2Pììlɛ 1:6 - WƆŊ FƐ̀Ì EBÒ SÌÀŊ DAYÀA

⁶ yèè e jiikɛ̀ɛ̀iŋ nɛ̀ tòòyaìŋ niŋ nyɛ̀iŋ bi yɛ̀mɛ̀ diɛŋ, e diɛŋ yɛ̀mɛiŋ nɛ̀ tòòyaìŋ niŋ ke jii kùwa, yèè ke jii kùwaiŋ nɛɛ̀ŋ tòòyaìŋ nyiŋ maŋ nyiiiŋ màŋ kìla koɓɛ̀ Dayà,

2Pììlɛ 1:6 ပူးပေါင်းရင်းမြစ်များ

Luù 21:19

Sèè nìŋ jeeà e hààwe sùà ko nɛ̀ɛ̀ŋ miìŋ, niŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Luù 8:15

Manɛ̀ŋ koei màŋ naŋ sɔ̀ɔ̀ e diì sìàaŋ diɛŋ lɛ̀, nàŋ yaà anyùùŋ nyaŋ komo ke mìè Dayàa, aŋ nyiŋ jàà kùàŋ dìì e jɔ̀ɔ̀lɔ yèè ke jìì tɔ̀ɔ̀nyaàŋ sùà. Yèè àŋ jeeà nìŋ sùà e jèèsùà aŋ ɓuù, màànààŋ manɛ̀ŋ jè ɓù komo lɛ.

Nyɛ̀nɛ̀ŋ 24:25

Kɛɛ e jùù naŋ wa nyɛ̀nɛ̀ŋ wo Kanaà Filɛ̀ nààŋ wo Pɔɔ̀ naŋ wòò e kèè e tùwo siaŋ, yèè wo nyùùŋ yɛmɛ̀ wuŋ bi diɛŋ wèè ke kpèèuŋ nɛɛ̀ŋ, yèè ke ɗɔ̀ɔ̀ e gbàiɛ̀ do nàŋ hnè yɛ. Wo Kanaà Filɛ̀ naŋ wòò wo Pɔɔ̀ wààŋ, “E keì wòoɛ̀ yaà naàŋ tɛ̀ɛ̀. Màŋ naàŋ ɓɛ̀nɛ̀ŋ kàa. Kɛɛ sèè mìŋ kɛɛnɛ̀ŋ ɓɛìŋ e ɗewe mìŋ do nàŋ tùɔ̀ŋ weèum.”

Luùm 15:4

Maŋ keì maŋ gbiŋ yaà sìnga miŋ wɔŋ fɛ̀ì Dayàa maŋ, naŋ nɔ̀ŋ sìnga miŋ wèè maŋ wi kaà, yèè maŋ wi kìɛ̀ŋ ke jii tɔumtɔ̀ùm yaà ke jii nyingè wèè eiŋ kùwìè ke jii tùlia, ke yèɛ wɔŋ fɛ̀ì Dayàa naŋ wi kiɛ̀ŋ lɛ.

Luùm 2:7

Wo Dayà do nàŋ kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ naŋ kùwò maŋ jii wèè e tɛ̀ɛ̀tɛ̀ɛ̀ɛ àŋ naŋ nyɛ̀nɛ̀ŋ lɛ. Àŋ do nàŋ yɛ̀mɛ̀ e jòòwo, e ɓɛ̀ɛ̀jàa, e keì sìàŋ yaà wɔŋ nyiiŋ gèe wèè julɔfɔ.

Luùm 8:25

Kɛɛ sèè è nɔ̀ìŋ yɛ̀ɛ̀mɛ̀ dòmaŋ wèè e nɛ̀ɛŋ e kuwàìŋ lɛ, kɛ̀ sɔɔ̀ eiŋ niŋ fòlà ke jii kùwa sùà.

1 Kɔliìŋ 9:25

Wo nyuùŋ kà maŋ gɔ̀ɔ̀yɛ zimgbe dììɔ wò tomàŋ wèè wo yɛ̀mɛ̀ ke ɓɔ̀ɗì kana ke yèɛ fè kòlà lɛ. Kɛɛ è nyɛnɛŋ tɛɛ̀ wèè eiŋ yɛ̀mɛ̀ ke ɓɔ̀ɗì kana wèè julɔfɔ.

2 Kɔliìŋ 6:4

Kɛɛ, e nɛ̀ŋ gbiŋ è naŋ nyɛ̀nɛ̀ŋ, è tɔɔ̀ kɛ̀ è yààìŋ aŋ ɓɔ̀ìjɔ̀à Dayà esàɓù maŋ keì nyìnga kà dìì ke jii jùa diɛŋ, maŋ mɔ̀ɔ̀nɛŋ, yèè maŋ nimilà.

Gàla 5:23

e ɓɛ̀ɛ̀jàa, yèè wo nyuùŋ nyìmàŋ e ɗèwè wuŋ bi kùwa. Ke sàwà bà gbiŋ fè wèè ke gbòà naanààŋ è nyààìŋ dè màŋ keì mɛɛ̀ŋ.

Kòlo 1:11

È zoolà wo Dayà wèè woiŋ kìɛ̀ŋ e gààŋ e yìwìà e gaàŋ jòòwouŋ nɛ̀, e kìlà naŋ kɛ̀ɛ̀nɛ̀ŋ gààŋ wèè naŋ kɔ̀ɛ̀ e keì ɗewe gbiŋ sùà ke jii tɔumtɔ̀ùm sùà. E yìwìà e zɔlɔ̀ gèe sùà, kìɛìŋ ke sɛ̀ gè koɓɛ̀ wo Dèdaà, wo yèɔ naiŋ nyɛ̀nɛ̀ŋ nìŋ naŋ nɔ̀ŋ aŋ bàiŋbà wèè naŋ kɛ̀ɛ̀nɛ̀ŋ e nɛ̀ɛŋ bà wo Dayà naŋ bànè hàa wèè anyùùŋ nɛɛmauŋ nyàŋ e kànà e gbolòùŋ nɛ sùà.

1Tɛsè 1:3

Esaɓù kɛ̀ èiŋ jàà jii ko fɛ̀ɛ̀fèìŋ Dayà wo Dèdaà wiɔ̀ e ɗeweɛ̀ nìŋ naŋ gbìɛ̀ŋ e hààweiŋ nɛ̀ e gbèe maŋjɛ̀wɛ yèè eɗewɛ̀ e mànaiŋ nɛ̀ naŋ nyɛ̀nɛ̀ŋ nìŋ naŋ tomo nyìnga, e kìlà e ɗeweɛ̀ ke jii tùliaiŋ nɛɛ̀ŋ wo Kana wiɔ̀ Jisɛ̀ Kulaì sùà naŋ nyìngè sùà lɛ.

2Tɛsè 1:4

Weètii yàwi bi è woà kiiŋ maŋ gbòò anyuùŋ hààwe nyàŋ sùà maŋ sààŋ Dayà maŋ dìì. È woà e kiiŋ e nyaàiŋ dè e ɗeweɛ̀ nìŋ yaà kɔ̀ɔ̀yɛ̀ feìŋ e kìlà nìŋ naŋ haawè jòòpɛɛ àŋ jààìŋ maŋ keì e ɗì yèè nìŋ kɔ̀à maŋ mɔ̀ɔ̀nɛŋ zimgbe bà dìì lɛ.

2Tɛsè 3:5

Tɔ̀ wo Kanaà dèiŋ ke dòmaŋ diɛŋ wèè niŋ kuwìè e mànaŋ mààŋ Dayà yèè ke jii kùwaà wo Jisɛ̀ Kulaì kiɛ̀ŋ lɛ.

1Time 2:10

Kɛɛ e nɔ̀ŋ wèè maŋ kpèè siaŋ, maŋ yè maŋ yaà tɛ̀ɛ̀ wèè aŋ jɔùŋ nyaŋ naŋ ɓèmè e ɗààhiì wèè aŋ nɔ̀ŋ anyuùŋ hààwe nyàŋ.

1Time 2:2

Zòòloìŋ wèè aŋ kana nyàŋ, yèè aŋ yè nyaŋ yaà e gààŋ sùà nyaŋ aŋ nɔ̀ŋ dìì tɔ̀ùŋ, yèè aŋ kuwiè maŋ jii fàa maŋ nyiiŋ gèe nyiŋ màŋ sùà, nààŋ è zoolàìŋ wo Dayà e tɔ̀ɔ̀nyaàaŋ sùà lɛ.

1Time 3:16

Wo nyùùŋ gbiŋ fè ɓɛ̀nɛ̀ŋ gììyà kè gbùnu gbeeɛ̀ kè yaà e hààwe wilɛ̀ sùà yɛ màŋhɛɛ. Wo Jisɛ̀ Kulaì naŋ wa hnè mààŋ wo nyuùŋkpùuŋ, wo Jìnàŋ Nɛɛmaàŋ nauŋ wa tɔɔ̀ wèè wo nɔ̀ŋ nyuùŋ tɔ̀ɔ̀nyaàaŋ, yèè aŋ màìkà nauŋ wa yɛmɛ̀. Àŋ naŋ dàànè Ebò Siauŋ nɛ̀ maŋ fuɔŋ màŋ gbiŋ sùà, e ɗuunyaàŋ gbiŋ nauŋ sìè e hààwe sùà, yèè wò naŋ nɔ̀ŋ jòòwòuŋ ko àìjɛnɛ̀ŋ.

1Time 6:11

Kɛɛ muàŋ, Timetè, mùŋ yaà wo nyùùŋ Dayà, weètii, kɛ̀ɛ̀ maŋ keì mɛɛ̀ŋ gbiŋ maŋjɛ̀wɛ. Fɛɛ̀ wèè muŋ nɔ̀ŋ wo nyùùŋ tɔ̀ɔ̀nyaàŋ, muŋ nɔ̀ŋ kèè Dayàa maŋjɛ̀wɛ, muŋ nɔ̀ŋ wo nyuùŋ hààwe, muŋ kuwiè e mànaŋ wèè nyùùŋ gbiŋ, muŋ kuwiè jii nyingè wèè keì nyìnga kà dìì, yèè muŋ nyɛ̀nɛ̀ŋ e keì sìàŋ koɓɛ̀ nyùùŋ gbiŋ.

1Time 6:3

Wo nyùnɔ̀ɔŋ gbiŋ naŋ kàà e hààwe joo, yèè wo fè nyìmèè màŋ mìè gbòà tɔ̀ɔ̀nyààŋ Kana wiɔ̀ Jisɛ̀ Kulaì maŋ, yèè è nɛ̀ɛŋ e hààwe wilɛ̀ kàa lɛ,

1Time 6:6

E hààwe wilɛ̀ nyɛnɛŋ wèè eiŋ banè zimgbe, sèè ke jii fà wì wèè e yèɛ è kùwaiŋ lɛ.

2Time 3:5

Àŋ do nàŋ jàà e kèè Dayàa fɛ̀ɛ̀ sùà, kɛɛ aŋ gììyà e gaàŋ niŋ nɛ̀ maŋhɛɛ. Ɓɔ̀ mùŋ dè ànyùùŋ mààŋ nyiiŋ màŋjɛ̀wɛ.

Taitɔ̀ 1:1

E yìwìà miàim Pɔɔ̀ sìwè, wo ɓɔ̀ìjɔ̀à Dayàa, yèè wo keela tàeɗùù wèè Jisɛ̀ Kulaì nàŋ yaà sìngìè wɔŋ fɛi wɛɛ̀ŋ. Wo Dayà naim tàeɗùù yèè wò naim tùɔ̀ŋ e wèè ka kpùùmàŋ e hààwè anyùùŋ Dayà nyaŋ wò naŋ tàeɗùù nyaŋ, e kìlà ka nyiŋ kɔ̀à koɓɛ̀ e gòngò tɔ̀ɔ̀nyaàaŋ e Dayà hùmaŋ kii wilɛ̀ sùà,

Taitɔ̀ 1:8

Kɛɛ wo mànàŋ aŋ nyùnèènyɛiŋ, yèè wo nɔ̀ŋ nyuùŋ nyɛ̀nɛ̀ŋ keì sìàŋ. Wo kuwìè jiikɛ̀ɛ, wo nɔ̀ŋ tɔ̀ɔ̀nyaàŋ, wo nɔ̀ŋ nyùùŋ nɛɛmaŋ, yèè wo nɔ̀ŋ wo nyùnɔ̀ɔŋ naŋ ɓɛ̀nɛ̀ŋ yɛ̀mɛ̀ wuŋ bi diɛŋ wɔ̀.

Taitɔ̀ 2:2

Wòò anyuùŋ gɔu nyàŋ aŋ nyìmàŋ e ɗèwè nyiŋ bi yɛ̀mɛ̀ diɛŋ, aŋ kuwiè jiikɛ̀ɛ yèè aŋ sìà ke di. E hààwe nyiŋ nɛ̀, e mànaŋ nyiŋ nɛ̀, yèè ke jii kùwa nyiŋ nɛɛ̀ŋ ɓɔ̀ è kɛɛ̀ màŋjɛ̀wɛ.

Hiɓu 10:36

Nìŋ kuwa nàŋ kɛ̀ɛ̀nɛ̀ŋ maŋ jii tɔumtɔ̀ùm, wèè kɛ̀ niŋ nyɛ̀nɛ̀ŋ e yèɛ wo Dayà manaŋ lɛ̀, yèè nìŋ do nàŋ yɛ̀mɛ̀ e nɛ̀ɛŋ wò naŋ jɔ̀ɔ̀ ɗààhiì wèè woiŋ kiɛ̀ŋ lɛ.

Hiɓu 12:1

È kùwàìŋ ke gbòò aŋ seì zimgbe kè naŋ wi kiliè yɛ. Weètii, gèe wiìŋ maŋ keì maŋ gbiŋ kùàŋ sùà, maŋ yè maŋ do wi nàŋ kèèwè kùàŋ feìŋ, yèè maŋ jùumù maŋ do wi nàŋ deeyè maŋ. Ɗèwè wiìŋ wèè e kɛɛnɛ̀ìŋ maŋ kpèè siaŋ maŋ nyiiŋ gèe wi màŋ sùà.

Hiɓu 6:12

E manàŋ wèè naŋ nɔ̀ŋ ànyuùŋ jɛ̀kɛ, kɛɛ nɔ̀iŋ mààŋ aŋ yè nyaŋ kuwa hààwe e kìlà àŋ kuwa maŋ jii tɔumtɔ̀ùm e jèèsùà wo Dayà woiŋ kìɛ̀ŋ e yèɛ wò naŋ ɓèmè ɗààhiì wèè woiŋ kiɛ̀ŋ lɛ.

Hiɓu 6:15

Wo Eɓulɔhɛɛ̀ŋ naŋ wa kùwò ke jiiuŋ nɛɛ̀ŋ, kpeiŋ wò naŋ wa yɛ̀mɛ̀ e nɛ̀ɛŋ wo Dayà naŋ jɔ̀ɔ̀ ɗààhiì kɛ̀ wò douŋ wa nàŋ kiɛ̀ŋ lɛ.

2Pììlɛ 1:3

E nɛ̀ɛ̀màŋ Dayàa, e gaàiŋ nɛ̀ è wi kìɛ̀ŋ e nɛ̀ɛŋ gbiŋ è mànàìŋ wèè eiŋ nɔ̀ŋ wɔŋ nyiiŋ gèeɔ̀ fɔɔyɛ̀ Dayà jii wɔ̀ŋ sùà, esaɓù kɛ̀ eiŋ nyìmàŋ wo yèɔ naŋ wi nyààŋ wèè wo wi gòònò e jòòwouŋ nɛ̀ yèè e tɛ̀ɛ̀tɛ̀ɛ̀uŋ nɛ̀ e fèemàŋ wɔ.

2Pììlɛ 3:11

Nààŋ manɛ̀ŋ mɛɛ̀ŋ gbiŋ do nàŋ yɛ̀mɛ̀ e pɔ̀ɔ̀pɔɔ e ɗewe mààŋ tɛɛ̀ sùà lɛ, kiìŋ ànyuùŋ kpùuŋ ziì nìŋ kuwa wèè naŋ nɔ̀ŋ? Maŋ nyiiŋ màŋ nɔ̀ŋ nɛɛmaŋ sùà, yèè niŋ tulìà miŋ wo Dayà.

Maŋ kèì nyɛɛnɛŋ 1:9

Miàŋ nàŋ yaà wo Jɔ̀ɔŋ, wo wùìyaiŋ nɔɔ̀ŋ, yèè wo nyùùŋ màŋjɛ̀wɛ̀ wo Kanaà Jisɛ̀. Miàŋ nàŋ yaà wo dàwiiŋ nɔɔ̀ŋ ke jii tɔumtɔ̀ùm sùà, wo yèɔ yaà kɔ̀ɔ̀yɛ̀ e keì nyìngaà dìì e yèɛ hnàŋ koɓɛ̀ aŋ yè nyaŋ yaà aŋ bà nyiŋ bà e Kanauŋ nɛ̀ sùà nyaŋ. Àŋ naim wa gbìɛ̀ŋ ke tììŋ Pamòɛ sùà mààŋ wo nyùùŋ keì, esaɓù kɛ̀ mìŋ naŋ gbòò ke mìè Dayàa, yèè mìŋ naŋ wòò e tɔ̀ɔ̀nyaàaŋ e nyaàiŋ dè ke mìè seìɛ wo Jisɛ̀ naŋ wa gɔ̀ì sùà yɛ.

Maŋ kèì nyɛɛnɛŋ 13:10

Wo nyùùŋ nɛɛmaàŋ bà gbiŋ wo yèɔ wo Dayà naŋ sɔ̀ dèè wèè aum kùwà wɔ, àŋ doum nàŋ kùwò. Wo yèɔ naŋ sɔ̀ dèè wèè auŋ jìwìà e koya wɔ̀, àŋ douŋ nàŋ jìwìè koya. Tɛɛ̀ naŋ tɔɔ̀ kɛ̀ anyùùŋ nɛ̀ɛ̀màŋ Dayà nyaŋ kuwa aŋ gbèè e ɗèwè e keì nyìnga kùwa ke jii tɔumtɔ̀ùm sùà, e kìlà aŋ jèè e hààwe sùà.”

Maŋ kèì nyɛɛnɛŋ 14:12

Tɛɛ̀ naŋ tɔɔ̀ kɛ̀ anyùùŋ nɛ̀ɛ̀màŋ Dayà nyaŋ kuwa aŋ gbèè e ɗèwè e keì nyìnga kùwa ke jii tɔumtɔ̀ùm sùà. Yèè àŋ kuwa ɓɛìŋ aŋ jɔ̀ɔ̀lɔ̀ maŋ sàwàuŋ màŋ dìì e kìlà aŋ kɛ̀ɛ̀nɛ̀ŋ hààwe wo Jisɛ̀ sùà.

Maŋ kèì nyɛɛnɛŋ 2:2

Kà nyìmàŋ e nɛ̀ɛŋ nìŋ naŋ nyɛ̀nɛ̀ŋ lɛ. Kà nyìmàŋ e tòmo nyìngaà nìŋ naŋ nyɛ̀nɛ̀ŋ lɛ yèè maŋ jii tɔumtɔ̀ùm maŋ nìŋ naŋ kùwò maŋ. Kà nyìmàŋ kɛ̀ nyɛ̀iŋ yèè anyuùŋ nyɛ̀nɛ̀ŋ keì naanààŋ gbiŋ fè tòòmò kòɓɛ̀ guùŋ, e kìlà nàŋ wàà anyùùŋ nyaŋ bà nyiŋ naŋ woò nyààŋ àŋ yàa aŋ keela tàeɗùù nyaŋ, kɛɛ nàŋ yɛmɛ̀ kɛ̀ àŋ yaà anyuùŋ tòa.