2Jɔ̀ɔŋ 1:9 - WƆŊ FƐ̀Ì EBÒ SÌÀŊ DAYÀA

⁹ Wo nyùnɔ̀ɔŋ gbiŋ gò jèè è kàà kìì Kulaì lɛɛ̀ diɛŋ wɔ̀, kɛɛ wo nììnyàŋ e kàà kii bi wɔ̀, wo kuwà Dayà kè jiiuŋ nɛɛ̀ŋ sùà. Wo nyùnɔ̀ɔŋ gbiŋ naŋ jèè e kàa kii lɛɛ̀ diɛŋ wɔ̀ wò kuwa wo Dèdaà yèè wo Jɔ̀àfelaauŋ nɔɔ̀ŋ ke jiiuŋ nɛɛ̀ŋ sùà.

2Jɔ̀ɔŋ 1:9 ပူးပေါင်းရင်းမြစ်များ

Maafiù 11:27

“Wo Dayà wo Dèda miɔ̀ŋ wòim kìɛ̀ŋ manɛ̀ŋ maŋ gbiŋ. Wo nyùùŋ bà gbiŋ nyimààŋ miàim wò Jɔ̀àfelaaà sɔɔ̀ nɔŋ wo Dèdaà wuŋ guùŋ, yèè wo nyùùŋ bà gbiŋ nyimààŋ miàim wo Jɔ̀àfelaaà sɔɔ̀ nɔŋ wo Dèdaà yaà aŋ yè nyaŋ miàim wo Jɔ̀àfelaaà naŋ tàeɗùù nyaŋ wèè ka nyiŋ tɔɔ̀ kɛ̀ ɓòò nàŋ yaà wo Dèdaà.”

Luù 10:22

“Wo Dayà wo Dèda miɔ̀ŋ wòim kìɛ̀ŋ manɛ̀ŋ maŋ gbiŋ. Wo nyùùŋ bà gbiŋ nyimààŋ kɛ̀ ɓòò nàŋ yaà miàim wò Jɔ̀àfelaaà, sɔɔ̀ nɔŋ wo Dèdaà wuŋ guùŋ, yèè wo nyùùŋ bà gbiŋ nyimààŋ kɛ̀ ɓòò nàŋ yaà wò Dèdaà sɔɔ̀ nɔŋ miàim wo Jɔ̀àfelaaà yaà aŋ yè nyaŋ miàim wo Jɔ̀àfelaaà naŋ tàeɗùù nyaŋ wèè ka nyiŋ tɔɔ̀ kɛ̀ ɓòò nàŋ yaà wo Dèdaà.”

Jɔ̀ɔŋ 14:6

Wo Jisɛ̀ naŋ fasàì wààŋ, “Miàŋ nàŋ yaà ke dòmaàŋ, e tɔ̀ɔ̀nyaàaŋ yaà wɔŋ nyiiŋ gèeɔ̀. Wo nyùùŋ gbiŋ fè ɓɛ̀nɛ̀ŋ hnàŋ kòɓɛ̀ wò Dèdaì, sɔɔ̀ nɔŋ woim kɔ̀ɛ̀ɛ̀ kùàŋ sùà.

Jɔ̀ɔŋ 15:6

Sèè nìŋ go jèè e jààneiŋ ko nɛ̀ɛ̀ŋ miìŋ, nìŋ do nàŋ go. Nìŋ do nàŋ nɔ̀ŋ mààŋ maŋ kuù kpee wòa maŋ yè maŋ àŋ gbonaŋ gbònàŋ aŋ miŋ gbìàŋ ko hmɔ̀ɔ̀ŋ maŋ hèwà kpai.

Jɔ̀ɔŋ 5:23

Wo Dèda miɔ̀ŋ manaŋ anyùùŋ nyaŋ gbiŋ aŋ kìɛ̀ŋ miàim wo Jɔ̀àfelaauŋ nɔɔ̀ŋ e ɓɛ̀ɛ̀jàa, màànààŋ nɔŋ àŋ kiɛ̀uŋ e ɓɛ̀ɛ̀jàa lɛ̀. Sèè wo nyùùŋ gbiŋ gè maŋhɛɛ wèè wo kìɛ̀ŋ miàim wo Jɔ̀àfelaauŋ nɔɔ̀ŋ e ɓɛ̀ɛ̀jàa, kɛ̀ wò gè maŋhɛɛ wèè wo kìɛ̀ŋ e ɓɛ̀ɛ̀jàa koɓɛ̀ wo Dèda miɔ̀ŋ naim tɔ̀ùŋ wɔ.

Jɔ̀ɔŋ 8:31

Wo Jisɛ̀ naŋ ɓɛìŋ wòò Juùù nyaŋ nauŋ haawè nyaŋ wààŋ, “Sèè nìŋ haawà yèè nìŋ jɔɔlɔ̀ e yèɛ mìŋ naiŋ woò lɛ dìì, kɛ̀ tɔɔɓaa nìŋ yaà anyùùŋ màŋjɛ̀wɛ̀im.

Nyɛ̀nɛ̀ŋ 2:42

Àŋ naŋ wa jɔ̀ɔ̀lɔ̀ e yèɛ gbiŋ aŋ keela tàeɗùù nyaŋ naŋ nyiŋ kaà lɛ, e kìlà aŋ gbiŋ deenàŋ wa wèè aŋ zoolò koɓɛ̀ guùŋ e kìlà aŋ jììyà e nɛ̀ŋje koɓɛ̀ guùŋ.

Kòlo 3:16

Tɔ̀ ke miè gbìaàŋ e nyaàiŋ dè wo Jisɛ̀ Kulaì dià maŋ jiiŋ màŋ sùà. Kààaìŋ e kìlà niŋ kiɛ̀ŋ maŋ mìè gòo koɓɛ̀ aŋ dàwiiŋ nyàŋ e jiikɛ̀ɛ sùà. Dààaìŋ maŋ nùŋ, e nyaàiŋ dè wo Jisɛ̀ Kulaì, yèè maŋ nùŋ nɛɛmaŋ. Dààaìŋ wɔŋ nùŋ ke sɛ̀ gèe koɓɛ̀ Dayài maŋ jiiŋ màŋ sùà.

Taitɔ̀ 2:10

ɔ̀ɔ̀ ɓɔ̀ àŋ wùà àŋ kɛ̀ɛ̀nɛŋ nyiŋ nyàŋ sìwè. Kɛɛ aŋ tɔɔ̀ kɛ̀ e teenga gbiŋ àŋ yaà tɛ̀ɛ̀ yèè aŋ nɔ̀ŋ anyuùŋ tùlìà jii, kpeiŋ kɛ̀ tɛɛ̀ do nàŋ tɔ̀ɔ̀ e ɓɛ̀ɛ̀jàa gbee koɓɛ̀ e kàaà e nyaàiŋ dè wo Dayà wo Nyuùŋ Jòèye wiɔ̀ maŋ keì nyɛ̀nɛŋ nyiŋ màŋ gbiŋ sùà.

Hiɓu 3:14

Yàwi nààŋ gbiŋ è yààìŋ aŋ dàwi koɓɛ̀ Jisɛ̀ Kulaìi. Weètii kùwà wiìŋ koɓɛ̀ guùŋ kpaŋ ke jii tùlia sùa e nyaàiŋ dè e hààwe wilɛ̀ è kùwàìŋ wa lɛ̀ e jeèsùà e haì ko dìa.

Hiɓu 6:1

Kàmè wiìŋ ɗewe e nɔ̀iŋ anyuùŋ kàmaiŋ, yèè e tɔɔtùiŋ gòngo wèè e nyɛ̀nɛ̀iŋ maŋ kèì nyɛ̀nɛ̀ŋ nyuùŋ kàmaiŋ. Kɛɛ ɓɔ̀ è nɔ̀ŋ màŋ keì jiɛ̀jiɛ̀ maŋ è naiŋ wa gbeè maŋ sùà e nyaàiŋ dè wò Jisɛ̀ Kulaì. Ɓɔ̀ è nɔ̀iŋ ɓɛìŋ wòo sùà è kèè kè kpèè jɛi tɔ̀ɔ̀tu wèè eiŋ fè maŋ tùwo naanààŋ wi màŋ jɛwɛ maŋ yè maŋ hiàŋ e fàa màŋ, e kìlà eiŋ ɗewè wèè eiŋ kɛ̀ɛ̀nɛ̀ŋ hààwe wo Dayà sùà.

1Jɔ̀ɔŋ 1:3

E yèɛ è naiŋ yɛmɛ̀ yèè è naiŋ kòmò lɛ tiŋ è naiŋ woò, wèè naŋ wi dè maŋjɛ̀wɛ wèè eiŋ nɔ̀ŋ ke gbòò Dayà zòòloɛ̀ sùà, yèè ke gbòò zòòlo yɛɛ̀ kè yaà wèè wo Dèdaà yèè wo jɔ̀àfelaauŋ nɔɔ̀ŋ Jisɛ̀ Kulaì.

3Jɔ̀ɔŋ 1:9

Mìŋ naŋ sìngè wɔŋ fɛi kpuu koɓɛ̀ ke gbòò anyuùŋ hààwe nyàŋ, kɛɛ wo Dìɔ̀tifɔ̀, wo yèɔ manaŋ wo nɔ̀ŋ sìèfeìŋ wɔ, wo nààŋ kùmìè e yèɛ mìŋ naŋ woò lɛ.