2Tɛsè 2:8 - WƆŊ FƐ̀Ì EBÒ SÌÀŊ DAYÀA

⁸ Kpeiŋ kɛ̀ wo Dayà do nàŋ fùlìè Wo Nyuùŋ pɔ̀ɔ̀ maŋ sàwàa, kɛɛ sèè wo Kanaà Jisɛ̀ hnàŋ, wò douŋ nàŋ jìwìè wɔŋ fòìɔ fòloùŋ nyààŋ wɔŋ, yèè e mɛ̀ɛ̀ŋ Kanaà, e dɛngò dɛngòiŋ nii euŋ pɔɔpɔ̀ɔ̀.

2Tɛsè 2:8 ပူးပေါင်းရင်းမြစ်များ

Maafiù 13:19

Anyuùŋ kpùuŋ nyàŋ yè nyaŋ komo ke mìè gbìàŋ e Kànà Dayàa, kɛɛ aŋ fè nyiŋ nyìmàŋ yɛ, àŋ yaà mààŋ manɛ̀ŋ koei màŋ naŋ sɔ̀ɔ̀ ke dòmaàŋ diɛŋ màŋ. Àŋ komo nɔŋ ke mìè Dayàa fa, wo Nyuùŋ kɛ̀ɛ̀nɛ̀ŋ ke Kpèè Naanààaŋ hnàŋ wò gè ke mìè bi maŋ jii nyiŋ màŋ sùà.

Maafiù 13:38

Wɔŋ ɓùɔ naŋ yaà e ɗuunyaàŋ. Ke kuù kòmàŋ sìàaŋ nàŋ yaà anyùùŋ nyaŋ kanaŋ e Kànà àìjɛnɛ̀ɛŋ nyàŋ. Maŋ dɛɛ wuiye naanààŋ maŋ nàŋ yaà anyùùŋ nyaŋ kanaŋ wo nyuùŋ kɛ̀ɛ̀nɛ̀ŋ ke kpèè naanààaŋ.

Maafiù 16:27

Miàim wo Jɔ̀àfèlàà Nyuùŋ kpùnɔɔ̀ŋ do nàŋ hnè e teenga kpuu sùà e jòòwò Dèda miɔ̀ŋ yaà aŋ màikàuŋ nyàŋ sùà wèè ka kìɛ̀ŋ e jìwààjɛ̀wɛ̀ koɓɛ̀ anyùùŋ nyaŋ gbiŋ wèè maŋ keì maŋ àŋ naŋ nyɛ̀nɛ̀ŋ maŋ.

Maafiù 16:28

Miŋ woòiŋ e tɔɔɓaaà, aŋ nyùùŋ bà kòò àŋ yaà kià, yèè aŋ naàŋ fɔ̀ e jèèsùà aŋ yɛ̀mɛ̀ miàim wo Jɔ̀àfèlàà Nyuùŋ kpùnɔɔ̀ŋ ka hnàŋ e kana mɛ̀ sùà.”

1 Kɔliìŋ 1:28

Wo Dayà naŋ ɓèmè e nɛ̀ɛŋ e ɗuunyaàŋ naŋ kɔ̀ɔ̀yɛ̀ fɛ̀ɛ̀ sùà àŋ gongà kɛ̀ e fè nɛ̀ŋ bà gbiŋ sùà lɛ, wèè wo pɔ̀ɔ̀pɔ̀ɔ̀ e nɛ̀ɛŋ e ɗuunyaàŋ gongà kɛ̀ e gbììŋ gbììŋ yaà sùà lɛ.

2Tɛsè 2:3

Ɓɔ̀ nìŋ dangè wò nyùùŋ gbiŋ doiŋ zuwò ɗewe gbiŋ sùà. Ke ɗɔɔ yii naàŋ hnè e jèèsùà e keì gànga dìàmaàŋ e kaaìŋ, yèè Wo Nyuùŋ Naanààŋ gàngà dììɔ wo fòlà, wo yèɔ do nàŋ kɔ̀ ko jàhamaŋ wɔ̀.

1Time 6:14

wèè naŋ jɔ̀ɔ̀lɔ̀ maŋ mìè gbòa mɛɛ̀ŋ dìì, yèè maŋ miŋ sìà e hààwe zɛ̀nɛŋ gò kɛ̀ɛ̀nɛ̀ŋ è tɔ̀mɛ sùà, e jèèsùà ke Ɗɔɔɛ̀ wo kana wiɔ̀ Jisɛ̀ Kulaì do nàŋ hnè yɛ.

2Time 1:10

kɛɛ è naàŋ nɔ̀ŋ tɔ̀ɔ niŋ ko nɛ̀ɛ̀ŋ wiì e yìwìà e hnàŋ Nyuùŋ Jòèye wiɔ̀, wo Jisɛ̀ Kulaì. Wò hìàŋ e gààŋ fàa ko dìa yèè e yìwìà Ebò Siaàŋ sùà wò wi tɔ̀ɔ̀ wɔŋ nyiiŋ gèe gò jùàa.

2Time 4:1

Ko fɛ̀ɛ̀fèìŋ Dayài yaà wo Jisɛ̀ Kulaì, wo yèɔ do naŋ gbàì anyùùŋ nyaŋ yaà wɔŋ nyiiŋ gèeɔ̀ sùà yèè aŋ yè nyaŋ naŋ fɔ̀ nyaŋ, yèè nààŋ wò yaà hinie e kanauŋ nɛ̀ sùà mààŋ wo Kana lɛ̀, mìŋ yààùm woo,

2Time 4:8

Eɓìèmàŋjɛ̀wɛ̀ tɛɛ̀ ke ɓɔ̀ɗì kana kòò kè yaà naàŋ bànè hàa nyiŋ e weèim esaɓù kɛ̀ wo Dayà weèim jàà kùàŋ dìì wèè ka nɔ̀ŋ wo nyùùŋ tɔ̀ɔ̀nyaàŋ, ke yèɛ wo Kanaà, wo nyuùŋ gbàì tɔ̀ɔ̀nyaàŋ, wò doim nàŋ kiɛ̀ŋ ke ɗɔɔ yii diɛŋ yɛ̀, yèè e naàŋ nɔŋ nɔ̀ŋ miàŋ guùŋ, kɛɛ è do naŋ nɔ̀ŋ wèè aŋ yè nyaŋ gbiŋ naŋ kùwò maŋ jii e manaŋ sùà wèè e hnàuŋ nɛ̀ lɛ.

Taitɔ̀ 2:13

nààŋ è yààìŋ fùlìè ke ɗɔ̀ɔ̀ e keì sìàaŋ è naiŋ tùlìè jii lɛ̀, ke ɗɔɔɛ̀ e jòòwò Dayà gbee wiɔ̀ yèè wo Nyuùŋ Jòèye wiɔ̀ Jisɛ̀ Kulaì kè hnàŋ lɛ.

Hiɓu 10:27

Kɛɛ e yèɛ nɔŋ àŋ naŋ naàŋ ɓɛ̀nɛ̀ŋ nyɛ̀nɛŋ lɛ̀ nàŋ yaà, wèè aŋ nyɛ̀nɛ̀ŋ jùù e teengaà àŋ yaà fùlìè kitiɛ̀ wo Dayà do nàŋ heè lɛ, yèè e hmɔɔ̀ŋ kùwa gbeeɛ̀ do nàŋ sùɔ̀ŋ anyùùŋ nyaŋ naŋ gììyè wo Dayà maŋhɛɛ nyàŋ.

1Jɔ̀ɔŋ 2:13

Mìŋ naŋ sìngè ko nɛ̀ɛ̀iŋ niìŋ, nyɛ̀iŋ nààŋ nyuùŋ kòmaŋ nyàŋ, e fèfoo nàŋ wa nyìmàŋ kɛ̀ wo Dayà yaà e yìwìà ko tɔ̀ɔ̀tù e ɗuunyaàŋ. Mìŋ naŋ sìngè ko nɛ̀ɛ̀iŋ niìŋ, nyɛ̀iŋ nààŋ nyuùŋ bɔwɔ nyàŋ, e fèfoo nàŋ gbùwò e gààŋ wo Nyuùŋ Kɛ̀ɛ̀nɛ̀ŋ ke Kpèè naanààaŋ diɛŋ.

1Jɔ̀ɔŋ 3:12

Yèè ɓɔ̀ è nɔ̀iŋ mààŋ wo Kiìŋ, wò yaà wo nyùùŋ Sɛ̀tanàŋ, wo yèɔ naŋ wa jìwè wo wùìyà wuŋ biɔ̀ Eɓɛ̀ɛ̀ wɔ. Wèè kiìŋ saɓù wo Kiìŋ naŋ wa jìwè wo Eɓɛ̀ɛ̀? Wò naiŋ wa nyɛ̀nɛ̀ŋ esaɓù kɛ̀ wo nanàuŋ nɔɔ̀ŋ yaà wa wo nyùùŋ tɔ̀ɔ̀nyaàŋ, kɛɛ wuŋ bi wò yaà wa wɔŋ fàà wo Nyùùŋ Kɛ̀ɛ̀nɛ̀ŋ ke kpèè naanààaŋ.

1Jɔ̀ɔŋ 5:18

Èiŋ nyìmàŋ kɛ̀ aŋ jɔ̀à Dayà fè nɔŋ nɔ̀ŋ nyɛ̀nɛ̀ŋ sùà màŋ keì naanààŋ keleiŋ, esaɓù kɛ̀ wo Jɔ̀àfèlàà Dayàa yɛmɛ̀ nyiìŋ diɛŋ, yèè wo Nyuùŋ kɛ̀ɛ̀nɛ̀ŋ ke Kpèè naanààaŋ fè nyiŋ jàà keì nyìnga.

Maŋ kèì nyɛɛnɛŋ 1:16

Wò kuwa wa maŋ ɗù nɔɔnɔŋ le tìyèe ko sìwè wɔŋ kùàŋ jìkauŋ nɔɔ̀ŋ, yèè e kòyà ɗùà maŋ nyààŋ tìyèe nauŋ fòlò ko nyààŋ. Wɔŋ dewàuŋ nɔɔ̀ŋ mɛɛŋ wa mààŋ e gɔɛɛ hàì ɗìò tɛɛ.

Maŋ kèì nyɛɛnɛŋ 13:5

Wo yilì kùùnoɔ̀ naŋ wa kɛ̀ɛ̀ maŋ nyòùngà e nyaàiŋ dè e gàaŋ wò kuwa wa lɛ̀, yèè wò naŋ kìɛ̀ŋ maŋ mìè ɓɛ̀ɛ̀pɔ̀ɔ e nyaàiŋ dè wo Dayà. Wo Dayà naŋ wa gè wo yilì kùùnoɔ̀ nyààŋ diɛŋ wèè wo kɛɛnɛ̀ŋ gààŋ wèè maŋ waà kpɛ̀ùŋ tìyèe jɛ̀wɛ̀ tìyèe.

Maŋ kèì nyɛɛnɛŋ 19:15

E kòyà ɗùà nɔ̀ɔŋ nauŋ wa fòlò ko nyààŋ. Tiŋ wò do nàŋ toomò wèè wo ɓùlà maŋ fuɔŋ màŋ. Wò do nyiŋ nàŋ kìlìè e kànà wɔŋ kùàŋ gaàŋ gbee diɛŋ, e kìlà wò do nàŋ kààìŋ maŋ gbɛ̀mɛ̀ɛ̀ŋ muaŋ màŋ sùà wɔŋ golo tììlà maŋ gbɛ̀mɛ̀ɛ̀ɔŋ sùà e nyaàiŋ dè e wùàŋ gbèè wo Kanaà Dàyà Gaàŋ Gbeeɔ̀.

Maŋ kèì nyɛɛnɛŋ 2:16

Weètii, kìlaìŋ niŋ fè maŋ jùumùiŋ màŋ jɛwɛ. Sèè nìŋ go niŋ nyɛ̀nɛ̀ŋ, mìŋ do nàŋ hnè ko nɛ̀ɛ̀iŋ niìŋ e teenga kpuu sùà, wèè ka sùmìàŋ anyùùŋ nyɛɛ̀ŋ e kòyà ɗùà maŋ nyààŋ tìyèeɛ̀ e yèɛ fòlòìm ko nyààŋ lɛ.”

Maŋ kèì nyɛɛnɛŋ 20:10

Wo Dɛwìɔ, wo yèɔ naŋ nyiŋ wa zuwò wɔ, wo Dayà nauŋ wa gbìɛ̀ŋ ko hmɔɔ̀ŋ kàànè sɔfɔ̀ sùà, ko yèi wo yilì kùùnoɔ̀ yàà wo wɛ̀ijì tòaà àŋ yaà wa naàŋ tɛ lɛ̀. Kuŋ àŋ do nàŋ nɔ̀ŋ e keì nyìnga sùà e dùùm yaà maŋ gɔɛɛ wèè julɔfɔ yèè julɔfɔ.