2Jɔ̀ɔŋ 1:1 - WƆŊ FƐ̀Ì EBÒ SÌÀŊ DAYÀA

¹ E yìwìà koɓɛ̀ wo màmàŋkùmɛɔ̀ŋ, wo sìèfeìŋ anyuùŋ hààwe nyàŋ. E kà koɓɛ̀ wo nìe tàeɗùù titi bà yaà aŋ jɔ̀àuŋ nyàŋ. Tɔɔɓaa mìŋ manaŋ nyɛiŋ gbiŋ. Yèè aŋ yè nyaŋ gbiŋ naŋ nyìmè e tɔ̀ɔ̀nyaàaŋ lɛ̀ àŋ mànaìŋ.

2Jɔ̀ɔŋ 1:1 ပူးပေါင်းရင်းမြစ်များ

Luù 1:3

Miàŋ bi kà nyɛ̀nɛ̀ŋ maŋ nɔnɔŋ tùaŋ wèè maŋ keì mɛɛ̀ŋ gbiŋ tɛ̀ɛ̀ e yìwìà ko tɔɔtuì, weètii mìŋ naŋ ɗewè wèè ka sìngà maŋ keì mɛɛ̀ŋ guùŋ guùŋ, màànààŋ màŋ naŋ kaaìŋ lɛ. Dàa Tìɔ̀felɔ̀,

Jɔ̀ɔŋ 8:32

Nìŋ do nàŋ nyìmè e tɔ̀ɔ̀nyaàaŋ, yèè e tɔ̀ɔ̀nyaàaŋ doiŋ nàŋ joeyè.”

Nyɛ̀nɛ̀ŋ 11:30

Kpeiŋ àŋ naŋ wa tà wo Bànaŋɓà yèè wo Sɔɔ̀ ɗùù wèè aŋ koà e nɛɛnɛɛ̀ŋ koɓɛ̀ aŋ màmànkùmɛ̀ŋ anyuùŋ hààwe nyàŋ ko Jùlusɛ̀làm.

Luùm 16:13

Mìŋ zuumàŋ wo Lufɔ̀, wo nyuùŋ tàeɗùù tòmo titi wii wèè Kanaà Jisɛ̀, yèè mìŋ zuumàŋ wo yèyeuŋ nɔɔ̀ŋ, wo yèɔ naŋ nyɛ̀nɛ̀ŋ e kpùùmaŋ zimgbe ko nɛ̀ɛ̀ŋ miìŋ mààŋ wo jɔ̀àfèlàà wuŋ bi wɔ̀.

Gàla 2:14

Kɛɛ nààŋ mìŋ naŋ wa yɛmɛ̀ kɛ̀ aŋ fè kààiŋ sùà kè dòmàŋ jìlɛɛ̀ŋ è nyaàiŋ dè è tɔ̀ɔ̀nyààŋ Ebò Siaàŋ lɛ, mìŋ naŋ wa woò wo Pììlɛ ko fɛ̀ɛ̀fèìŋ anyùùŋ nyaŋ gbiŋ mìàŋ, “Mùŋ yaà wo Juùù nyuuŋ, yèè màŋ wa nɔ̀ŋ wɔŋ nyiiŋ gèe mɔɔ̀ŋ sùà mààŋ wo nyùnɔ̀ɔŋ fè wò Juùù wɔ. Kɛ̀ dièsɔa mùŋ naŋ ɓɛ̀nɛ̀ŋ hììyà anyùùŋ nyaŋ fè àŋ Juùù nyaŋ wèè aŋ nɔ̀ŋ wɔŋ nyiiŋ gèe nyiŋ nɔɔ̀ŋ sùà mààŋ aŋ Juùù nyuuŋ?”

Gàla 2:5

Kɛɛ è manaŋ wa wèè naŋ kɛ̀ɛ̀nɛ̀ŋ Ebò Sìàŋ tɔ̀ɔ̀nyaàaŋ. Tɛɛ̀ naŋ nyɛ̀nɛ̀ŋ e gò nyiŋ wa nyimèè wèè è teenga kpuu pɛɛ.

Gàla 3:1

Nyɛ̀iŋ nààŋ nyùùŋ Gàlatìà ɓàaɓàa nyɛɛ̀ŋ! Ɓòò naiŋ gbìɛ̀ŋ e nɛ̀ŋ dàà nyùùŋ? Nyɛ̀iŋ bi ko fɛ̀ɛ̀fèìŋ mìŋ naiŋ wòò e ɗeweɛ̀ àŋ naŋ wa jìwìè wo Jisɛ̀ Kulaì wɔŋ vànèkpaa diɛŋ lɛ̀!

Gàla 5:7

Nìŋ yaà wa nyìnìè e yèɛ yaà tɛ̀ɛ̀ lɛ, kɛɛ ɓòò kai naiŋ wa kèèwè wɔŋ kùàŋ feìŋ yèè nìŋ nauŋ tùlìè jii wèè naŋ hɔ̀ànè e tɔ̀ɔ̀nyaàaŋ jɔ̀ɔ̀lɔ̀ dìì? Dièsɔa wo nyùùŋ bi naiŋ wa kìɛ̀ŋ ke jii nyìngè yɛɛ̀ wèè naŋ hɔ̀ànè e tɔ̀ɔ̀nyaàaŋ jɔ̀ɔ̀lɔ̀ dìì?

Kòlo 1:5

E teengaà ke mìè gbìàŋ tɔ̀ɔ̀nyààŋ Ebò Siaàŋ naŋ wa hnè ko nɛ̀ɛ̀iŋ niìŋ jiɛ̀ lɛ, nìŋ naŋ wa kòmò e kèè ke jii tùliaà è kiɛ̀ŋ lɛ. Weètii e hààweɛ̀ yèè e mànaàŋ nìŋ kuwa lɛ̀, nàŋ yaà e yèɛ nìŋ yaà kaame ke jii tùlia sùà lɛ, e yèɛ yaà bàànè hàa weèiŋ ko àìjɛnɛ̀ŋ lɛ.

1Time 2:4

wo yèɔ manaŋ wèè wo nyùùŋ gbiŋ yɛ̀mɛ̀ e jòèye yèè wo nyìmàŋ e tɔ̀ɔ̀nyaàaŋ wɔ̀.

Hiɓu 10:26

E saaà gèe bà gbiŋ fè wèè e gùà màŋ jùumù wi màŋ, sèè è naiŋ ɗewè wèè eiŋ nɔ̀ŋ nyìnìè maŋ kèì jùumù keleiŋ, jòòpɛɛ èiŋ nyìmàŋ e tɔ̀ɔ̀nyaàŋ.

1Pììlɛ 1:2

Wo Dayà Dèda wiɔ̀ wa ɗewè gɔu wèè woiŋ tàeɗùù naŋ nɔ̀ŋ anyunùuŋ, yèè wo Jinàuŋ nɔɔ̀ŋ wòiŋ nyɛ̀nɛ̀ŋ naŋ nɔ̀ŋ anyùùŋ nɛɛmaŋ, wèè naŋ jɔ̀ɔ̀lɔ̀ wo Jisɛ̀ Kulaì dìì, yèè maŋ sɛnìuŋ màŋ nyɛ̀nɛ̀ŋ nàŋ zɛ̀nɛ̀ŋ. Tɔ̀ wo Dayà kiɛ̀iŋ e tɛ̀ɛ̀tɛ̀ɛ̀ yaà ke jii fàa dìa sùà.

1Pììlɛ 5:1

Miàŋ bi, mìŋ yaà wo màmàŋkùmɛŋ, mìŋ yaà dàwè sùà aŋ màmàŋkùmɛŋ nyàŋ e tɛɛiŋ. Mìŋ yaà wo sèì Jisɛ̀ Kulaì wèè maŋ keì nyìnga màŋ wò naŋ kɔ̀ dìì maŋ. Yèè e jòòwoɛ̀ do nàŋ hnè lɛ, wuŋ nàŋ kànaìŋ yèè mìŋ do nàŋ nɔ̀ŋ bà nyiŋ bà.

1Pììlɛ 5:13

Anyùùŋ màŋjɛ̀wɛ̀ Kanaà Jisɛ̀ nyaŋ wo Dayà naŋ tàeɗùù ko Ɓaɓelɔ̀ùŋ, yèè wo jɔ̀àim Mài, àŋ dawàìŋ.

1Jɔ̀ɔŋ 2:21

E fè mààŋ niŋ nyimààŋ è tɔ̀ɔ̀nyaàaŋ, wèè kaìŋ sìngà wɔ̀ŋ fɛi wɛɛ̀ŋ, kɛɛ nààŋ nìŋ naŋ niŋ nyìmè lɛ, nàŋ nyìmàŋ kɛ̀ e tòa bà gbiŋ e fè è tɔ̀ɔ̀nyaàŋ bi sùà.

1Jɔ̀ɔŋ 3:18

Nyɛ̀iŋ nààŋ jɔ̀àim nyàŋ, nìŋ tɔɔ̀ e mànaŋ wèè aŋ dàwi sèè nìŋ kpuumàŋ nyìŋ e tɔ̀ɔ̀nyaàŋ sùà, kɛɛ e fè nɔŋ wèè naŋ niŋ wòò kò nyààŋ.

2Jɔ̀ɔŋ 1:13

Aŋ jɔ̀à jaaiŋ nyàŋ wo Dayà naŋ tàeɗùù nyaŋ naiŋ tùɔ̀ŋ e zùùmo.

2Jɔ̀ɔŋ 1:5

Yèè mìŋ yààùm dàwe sùà, Nìe mànaŋ miɔ̀ŋ, wèè eiŋ mɔ̀ɔ̀nɔ̀ŋ fèemàŋ. Ke sàwà yɛɛ̀ ke fè kè jɛ̀ì nyiŋ mìŋ do sìngà ko nɛ̀ɛ̀ŋ niìŋ, kè yaà wa ke sàwà gɔu e yìwìà ko tɔ̀ɔ̀tù e ɗuunyaàŋ.

3Jɔ̀ɔŋ 1:1

E yìwià koɓɛ̀ wo màmàŋkùmɛɔ̀ŋ, wo sìèfèìŋ anyuùŋ hààwe nyàŋ. E kà koɓɛ̀ wo dàwi miɔ̀ŋ Gayɔ̀i, wo yeɔ̀ mìŋ naŋ kaì mɔ̀nɔ̀ŋ e tɔ̀ɔ̀nyaàŋ sùà wɔ.