2Pììlɛ 2:13 - WƆŊ FƐ̀Ì EBÒ SÌÀŊ DAYÀA

¹³ Àŋ naŋ jàà e nànàŋ yèè e nànàŋ nàŋ do nyiŋ nàŋ mɛɛ̀ŋ wèè e jìwààjɛ̀wɛ̀ nyiŋ nɛ̀. E je nyiŋ gbanaà nàŋ yaà wèè aŋ nyɛ̀nɛ̀ŋ maŋ kèì kàaɓì gbiŋ maŋ gɔɛ janyai maŋ yè maŋ do nàŋ fɔ̀ɔ̀yɛ̀ e kɔɔ nyiŋ nɛ̀ jii lɛ̀. È yaà e sàngè yèè e ɓɛ̀ɛ̀pɔ̀ɔ nààŋ nyɛ̀iŋ nyiŋ nìŋ jiiyà nɛ̀ŋ koɓɛ̀ guùŋ, e teenga gbiŋ ko jììkà maŋ tùwò kàaɓì nyiŋ màŋ.

2Pììlɛ 2:13 ပူးပေါင်းရင်းမြစ်များ

Luùm 13:13

Tùwo wiìŋ tɛ̀ɛ̀, màànààŋ anyùùŋ nyaŋ nyɛnɛŋ wɔŋ niìsìaà sùà lɛ. Ɓɔ̀ è nɔ̀iŋ nɔŋ màaŋ sùà wèè è gbana nyɛ̀nɛŋ ɔ̀ɔ̀ màŋ muàŋ tìa yèè màŋ yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nyɛ̀nɛŋ. Ɓɔ̀ è nyɛ̀nɛ̀iŋ nyaàŋ tàaŋ ɔ̀ɔ̀ eiŋ gììyà aŋ dàwi wi nyàŋ koo.

Ɛfesɔ̀ 5:27

Wò naŋ yɛi nyɛ̀nɛ̀ŋ wèè wo kɛɛnɛ̀ŋ ke gbòò anyuùŋ hààwe nyàŋ e jòòwo yèè e nɛɛmaŋ sùà, wèè ɓɔ̀ kè kuwìè lè fee ɔ̀ɔ̀ è tɔ̀mɛ bà gbiŋ.

Fèle 3:19

Àŋ do nàŋ kɔ̀ ko jàhamaŋ, esaɓù kɛ̀ maŋ keì nyɛ̀nɛŋ nyiŋ màŋ maŋ kpùnaŋ nyiŋ màŋ sùà nàŋ yaà aŋ dayà nyiŋ nyàŋ. Àŋ joowà nyiŋ bi e sangè nyiŋ nɛ̀ sùà, nààŋ àŋ gongà nɔŋ e kèè manɛ̀ŋ maŋ e ɗuunyaŋ lɛɛ̀ sùà.

2Time 4:14

Wo zòòbuuɔ̀ Àlèzanàŋ naim wa jàà keì nyìnga, wo Kanaà douŋ nàŋ kìɛ̀ŋ e jìwààjɛ̀wɛ̀ɛ wèè e yèɛ wò naŋ nyɛ̀nɛ̀ŋ lɛ.

Jìiiŋ 5:5

E nɔ̀iŋ nɛ̀ e ɗuunyaàŋ diɛŋ nìŋ naŋ jìkà maŋ nɛ̀ŋje siaŋ, e kìlà naŋ gè gbana. Nàŋ nyɛ̀nɛ̀ŋ maŋ jiiiŋ màŋ dɛɛdɛ̀ɛ̀ nàŋ kùwìè maŋ kèìŋ wèè ke ɗɔ̀ɔ̀ jìwaiŋ nɛɛ̀ŋ diɛŋ.

1Pììlɛ 4:4

È do nàŋ fòònò anyuùŋ gò hààwè Dayà nyaŋ àŋ gè gòngo kɛ̀ wèè kiìŋ niŋ fè nyiìŋ ɓɛìŋ màŋjɛ̀wɛ nìŋ gè kìlia ko nyìnìè maŋ keì nàànààŋ guùŋ maŋ, wèètii àŋ fèìŋ maŋ mìè ɓɛ̀ɛ̀pɔ̀ɔ weè niŋ.

2Pììlɛ 2:15

Àŋ jòà ke dòmaŋ jìlɛɛ̀ŋ àŋ go, àŋ dè ke dòmaàŋ wo kèèlà Dayàa Bàlaàŋ wo jɔ̀àfèlàà Biɔ̀ɔ naŋ ɓemè yɛ, wo yèɔ manaŋ e nɛɛnɛɛ̀ŋ wò gè ke nyɛ̀nɛ̀ŋ kàaɓì sùà lɛ.

Maŋ kèì nyɛɛnɛŋ 18:6

Tùwò ko nɛ̀ɛ̀uŋ niìŋ màànààŋ nɔŋ wò naŋ tùwò ko nɛ̀ɛ̀iŋ niìŋ lɛ. Jàànè jaanè e pààwauŋ nɛ̀ wèè e nɛ̀ɛŋ wò naŋ nyɛ̀nɛ̀ŋ lɛ. Sìaìŋ e nɛ̀ŋ tìa wɔŋ kpòòuŋ nɔɔ̀ŋ sùà e dià e kìlà e kɛɛnɛ̀ŋ gààŋ e nìàŋ e yèɛ wò naŋ banè weèiŋ lɛ̀.