2Tɛsè 1:5 - WƆŊ FƐ̀Ì EBÒ SÌÀŊ DAYÀA

⁵ Tɛɛ̀ gbiŋ naŋ tɔɔ̀ kɛ̀ e kèì gbàì Dayà è yaà tɔ̀ɔ̀nyaàŋ wèètii wo Dayà doiŋ nàŋ jàà kùàŋ dìì wèè naŋ nɔ̀ŋ anyuùŋ kɛnɛ e kanauŋ nɛ̀ sùà, e yèɛ nìŋ yaà mɔɔnɛŋ weè niŋ lɛ̀.

2Tɛsè 1:5 ပူးပေါင်းရင်းမြစ်များ

Luù 20:35

kɛɛ anyuùŋ kpùuŋ nyàŋ wo Dayà do nàŋ jàà kùàŋ dìì wèè aŋ nɔ̀ŋ tɛ̀ɛ̀ aŋ wa nàwèè yèwà e fàaà dìì yèè aŋ nɔ̀ŋ wɔŋ nyiiŋ gèeo sùà nyaŋ, aŋ naàŋ kɔ̀ màŋ yɛ̀ɛ̀ ɔ̀ɔ̀ aŋ gbìàŋ màŋ yɛ̀ɛ̀ è teenga lii sùà.

Luù 21:36

Yɛ̀mɛìŋ nyɛ̀iŋ bi diɛŋ yèè niŋ dawè wo Dayà e teenga gbiŋ wo kiɛ̀iŋ e gààŋ wèè maŋ keì mɛɛ̀ŋ do yaà nàŋ kaaìŋ maŋ gbaàiŋ bòìbòì e kìlà miàim wo Jɔ̀àfèlàà Nyuùŋ Kpùnɔɔ̀ŋ nɔ̀ŋ ke jii fàa sùà weèiŋ.”

Nyɛ̀nɛ̀ŋ 13:46

Kɛɛ wo Pɔɔ̀ yaà wo Bànaŋɓà naŋ ngèè ɓɛìŋ gbòò maŋ jii nyingè sùà nyààŋ, “È yaà weè tɛ̀ɛ̀ wèè eiŋ gbòà ke mìè Dayàa ko nɛ̀ɛ̀iŋ niìŋ jiɛ̀. Kɛɛ nààŋ niŋ gò nyiŋ jàà kùàŋ dìì yèè niŋ gò ɓèmè nyɛ̀iŋ bi wèè naŋ nɔ̀ŋ anyuùŋ kɛnɛ wèè wɔŋ nyiiŋ gèe gò jùà lɛ̀, è yààìŋ jòà sùà eiŋ kìlà koɓɛ̀ anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 14:22

Àŋ naŋ wa kìɛ̀ŋ anyuùŋ hààwe nyàŋ maŋ jii nyingè yèè àŋ naŋ nyiŋ pɔwɔ̀ wèè aŋ jeèè tɔ̀ɔ̀nyaàŋ e hààwe nyiŋ nɛ̀ sùà. Àŋ naŋ nyiŋ woò nyààŋ, “È kuwa eiŋ kà e keì nyìnga zimgbe dìì pangàà è kɔ̀àìŋ e Kànà Dayàa sùà.”

Luùm 2:5

Kɛɛ nìŋ naŋ nyìngè maŋ jii e kìlà nìŋ naŋ gè maŋhɛɛ wèè naŋ fè maŋ tùwo naanààiŋ màŋ jɛwɛ naŋ kìlà koɓɛ̀ Dayài. Kòò nìŋ yaà tòòyà sùà e kèì nyìngà nyɛ̀iŋ biɛ̀ wèè ke ɗɔɔ yii wa nàwèè nààŋ wo Dayà do nàŋ tuù e kìlà wo gbàì anyùùŋ nyaŋ gbiŋ e ɗuunyaàŋ e tɔ̀ɔ̀nyaàŋ sùà.

Luùm 8:17

Nààŋ è yààìŋ aŋ jɔ̀à Dayà, è doiŋ nàŋ yɛ̀mɛ̀ e kpùùmaàŋ wò naŋ bànè hàa wèè anyunùuŋ nyàŋ lɛ. Yèè yàwi pɛɛ doiŋ nàŋ yɛ̀mɛ̀ e nɛ̀ɛŋ wo Dayà naŋ bànè hàa wèè Jisɛ̀ Kulaì, màànààŋ nɔŋ wò naŋ niŋ yɛmɛ̀ lɛ. Kɛɛ sɔɔ̀ eiŋ kà e mɔ̀ɔ̀nɛŋ dìì wèè e keì sìàŋ nyɛ̀nɛŋ màànààŋ wo Jisɛ̀ Kulaì naŋ niŋ kɔ̀ dìì lɛ, wèè kɛ̀ yàwi pɛɛ e yɛmɛ̀iŋ e jòòwo màànààŋ wò naŋ niŋ yɛmɛ̀ lɛ.

Ɛfesɔ̀ 4:1

Nààŋ miàim Pɔɔ̀, mìŋ yaà wo nyùùŋ màŋ keì wèè Kanaà lɛ, mìŋ yààìŋ pɔ̀wɔ sùà, nààŋ wo Dayà naiŋ nyààŋ wèè nauŋ haawè maŋ nyiiŋ gèeiŋ màŋ sùà lɛ.

Fèle 1:28

Kɛ̀ɛ̀nɛiŋ maŋ jii nyingè sèè nyɛ̀iŋ yèè aŋ jooiŋ nyàŋ nìŋ deenàŋ koɓɛ̀ guùŋ. Ke jii tùliaiŋ nɛɛ̀ŋ do nyiŋ nàŋ tɔɔ̀ kɛ̀ wo Dayà do nyiŋ nàŋ pɔɔpɔ̀ɔ̀, yèè kè doiŋ nàŋ tɔɔ̀ kɛ̀ wo Dayà doiŋ nàŋ joeyè. Wo Dayà do nàŋ nyɛ̀nɛ̀ŋ tɛɛ̀ gbiŋ e kaaìŋ.

1Tɛsè 2:14

Nyɛ̀iŋ nààŋ wùìya wi nyàŋ, e nɛ̀ŋ guùŋ nɛ naiŋ kaaìŋ lɛ tiŋ naŋ kààìŋ koɓɛ̀ ke gbòò anyuùŋ hààwe Dayà nyàŋ ko Jùdià, koɓɛ̀ anyùùŋ nyaŋ wo Jisɛ̀ Kulaì kanaŋ nyàŋ. Nìŋ naŋ mɔ̀ɔ̀nɛ̀ŋ maŋ mɔ̀ɔ̀nɛŋ guùŋ bi dìì anyùùŋ nyɛ̀iŋ bi nyàŋ sìwè, màànààŋ àŋ naŋ wa mɔɔnɛ̀ŋ e yìwìà aŋ Juùù nyaŋ sìwè lɛ,

2Tɛsè 1:11

Wèè esaɓù lɛɛ̀, è zoolà weèiŋ e teenga gbiŋ. È dawà wo Dayà wiɔ̀ wèè woiŋ nyɛ̀nɛ̀ŋ naŋ ɓɛnɛ̀ŋ wèè naŋ wɔŋ nyiiŋ gèeɔ̀ wò naiŋ nyààŋ wèè naŋ nɔ̀ŋ sùà wɔŋ. È dawà wèè e gààŋ Dayàa eiŋ kpuumàŋ naŋ nyɛ̀nɛ̀ŋ maŋ keì siaŋ sìàŋ maŋ gbiŋ nìŋ manaŋ naŋ nyɛ̀nɛ̀ŋ maŋ, yèè naŋ kpɛ̀ɛ̀yɛ̀ e tòmò hààweiŋ nɛ̀.

2Time 2:12

Sèè è naiŋ jèè kɔ̀ɔ̀yɛ̀ keì nyìnga dìì, yàwiiŋ nyiŋ doiŋ nàŋ nɔ̀ŋ e kana kɛ̀ɛ̀uŋ nɛ̀ sùà. Sèè euŋ gììyà maŋhɛɛ, wò do wi nàŋ gììyè maŋhɛɛ.

Maŋ kèì nyɛɛnɛŋ 15:4

Ɓòò nààŋ naum kìɛ̀ŋ ɓɛ̀ɛ̀jàa e kìlà wo jòòwò e deè mɔ̀ɛ̀, Kanaà? Ɓòò nàŋ do nàŋ gè maŋhɛɛ wèè wo dàànè ebò e gbee mɔ̀ɛ̀? Muàŋ guùŋ nàŋ yaà wo jè nɛɛmaàŋ. Anyùùŋ nyaŋ maŋ fuɔŋ màŋ gbiŋ sùà do nàŋ hnè yèè aum zoolò, esaɓù kɛ̀ àŋ yɛmɛ̀ maŋ kpèè tɔ̀ɔ̀nyaàum màŋ gbiŋ janjai.”

Maŋ kèì nyɛɛnɛŋ 16:7

Mìŋ naŋ kòmò ke mìè e yìwìà wɔŋ gbɛ̀gbɛ̀ zòòloɔ̀ kè naŋ woò wààŋ, “Tɔɔɓaa Kanaà Dàyà Gaàŋ Gbeeɔ̀, mùŋ yaà e tɔ̀ɔ̀nyaàŋ yèè mùŋ naŋ jilɛ̀ŋ e kiti hàa mɔ̀ɛ̀ sùà!”

Maŋ kèì nyɛɛnɛŋ 19:2

E kitiuŋ nɛ̀ yaà tɔ̀ɔ̀nyaàŋ yèè è naŋ jilɛ̀ŋ! Wò jèè wo nìe nyɛ̀nɛ̀ŋ hmɔ̀ŋtù dòmaŋ diɛɔ̀ŋ e keì, wo yèɔ yaà wa nyìnìè e kèì nàànààŋ ke yɛ̀ɛ̀ hmɔŋtu nyɛ̀nɛŋ e dììɛ diɛŋ wɔ̀. Wo Dayà nauŋ nimilà esaɓù kɛ̀ wò naŋ wa jìwè aŋ ɓɔìjɔ̀àuŋ nyàŋ.”

Maŋ kèì nyɛɛnɛŋ 3:4

Kɛɛ nyɛ̀iŋ nààŋ kpàkaiŋ ko Saɗì, kòò nìŋ sìè è hààweiŋ nɛ̀ ninaŋ è jùumù sùà. Nìŋ doim nàŋ kààìŋ maŋjɛ̀wɛ maŋ deè fùà sùà, esaɓù kɛ̀ nìŋ kuwa e tɔ̀ɔ̀nyaàŋ wèè naŋ niŋ nyɛ̀nɛ̀ŋ.