2Pììlɛ 3:16 - WƆŊ FƐ̀Ì EBÒ SÌÀŊ DAYÀA

¹⁶ Tɛɛ̀ wò naŋ wòò maŋ fɛi sìngauŋ màŋ gbiŋ sùà, sèè wò singe e ɓɛ̀ è ɗì keì. Maŋ keì nyìnga bà yaà maŋ fɛiuŋ màŋ sùà maŋ yè maŋ anyuùŋ gò nyìmàŋ nɛ̀ŋ, yèè aŋ fè jɛ̀ì kòɓɛ̀ guùŋ e kìlà àŋ gè e nɛ̀ŋ wòòuŋ nɛ̀ dao. Màànààŋ nɔŋ àŋ nyɛnɛŋ maŋ mìè gbòa màŋ bà miŋ sùà wɔŋ fɛ̀ì Dayàa sùà lɛ. Weètii àŋ hiàŋ maŋ keì pɔ̀ɔ̀pɔ̀ɔ̀ nyiŋ bi.

2Pììlɛ 3:16 ပူးပေါင်းရင်းမြစ်များ

Maafiù 15:3

Wo Jisɛ̀ naŋ nyiŋ woò wààŋ, “Wèè kiìŋ nìŋ giiyà maŋ Sàwà Dayà maŋ maŋhɛɛ yèè nìŋ dè e langiiŋ nɛ̀ maŋjɛ̀wɛ?

Maafiù 15:6

Nààŋ e fè tɛ̀ɛ̀ wèè aŋ jɔ̀ɔ̀lɔ̀ àŋ dèda nyiŋ nyàŋ dìì. E ɗewe kii lɛɛ̀ nìŋ naŋ yaà kàà anyùùŋ nyaŋ lɛ̀, è pɔ̀ɔ̀pɔ̀ɔ̀ e nɛ̀ɛŋ ke mìè Dayàa naŋ woò lɛ, wèè niŋ dè e làŋgì nyɛ̀iŋ biɛ̀ maŋjɛ̀wɛ.

Maafiù 22:29

Wo Jisɛ̀ naŋ nyiŋ fasàì wààŋ, “Diè nìŋ naŋ yɛi ɓà ke dòmàŋ tɔ̀ɔ̀nyaàŋ le! Esaɓùɛ nàŋ yaà kɛ̀ niŋ nyimààŋ è sìngaà wɔŋ fɛ̀ì Dayàa sùà ɔ̀ɔ̀ e gààŋ Dayàa.

Fèle 3:19

Àŋ do nàŋ kɔ̀ ko jàhamaŋ, esaɓù kɛ̀ maŋ keì nyɛ̀nɛŋ nyiŋ màŋ maŋ kpùnaŋ nyiŋ màŋ sùà nàŋ yaà aŋ dayà nyiŋ nyàŋ. Àŋ joowà nyiŋ bi e sangè nyiŋ nɛ̀ sùà, nààŋ àŋ gongà nɔŋ e kèè manɛ̀ŋ maŋ e ɗuunyaŋ lɛɛ̀ sùà.

Hiɓu 5:11

È zimgbe niŋ yaào wèè e weè nɔ̀ŋ wòo niŋ e nyaàiŋ dè keì lɛɛ̀, kɛɛ è naŋ nyìngè wòo, esaɓù kɛ̀ nìŋ naŋ gbɔ̀mgbɔ̀ɔ̀ maŋ jii wèè naŋ nyìmàŋ e nɛ̀ŋ.

1Pììlɛ 1:1

E yìwìà miàim Pììlɛ sìwè, wo yèɔ yaà wo keela tàeɗùù wèè Jisɛ̀ Kulaì wɔ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nyaŋ wo Dayà naŋ tàeɗùù wèè aŋ nɔ̀ŋ anyunùuŋ nyàŋ, yèè àŋ naŋ nɔ̀ŋ aŋ nyùnèènyɛiŋ àŋ naŋ ɓààyè maŋ kpàlàùŋ kpàlàùŋ maŋ gbiŋ sùà nyaŋ e yìwìà ko Pɔuŋtɔ̀, Gàlatìà, Kàpàdosìà, Eesìà, yèè ko Bɛ̀tenìà.

1Pììlɛ 2:8

Yèè wɔŋ fɛ̀ì Dayàa koɓɛ̀ bà naŋ ɓɛìŋ woò wààŋ, “Kɛɛ̀ nàŋ yaà ke dùòɛ do nàŋ nyɛ̀nɛ̀ŋ anyùùŋ aŋ duonò, ke dùòɛ do nyiŋ nàŋ nyɛ̀nɛ̀ŋ aŋ sɔ̀à lɛ.” Àŋ do nàŋ duonò esaɓù kɛ̀ aŋ gò hààwe kè mìèɛ, kiŋ zà nàŋ yaà wa e kèè jìì Dayàa e weè nyiŋ.

2Pììlɛ 2:1

E gɔuo sùà aŋ wɛ̀ijì tòa naŋ wa hnè anyùùŋ nyaŋ e tɛɛ, yèè e ɗèwè guùŋ bi sùà aŋ kààmɔɔŋ tòa doiŋ nàŋ hnè e tɛɛ. Àŋ do nàŋ hìɛ̀ŋ e kàa gɔ̀àgɔ̀à keì sùà, e kàa gò kùwìè tɔ̀ɔ̀nyaàŋ, yèè àŋ do nàŋ gììyè wo Kɛ̀ɛ̀nɛŋ nyiŋ nɔɔ̀ŋ naŋ nyiŋ bilɛ̀ŋ wɔ maŋhɛɛ, kɛ̀ àŋ hìàŋ e fàa fòòno nyiŋ bi diɛ̀ŋ.

2Pììlɛ 2:14

E gòngo nyiŋ nɛ̀ gbiŋ yaà nɔŋ wèè e hmɔŋtu nyɛ̀nɛŋ koɓɛ̀ aŋ jàwè aŋ bà nyaŋ, yaà aŋ fànààŋ bà nyaŋ, e wùànàŋ maŋ kèì jùumù nyɛ̀nɛŋ nyiŋ nɛ̀ fè jùà. Ànyuùŋ gò nyìngà sùà nyaŋ àŋ gbìɛ̀ŋ nyiìŋ maŋ gbàò keì sùà. Maŋ jii nyiŋ màŋ naŋ gbèè e kèèo nyààŋ nyɛ̀nɛ̀ŋ. Àŋ yaà e gbòònò Dayàa dìì.

2Pììlɛ 3:14

E wèètii nyɛ̀iŋ nààŋ wùìyaim nyàŋ, nààŋ nìŋ yaà fùlìè ke ɗɔɔ bi, nyɛ̀nɛìŋ e yèɛ gbiŋ nìŋ naŋ ɓɛnɛ̀ŋ lɛ wèè niŋ zɛ̀nɛ̀ŋ, yèè e tɔ̀mɛ ɓɔ̀ è nɔ̀iŋ fɛ̀ɛ̀fèìŋ Dayà, e kìlà naŋ nɔ̀ŋ jii fàa sùà koɓɛ̀ Dayài.

2Pììlɛ 3:2

Mìŋ manaŋ naŋ jàà jii e nyaàiŋ dè maŋ mìè maŋ aŋ wɛ̀ijì nɛɛmaŋ nyàŋ naŋ wa gbòò e gɔuo sùà maŋ yaà maŋ miè gbìaŋ màŋ e yìwìà wo Kanaà yèè wo Nyuùŋ Jòèyeɔ̀ sìwè maŋ yè maŋ aŋ keela tàeɗùùiŋ nyaŋ naiŋ wa fè maŋ.

Juù 1:4

Anyuùŋ gò nyìmàŋ Dayà nyaŋ, aŋ bà nyiŋ àŋ kɔ̀ɛ̀ kùàŋ dìì àŋ wi sɛ̀ɛ̀ e tɛɛ ke gbùnu sùà e gòiŋ nyìmàŋ, aŋ yè nyaŋ yaà pɔ̀ɔ sùà ke miè gbìaàŋ nyaàiŋ dè e tɛ̀ɛ̀tɛ̀ɛ̀ Dayà wiɔ̀ nyaŋ, wèè kàìsa aŋ yɛmɛ̀ ke kàfaì wèè maŋ kpèè naanààŋ nyiŋ màŋ, aŋ yè nyaŋ naŋ gè wo Jisɛ̀ Kulaì wo kɛ̀ɛ̀nɛŋ yèè wo Kana wiɔ̀ kùàŋ dìì nyaŋ. E gɔuo sùà, wɔŋ fɛ̀ì Dayàa wa kpɛ̀ɛ̀yɛ̀ wòò e kèì e kitiɛ̀ wo Dayà naŋ nyiŋ hèè diɛŋ lɛ̀.