2Jɔ̀ɔŋ 1:8 - WƆŊ FƐ̀Ì EBÒ SÌÀŊ DAYÀA

⁸ Yɛ̀mɛìŋ nyɛ̀ìŋ bi diɛŋ, wèè niŋ go nàŋ gbɛ̀nɛ̀ŋ è yèɛ è naìŋ wa tomo wèè niŋ lɛ̀, yèè nìŋ do nàŋ yɛ̀mɛ̀ e jìwààjɛ̀wɛ̀ niŋ nɛ̀ e dìa niŋ.

2Jɔ̀ɔŋ 1:8 ပူးပေါင်းရင်းမြစ်များ

Maafiù 24:4

Wo Jisɛ̀ naŋ nyiŋ wòo wààŋ, “Yɛ̀mɛìŋ nyɛ̀iŋ bi diɛŋ, yèè ɓɔ̀ nìŋ daŋgè wo nyùùŋ bà gbiŋ wò doiŋ zuwò.

Luù 19:19

Wo kanaà naŋ wòò wo yè wɛɛ̀ wààŋ, ‘Mùŋ do nàŋ nɔ̀ŋ wo sìèfèìŋ maŋ jàwà gbèègbèè nɔɔnɔŋ.’

Luù 21:8

Wo Jisɛ̀ naŋ nyiŋ wòo wààŋ, “Yɛ̀mɛìŋ nyɛ̀iŋ bi diɛŋ, yèè ɓɔ̀ nìŋ daŋgè wo nyùùŋ bà gbiŋ doiŋ zuwò. Anyuùŋ zimgbe do nàŋ hnè e deè mɛ̀ diɛŋ aŋ woò nyààŋ, ‘Miàŋ nàŋ yaà wo yèɔ wo Dayà naŋ tàeɗùù wɔ wèè wo joeyè e ɗuunyaàŋ, wo Kulaìɔ,’ e kìlà ‘E teengaà lɛɛ̀!’ Kɛɛ ɓɔ̀ nìŋ dè nyiŋ màŋjɛ̀wɛ.

Jɔ̀ɔŋ 4:36

Wo nyùnɔ̀ɔŋ yèɔ kpaa manɛ̀ŋ ɓù maŋ wɔ̀, yɛmɛ̀ e pààwa, e kìlà àŋ gbonàŋ maŋ kùù kòmàŋ wɔŋ nyiiŋ gèe gò jùà, wèè kɛ̀ wo nyuùŋ tòmò ɓùɔ yèè wo nyuùŋ kpàà manɛ̀ŋ ɓùɔ naŋ ɓɛ̀nɛ̀ŋ gììyà e zɔlɔ̀ koɓɛ̀ guùŋ.

1 Kɔliìŋ 15:8

Ko diemeì, wò naim fòlò feìŋ jòòpɛɛ mìŋ yaà mààŋ wo nyùnɔ̀ɔŋ yèɔ aŋ gò wa kùmìàŋ e teenga diɛŋ wɔ̀.

1 Kɔliìŋ 3:14

Sèè e nɛ̀ɛŋ àŋ naŋ nyìlìè ko tɔ̀ɔ̀tù ke saaàŋ lɛ è folo e hmɔ̀ɔ̀ɛŋ dìì, wo nyuùŋ nyɛ̀lɛɔ̀ do nàŋ yɛ̀mɛ̀ e pààwa.

1 Kɔliìŋ 3:8

Wo nyùnɔ̀ɔŋ naŋ nyùɔ̀ŋ wɔ, yaà wo nyùnɔ̀ɔŋ naŋ gɔ̀àà maŋ màì wɔ, e tɛɛ gòòno gbiŋ fè nyiìŋ è fèemàŋ. Wo Dayà do nàŋ pààwà nyùùŋ gbiŋ màànààŋ wò naŋ tomo lɛ̀.

Gàla 3:4

Maŋ keì nyìnga màŋ gbiŋ nìŋ naŋ wa kɔ̀ dìì maŋ, naŋ wa nɔ̀ŋ wèè foo? Tɔɔɓaa maŋ fè wa è wèè foo!

Gàla 4:11

Mìŋ yaà e jùù yèè e gòngo sùà e nyaàiŋ eiŋ dè. Tɛɛ̀ ɓɛ̀nɛ̀ŋ nɔŋ kɛ̀ e tòmo mɛ̀ gbiŋ tɛɛiŋ è nɔ̀ŋ e wèè foo?

Fèle 3:16

E ɗewe gbiŋ è do nàŋ nɔ̀ŋ, kùùnò wiìŋ kà ko feìŋ e nyaàiŋ dè maŋ kpèè guùŋ miiŋ è naiŋ wa gbeè maŋ e jèèsùà e hàì nàaŋ.

Hiɓu 10:32

Ɓɔ̀ nìŋ nyɛɛnɛ̀ŋ wèè màŋ keì nyìnga màŋ nìŋ naŋ wa kɔ̀ɛ̀ɛ̀ sùà maŋ, e teenga jiɛ̀jiɛ̀ɛ nìŋ naŋ wa yɛ̀mɛ̀ e gbòlòùŋ Dayàa lɛ̀.

Hiɓu 10:35

Kɛ̀ɛ̀nɛìŋ maŋ jii nyingè, esaɓù kɛ̀ màŋ doiŋ nàŋ hìɛ̀ŋ e jìwààjɛ̀wɛ̀ siaŋ gbee.

Hiɓu 12:15

Yɛ̀mɛìŋ nyɛ̀iŋ bi diɛŋ, wèè niŋ go nàŋ fè e tɛ̀ɛ̀tɛ̀ɛ̀ Dayàa jɛwɛ. Ɓɔ̀ nìŋ dangè wò nyùùŋ gbiŋ wò do nɔ̀ŋ mààŋ e kùù gùlò kè kuù fiìì, yèè wo nyɛ̀nɛ̀ŋ anyuùŋ zimgbe aŋ nɔ̀ŋ è keì nyìnga sùà.

Maŋ kèì nyɛɛnɛŋ 3:11

Mìŋ yaà hinie e teenga kpuu sùà. Weètii e hààweɛ̀ nìŋ kùwàìm sùà lɛ, sɔɔ̀ naŋ niŋ kùwà kpaŋ, wèè kɛ̀ wo nyùùŋ bà goiŋ nàŋ gè e jìwààjɛ̀wɛ̀ɛ nìŋ yɛmɛ̀ mààŋ ke ɓɔ̀ɗì kanaà yɛ sìwè.