2Pììlɛ 3:15 - WƆŊ FƐ̀Ì EBÒ SÌÀŊ DAYÀA

¹⁵ Ɓɔ̀ nìŋ nyɛɛnɛ̀ŋ kɛ̀ wo Kanaà yaà kùwa sùà kè jii esaɓù kɛ̀ wò manaŋ wo nyùùŋ gbiŋ yɛ̀mɛ̀ e jòèye, màànààŋ nɔŋ wo wùìya mànaŋ wiɔ̀ Pɔɔ̀ naŋ sìngè ko nɛ̀ɛ̀iŋ niìŋ, wò naŋ tòòmò e jiikɛ̀ɛɛ̀ wo Dayà nauŋ fè lɛ.

2Pììlɛ 3:15 ပူးပေါင်းရင်းမြစ်များ

Luù 21:15

esaɓù kɛ̀ mìŋ doiŋ nàŋ kìɛ̀ŋ maŋ mìè gbòa miiŋ yaà e jiikɛ̀ɛ lii, wèè kɛ̀ aŋ jooiŋ nyàŋ bà gbiŋ naàìŋ gììyè màŋhɛɛ ɔ̀ɔ̀ aŋ naàŋ woò nyààŋ niŋ naŋ wòò è keì nàànààŋ.

Nyɛ̀nɛ̀ŋ 15:25

Weètii è naiŋ deenè yèè è naiŋ ɗewè wèè eiŋ tà anyùùŋ bà e ɗùù wèè aŋ hnàŋ ko nɛ̀ɛ̀iŋ niìŋ e kpùlìà aŋ dàwi siaŋ wi nyàŋ Bànaŋɓà yèè wo Pɔɔ̀.

Nyɛ̀nɛ̀ŋ 7:10

yèè wò nauŋ joeyè e kìlà wouŋ kìɛ̀ŋ keì sìàŋ maŋ keì nyìngauŋ màŋ sùà. E teengaà wo Jòòsɛ naŋ fòlò kanaà Fɛɛlɔ̀ fɛɛ̀feìŋ wèè wɔŋ fùɔ̀ŋ Ijèɔ, wo Dayà nauŋ wa kìɛ̀ŋ e jiikɛ̀ɛ yèè ke kpèè siaŋ, yèè wo kanaà naŋ nyɛ̀nɛ̀ŋ wo Jòòsɛ wo ɓɛ̀màŋɗìɔ wèè wɔŋ fùɔ̀ŋ Ijèɔ gbiŋ yèè ke sààŋ kanauŋ nɛɛ̀ŋ.

Nyɛ̀nɛ̀ŋ 9:17

Wo Ananaayà naŋ kɔ̀ yèè wò naŋ jɔ̀ ko saaìŋ wo Sɔɔ̀ yaà wa lɛ̀, yèè wò nauŋ gbùwò maŋ kuàuŋ màŋ diɛŋ wò nauŋ woò wààŋ, “Wùìya miɔ̀ŋ Sɔɔ̀, wo Kanaà Jisɛ̀ naim tùɔ̀ŋ ko nɛ̀ɛ̀ŋ muìŋ, wo nyùùŋ gunɔ̀ɔŋ naum fòlò feìŋ ko dòmaìŋ nààŋ mùŋ yaà weè kià hinie lɛ̀. Wò naim tùɔ̀ŋ wèè maŋ ɓɛìŋ yɛ̀mɛ̀ dìì yèè wèè wo Jìnàŋ Nɛɛmaàŋ woum sɛ̀ɛ̀ ko sùà.”

Luùm 2:4

Tɔɔɓaa ɓɔ̀ nìŋ woò nààŋ wò Dayà yaà nyìnìè e keì sìàŋ gbee weè wi, weètii e kuwàìŋ èsaɓù bà wèè eiŋ fè màŋ tùwo naanààŋ wi màŋ jɛwɛ. Nyìmaìŋ kɛ̀ wo Dayà yààìŋ nyinie tɛ̀ɛ̀ e kìlà wò yààìŋ tɔ̀ɔ̀ sùà e mànaŋ, wèè woiŋ kìɛ̀ŋ jii nyingè naŋ fè maŋ tùwo naanààiŋ màŋ jɛwɛ yèè naŋ kìlà ko nɛ̀ɛ̀uŋ niìŋ.

1 Kɔliìŋ 12:8

Wo Jinàaŋ kiɛ̀ŋ wo nyùùŋ guùŋ ke miè gbìàŋ e gòngo sengèì, wo Jìnàŋ gunɔ̀ɔŋ wo kìɛ̀ŋ wo nyùnɔ̀ɔŋ bàa ke miè gbìaŋ dìà e jììkɛ̀ɛ̀ nyìmaŋ.

1 Kɔliìŋ 2:13

Wèètii, e fèiŋ gbòà màŋ mìè maŋ è jììkɛ̀ɛ̀ nyuùŋkpùuŋ kaà nyùùŋ maŋ, sɔɔ̀ maŋ mìè gbòa màŋ wo Jìnàŋ Dayàa kaà wì maŋ, nààŋ è nɔ̀ìŋ kpìnìè maŋ tɔ̀ɔ̀nyaàŋ maŋ wo Jinàaŋ sùà koɓɛ̀ anyùùŋ nyaŋ kuwa wo Jìnàŋ Dayàa nyàŋ.

1 Kɔliìŋ 3:10

E yìwìà e keì sìàaŋ Dayà naim kiɛ̀ŋ lɛ, mìŋ naŋ niŋ toomò yèè mìŋ naŋ nyɛ̀nɛ̀ŋ e tòmò wo kààmɔ̀ɔ̀ŋ e nyɛ̀lɛ, mìŋ naŋ tɔ̀ɔ̀tù ke saaŋ nyɛ̀lɛ, yèè wo nyùuŋ bà kòò wò yaà nyiìŋ nyilie. Wo nyùùŋ gbiŋ yɛ̀mɛ̀ muàŋ bi diɛŋ wèè e ɗeweɛ̀ mùŋ nyɛlɛ lɛ̀.

Ɛfesɔ̀ 3:3

Wo Dayà naim tɔ̀ɔ̀ e ɗèweuŋ nɛ̀ wèè ke gbùnuuŋ nɛɛ̀ŋ. Yèè wèè esaɓù lɛɛ̀ mìŋ naŋ sìngè tòloò wèè e nyaàiŋ dè e keì bi.

1Time 1:16

kɛɛ wo Dayà naim wa tɔ̀ɔ̀ ke nyowo, e wèè wo Jisɛ̀ Kulaì tɔɔ̀ ke jii tɔumtɔ̀ùm nɛɛ̀ŋ, nààŋ maŋ jùumùim maŋ naŋ nìè maŋ jè anyuùŋ gbànaŋ nyàŋ gbiŋ lɛ̀, wèè ka nɔ̀ŋ e tɔ̀ɔ̀màŋseì koɓɛ̀ anyùùŋ nyaŋ douŋ nàŋ sìè e hààwe sùà nyaŋ yèè aŋ kɛɛnɛ̀ŋ wɔŋ nyiiŋ gèe gò jùà.

Jìiiŋ 1:5

Sèè nyɛ̀iŋ nyɛɛ̀ŋ bà gbiŋ niŋ gò kùwìè è jiikɛ̀ɛ, wo dawè Dayà, wuŋ nàŋ kiɛ̀ŋ nyùùŋ kpùuŋ gbiŋ sengei e yìwìà ke jii fauŋ nɛɛ̀ŋ diɛŋ.

Jìiiŋ 3:17

Kɛɛ e jiikɛ̀ɛɛ̀ yewe wo Dayà sìwè lɛ e jiɛ̀jiɛ̀ɛ nàŋ yaà, è yaà sengei yèè è manaŋ ke jii fàa, è kuwìà nyùùŋ le siwè sìàŋ, è kuwa mɔ̀ɔ̀nɔŋ, è naŋ dìè ke nyowo yèè è hiàŋ maŋ tùwo siaŋ sìàŋ, e fè nyangè yèè e gò gbɛ̀ɛ̀ è kàaɓì kɔɔ.

1Pììlɛ 3:20

Aŋ jinàŋ nyɛɛ̀ŋ nàŋ yaà wa aŋ jìnàŋ anyùùŋ nyaŋ gò wa jɔ̀ɔ̀lɔ̀ Dayà dìì nààŋ wò naŋ wa kùwò ke jii wò yaà nyiìŋ fòla sùà e teengaà wo Nòa yaà wa bàne sùà wɔŋ meeèɔ lɛ̀. Anyùùŋ nɔɔnɔŋ lè taai nɔŋ naŋ wa jɔ̀ wɔŋ meeèɔ sùà, yèè nyiŋ nɔŋ naŋ wa jòèyè e yìwìà e wuiyè jòwaà sùà.

2Pììlɛ 3:2

Mìŋ manaŋ naŋ jàà jii e nyaàiŋ dè maŋ mìè maŋ aŋ wɛ̀ijì nɛɛmaŋ nyàŋ naŋ wa gbòò e gɔuo sùà maŋ yaà maŋ miè gbìaŋ màŋ e yìwìà wo Kanaà yèè wo Nyuùŋ Jòèyeɔ̀ sìwè maŋ yè maŋ aŋ keela tàeɗùùiŋ nyaŋ naiŋ wa fè maŋ.

2Pììlɛ 3:9

Wo Kanaà fè dɔɔnɔ̀ŋ wèè wo nyɛ̀nɛ̀ŋ è nɛ̀ɛŋ wò naŋ ɓèmè ɗààhiì wèè wo nyɛ̀nɛ̀ŋ lɛ, màànààŋ ànyùuŋ bà gongà lɛ. Kɛɛ wò kuwo jii weèiŋ esaɓù kɛ̀ wo manàŋ wèè wò nyùùŋ gbiŋ fà. Kɛɛ wò manaŋ nyùùŋ gbiŋ fè maŋ tùwo naanààuŋ màŋ jɛwɛ.