2Pììlɛ 2:2 - WƆŊ FƐ̀Ì EBÒ SÌÀŊ DAYÀA

² Anyuùŋ zimgbe do nàŋ dè maŋ kpèè naanààŋ nyiŋ màŋ maŋjɛ̀wɛ, e nɔ̀ŋ saɓù anyùùŋ kùùnò gbòà maŋ mìè ɓɛ̀ɛ̀pɔ̀ɔ nyaàiŋ dè ke dòmàŋ tɔ̀ɔ̀nyaàŋ.

2Pììlɛ 2:2 ပူးပေါင်းရင်းမြစ်များ

Maafiù 22:16

Kpeiŋ àŋ naŋ tùɔ̀ŋ anyùùŋ màŋjɛ̀wɛ̀ aŋ Fɛlosiì nyaŋ bà yèè anyùùŋ bà e yìwìà e Kànà Hɛɛlɔ̀ɛ dìì wèè auŋ dawè nyààŋ, “Kààmɔɔŋ, è nyìmàŋ kɛ̀ mùŋ naŋ jeè, yèè muŋ woà wo nyùùŋ gbiŋ e tɔɔɓaaà ke dòmàŋ Dayàa diɛŋ, muŋ fè dùàŋ è gòngò kìì nyuùŋkpùuŋ nɛ̀, esaɓù kɛ̀ muŋ fè jàà kè jii mɔɛ̀ŋ è nɔ̀ŋ kìì nyùùŋ gbiŋ màŋjɛ̀wɛ.

Maafiù 24:24

Esaɓù aŋ wɛ̀ijì tòa yèè aŋ kulaì tòa do nàŋ hnè nyààŋ nyiŋ nàŋ yaà wo Kulaìɔ yèè aŋ kèèlà Dayà nyaŋ. Àŋ do nàŋ hnè aŋ nyɛ̀nɛ̀ŋ maŋ kèè mèè e kìlà aŋ tɔ̀ɔ̀ maŋ tɔ̀ɔ̀màŋsèì keì wèè kàìsa aŋ zuwò aŋ nyùùŋ nyaŋ wo Dayà naŋ tàeɗùù nyaŋ, sèè àŋ ɓɛnɛ̀ŋ.

Maafiù 7:14

Kɛɛ ke dòmaàŋ kɔ̀à koɓɛ̀ wɔŋ gbàngì wɔŋ nyiiŋ gèe gò jùàa yɛ̀ naŋ suulìì yèè kè naŋ nyìngè kàaiŋ. Anyuùŋ kpàka nɔŋ nàŋ yɛmɛ̀ nyìŋ.

Jɔ̀ɔŋ 14:6

Wo Jisɛ̀ naŋ fasàì wààŋ, “Miàŋ nàŋ yaà ke dòmaàŋ, e tɔ̀ɔ̀nyaàaŋ yaà wɔŋ nyiiŋ gèeɔ̀. Wo nyùùŋ gbiŋ fè ɓɛ̀nɛ̀ŋ hnàŋ kòɓɛ̀ wò Dèdaì, sɔɔ̀ nɔŋ woim kɔ̀ɛ̀ɛ̀ kùàŋ sùà.

Nyɛ̀nɛ̀ŋ 13:10

yèè wò nauŋ woò wààŋ, “Muàum jɔ̀àfèlàà Dɛwìɔ! Mùŋ yaà wo jooɔ̀ wèè e keì jìlɛŋ gbiŋ. Mùŋ naŋ dìè kàaɓì ɗewe gbiŋ, yèè kòò mùŋ yaà kààmè ɗewe e teenga gbiŋ wèè maŋ kìlà e tɔ̀ɔ̀nyààŋ Kanaà koɓɛ̀ e tòa!

Nyɛ̀nɛ̀ŋ 14:2

Kɛɛ aŋ Juùù nyaŋ yè nyaŋ kuwà wa e hààwe wò Kanaà Jisɛ̀ sùà nyaŋ naŋ wa nyɛ̀ŋɛ̀ŋ anyùùŋ nyaŋ fè àŋ Juùù nyaŋ aŋ kɛ̀ɛ̀nɛ̀ŋ maŋ jii fiiì wèè anyuùŋ hààwe nyàŋ.

Nyɛ̀nɛ̀ŋ 16:17

Wo jɔùŋjɔaà naŋ dè yàwi nààŋ Pɔɔ̀ maŋjɛ̀wɛ, wò yaà kpàaŋ sùà wààŋ, “Anyùùŋ nyɛɛ̀ŋ àŋ yaà aŋ ɓɔìjɔ̀à wèè wo Dàyà Gaàŋ Gbeeɔ̀! Àŋ yààìŋ woo kɛ̀ diè nìŋ naŋ ɓɛ̀nɛ̀ŋ nɔ̀ŋ jòèyeiŋ.”

Nyɛ̀nɛ̀ŋ 18:26

Wo Àpolò naŋ tɔ̀ɔ̀tù gbòa janyai ko sààŋ zòòlò aŋ Juùù nyaŋ. Kɛɛ nààŋ wo Pɛ̀silià yèè wo Àkuilà nauŋ kumiè, àŋ nauŋ ɓemè auŋ kòà ko gboo nyiŋ noo yèè àŋ nauŋ kaà wèè wo nyìmàŋ e làngì Dayàa tɛ̀ɛ̀.

Nyɛ̀nɛ̀ŋ 19:9

Kɛɛ aŋ bà nyiŋ naŋ wa nyìngè maŋ nùŋ yèè aŋ naŋ wa gè maŋhɛɛ wèè aŋ niŋ haawè. Àŋ hewa wòò maŋ keì naanààŋ anyùùŋ nyaŋ fɛɛ̀feìŋ e nyaàiŋ dè ke Dòmàŋ Kanaà Jisɛ̀. Wo Pɔɔ̀ naŋ nyiŋ wa jòò yèè wò naŋ ɓèmè anyùùŋ màŋjɛ̀wɛ̀ Jisɛ̀ nyaŋ yèè aŋ naŋ kɔ̀ ko zɛ̀mɛ̀ɛ̀ŋ gbèè Talanùi ko yèi wò hewa gbòà ko nɛ̀ɛ̀ŋ nyiŋ niìŋ ke ɗɔɔ gbiŋ lɛ̀. Ko zɛmɛɛŋ bì kuŋ wo Talanù hewa gbòà koɓɛ̀ anyunùuŋ nyàŋ.

Nyɛ̀nɛ̀ŋ 22:4

Mìŋ hewa nìmìlà anyùùŋ ebɛ̀ŋ e fàa diɛŋ koɓɛ̀ anyùùŋ nyaŋ gbiŋ hewa dè ke Dòmàŋ Kanaà diɛŋ nyàŋ. Mìŋ hewa kùwà jɔùŋ yèè felaa e kìlà ka nyiŋ gbìàŋ ko sààŋ nyìwì.

Nyɛ̀nɛ̀ŋ 24:14

Kà nyimèè kɛ̀ aŋ màmàŋkùmɛŋ nyiŋ nyàŋ gongà kɛ̀ ke Dòmàŋ Kanaà mìŋ naŋ dè maŋjɛ̀wɛ yɛ̀ ke fè kè dòmaŋ kɛnɛɛ̀. Kɛɛ wo Dàyà gunɔ̀ɔŋ nɔŋ aŋ nèwàènèweim nyàŋ zoolà wɔ̀ wuŋ nɔŋ mìŋ zoolà. Mìŋ naŋ hààwè e yèɛ gbiŋ yaà sìnga niŋ maŋ Sàwà maŋ wo Dayà naŋ wa kìɛ̀ŋ wo Mòòze màŋ sùà yèè e yèɛ aŋ wɛ̀ijì nyaŋ naŋ woò lɛ.

Luùm 2:24

Wɔŋ fɛ̀ì Dayàa naŋ woò wààŋ, “Esàɓù nyɛ̀iŋ nààŋ Juùù nyaŋ sùà, anyùùŋ nyaŋ fè àŋ Juùù nyaŋ gboo maŋ mìè ɓɛ̀ɛ̀pɔ̀ɔ koɓɛ̀ Dayài.”

1Time 5:14

Weètii mìŋ do naŋ mɔ̀nɔ̀ŋ aŋ jɔ̀ùnèèdàà bɔwɔ nyàŋ aŋ gè aŋ felaa, aŋ kòmàŋ aŋ jɔ̀à, yèè aŋ yɛ̀mɛ̀ maŋ kpoo nyiŋ màŋ diɛŋ, wèè aŋ go nàŋ kìɛ̀ŋ àŋ joo wi nyàŋ e ɗeweɛ̀ wèè àŋ do wòò màŋ keì naanààŋ è weè wi.

Taitɔ̀ 2:5

e kìlà aŋ nyìmàŋ e ɗèwè nyiŋ bi yɛ̀mɛ̀ diɛŋ yèè aŋ zɛ̀nɛ̀ŋ. Aŋ nɔ̀ŋ aŋ jɔ̀ùŋ maŋ kpèè siaŋ maŋ gboo nyiŋ màŋ sùà aŋ yè nyaŋ jɔɔlɔ̀ aŋ faiŋ nyiŋ nyàŋ dìì wèè wo nyùùŋ gbiŋ go nàŋ wòò keì naanààŋ è nyaàiŋ dè kè miè gbìaàŋ yewe Dayà sìwè yɛ.

Taitɔ̀ 2:8

Tòòmoò maŋ mìè gbòa sengèì maŋ yè maŋ wo nyùùŋ gbiŋ fè ɓɛ̀nɛ̀ŋ gè màŋ pɛɗì lɛ, wèè e sàngè kùwà aŋ jooum nyàŋ, esaɓù kɛ̀ aŋ kuwà è keì bà gbiŋ wèè aŋ woò fàà è naanààŋ sùà è weè wi.

1Pììlɛ 2:12

Maŋ keì kààŋ kiiŋ màŋ anyuùŋ gò hààwè Dayà nyaŋ e fèemàŋ, maŋ nɔ̀ŋ tɛ̀ɛ̀ kaiŋ. Wèè sèè pɛɛ aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, aŋ yɛmɛ̀ maŋ kpèè siaŋ sìàiŋ màŋ aŋ tɛnɛ̀ŋ Dayà ke ɗɔɔɛ̀ wò hiàŋ e jààme ko nɛ̀ɛ̀ŋ wiì lɛ̀.

2Pììlɛ 2:12

Aŋ kààmɔ̀ɔ̀ŋ tòa nyɛɛ̀ŋ yaà mààŋ aŋ yìlì ɓie gò kùwìè jiikɛ̀ɛ. Aŋ fè jàà keì jii. Àŋ kòmò nyiìŋ nɔ̀ŋ wèè anyuùŋ kpùuŋ aŋ nyiŋ jìwà. Àŋ fè maŋ mìè ɓɛ̀ɛ̀pɔ̀ɔ koɓɛ̀ e keì gbiŋ e yèɛ aŋ nyimààŋ keì bà wèè nyaàiŋ dè keì bi lɛ̀. Kɛɛ maŋ kpèè nàànààŋ nyiŋ bi màŋ do nyiŋ nàŋ jìwè.

2Pììlɛ 2:15

Àŋ jòà ke dòmaŋ jìlɛɛ̀ŋ àŋ go, àŋ dè ke dòmaàŋ wo kèèlà Dayàa Bàlaàŋ wo jɔ̀àfèlàà Biɔ̀ɔ naŋ ɓemè yɛ, wo yèɔ manaŋ e nɛɛnɛɛ̀ŋ wò gè ke nyɛ̀nɛ̀ŋ kàaɓì sùà lɛ.

2Pììlɛ 2:18

Maŋ nyaàŋ gbeegbèè zùwo foo màŋ àŋ gboo màŋ, àŋ toomàŋ maŋ kpèè nàànààŋ kɔɔ nyiŋ màŋ wèè aŋ kùwà anyùùŋ nyaŋ maŋ gbaù sùà aŋ yè nyaŋ naŋ nɔŋ tɔ̀ɔ̀tù fòlà anyùùŋ nyaŋ yaà maŋ keì ɓàa dìì nyaŋ e tɛɛ.

2Pììlɛ 2:21

È hewa weè nàŋ nɔ̀ŋ tɛ̀ɛ̀ e wèè kɛ̀ ɓɔ̀ àŋ nyìmàŋ kè dòmàŋ tɔ̀ɔ̀nyaàaŋ, e wèè aŋ niŋ nyìmàŋ kpeiŋ aŋ fè ke sàwà nɛɛmaàŋ jɛwɛ ke yèɛ wo Dayà naŋ kiɛ̀ŋ lɛ̀.

2Pììlɛ 2:7

Wo Lɔɔ̀ wo yèɔ yaà wa wo nyùùŋ tɔ̀ɔ̀nyaàŋ wɔ, yèè wò yaà wa ke jii mɔ̀ɔ̀nɛŋ sùà wèè maŋ kpèè nàànààŋ anyuùŋ gò nɔ̀ŋ màŋ sàwà dìì nyaŋ wɔ̀, wo Dayà nauŋ wa joeyè.

Juù 1:10

Kɛɛ anyùùŋ nyɛɛ̀ŋ àŋ diɛ̀ŋ e nɛ̀ŋ gbiŋ e yèɛ fè nyiŋ dìkà jiikɛ̀ɛ lɛ̀, e kpùlìà manɛ̀ŋ maŋ àŋ kuwa jiikɛ̀ɛ weè miŋ màŋ, àŋ yaà mààŋ aŋ yìlì, yèè manɛ̀ŋ guùŋ miiŋ nàŋ jìwè nyiìŋ.

Juù 1:15

wèè wo hàà kiti anyùùŋ nyaŋ gbiŋ diɛŋ. Wò do nàŋ ngàìnɓù anyuùŋ gò nyìmàŋ Dayà nyaŋ gbiŋ wèè maŋ jùumù maŋ gbiŋ àŋ naŋ wa dè nyɛ̀nɛŋ màŋ e kpùlìà maŋ mìè gbòà ɓɛ̀ɛ̀pɔ̀ɔ naanààŋ maŋ kinɛiŋ àŋ naŋ wa dè gbòa maŋ nyiiŋ gè nyiŋ màŋ sùà maŋ e nyaàiŋ euŋ dè.”

Juù 1:4

Anyuùŋ gò nyìmàŋ Dayà nyaŋ, aŋ bà nyiŋ àŋ kɔ̀ɛ̀ kùàŋ dìì àŋ wi sɛ̀ɛ̀ e tɛɛ ke gbùnu sùà e gòiŋ nyìmàŋ, aŋ yè nyaŋ yaà pɔ̀ɔ sùà ke miè gbìaàŋ nyaàiŋ dè e tɛ̀ɛ̀tɛ̀ɛ̀ Dayà wiɔ̀ nyaŋ, wèè kàìsa aŋ yɛmɛ̀ ke kàfaì wèè maŋ kpèè naanààŋ nyiŋ màŋ, aŋ yè nyaŋ naŋ gè wo Jisɛ̀ Kulaì wo kɛ̀ɛ̀nɛŋ yèè wo Kana wiɔ̀ kùàŋ dìì nyaŋ. E gɔuo sùà, wɔŋ fɛ̀ì Dayàa wa kpɛ̀ɛ̀yɛ̀ wòò e kèì e kitiɛ̀ wo Dayà naŋ nyiŋ hèè diɛŋ lɛ̀.

Juù 1:7

Jàaìŋ ko Sɔdɔ̀ùŋ yaà ko Gòmolà jii, yèè maŋ jawa gbɛ̀ɛ̀ kɔɔ miŋ màŋ. Anyùùŋ bi naŋ wa nyɛ̀nɛ̀ŋ mààŋ aŋ màikà nyaŋ naŋ wa nyɛ̀nɛ̀ŋ lɛ. Àŋ naŋ wa tòòmò maŋ kpùnaŋ nyiŋ màŋ wèè maŋ kèì nàànààŋ ke yɛ̀ɛ̀ hmɔtu kà tinàŋ gbiŋ nyìniaŋ. Àŋ naŋ kɔ̀ e nìmìlà kèì nyìngà e hmɔɔ̀ŋ kùwa dìì wèè nyiiŋ gèe gò jùà julɔfɔ, wèè e nɔ̀ŋ e gòo sengèì wèè anyùùŋ nyaŋ gbiŋ.

Maŋ kèì nyɛɛnɛŋ 12:9

Wo Dayà naŋ wa gbìɛ̀ŋ wo kaì gbeeɔ̀ ko jɔɔlèi e yìwìà ko àìjɛnɛ̀ŋ. Wò naŋ wa gè wo kaì gɔugɔ̀ù wii wo yèɔ àŋ nyaaŋ wo Dɛwìɔ, ɔ̀ɔ̀ Sɛ̀tanàŋ, ko àìjɛnɛ̀ŋ. Wuŋ naŋ zuwò anyùùŋ fuɔŋ nyàŋ gbiŋ e ɗuunyaàŋ. Àŋ nauŋ wa tùɔ̀ŋ e dììɛ diɛŋ yaà aŋ màikàuŋ nyàŋ.

Maŋ kèì nyɛɛnɛŋ 13:14

Wo yilì kùùno dìà tìyèeɔ naŋ zùwò anyùùŋ e dììɛ diɛŋ nààŋ wo Dayà nauŋ gè nyààŋ diɛŋ wèè wò nyɛ̀nɛ̀ŋ maŋ kèè mèè ko fɛ̀ɛ̀fèìŋ wo yilì kùùno jiɛ̀jiɛ̀ɔ. Wo yilì kùùnoɔ̀ naŋ wòò anyùùŋ nyaŋ wààŋ kɛ̀, aŋ banè wo dayà joo wo yèɔ naŋ tèènè wo yilì kùùnoɔ̀ àŋ naŋ wa nyɛ̀mɛ̀ŋ, e kìlà wò yaà nɔŋ wɔŋ nyiiŋ gèeɔ̀ sùà wɔ.

Maŋ kèì nyɛɛnɛŋ 13:8

Anyùùŋ nyaŋ gbiŋ e ɗuunyaàŋ douŋ nàŋ zoolò, eɓìèmàŋjɛ̀wɛ̀ aŋ yè nyaŋ maŋ deè nyiŋ màŋ yaà sìnga miŋ wɔŋ fɛ̀ì anyuùŋ gè nyiiŋ nyàŋ sùà paŋgàà e ɗuunyaàŋ naŋ wa nɔ̀ŋ bàne niŋ lɛ̀. Anyùùŋ bi àŋ yaà aŋ bà nyiŋ bà wèè wo Ɓaawaaà àŋ naŋ wa jìwè wɔ.