2 Kɔliìŋ 9:6 - WƆŊ FƐ̀Ì EBÒ SÌÀŊ DAYÀA

⁶ Jàaìŋ jii kɛ̀ wo nyùnùɔŋ naŋ nyùɔ̀ŋ manɛ̀ŋ je jɔa wɔ̀, wò do nàŋ kpàà manɛ̀ŋ je jɔa, wo yèɔ naŋ nyùɔ̀ŋ zimgbe wɔ̀, wò do nàŋ kpàà manɛ̀ŋ je zimgbe.

2 Kɔliìŋ 9:6 ပူးပေါင်းရင်းမြစ်များ

Luù 6:38

Sèè nìŋ kiɛ̀ŋ aŋ dàwiiŋ nyàŋ, yɛi wo Dayà doiŋ nàŋ kiɛ̀ŋ e dìa niŋ kpaŋ. È do nàŋ nɔ̀ŋ sɔ̀la niŋ wɔŋ pòum sùà e dià pi woiŋ niŋ kiɛ̀ŋ, e kìlà e kìɛŋ bi doiŋ nàŋ kpɛ̀lɛ̀ e mààŋ nyààŋ. E ɗèwè guùŋ nɛ nɔŋ nìŋ tuwà koɓɛ̀ aŋ dàwiiŋ nyàŋ lɛ, e ɗèwè guùŋ bi sùà nɔŋ wo Dayà do nàŋ tùwò ko nɛ̀ɛ̀iŋ niìŋ.”

1 Kɔliìŋ 1:12

Tɔ̀ miŋ woò niŋ e ɗewe kii lɛɛ̀ sùa, nyɛ̀iŋ nààŋ gbiŋ nìŋ yaà gbuuye gbàgbà. Wo nyùnɔ̀ɔŋ bà wààŋ, “Wo Pɔɔ̀ mìŋ yaà maŋjɛ̀wɛ.” Wo bàa wààŋ, “Wo Àpolò mìŋ yaà maŋjɛ̀wɛ.” Wo bà wààŋ, “Wo Sifɔ̀ mìŋ yaà maŋjɛ̀wɛ,” yèè wo bà wààŋ, “Wo Jisɛ̀ Kulaì mìŋ yaà maŋjɛ̀wɛ.”

1 Kɔliìŋ 15:20

Kɛɛ e tɔɔɓaaà nàŋ yaà kɛ̀ wo Jisɛ̀ Kulaì fòlà e fàa dìì, tii nàŋ yaà ke jii tùliaà kɛ̀ aŋ yè nyaŋ àŋ yaà maŋ jàwè e fàa dìì nyaŋ àŋ do nàŋ fòlò e fàa dìì.

1 Kɔliìŋ 7:29

Nyɛ̀iŋ nààŋ wùìyaim nyàŋ, e nɛ̀ɛŋ mìŋ yaà woo lɛ̀ tiŋ tɛɛ̀, e teengaà naŋ joo lɛ̀, e gò ɓɛìŋ jìwà nɛ̀ŋ, yèè e yìwìà e teenga lɛɛ̀ sùà naàŋ, anyuùŋ kɛ̀ɛ̀nɛ̀ŋ jɔùŋ ɔ̀ɔ̀ felaa, aŋ nɔ̀ŋ mààŋ koɓɛ̀i àŋ yaà yɛi aŋ kpào le.

2 Kɔliìŋ 9:10

Wo Dayàa wo yèɔ goonàŋ manɛ̀ŋ koei màŋ koɓɛ̀ anyuùŋ nyùaŋ miŋ nyàŋ yèè e nɛ̀ŋje wèè aŋ jè wɔ, wò do ɓɛìŋ nɔŋ nàŋ tòòyè manɛ̀ŋ koei màŋ nìŋ kuwa màŋ, e kìlà wo miŋ nyɛ̀nɛ̀ŋ maŋ wùìyà yèè maŋ kòmàŋ zimgbe e nɛ̀ŋ kìɛiŋ nɛ̀ e dɛ̀ɛ̀ sùà wèè naŋ kìɛ̀ŋ anyuùŋ gò kɛ̀ɛ̀nɛ̀ŋ nɛ̀ŋ nyaŋ.

2 Kɔliìŋ 9:5

Wèètii mìŋ naŋ gongò kɛ̀ è yaà tɛ̀ɛ̀ wèè eiŋ dàwè anyuùŋ hààwe nyàŋ aŋ kà feìŋ ko nɛ̀ɛ̀ŋ noo wèè naŋ bànèbànè e kìɛɛ̀ŋ nìŋ naŋ ɓèmè e ɗààhiì weè niŋ nɛ̀. Kɛ̀ è do nàŋ nɔ̀ŋ e bànèbaneiŋ tɛ sèè mìŋ hnàŋ, kpeiŋ kɛ̀ è tɔɔ̀ kɛ̀ nìŋ naŋ kiɛ̀ŋ esaɓù kɛ̀ nìŋ manaŋ wèè naŋ kiɛ̀ŋ, e fè kɛ̀ è yaà è kpaŋ wèè naŋ kiɛ̀ŋ.

Gàla 3:17

E yèɛ mìŋ yaà woo lɛ̀ nàŋ yaà kɛ̀, ke Sàwàa fè ɓɛ̀nɛ̀ŋ vɔ̀ɔ̀nɔŋ ɔ̀ɔ̀ ke gè ɗààhìì e mìèsùàgùùŋ Dayàa dao wò naŋ wa banè maŋ doa hɔ̀nɔ̀ɔ̀ tiinàŋ kpɛ̀ùŋ jɛ̀wɛ̀ zììyà (430), yèèngàà paŋ wò naŋ wa kìɛ̀ŋ ke Sàwàa lɛ̀.

Gàla 5:16

E yèɛ mìŋ yaà woo lɛ̀ nàŋ yaà tɛɛ̀, tɔ̀ e gààŋ Jìnàŋ Nɛɛmaàŋ nɔ̀ŋ maŋ nyiiŋ gèeiŋ màŋ sùà, yèè ɓɔ̀ nìŋ jɔɔlɔ̀ è ɗèwè màŋ kèìŋ nyuùŋkpùuŋ màŋ dìì.

Ɛfesɔ̀ 4:17

Mìŋ yààìŋ fèe sùà e gòo e dèè Kanaà sùà, wèè naŋ hɔ̀ànè nɔ̀ŋ maŋ nyiiŋ gèeiŋ màŋ sùà mààŋ anyùùŋ nyaŋ fè àŋ Juùù nyaŋ, aŋ yè nyaŋ maŋ gòngo nyiŋ màŋ yaà maŋ foo miŋ lɛ̀.

Kòlo 2:4

Tɔ̀ miŋ woòiŋ, ɓɔ̀ nìŋ nyimèè wèè wò nyùùŋ gbiŋ wò doiŋ zùùwò màŋ mìè gbòa ɓuuyè, miŋ gò kpɛɛ̀ŋ diè kè naŋ ɓuuyè.

Hiɓu 6:10

Wo Dayà fè wò nyuùŋ gò nɔ̀ŋ tɔ̀ɔ̀nyaàŋ. Wo naàŋ nyɛɛnɛ̀ŋ wèè è tòmoɛ̀ mùŋ naŋ nyɛ̀nɛ̀ŋ yaà è mànaàŋ mùŋ naŋ tɔɔ̀ weèuŋ nɛ̀, e yìwìà kpùùmaàŋ mùŋ kiɛ̀ŋ yèè mùŋ yaà kìɛ̀ŋ sùà koɓɛ̀ anyùùŋ nɛɛmauŋ nyàŋ lɛ.