2 Kɔliìŋ 9:3 - WƆŊ FƐ̀Ì EBÒ SÌÀŊ DAYÀA

³ Wèètii mìŋ yaà tùaŋ sùà aŋ wùìya kùwìè hààwe nyɛɛ̀ŋ, wèè kɛ̀ maŋ nyongà kɛ̀ɛ wi màŋ è keì lɛɛ̀ sùà maŋ naàŋ nɔ̀ŋ màŋ miè foo. Kɛɛ màànààŋ nɔŋ mìŋ naŋ woò lɛ, nìŋ do nàŋ banebànè wèè e kpùùmaiŋ nɛ̀.

2 Kɔliìŋ 9:3 ပူးပေါင်းရင်းမြစ်များ

2 Kɔliìŋ 7:14

Mìŋ naŋ kɛ̀ɛ̀ maŋ nyòngà ko nɛ̀ɛ̀uŋ niìŋ e nyaàiŋ eiŋ dè, yèè kòò nìŋ sìèìm sàngè. E teenga gbiŋ è woàìŋ e tɔ̀ɔ̀nyaàaŋ, yèè maŋ nyongà guùŋ maŋ è naŋ kɛ̀ɛ̀ koɓɛ̀ Taitɔ̀i màŋ nàŋ tɔ̀ɔ̀ e tɔ̀ɔ̀nyaàŋ.

2 Kɔliìŋ 7:4

Mìŋ kùwàìŋ ke jii tùlia gbee sùà, yèè mìŋ kuwa e ɓɛ̀ɛ̀jàa gbee weèiŋ. E kìlà ke di naim diè, yèè kpùlìà maŋ keì nyìnga wi màŋ gbiŋ sùà, mìŋ naŋ dìè, ke jii nyingè yèè e zɔlɔ̀ zimgbe yaà jii miɛ̀ŋ.

2 Kɔliìŋ 8:6

E wèètii, è naŋ dàwè wo Taitɔ̀, wo yèɔ naŋ tɔ̀ɔ̀tù e tòmo lɛɛ̀ wɔ, wèè wo kunò niŋ kɔ̀à feìŋ e kìlà wo kpuumàiŋ wo kpɛɛyɛ̀ e tòmò tìtì e mànaŋ lɛɛ̀.

Taitɔ̀ 3:1

Kùnoò dìkà maŋ jìì anyuùŋ ko Kuliì nyaŋ koɓɛ̀ maŋ keì mɛɛ̀ŋ, aŋ kòmàŋ anyuùŋ gbeegbèè nyiŋ nyàŋ mìè yèè aŋ jɔɔlɔ̀ nyiŋ dìì, yèè aŋ nɔ̀ŋ e bànèbane nyiŋ wèè aŋ nyɛ̀nɛ̀ŋ tɛ̀ɛ̀ dòmaŋ nyaaŋ ɗewe gbiŋ sùà.