2Pììlɛ 3:4 - WƆŊ FƐ̀Ì EBÒ SÌÀŊ DAYÀA

⁴ yèè aiŋ dawè nyààŋ, “Wò naŋ wa ɓèmè e ɗààhiì wààŋ wò yaà hinie, wo gò yɛi wa woò? Kòò wò yaà? Aŋ nèwàènèwe wi nyàŋ naàŋ kpɛ̀ɛ̀yɛ̀ fàa tɛ. Kɛɛ maŋ keì maŋ gbiŋ kòò màŋ yaà nɔŋ e ɗèwè guùŋ nɛ màànààŋ nɔŋ è yaà wa e yìwìà ko tɔ̀ɔ̀tù bàànè e ɗuunyaàŋ.”

2Pììlɛ 3:4 ပူးပေါင်းရင်းမြစ်များ

Maafiù 16:27

Miàim wo Jɔ̀àfèlàà Nyuùŋ kpùnɔɔ̀ŋ do nàŋ hnè e teenga kpuu sùà e jòòwò Dèda miɔ̀ŋ yaà aŋ màikàuŋ nyàŋ sùà wèè ka kìɛ̀ŋ e jìwààjɛ̀wɛ̀ koɓɛ̀ anyùùŋ nyaŋ gbiŋ wèè maŋ keì maŋ àŋ naŋ nyɛ̀nɛ̀ŋ maŋ.

Maafiù 16:28

Miŋ woòiŋ e tɔɔɓaaà, aŋ nyùùŋ bà kòò àŋ yaà kià, yèè aŋ naàŋ fɔ̀ e jèèsùà aŋ yɛ̀mɛ̀ miàim wo Jɔ̀àfèlàà Nyuùŋ kpùnɔɔ̀ŋ ka hnàŋ e kana mɛ̀ sùà.”

Maafiù 24:28

Yèè wo Jisɛ̀ naŋ ɓɛìŋ woò wààŋ, “Koɓɛ̀i gbiŋ e dieɛ̀ nɔ̀ŋ lɛ, kuŋ aŋ gɔ̀ɔngɔ̀ɔŋ nyàŋ gbonàŋ koɓɛ̀ guùŋ. E ɗèwè guùŋ lɛɛ̀ sùà, sèè mùŋ yɛmɛ̀ maŋ keì mɛɛ̀ŋ màŋ nɔ̀ŋ kaaiŋ, gòngò kɛ̀ ko jùùyè ɗuunyaàŋ kò gbɛ̀ɛ̀.”

Maafiù 24:48

Kɛɛ sèè wo ɓɔìjɔ̀à kɛ̀ɛ̀nɛ̀ŋ ke kpèè naanààŋ wii wo wòò ke jiiuŋ nɛɛ̀ŋ sùà wààŋ, ‘Wo kààmɔɔŋ miɔ̀ŋ yaà dɔɔnɔŋ,’

Luù 12:45

Kɛɛ sèè wo ɓɔìjɔ̀à wii wo wòò ke jiiuŋ nɛɛ̀ŋ sùà wààŋ, ‘Wo kààmɔɔŋ miɔ̀ŋ yaà dɔɔnɔŋ wèè wo kɛ̀ɛ̀ maŋjɛ̀wɛ,’ yèè wo tɔ̀ɔ̀tù ɓùlà aŋ ɓɔìjɔ̀à dàwiuŋ nyàŋ, kpeiŋ wuŋ yaà anyùùŋ aŋ jènɛ̀ŋ yèè aŋ tìyà maŋ mùàŋ koɓɛ̀ guùŋ e jèèsùà maŋ mùàŋ maŋ mauŋ kùwà.

Nyɛ̀nɛ̀ŋ 7:60

Kpeiŋ wò naŋ dè maŋ gɛ̀ɛ̀ŋ nùuŋ màŋ dìì yèè wò naŋ kpààŋ ke miè gbeeo sùà wààŋ, “Kanaà! Ɓɔ̀ mùŋ kuwià nyiŋ màŋ jùumù mɛɛ̀ŋ!” Wò naŋ tɛɛ̀ woò yèè wò naŋ mìè nyiiŋ.

1Tɛsè 2:19

E gbiŋ sùà, sèè wo Kanaà Jisɛ̀ Kulaì hnàŋ wa nàwèè nyɛ̀iŋ nɔŋ nàŋ do wi nàŋ kìɛ̀ŋ ke jii tùlia yèè è do nàŋ nɔ̀ŋ ke ɓɔ̀ɗì e jòòwo ko nɛ̀ɛ̀ŋ wiì.

2Pììlɛ 3:12

Nààŋ nìŋ yaà fùlìè ke ɗɔ̀ɔ̀ Dayàa wèè ke haì lɛ, nyɛ̀nɛìŋ e yèɛ gbiŋ nìŋ naŋ ɓɛ̀nɛ̀ŋ nyɛ̀nɛŋ lɛ̀ wèè ke zumò hnàaŋ ke ɗɔɔɛ̀ maŋ àìjɛnɛ̀ŋ maŋ do nàŋ hèwè maŋ pɔɔpɔ̀ɔ̀, yèè e zùzù do nàŋ sàngèè manɛ̀ŋ sìàŋ sìàŋ àìjɛnɛ̀ŋ maŋ.

Maŋ kèì nyɛɛnɛŋ 3:14

Wò naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè anyuùŋ hààwe nyàŋ ko Làòdisià. “Ke miè gbìaàŋ kɛɛ̀ e yìwìà wo yèɔ àŋ nyaaŋ Àmiinàaŋ, wo nyuùŋ hààweɔ̀ yèè wo sèì tɔ̀ɔ̀nyaàaŋ, wo yèɔ yaà ko tɔɔtuì yèè saɓùuŋ nɛ̀ sùà wo Dayà naŋ wa bànè manɛ̀ŋ maŋ gbiŋ wɔ̀.