2Pììlɛ 3:14 - WƆŊ FƐ̀Ì EBÒ SÌÀŊ DAYÀA

¹⁴ E wèètii nyɛ̀iŋ nààŋ wùìyaim nyàŋ, nààŋ nìŋ yaà fùlìè ke ɗɔɔ bi, nyɛ̀nɛìŋ e yèɛ gbiŋ nìŋ naŋ ɓɛnɛ̀ŋ lɛ wèè niŋ zɛ̀nɛ̀ŋ, yèè e tɔ̀mɛ ɓɔ̀ è nɔ̀iŋ fɛ̀ɛ̀fèìŋ Dayà, e kìlà naŋ nɔ̀ŋ jii fàa sùà koɓɛ̀ Dayài.

2Pììlɛ 3:14 ပူးပေါင်းရင်းမြစ်များ

Maafiù 24:26

“Sèè wo nyùùŋ woiŋ woò wààŋ kɛ̀, ‘Yɛ̀mɛìŋ, wo Kulaìɔ kòò wò yaà ke fòùngà e diì wòaà diɛŋ,’ ɓɔ̀ nìŋ kao! Ɔ̀ɔ̀ wo woò wààŋ, ‘Yɛ̀mɛìŋ, kòò wò yaà ko nyɛɛnɛŋ ko zɔ̀nù yaà’, ɓɔ̀ nìŋ haawè niŋ.

Maafiù 25:7

Aŋ jɔ̀ùŋ jɔ̀à bɛ̀ɛ̀ zììyà nyaŋ naŋ kɛɛyɛ̀ yèè àŋ naŋ jòòwò maŋ laumpò nyiŋ màŋ.

Luù 12:43

E zɔlɔ̀ do nàŋ nɔ̀ŋ wo ɓɔìjɔ̀à wii sèè wo kààmɔɔuŋ nɔɔ̀ŋ wò hnàŋ wouŋ mɛɛ̀ŋ wò yaà nyìnìè e tòmouŋ nɛ̀ ko gbooì.

Luù 2:29

“Kanaà, màŋ nyɛ̀nɛ̀ŋ e yèɛ mùŋ naŋ wa woò lɛ, tɔ̀ wo ɓɔìjɔ̀à mɔɔ̀ŋ wo fɔɔyɛ̀ naàŋ ke jii fàa sùà.

1 Kɔliìŋ 1:8

E kìlà wò doiŋ nàŋ yɛ̀mɛ̀ diɛŋ wo nyɛ̀nɛ̀ŋ naŋ nyìngà sùà e jèèsùà naŋ hàì ko dìaì, e wèè e tɔ̀mɛ goiŋ nàŋ nɔ̀ŋ kè ɗɔ̀ɔ̀ è hnàŋ Kanaà Jisɛ̀ Kulaìɛ diɛŋ.

1 Kɔliìŋ 15:58

Wèètii nyɛ̀iŋ nààŋ wùìyaim nyàŋ, sìeìŋ gbàùŋ gbàùŋ, yèè ɓɔ̀ nìŋ jèlà kpàkpà. Kùnoìŋ nɔŋ tòmo e teenga gbiŋ sùà wèè Kanaà, nààŋ nìŋ naŋ nyìmè tɛ kɛ̀ e nɛ̀ŋ gbiŋ nìŋ naŋ nyɛ̀nɛ̀ŋ e tòmò Kanaà sùà e fè nɔ̀ŋ wèè foo lɛ̀.

Fèle 1:10

wèè kɛ̀ nìŋ naŋ ɓɛ̀nɛ̀ŋ tùàŋ maŋ nɔnɔŋ wèè naŋ nyimèè kɛ̀ kiìŋ nàŋ yaà e nɛ̀ŋ kɛnɛ. Tɛɛ̀ do nàŋ nyɛ̀nɛ̀ŋ naŋ nɔ̀ŋ sengei e kìlà e keì gbiŋ e naàìŋ nɔ̀ŋ ke ɗɔɔɛ̀ wo Jisɛ̀ Kulaì do nàŋ hnè lɛ.

Fèle 2:15

wèè kɛ̀ nìŋ naŋ ɓɛ̀nɛ̀ŋ nɔ̀ŋ aŋ jɔ̀à gò kɛ̀ɛ̀nɛ̀ŋ tɔ̀mɛ nyàŋ, aŋ yè nyaŋ e keì gò jeè nyaŋ wèè wo Dayà. Nìŋ joà anyùùŋ e tɛɛ e ɗuunyaàŋ aŋ yè nyaŋ naŋ dìè kàaɓì yaà maŋ keì naanààŋ. Kàmeìŋ ɗewe niŋ mɛ̀ɛ̀ŋ mààŋ e gbòlòùŋ maŋ ɗu ke nyiliɛ̀,

Fèle 3:20

Kɛɛ yàwi, è yààìŋ anyùùŋ ko àìjɛnɛ̀ŋ, yèè è fòlòìŋ wo Nyuùŋ Jòèye wiɔ̀, wo Kanaà Jisɛ̀ Kulaì, e wànàŋ gbee sùà wèè wo hnàŋ e yìwìà ko àìjɛnɛ̀ŋ.

1Tɛsè 3:13

E ɗewe mààŋ tɛɛ̀ sùà, tɔɔɓaa wò do nàŋ sìè maŋ jiiiŋ màŋ gààŋ, e tɔ̀mɛ naìŋ nɔ̀ŋ yèè nìŋ do nàŋ nɔ̀ŋ anyuùŋ nɛɛmaŋ ko fɛ̀ɛ̀fèìŋ Dayà wiɔ̀ wo Dèdaà e teengaà wo Kana wiɔ̀ Jisɛ̀ yaà anyùùŋ nɛɛmaŋ nyàn gbiŋ wò kanaŋ nyàŋ àŋ hnàŋ.

1Tɛsè 5:23

Tɔ̀ wo Dayàa naŋ wi fè jii fàa wɔ̀ wo nyɛ̀nɛ̀iŋ niŋ nɔ̀ŋ e nɛɛmaŋ sùà dòmaŋ nyaaŋ gbiŋ, yèè wo haà saɓù e tɔ̀mɛ gbiŋ ɓɔ̀ è nɔ̀ŋ è kpùnuiŋ nɛ̀, wò jinàiŋ nɔɔ̀ŋ, yaà kè kpùnaiŋ nɛɛ̀ŋ è teengaà wò Kana wiɔ̀ Jisɛ̀ Kulaì hnàŋ wa nàwèè lɛ.

1Time 6:14

wèè naŋ jɔ̀ɔ̀lɔ̀ maŋ mìè gbòa mɛɛ̀ŋ dìì, yèè maŋ miŋ sìà e hààwe zɛ̀nɛŋ gò kɛ̀ɛ̀nɛ̀ŋ è tɔ̀mɛ sùà, e jèèsùà ke Ɗɔɔɛ̀ wo kana wiɔ̀ Jisɛ̀ Kulaì do nàŋ hnè yɛ.

Hiɓu 9:28

E ɗèwè guùŋ nɛ sùà wo Dayà naŋ wa kìɛ̀ŋ wo Jisɛ̀ Kulaì e sùà guùŋ kpò wèè wo nɔ̀ŋ e nɛ̀ŋ saaà, yèè wò naŋ fɔ̀ e sùà guùŋ kpò wèè wo gùà maŋ jùùmù anyuùŋ zimgbe. Kɛɛ sèè wò hnàŋ ɓɛìŋ, e naàŋ ɓɛìŋ nɔ̀ŋ wèè wo gùà màŋ jùumù. Wò do nàŋ hnè wèè wo jòèyè anyùùŋ nyaŋ gbiŋ yàaùŋ fulie nyàŋ.

Jìiiŋ 1:27

Wo Dayà wo Dèda wiɔ̀, wo nyùnɔ̀ɔŋ wò naŋ jàà kùàŋ dìì wèè wo nɔ̀ŋ wo nyuùŋ zòòlò tɔ̀ɔ̀nyaàŋ wɔ, yèè wò yaà zɛ̀nɛuŋ e tɔ̀mɛ fèeùŋ wɔ̀, mɛɛ̀ŋ nàŋ yaà maŋ keì maŋ wò kuwa wo nyɛ̀nɛ̀ŋ maŋ, wèè wo kìɛ̀ŋ e kpùùmaŋ koɓɛ̀ aŋ jɔ̀à è dàà nyaŋ yaà aŋ jɔ̀ùŋnèèdàà nyaŋ, e teengaà àŋ yaà e keì nyìnga nyiŋ nɛ̀ sùà lɛ, e kìlà wo yɛmɛ̀ wuŋ bi diɛŋ wèè wo go nàŋ nyɛ̀nɛ̀ŋ màŋ keì nàànààŋ ɗuunyaŋ màŋ.

1Pììlɛ 1:7

Esaɓù miŋ nɛ̀ nàŋ yaà wèè e tɔɔ̀ kɛ̀ e hààweiŋ nɛ̀ è yaà e hààwe kɛnɛ. E gòoòɛ pɛɛ, e yèɛ è pɔ̀ɔ lɛ, àŋ tùɔ̀ŋ niìŋ maŋ nɔnɔŋ ko hmɔ̀ɔ̀ŋ. Weètii e hààweiŋ nɛ̀, e yèɛ kuwa e zùlù zimgbe e nìàŋ e gòoò lɛ, tiŋ pɛɛ sɔɔ̀ aŋ niŋ tùàŋ màŋ nɔnɔŋ wèè e hààwe bi kà feìŋ. Kpeiŋ kɛ̀ nàŋ yɛ̀mɛ̀ e tɛ̀nɛŋ yèè e dɛ̀ɛ̀kɛ yaà e jòòwo ke ɗɔɔɛ̀ wo Jisɛ̀ Kulaì hnàŋ wa nàwèè lɛ.

2Pììlɛ 3:1

Nyɛ̀iŋ nààŋ dàwi mànaim nyàŋ, wɛɛ̀ŋ nàŋ yaà wɔŋ fɛi dìà tìyèeɔ̀ mìŋ naŋ sìngè ko nɛ̀ɛ̀iŋ niìŋ wɔŋ. Maŋ fɛ̀ì tìyèe mɛɛ̀ŋ sùà mìŋ naŋ fɛ̀ɛ̀ wèè kaiŋ sìà ke di sengèì maŋ gòngoiŋ màŋ sùà wèè naŋ jilɛ̀ŋ esaɓù kɛ̀ mìŋ naiŋ dè maŋ keì mɛɛ̀ŋ jii.

2Pììlɛ 3:16

Tɛɛ̀ wò naŋ wòò maŋ fɛi sìngauŋ màŋ gbiŋ sùà, sèè wò singe e ɓɛ̀ è ɗì keì. Maŋ keì nyìnga bà yaà maŋ fɛiuŋ màŋ sùà maŋ yè maŋ anyuùŋ gò nyìmàŋ nɛ̀ŋ, yèè aŋ fè jɛ̀ì kòɓɛ̀ guùŋ e kìlà àŋ gè e nɛ̀ŋ wòòuŋ nɛ̀ dao. Màànààŋ nɔŋ àŋ nyɛnɛŋ maŋ mìè gbòa màŋ bà miŋ sùà wɔŋ fɛ̀ì Dayàa sùà lɛ. Weètii àŋ hiàŋ maŋ keì pɔ̀ɔ̀pɔ̀ɔ̀ nyiŋ bi.

1Jɔ̀ɔŋ 3:3

Wo nyùnɔ̀ɔŋ gbiŋ kuwa ke jii tùlia yɛɛ̀ wo Jisɛ̀ Kulaì sùà wɔ, wò nyɛnɛŋ wuŋ bi sengei màànààŋ wo Jisɛ̀ wuŋ bi yaà sengei lɛ̀.