2Pììlɛ 2:9 - WƆŊ FƐ̀Ì EBÒ SÌÀŊ DAYÀA

⁹ Kɛɛ wo Kanaà nyìmàŋ e ɗeweɛ̀ wò joeyà anyùùŋ Dayà nyaŋ maŋ keì nyìnga nyiŋ màŋ sùà lɛ, yèè wo kùwìè anyuùŋ gò nyìmàŋ Dayà nyaŋ e ngàìnɓu dìì wèè ke ɗɔ̀ɔ̀ gbài kitiɛ̀ diɛŋ wa nàwèè,

2Pììlɛ 2:9 ပူးပေါင်းရင်းမြစ်များ

Maafiù 10:15

Miŋ woòiŋ e tɔɔɓaaà kɛ̀, wo Dayà do wa nàwèè nàŋ tɔ̀ɔ̀ ke nyowo gbee koɓɛ̀ anyùùŋ nyaŋ ko Sɔdɔ̀ùŋ yèè Gòmolà, ke ɗɔɔɛ̀ wò do wa nàwèè nàŋ gbàì anyùùŋ nyaŋ gbiŋ lɛ̀ e nìàŋ anyùùŋ nyaŋ e dìì lii diɛŋ.

Maafiù 6:13

Ɓɔ̀ mùŋ koà wi è wàa nyìnga dìì, kɛɛ yɛ̀mɛ̀ wi diɛŋ e yìwìà koɓɛ̀ wo Nyùùŋ kɛ̀ɛ̀nɛ̀ŋ ke Kpèè Naanààaŋ. Esaɓù kɛ̀ muàŋ nàŋ kanaŋ e kanaà, yèè e gààaŋ, yèè e jòòwoɛ̀ wèè julɔfɔ. Àmiinàŋ.’

Luùm 2:5

Kɛɛ nìŋ naŋ nyìngè maŋ jii e kìlà nìŋ naŋ gè maŋhɛɛ wèè naŋ fè maŋ tùwo naanààiŋ màŋ jɛwɛ naŋ kìlà koɓɛ̀ Dayài. Kòò nìŋ yaà tòòyà sùà e kèì nyìngà nyɛ̀iŋ biɛ̀ wèè ke ɗɔɔ yii wa nàwèè nààŋ wo Dayà do nàŋ tuù e kìlà wo gbàì anyùùŋ nyaŋ gbiŋ e ɗuunyaàŋ e tɔ̀ɔ̀nyaàŋ sùà.

1 Kɔliìŋ 10:13

E wàa gbiŋ mùŋ naŋ jàà jii kɛ̀ mùŋ naŋ kɔ̀ dìì lɛ, tii nàŋ yaà e wàa ziìɛ è hnàŋ wa koɓɛ̀ nyùùŋ gbiŋ lɛ̀. Kɛɛ wo Dayà yɛmɛ̀ e ɗààhiìuŋ nɛ̀ diɛŋ, yèè wo naàŋ dangè wèè è jɛwɛ̀ gɛ̀ɛ̀ɛ nìnyaum è yèɛ mùŋ fè ɓɛnɛ̀ŋ lɛ eum hnàŋ feìŋ. Wò doum nàŋ kìɛ̀ŋ e gààaŋ wèè maŋ niŋ kà dìì, yèè woum tɔ̀ɔ̀ ke dòmaŋ wèè maŋ niŋ fòlà sùà.

2Time 3:12

Wo nyùnɔ̀ɔŋ gbiŋ manaŋ wèè wo nɔ̀ŋ wo nyùùŋ tɔ̀ɔ̀nyaàŋ yèè wo bàuŋbà wo Jisɛ̀ Kulaì sùà wɔ, wò do nàŋ kùwò e nìmìlà e yìwìà anyuùŋ joo sìwè.

Taitɔ̀ 2:14

Wò naŋ fè wuŋ bi wèè yàwi, yèè wo naŋ wi bilɛ̀ŋ e yìwìà maŋ keì naanààŋ gbiŋ sùà, e kìlà wò naŋ wi nyɛ̀nɛ̀ŋ eiŋ nɔ̀ŋ anyuùŋ zɛ̀nɛŋ, aŋ yè nyaŋ wuŋ guùŋ kpò kanaŋ yèè àŋ naŋ haamìŋ wèè e keì sìàŋ nyɛ̀nɛŋ nyàŋ.

2Pììlɛ 2:4

Wo Dayà gò wa yɛ̀mɛ̀ àŋ màikà nyaŋ naŋ wa sɛ̀ɛ̀ màŋ jùumù sùà nyaŋ kè nyowo, kɛɛ wò naŋ nyiŋ gbìɛ̀ŋ ko jàhamaŋ, ko yèi àŋ naŋ nyiŋ sìè maŋ pela ke nyìwìɛ sùà, àŋ yaà fùlìè ke ɗɔ̀ɔ̀ gbài kitiɛ̀ ke hnàŋ.

2Pììlɛ 3:7

Kɛɛ ke mìè gbòà guùŋ yii wo Dayà naŋ yɛi wa gbòò le, naŋ kìlìè maŋ àìjɛnɛ̀ŋ maŋ yèè e dìì lɛɛ̀ nàaŋ kùàŋ feìŋ wèè e hmɔ̀ɔ̀ŋ go miŋ nàŋ pɔɔpɔ̀ɔ̀, e jèèsùà ke ɗɔ̀ɔ̀ gbài kitiɛ̀ diɛŋ wo Dayà wo gbàì anyuùŋ gò nyìmàŋ Dayà nyaŋ e kìlà wo nyiŋ sìà e hmɔ̀ɔ̀ŋ wa nàwèè.

Juù 1:6

Jàaìŋ e kèì aŋ màikà nyaŋ jii aŋ yè nyaŋ gò wa jɛ̀ì màŋ toomo nyiŋ màŋ wo Dayà naŋ nyiŋ wa jàà maŋ, kpeiŋ àŋ naŋ yèwè maŋ toomo nyiŋ màŋ yèè àŋ naŋ gììyè maŋ gbòò nyiiŋ bi màŋ kɛ̀ɛ. E wèètii wo Dayà naŋ nyiŋ wa dìkìè maŋ jɔ̀ɔɔ wèè fɔfɔ̀fɔ, ke nyiwì kpùɛ dìì ko yèi wo Dayà naŋ nyiŋ gbìɛ̀ŋ wèè aŋ fòlà ke ɗɔ̀ɔ̀ kiti hàaà lɛ, e kìlà wo Dayà do nyiŋ wa nàwèè nàŋ pɔ̀ɔ̀ɓɛ̀ɛ.

Maŋ kèì nyɛɛnɛŋ 3:10

Nààŋ nìŋ naŋ jɔ̀ɔ̀lɔ̀ ke mìè gbòa miɛ̀ŋ dìì e hàì ko dìaì lɛ, miàŋ pɛɛ mìŋ doiŋ nàŋ joeyè e tèèngà e keì nyìngaà yaà hìnìè e ɗuunyaàŋ diɛŋ lɛ̀, wèè e nɔ̀ŋ e wàa wèè anyùùŋ nyaŋ gbiŋ e dììɛ diɛŋ.