàŋ kɛ̀ diè è naiŋ nɔ̀ŋ e gòlò, è yaà wa wèè e kèì sìàŋ nyɛ̀iŋ bi lɛ̀.

1Tɛsè 1:8

Ke miè gbìaàŋ nyaàiŋ de wo Kanaà ke gòiŋ nɔŋ yèwà sìwè wèè ke ɓààyè maŋ kpàlàùŋ kpàlàùŋ ko Mɛ̀sèdonià maŋ yèè kò Àkaayà, kɛɛ ebò e hààweiŋ nɛ̀ wo Dayà sùà è naŋ ɓààyè koɓɛ̀ gbiŋ. E keì bà nààŋ fè ɓɛìŋ wèè e nɔ̀ŋ wòo niŋ.

1Tɛsè 2:1

Nyɛ̀iŋ nààŋ wùìya wi nyàŋ, nàŋ nyìmàŋ kɛ̀ e jààme wilɛ̀ ko nɛ̀ɛ̀iŋ niìŋ e gò nɔ̀ŋ wèè foo.

1Tɛsè 2:13

Esaɓù joo bà kòò è yaà ɓɛìŋ wèè e nɛ̀ɛŋ è gèìŋ Dayà ke sɛ̀ weè niŋ lɛ̀. Tiŋ nàŋ yaà, e teengaà è naiŋ hìɛ̀ŋ ke mìè gbìàŋ Dayàa lɛ̀, nìŋ naŋ nyiŋ kòmò yèè nìŋ naŋ nyiŋ jàà kùàŋ dìì, e fè mààŋ kè miè gbìaŋ è yìwìà nyuùŋkpùuŋ sìwè. Kè yaà ke mìè gbìàŋ Dayà ke yèɛ yaà e tɔ̀ɔ̀nyaàŋ lɛ. Nyɛ̀iŋ nyàŋ nìŋ naŋ haawè nyaŋ, wo Dayà yààìŋ sùà wò yaà toomo.

1Tɛsè 4:1

Nyɛiŋ nààŋ wùìya wi nyàŋ, ko jèè e ɗìi nàŋ yaà kɛ̀ nàŋ wi naàŋ gbèè ko sìwè nàŋ nyìmàŋ kɛ̀ diè nìŋ nɔ̀ŋ wɔŋ nyiiŋ gèeɔ̀ sùà wèè naŋ nyɛ̀nɛ̀ŋ wo Dayà ke jiiuŋ nɛɛ̀ŋ ke fà. Wɔŋ nyiiŋ gèe wiiŋ nɔŋ zà nìŋ yaà sùà. Kɛɛ è yààìŋ pɔ̀wɔ sùà yèè è dawàìŋ e dèè Kanaà Jisɛ̀ɛ diɛŋ wèè naŋ jɔɔlɔ̀ e tii nìàŋ.

1Tɛsè 5:17

Zòòloìŋ e teenga gbiŋ.

1Tɛsè 5:25

Wùìya wi nyàŋ, zòòloìŋ weè wi yàwi pɛɛ.

2Time 2:9

Esàɓù Ebò Siaàŋ mìŋ woà lɛ, mìŋ kuwo e keì nyìnga yèè aim sìà maŋ jɔ̀ɔ̀ɔ mààŋ wo nyuùŋ nyɛ̀nɛ̀ŋ e keì naanààŋ. Kɛɛ ke mìè Dayà ke fè màŋ jɔ̀ɔ̀ɔ sùà,