2Pììlɛ 2:21 - WƆŊ FƐ̀Ì EBÒ SÌÀŊ DAYÀA

²¹ È hewa weè nàŋ nɔ̀ŋ tɛ̀ɛ̀ e wèè kɛ̀ ɓɔ̀ àŋ nyìmàŋ kè dòmàŋ tɔ̀ɔ̀nyaàaŋ, e wèè aŋ niŋ nyìmàŋ kpeiŋ aŋ fè ke sàwà nɛɛmaàŋ jɛwɛ ke yèɛ wo Dayà naŋ kiɛ̀ŋ lɛ̀.

2Pììlɛ 2:21 ပူးပေါင်းရင်းမြစ်များ

Maafiù 21:32

Mìŋ woàìŋ tɛɛ̀ esaɓù kɛ̀, jòòpɛɛ e teengaà wo Jɔ̀ɔŋ Gùà Nyùnɔ̀ɔŋ naiŋ wa tɔ̀ɔ̀ ke dòmaŋ tɔ̀ɔ̀nyaàŋ lɛ̀, niŋ gòuŋ wa haawè. Kɛɛ anyuùŋ kùwà nɛ̀ɛ̀nɛ̀ŋ fuɔɔ̀ŋ yaà anyuùŋ nyɛ̀nɛ̀ŋ maŋ yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nauŋ wa haawè. Yèè nààŋ pɛɛ nìŋ naŋ wa yɛ̀mɛ̀ e yèɛ àŋ nyɛ̀nɛ̀ŋ lɛ̀, maŋ jiiŋ màŋ gò wa kìlà wèè nauŋ haawè.”

Luù 12:47

“Wo ɓɔìjɔ̀àa wo yèɔ naŋ nyìmè e yèɛ wo kààmɔɔuŋ nɔɔ̀ŋ manaŋ wo nyɛ̀nɛ̀ŋ lɛ, kɛɛ wo gò bànèbànè wuŋ bi wèè wo niŋ nyɛ̀nɛ̀ŋ, àŋ douŋ nàŋ ɓùlò sɛmɛ.

Jɔ̀ɔŋ 15:22

Sèè mìŋ go wa weè hnàŋ wèè ka gbòà ko nɛ̀ɛ̀ŋ nyiŋ niìŋ, e keì naàŋ nyiŋ weè jeèè wèè màŋ jùumù nyiŋ màŋ. Kɛɛ aŋ kuwà ɓɛìŋ kè kàfaì wèè màŋ jùumù nyiŋ màŋ.

Jɔ̀ɔŋ 9:41

Wo Jisɛ̀ naŋ nyiŋ fasàì wààŋ, “Sèè nìŋ nɔ̀ŋ weè anyuùŋ zììlè le fɛ̀ɛ̀, e keì naàìŋ weè jeè wèè màŋ jùumù maŋ nìŋ naŋ nyɛ̀nɛ̀ŋ maŋ. Kɛɛ nààŋ nìŋ naŋ woò nààŋ nìŋ yɛmɛ̀ dìì lɛ, nìŋ do nàŋ nɔ̀ŋ anyuùŋ jèè keì wèè maŋ jùumùiŋ màŋ.”

Luùm 7:12

Kpeiŋ kɛ̀, ke sàwàa yaà nɛɛmaŋ esaɓù kɛ̀ kè yewe koɓɛ̀ Dayài, yèè maŋ mìè go nyiŋ màŋ yaà nɛɛmaŋ e fèfoo miiŋ pɛɛ màŋ yewe koɓɛ̀ Dayài, esaɓù kɛ̀ màŋ yaà tɔ̀ɔ̀nyaàŋ, e kìlà màŋ yaà tɛ̀ɛ̀.

Gàla 6:2

Sèè nìŋ naŋ kìɛ̀ŋ wɔŋ kùàŋ kpùùmaŋ aŋ dàwiiŋ nyàŋ, kɛ̀ nàŋ jɔ̀ɔ̀lɔ̀ ke sàwà Jisɛ̀ Kulaìɛ dìì.

1Tɛsè 4:2

Nàŋ nyìmàŋ manɛ̀ŋ nyɛ̀nɛŋ màŋ è naiŋ fè wèè naŋ nyɛ̀nɛ̀ŋ e yìwìà e gààŋ Kanaà Jisɛ̀ɛ sùà lɛ.

1Time 6:14

wèè naŋ jɔ̀ɔ̀lɔ̀ maŋ mìè gbòa mɛɛ̀ŋ dìì, yèè maŋ miŋ sìà e hààwe zɛ̀nɛŋ gò kɛ̀ɛ̀nɛ̀ŋ è tɔ̀mɛ sùà, e jèèsùà ke Ɗɔɔɛ̀ wo kana wiɔ̀ Jisɛ̀ Kulaì do nàŋ hnè yɛ.

Hiɓu 10:26

E saaà gèe bà gbiŋ fè wèè e gùà màŋ jùumù wi màŋ, sèè è naiŋ ɗewè wèè eiŋ nɔ̀ŋ nyìnìè maŋ kèì jùumù keleiŋ, jòòpɛɛ èiŋ nyìmàŋ e tɔ̀ɔ̀nyaàŋ.

Jìiiŋ 4:17

Wèètii wo nyùnɔ̀ɔŋ gbiŋ naŋ nyìmè e keì sìàaŋ wò nyɛnɛŋ lɛ̀ yèè wo gò niŋ nyɛ̀nɛ̀ŋ wɔ è yaà e jùumù ko nɛ̀ɛ̀uŋ niìŋ.

2Pììlɛ 3:2

Mìŋ manaŋ naŋ jàà jii e nyaàiŋ dè maŋ mìè maŋ aŋ wɛ̀ijì nɛɛmaŋ nyàŋ naŋ wa gbòò e gɔuo sùà maŋ yaà maŋ miè gbìaŋ màŋ e yìwìà wo Kanaà yèè wo Nyuùŋ Jòèyeɔ̀ sìwè maŋ yè maŋ aŋ keela tàeɗùùiŋ nyaŋ naiŋ wa fè maŋ.

Juù 1:3

Nyɛiŋ nààŋ dàwi mànaim nyàŋ, tɔɔɓaa mìŋ yaà wa zoolo sɛmɛ e wànàŋ gbee sùà wèè ka sìngà ko nɛ̀ɛ̀iŋ niìŋ e nyaàiŋ dè e jòèyè nɛɛmaàŋ è naiŋ gòònò e fèemàŋ lɛ. Kɛɛ sɔɔ̀ ka sìngà kaiŋ dawè wèè naŋ dè e hààwe bi gòlò jɛwɛ e yèɛ wo Dayà naŋ kìɛ̀ŋ anyunùuŋ nyàŋ yèè e bà gbiŋ gò jòò jɛ̀wɛ̀ lɛ.