2Pììlɛ 1:16 - WƆŊ FƐ̀Ì EBÒ SÌÀŊ DAYÀA

¹⁶ Nààŋ è naiŋ wòò e kèì wo Kana wiɔ̀ Jisɛ̀ Kulaì, e nyaàiŋ dè e gaàuŋ nɛ̀ yèè nààŋ wò kɛɛ̀ ɓɛìŋ lɛ, maŋ dɔùŋ kɛ̀ɛ̀jii nààŋ wo nyùuŋ bà gò ɓùlà, kɛɛ e fɛ̀ɛ̀ yàwi bi lɛ̀ naŋ yɛ̀mɛ̀ e gààŋ tɔ̀ɔ̀nyaàuŋ nɛ̀.

2Pììlɛ 1:16 ပူးပေါင်းရင်းမြစ်များ

Maafiù 16:27

Miàim wo Jɔ̀àfèlàà Nyuùŋ kpùnɔɔ̀ŋ do nàŋ hnè e teenga kpuu sùà e jòòwò Dèda miɔ̀ŋ yaà aŋ màikàuŋ nyàŋ sùà wèè ka kìɛ̀ŋ e jìwààjɛ̀wɛ̀ koɓɛ̀ anyùùŋ nyaŋ gbiŋ wèè maŋ keì maŋ àŋ naŋ nyɛ̀nɛ̀ŋ maŋ.

Maafiù 16:28

Miŋ woòiŋ e tɔɔɓaaà, aŋ nyùùŋ bà kòò àŋ yaà kià, yèè aŋ naàŋ fɔ̀ e jèèsùà aŋ yɛ̀mɛ̀ miàim wo Jɔ̀àfèlàà Nyuùŋ kpùnɔɔ̀ŋ ka hnàŋ e kana mɛ̀ sùà.”

Maafiù 17:1

E gɔ̀ɛ̀ɛ̀ nɔɔnɔŋ dièguùŋ naŋ mààŋ, yèè wo Jisɛ̀ naŋ ɓèmè wo Pììlɛ yèè wo wùìyauŋ nɔɔ̀ŋ Jìiiŋ yèè wo Jɔ̀ɔŋ, yaà nyiŋ naŋ kɔ̀ wɔŋ toò mùŋlaŋ bà dìmɛ̀ nyiŋ wouwòù.

Maafiù 24:27

Esaɓù kɛ̀ nààŋ nɔŋ ko fùùiŋ gɛɛ̀ yɛi e yìwìà ko fùlìè gɔɛɛ yèè e gbolòùŋ lɛ e kpɛ̀lɛ̀ e hàì ko jèè gɔɛɛ, yɛi nɔŋ miàim wo Jɔ̀àfèlàà nyuùŋ kpùnɔɔ̀ŋ do wa nàwèè nàŋ hnè.”

Maafiù 24:3

Nààŋ wo Jisɛ̀ jaa wa wɔŋ tòò maŋ Ɔlè Kùùɔ dìmɛ̀, anyùùŋ màŋjɛ̀wɛ̀uŋ nyàŋ naŋ hnè ko nɛ̀ɛ̀uŋ ke gbùnuo sùà, yèè àŋ nauŋ dawè nyààŋ, “Wòò wi e teengaà tɛɛ̀ do nàŋ kaaìŋ lɛ, yèè kiìŋ nàŋ do nàŋ nɔ̀ŋ e tɔ̀ɔ̀màŋseìɛ kɛ̀ e teengaà è haì wèè maŋ hnàŋ e kìlà e tɔɔ̀ kɛ̀ kuii nàŋ yaà ko dìà e ɗuunyaàŋ?”

Maafiù 28:18

Wo Jisɛ̀ naŋ nyiŋ bɔ̀mɔ̀ŋ kɔɔ wò naŋ nyiŋ woò wààŋ, “E gààaŋ gbiŋ ko àìjɛnɛ̀ŋ yèè e ɗuunyaàŋ è nɔ̀ŋ kìɛŋ niŋ ko nɛ̀ɛ̀ŋ miìŋ.

Luù 1:2

Aŋ ɓɔìjɔ̀à bi naŋ wa tomo wèè wo Dayà, nààŋ àŋ naŋ wa kàà anyùùŋ ke miè gbìaàŋ e nyaàiŋ dè wo Kanaà Jisɛ̀. Anyùùŋ nyaŋ zimgbe nyiŋ naŋ wa kòmò e nɛ̀ɛŋ àŋ naŋ nyiŋ wa kaà lɛ, naŋ sìngè maŋ keì maŋ wo Jisɛ̀ naŋ nyɛ̀nɛ̀ŋ weè wi e yìwìà e teengaà wò naŋ wa tɔ̀ɔ̀tù e tòmouŋ nɛ̀ lɛ.

Luù 9:43

È naŋ wa fòònò anyùùŋ nyaŋ gbiŋ wèè e gààŋ gbèè Dayàa. Kɛɛ nààŋ anyùùŋ nyaŋ yaà wa gòòngò maŋ keì maŋ gbiŋ wò yaà wa nyinie màŋ, wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ,

Jɔ̀ɔŋ 1:14

Wo nyùnɔ̀ɔŋ àŋ nyaaŋ ke Mìèɛ wɔ̀ naŋ wa kìlè wo nyuùŋkpùuŋ, e kìlà e ɗewe lɛɛ̀ sùà wo Dayà wuŋ bi naŋ wa hnè yèè wò naŋ wi kià jòò e tɛɛ. Wò naŋ tɔ̀ɔ̀ e mànaŋ zimgbe yèè e tɔ̀ɔ̀nyààŋ Dayàa koɓɛ̀ anyùùŋ nyaŋ. È naiŋ wa yɛ̀mɛ̀ e jòòwouŋ nɛ̀ ko nɛ̀ɛ̀ŋ wiì. E jòòwoɛ̀ wo Dayà nauŋ wa kiɛ̀ŋ lɛ nààŋ wuŋ nàŋ yaà wo Jɔ̀àfèlàà gunɔ̀ɔŋ koɓɛ̀ wo Dèdaà lɛ.

Jɔ̀ɔŋ 17:2

Mùŋ naim kìɛ̀ŋ e gààŋ anyuùŋ kpùuŋ nyàŋ gbiŋ diɛŋ, wèè ka kìɛ̀ŋ wɔŋ nyiiŋ gèe gò jùà koɓɛ̀ anyùùŋ nyaŋ gbiŋ mùŋ naim kiɛ̀ŋ nyaŋ.

Luùm 1:4

Wo Dayà naŋ tɔɔ̀ e gààŋ nɛɛmaŋ gbee sùà kɛ̀, wo Kanaà Jisɛ̀ Kulaì nàŋ yaà wo Jɔ̀àfèlàà wuŋ biɔ̀, wo yèɔ naŋ kìlè wo nyuùŋkpùuŋ wɔ̀. Wò naŋ wa tɛɛ̀ tɔɔ̀ e yìwìà wo Jìnàŋ Nɛɛmaàŋ, nààŋ wò nauŋ gè e fàaà dìì wɔŋ nyiiŋ gèe sùà.

1 Kɔliìŋ 1:17

Wo Jisɛ̀ Kulaì gòim wa tùàŋ wèè ka gùà ànyùùŋ. Wò naim wa tùɔ̀ŋ wèè ka wòò ke mìè gbìàŋ Ebò Siaŋ, e yèɛ miŋ fè tòòmò wɔ̀ŋ kaìŋ kùwìè jììkɛ̀ɛ̀ nyuùŋkpùuŋ wɔ̀ŋ yèɔ naŋ ɓɛ̀nɛ̀ŋ nyɛ̀nɛŋ wèè è gààaŋ yaà wɔ̀ŋ vànèkpàà Jisɛ̀ Kulaìɔ sùà lɛ e go.

1 Kɔliìŋ 1:23

Kɛɛ sèè è nɔ̀ŋ wèè yàwi, è woàìŋ kɛ̀ àŋ naŋ wa jìwìè wo Jisɛ̀ Kulaìɛ wɔŋ vànèkpaàa diɛŋ. Ke miè gbìaŋ bi zà nàŋ sie aŋ Juùù nyaŋ e wùàŋ, yèè koɓɛ̀ anyùùŋ nyaŋ fè àŋ Juùù nyaŋ àŋ gongà kɛ̀ è yaà e ɓàaɓàa,

1 Kɔliìŋ 1:7

yèè esàɓù tɛɛ̀, kòò nìŋ ɓà è kìɛɛ̀ŋ bà guùŋ pɛɛ, nààŋ nìŋ yaà fùlìè wo kààmɔɔɔ̀ŋ Jisɛ̀ Kulaì wèè wo hnàŋ lɛ.

1 Kɔliìŋ 2:1

Nyɛ̀iŋ nààŋ wùìyaim nyàŋ, e teengaà mìŋ naŋ hnè ko nɛ̀ɛ̀ŋ nyiìŋ wèè ka wòò ke mìè gbìàŋ gbùnù tɔ̀ɔ̀nyàŋ Dayàa lɛ̀, miŋ gò tòòmò màŋ miè gbeegbèè ɔ̀ɔ̀ è nɛ̀ŋ nyìmaŋ zimgbe.

1 Kɔliìŋ 2:4

yèè e kàà kiim mɛ̀ yaà ke miè gbìaàŋ, miŋ gò niŋ wòò mìè gbòà è gbèe zimgbe è yìwìà è jììkɛ̀ɛ̀ nyuùŋkpùuŋ sùà, sɔɔ̀ maŋ mìè gbòa kpàà nyùùŋ ɗì maŋ tɔɔ̀ e gààŋ Jìnàŋ Dayàa lɛ̀.

2 Kɔliìŋ 2:17

E fèìŋ mààŋ ànyuùŋ zimgbe bà, àŋ yè nyaŋ ɓemàŋ kè mìè gbìàŋ Dayàa mààŋ è bòli, kɛɛ esaɓù kɛ̀ wo Dayà naŋ wi tùɔ̀ŋ, è gbòòìŋ e jìlɛŋ sùà ko fɛ̀ɛ̀fèìŋ wuŋ Dayài, mààŋ aŋ keela tàeɗùù wèè Jisɛ̀ Kulaì.

2 Kɔliìŋ 4:2

È naŋ hèè maŋ gbùnu màŋ gbiŋ yèè maŋ kpèè sàngè maŋ gbiŋ e ɓula. E fè fɛ̀ɛ̀ wèè e zùwò nyùùŋ gbiŋ ɔ̀ɔ̀ e kàà kè mìè gbìàŋ Dayàa è tòa sùà. Wo Dayà yaà wo seì weè wi kɛ̀ e tɔ̀ɔ̀nyaàaŋ nɔŋ è woàìŋ, wèè anyuùŋ gbànaŋ nyàŋ aŋ gongò kɛ̀ wo Dayà wò wi ɓɛ̀nɛ̀ŋ tùlìà jii.

Ɛfesɔ̀ 4:14

Kpeiŋ ɓɔ̀ è tomoiŋ ɓɛìŋ mààŋ àŋ jɔ̀à kaiŋ, ɓɔ̀ è nyimèèiŋ wèè ànyuùŋ tòa aŋ wi kaaɓì màŋ kàà tòa nyiŋ màŋ sùà, màŋ yè maŋ yaà mààŋ wɔŋ dùfòìɔ, duladùlà wì fàà maŋ gbiŋ wɔ̀ŋ.

Fèle 3:21

Wò do nàŋ kìlè maŋ kpùnàŋ zɔ̀kpɔ̀ wi màŋ, wo miŋ nyɛ̀nɛ̀ŋ maŋ nɔ̀ŋ mààŋ e ɗeweɛ̀ ke kpùnàŋ e jòòwò gaàŋ gbeeuŋ nɛɛ̀ŋ yaà lɛ. Wò do nàŋ tòòmò e gààaŋ wò kuwa lɛ̀ wo hìàŋ manɛ̀ŋ maŋ gbiŋ e kanauŋ nɛ̀ dìì.

1Tɛsè 2:19

E gbiŋ sùà, sèè wo Kanaà Jisɛ̀ Kulaì hnàŋ wa nàwèè nyɛ̀iŋ nɔŋ nàŋ do wi nàŋ kìɛ̀ŋ ke jii tùlia yèè è do nàŋ nɔ̀ŋ ke ɓɔ̀ɗì e jòòwo ko nɛ̀ɛ̀ŋ wiì.

2Tɛsè 2:9

Wo Nyuùŋ Naanààŋ do nàŋ hìɛ̀ŋ e gààŋ Sɛ̀tanàaŋ wo nyɛ̀nɛ̀ŋ maŋ kèè mèè tòa kà tinàŋ gbiŋ yaà maŋ keì fòònò nyùùŋ,

1Time 1:4

Wòò nyiŋ aŋ hɔanè pɔ̀ɔ̀ e teenga nyiŋ nɛ̀ maŋ kàɓanè gò kùwìè jiikɛ̀ɛ màŋjɛ̀wɛ, e kìlà aŋ dangè maŋ dèè aŋ nèwàènèwe gò kɛ̀ɛ̀nɛ̀ŋ dìa nyiŋ màŋ sìnga, maŋ yè maŋ hiàŋ e nyaàŋ kpàànè kpaane anyùùŋ e fèemàŋ. Maŋ fè tòòmò è ɗèwè Dayàa, è yèɛ nyaàiŋ naŋ dè è hààwe lɛ̀.

1Time 4:7

Kɛɛ ke nyɛ̀nɛŋ mɔɛ̀ŋ ɓɔ̀ kè nɔ̀ŋ màŋ mìè gbòa gò kɛ̀ɛ̀nɛ̀ŋ ɓɛ̀ɛ̀jàa koɓɛ̀ Dayài yaà màŋ kàɓanè gò kùwìè jiikɛ̀ɛ, maŋ yè maŋ gò tɛ̀ɛ̀wɛ̀ wòo màŋ. Kɛɛ ke nyɛ̀nɛɛ̀ŋ wɔŋ nyiiŋ gèe mɔɔ̀ŋ sùà ke nɔŋ ke yèɛ fɔɔyɛ̀ wo Dayà jii yɛ̀.

Taitɔ̀ 1:14

yèè ɓɔ̀ nìŋ jàà màŋ kàɓànè fòò àŋ Juùù nyaŋ yaà màŋ sàwà nyuùŋkpùuŋ kùàŋ dìì. Maŋ keì bi yewe anyùùŋ nyaŋ naŋ gè e tɔ̀ɔ̀nyaàaŋ kùàŋ dìì nyaŋ sìwè.

2Pììlɛ 2:3

Àŋ do nàŋ nyɛ̀nɛ̀ŋ e kèè nyààŋ aiŋ kaaɓì maŋ mìè gbòa ɓuuyè sùà. Kɛɛ e gbàiɛ̀ wo Dayà kuwa weè nyiŋ nɛ̀ è yaà wa naàŋ bànèbane niŋ gɔu, yèè wo nyuùŋ jìwa nyiŋ nɔɔ̀ŋ fè màŋjàwè.

1Jɔ̀ɔŋ 4:14

Yèè èiŋ yɛmɛ̀ e mànaùŋ nɛ̀ e kìlà èiŋ fè ke mìè seì koɓɛ̀ anyùùŋ kɛ̀ wo Dèdaà naŋ tùɔ̀ŋ wo Jɔ̀àfelaauŋ nɔɔ̀ŋ wèè wo nɔ̀ŋ wo Nyuùŋ Jòèyè ɗuunyaàŋ.

Juù 1:14

Wo Inɔ̀ nàŋ yaà maŋ kpoo sùònò suono dìà nɔɔnɔŋ le tìyèeɛ̀ e yìwìà wo Adamàŋ. Wuŋ naŋ wi wa wòò e kèì anyùùŋ nyɛɛ̀ŋ e gɔuo sùà wààŋ, “Wo Kanaà do nàŋ hnè yaà aŋ màìkà nɛɛmaŋ taasùùŋ jika zimgbe,

Maŋ kèì nyɛɛnɛŋ 1:7

Yɛ̀mɛìŋ, wo Jisɛ̀ yaà hinie ke nyili fuaà diɛŋ! Anyùùŋ nyaŋ gbiŋ douŋ nàŋ yɛmɛ̀, e kpùlìà anyùùŋ nyaŋ nauŋ jùwò e ɓula nyàŋ. Maŋ ziì maŋ gbiŋ e ɗuunyaàŋ do nàŋ nɔ̀ŋ ke nyowo sùà weèuŋ. Tɔɔɓaa yɛi è do nàŋ nɔ̀ŋ!