2 Kɔliìŋ 9:4 - WƆŊ FƐ̀Ì EBÒ SÌÀŊ DAYÀA

⁴ E ɗewe gbiŋ, sèè aŋ fèlàà Mɛ̀sèdonià nyaŋ hnàŋ yàwiiŋ nyiŋ aŋ yɛmɛ̀ kɛ̀ niŋ fè è bànèbaneiŋ, e sàngè do wi nàŋ kùwò wèè e gbòaà nyaàiŋ eiŋ dè, kɛɛ e jeiŋ nɛ̀ nìàŋ esaɓù kɛ̀ è naiŋ weè naàŋ sìè e hààwe sùà.

2 Kɔliìŋ 9:4 ပူးပေါင်းရင်းမြစ်များ

Luùm 15:26

Maŋ gbòò anyuùŋ hààwe nyàŋ ko Mɛ̀sèdonià yèè ko Àkaayà naŋ gbònògbònò e nɛɛnɛŋ, wèè ka niŋ kòà koɓɛ̀ anyùùŋ nɛɛmaŋ nyàŋ ko Jùlusɛ̀làm, wèè e nɔ̀ŋ e kpùùmaŋ koɓɛ̀ anyuùŋ pɔ̀ɔ nyàŋ.

1 Kɔliìŋ 16:2

Ke ɗɔɔ jiɛ̀jiɛ̀ɛ ke wikì gbiŋ sùà, nyùùŋ gbiŋ maŋ hàà e nɛɛnɛŋ bà e ɓula, e yìwìà e yèɛ gbiŋ mùŋ naŋ yɛmɛ̀ lɛ sùà, wèè niŋ go nàŋ nyɛ̀nɛ̀ŋ màŋ kuàŋ gbònògbono kè ɗɔɔɛ̀ mìŋ hnàŋ lɛ diɛŋ.

2 Kɔliìŋ 11:17

Jòòpɛɛ e nɛ̀ɛŋ mìŋ yaà naàŋ ko woo lɛ̀, tiŋ nààŋ fè è nɛ̀ɛŋ wò Kanaà heim nàŋ gè nyààŋ diɛŋ wèè ka woò lɛ. E kèè maŋ nyongà gbùùyà jii tùlia sùà lɛɛ̀, mìŋ yaà kai gbuuye mààŋ wo nyuùŋ zùwo.

2 Kɔliìŋ 8:24

Tɔ̀ɔìŋ e mànaiŋ nɛ̀ ko nɛ̀ɛ̀ŋ nyiŋ niìŋ, wèè maŋ gbòò anyuùŋ hààwe nyàŋ aŋ yɛmɛ̀ niŋ, aŋ nyìmàŋ kɛ̀ è yaà e tɔɔɓaa wèè eiŋ kɛ̀ɛ̀ maŋ nyòngà weèiŋ.

2 Kɔliìŋ 9:2

Kà nyìmàŋ kɛ̀ è yààìŋ jii wèè naŋ kpuumàŋ, yèè kà kɛ̀ɛ̀ maŋ nyòngà koɓɛ̀ anyùùŋ Mɛsèdonìà nyaŋ e nyaàiŋ eiŋ dè kɛ̀, “Anyuùŋ hààwe nyàŋ ko Àkaayà, àŋ wa banebànè wèè aŋ kpuumàŋ e yìwìà doa bà mɛ̀iŋ.” E wùànàŋ kpùùmaiŋ nɛ̀, è sìà aŋ zimgbe nyiŋ ke di.

Felemɔ̀ŋ - PHM 1:19

E yìwìà wɔŋ kùàŋ miàŋ biɔ̀ mìŋ yaà tɛɛ̀ singie ko nɛ̀ɛ̀iŋ niìŋ kɛ̀, miàim Pɔɔ̀, mìŋ do niŋ nàŋ paawà ko nɛ̀ɛ̀ŋ muìŋ. Kɛɛ mùŋ kùwàìm e kpàŋ wɔŋ nyiiŋ gèe jɛi mɔɔ̀ŋ esàɓù wo Jisɛ̀ Kulaì sùà.