2Pììlɛ 3:17 - WƆŊ FƐ̀Ì EBÒ SÌÀŊ DAYÀA

¹⁷ Kɛɛ nyɛ̀iŋ nààŋ wùìyaim nyàŋ, nàŋ naàŋ tɛɛ̀ gbiŋ nyìmàŋ, yɛ̀mɛìŋ nyɛ̀iŋ bi diɛŋ. Wèè anyuùŋ gò nɔ̀ŋ màŋ sàwà dìì goiŋ nàŋ gè kè dòmaŋ siaŋ diɛŋ.

2Pììlɛ 3:17 ပူးပေါင်းရင်းမြစ်များ

Maafiù 16:11

Kòò nìŋ nyìmè nɔŋ kɛ̀ miŋ fèìŋ weè wòò è kèè è gbɔ̀u? Yɛ̀mɛìŋ nyɛ̀iŋ bi diɛŋ wèè e sòi jùwìà e gbɔ̀ù aŋ Fɛlosiì nyaŋ yèè aŋ Sadusiì nyaŋ.”

Maafiù 16:6

Wo Jisɛ̀ naŋ nyiŋ fè e gòo wààŋ, “Yɛ̀mɛìŋ nyɛ̀iŋ bi diɛŋ wèè e sòi jùwìà e gbɔ̀ù aŋ Fɛlosiì nyaŋ yaà e sòi jùwìà e gbɔ̀ù aŋ Sadusiì nyaŋ.”

Maafiù 7:15

“Yɛ̀mɛìŋ nyiŋ bi diɛŋ wèè aŋ wɛ̀ijì tòa nyàŋ. Àŋ hnàŋ yèè mùŋ yɛmɛ̀ nyìŋ ke fòolàa àŋ naŋ kpàà maŋ fɛ̀ì ɓaawaa sùà, kɛɛ tɔɔɓaa maŋ jii nyiŋ màŋ sùà àŋ yaà mààŋ aŋ yilì kùùno nyàŋ àŋ nyaaŋ nyààŋ aŋ pɔ̀ɔ̀wɛ̀i.

Jɔ̀ɔŋ 16:4

Mìŋ yààìŋ naàŋ tɛɛ̀ wòo sùà wèè naŋ niŋ jàà jii wèè kɛ̀ sèè è kaaìŋ wa nàwèè naŋ nyìmàŋ kɛ̀ kàiŋ niŋ wa woò. “Miŋ gòiŋ wa wòò màŋ keì mɛɛ̀ŋ kò tɔ̀ɔ̀tù è mɔ̀ɔ̀nɔŋ wilɛ̀, esaɓù kɛ̀ è yààìŋ wa koɓɛ̀ guùŋ.

Nyɛ̀nɛ̀ŋ 2:42

Àŋ naŋ wa jɔ̀ɔ̀lɔ̀ e yèɛ gbiŋ aŋ keela tàeɗùù nyaŋ naŋ nyiŋ kaà lɛ, e kìlà aŋ gbiŋ deenàŋ wa wèè aŋ zoolò koɓɛ̀ guùŋ e kìlà aŋ jììyà e nɛ̀ŋje koɓɛ̀ guùŋ.

Luùm 16:18

Anyùùŋ nyaŋ nyɛnɛŋ maŋ keì mɛɛ̀ŋ nyaŋ, aŋ gò kpɛɛ̀ŋ wèè aŋ tomo wèè wò Kana wiɔ̀ Jisɛ̀ Kulaì, àŋ naŋ nɔŋ kpɛɛ̀ŋ wèè nyiŋ bi. Maŋ mìè gbòa ɓuuyè nyiŋ màŋ zuwà anyuùŋ gò nyìmàŋ keì fèemàŋ nyaŋ.

1 Kɔliìŋ 10:12

Sèè nìŋ gongà kɛ̀ nìŋ sia tììŋ tììŋ, sɔɔ̀ naŋ yɛ̀mɛ̀ nyɛiŋ bi diɛŋ ɓɔ̀ nìŋ sɔ̀à.

1 Kɔliìŋ 15:58

Wèètii nyɛ̀iŋ nààŋ wùìyaim nyàŋ, sìeìŋ gbàùŋ gbàùŋ, yèè ɓɔ̀ nìŋ jèlà kpàkpà. Kùnoìŋ nɔŋ tòmo e teenga gbiŋ sùà wèè Kanaà, nààŋ nìŋ naŋ nyìmè tɛ kɛ̀ e nɛ̀ŋ gbiŋ nìŋ naŋ nyɛ̀nɛ̀ŋ e tòmò Kanaà sùà e fè nɔ̀ŋ wèè foo lɛ̀.

2 Kɔliìŋ 11:3

Kɛɛ e jùù yààìm kɔɔ kɛ̀ àŋ doum nàŋ zuwò, màànààŋ nɔŋ wo kaìɔ naŋ wa zùwò wo Màmaŋ Hàwa e tòa sùà lɛ. E jùù yààìm kɔɔ kɛ̀ mùŋ do nàŋ hùànè e gòngo sengèì mɔ̀ɛ̀ kùwie wèè e kèè Jisɛ̀ Kulaìɛ jɔ̀ɔ̀lɔ̀ dììɛ.

Gàla 5:4

Nyɛ̀iŋ nyàŋ nìŋ kamàŋ ɗewe wèè naŋ nɔ̀ŋ anyùùŋ tɔ̀ɔ̀nyaàŋ koɓɛ̀ Dayài esaɓù kɛ̀ nìŋ naŋ nyɛ̀nɛ̀ŋ e yèɛ ke Sàwàa naŋ woò lɛ, nàŋ gòò nyiìŋ bi wo Jisɛ̀ Kulaì kɔɔ. Yèè niŋ fè ɓɛìŋ e tɛ̀ɛ̀tɛ̀ɛ̀ Dayàa dìì.

Ɛfesɔ̀ 4:14

Kpeiŋ ɓɔ̀ è tomoiŋ ɓɛìŋ mààŋ àŋ jɔ̀à kaiŋ, ɓɔ̀ è nyimèèiŋ wèè ànyuùŋ tòa aŋ wi kaaɓì màŋ kàà tòa nyiŋ màŋ sùà, màŋ yè maŋ yaà mààŋ wɔŋ dùfòìɔ, duladùlà wì fàà maŋ gbiŋ wɔ̀ŋ.

Fèle 3:2

Yɛ̀mɛìŋ nyɛ̀iŋ bi diɛŋ, wèè anyùùŋ maŋ kpèè naanààŋ nyaŋ, aŋ yè nyaŋ tuwà mààŋ aŋ sùùŋ. Maŋ je nyiŋ tòmo màŋ naŋ yaà nɔŋ wèè aŋ jàà aŋ dàwi nyiŋ maŋ keì keekèè e nyaàiŋ dè nyuùŋ jàà kpùa.

Kòlo 2:5

Jòòpɛɛ ke kpùnaŋ miɛ̀ŋ fèìŋ è tɛɛ, kɛɛ mìŋ yààìŋ e tɛɛ wɔŋ nyììŋ jinàŋ miɔ̀ŋ sùà. Ke jii naim fɔ̀ wèè ka nyìmàŋ kɛ̀ kòò nìŋ yaà nyìnìè wɔŋ nyiiŋ gèeiŋ nɔɔ̀ŋ e ɗewe kiiɛ̀ è naŋ tɛɛwɛ̀ lɛ, yèè nìŋ naŋ kùwò e hààweiŋ nɛ̀ kpaŋ wo Jisɛ̀ Kulaì sùà wèè e nɔ̀ŋ e sɛmɛmaŋ niŋ.

Kòlo 2:8

Ɓɔ̀ nìŋ nyimèè wèè wò nyùùŋ gbiŋ doiŋ zuwò wèè naŋ nyɛ̀nɛ̀ŋ è nyaàntàaŋ màŋ keì zùwo màŋjɛ̀wɛ. Maŋ kàa mɛɛ̀ŋ yewe anyuùŋ kpùuŋ sìwè yaà wo sìèfèìŋ aŋ jinàŋ naanààŋ nyaŋ e ɗuunyaàŋ. E kàa kii foo bi gò yìwìà wo Jisɛ̀ Kulaì sìwè.

2Time 4:15

Yɛ̀mɛ̀ muàŋ bi diɛŋ e weèuŋ, e fèfoo wò naŋ gììyè ke mìè gbìaàŋ maŋhɛɛ e waasu sùà.

Hiɓu 3:14

Yàwi nààŋ gbiŋ è yààìŋ aŋ dàwi koɓɛ̀ Jisɛ̀ Kulaìi. Weètii kùwà wiìŋ koɓɛ̀ guùŋ kpaŋ ke jii tùlia sùa e nyaàiŋ dè e hààwe wilɛ̀ è kùwàìŋ wa lɛ̀ e jeèsùà e haì ko dìa.

1Pììlɛ 5:9

Nyìngaìŋ e hààweiŋ nɛ̀ sùà niŋ giiyàuŋ maŋhɛɛ, esaɓù nàŋ nyìmàŋ kɛ̀ ke gbòò aŋ wùìya nyàŋ e ɗuunyaàŋ gbiŋ sùà, àŋ yaà kɔ̀ɔ̀yɛ̀ maŋ kèì nyìngà guùŋ mɛɛ̀ŋ dìì.

2Pììlɛ 2:7

Wo Lɔɔ̀ wo yèɔ yaà wa wo nyùùŋ tɔ̀ɔ̀nyaàŋ wɔ, yèè wò yaà wa ke jii mɔ̀ɔ̀nɛŋ sùà wèè maŋ kpèè nàànààŋ anyuùŋ gò nɔ̀ŋ màŋ sàwà dìì nyaŋ wɔ̀, wo Dayà nauŋ wa joeyè.

2Pììlɛ 3:1

Nyɛ̀iŋ nààŋ dàwi mànaim nyàŋ, wɛɛ̀ŋ nàŋ yaà wɔŋ fɛi dìà tìyèeɔ̀ mìŋ naŋ sìngè ko nɛ̀ɛ̀iŋ niìŋ wɔŋ. Maŋ fɛ̀ì tìyèe mɛɛ̀ŋ sùà mìŋ naŋ fɛ̀ɛ̀ wèè kaiŋ sìà ke di sengèì maŋ gòngoiŋ màŋ sùà wèè naŋ jilɛ̀ŋ esaɓù kɛ̀ mìŋ naiŋ dè maŋ keì mɛɛ̀ŋ jii.

Maŋ kèì nyɛɛnɛŋ 2:5

Gòngoìŋ e kèè koɓɛ̀i nìŋ yaà wa paŋgàà nìŋ naŋ sɔ̀ɔ̀ lɛ. Kìlaìŋ koɓɛ̀ Dayài niŋ nyɛ̀nɛ̀ŋ e yèɛ nìŋ naŋ wa nyɛ̀nɛ̀ŋ jiɛ̀ lɛ. Sèè nìŋ go kìlà, mìŋ do nàŋ hnè ko nɛ̀ɛ̀iŋ niìŋ ka ɓèmè maŋ kuù sɛ̀ɛ̀ laumpòiŋ màŋ e yìwìà koɓɛ̀i màŋ jaa lɛ̀.