2 Kɔliìŋ 9:15 - WƆŊ FƐ̀Ì EBÒ SÌÀŊ DAYÀA

¹⁵ Gè wiìŋ wo Dayà ke sɛ̀ wèè e kìɛŋ siaŋ gbeeuŋ nɛ̀ e fèiŋ ɓɛ̀nɛ̀ŋ gbɛ̀ɛ̀nɛ̀ŋ è nɛ̀ŋ gbiŋ lɛ̀!

2 Kɔliìŋ 9:15 ပူးပေါင်းရင်းမြစ်များ

Luù 2:14

“E jòòwo gbee yaà wèè Dayà ko àìjɛnɛ̀ŋ, yèè ke jii fàa nɔ̀ŋ koɓɛ̀ anyuùŋ kpùuŋ nyàŋ e ɗuunyaàŋ aŋ yè nyaŋ nauŋ fɔ̀ɔ̀yɛ̀ ke jii nyàŋ.”

Luù 2:38

E tèèngà guùŋ bi sùà wo Anàŋ naŋ hnè ko Saaŋ Zòòlò Dayài, nààŋ wò naŋ yɛ̀mɛ̀ wo jɔ̀àa, wò naŋ gè Dayà ke sɛ̀ yèè wò naŋ wòò e kèè wo jɔ̀àa koɓɛ̀ anyùùŋ nyaŋ gbiŋ yaà wa yɛ̀ɛ̀mɛ̀ dòmaŋ wèè wo Dayà jòèyè anyùùŋ nyaŋ ko Jùlusɛ̀làm.

Jɔ̀ɔŋ 1:16

Esàɓù e mànaŋ gbeeuŋ nɛ̀ ko nɛ̀ɛ̀ŋ wiì, wò naŋ nɔ̀ŋ e kpùùmaŋ gbee koɓɛ̀ yàwi nààŋ gbiìŋ.

Jɔ̀ɔŋ 3:16

E ɗeweɛ̀ lɛɛ̀ wo Dayà naŋ wa tɔ̀ɔ̀ e mànauŋ nɛ̀ koɓɛ̀ anyùùŋ nyaŋ e ɗuunyaàŋ. Wò naŋ wa kìɛ̀ŋ wo Jɔ̀àfèlàà gunùuŋ nɔɔ̀ŋ, wèè kɛ̀ wo nyùnɔ̀ɔŋ gbiŋ haawà miàim wo Jɔ̀àfèlàà Dayàa sùà wɔ, ke kpùnauŋ nɛɛ̀ŋ naàŋ fɔ̀, kɛɛ wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Luùm 5:15

Kɛɛ nyiŋ tìyèe àŋ yaà gbàgbà, esaɓù kɛ̀ e nɛ̀ɛŋ wo Dayà naŋ wa kiɛ̀ŋ lɛ e fè mààŋ è jùùmù Adamàaŋ. È yaà tɔɔɓaa kɛ̀ anyuùŋ zimgbe naŋ fɔ̀ esàɓù e jùùmù wo nyùùŋ guùŋ wii. Kɛɛ e tɛ̀ɛ̀tɛ̀ɛ̀ Dayàa naŋ dɛɛ̀ zimgbe, yèè yɛi nɔŋ wo Dayà naŋ niŋ kiɛ̀ŋ foo koɓɛ̀ anyuùŋ zimgbe esàɓù e tɛ̀ɛ̀tɛ̀ɛ̀ɛ wo Jisɛ̀ Kulaì naŋ nyɛ̀nɛ̀ŋ lɛ.

Luùm 6:23

E jìwààjɛ̀wɛ̀ɛ wo nyùùŋ yɛmɛ̀ sèè wo nyɛnɛŋ e jùumù lɛ, nàŋ yaà e fàa. Kɛɛ wo Dayà kiɛ̀ŋ wɔŋ nyiiŋ gèe gò jùà foo koɓɛ̀ anyùùŋ nyaŋ yaà aŋ bà nyiŋ bà wo Jisɛ̀ Kulaì wo Kana wiɔ̀ sùà nyaŋ.

Luùm 8:32

Tɔɔɓaa e fè ɓɛ̀nɛ̀ŋ nɔ̀ŋ wò Dayà, wo yèɔ gò wa kìlìà wò Jɔ̀àfèlàà wuŋ biɔ̀ kùàŋ feìŋ wɔ, wò nauŋ wa kiɛ̀ŋ e saaà gèe sùà wèè wo nɔ̀ŋ e kpùùmaŋ wèè yàwi nààŋ gbiŋ. Sèè wo Dayà naŋ wa tɛɛ̀ ɓɛ̀nɛ̀ŋ nyɛ̀nɛŋ, e gòiŋ haawè kɛ̀ wò wi ɓɛ̀nɛ̀ŋ kìɛ̀ŋ è nɛ̀ɛŋ gbiŋ wèè foo?

1 Kɔliìŋ 15:57

Kɛɛ Dayà esɛ̀ wèè mùŋ naŋ dàngè wo Kana wiɔ̀ Jisɛ̀ Kulaì wò naŋ wi nyɛ̀nɛ̀ŋ è naiŋ ɓùlò ke gùnɛɛ̀ŋ.

2 Kɔliìŋ 2:14

Kɛɛ mìŋ naŋ gè Dayà ke sɛ̀! E nɔ̀ŋ wilɛ̀ aŋ bàwibà Jisɛ̀ Kulaì sùà, e teenga gbiŋ wo Dayà sià wì feìŋ nààŋ è yààìŋ anyùùŋ keì wɔŋ gɛ̀ŋ yɛ̀mɛ̀ Jisɛ̀ Kulaìɔ wò kanaŋ wɔ̀ŋ sùà. Wo Dayà toomàŋ wì wèè eiŋ ɓààyè e jiikɛ̀ɛɛ̀ nyaàiŋ dè wo Jisɛ̀ Kulaì koɓɛ̀ gbiŋ mààŋ e dòmaŋ kuùmàì sìàŋ.

2 Kɔliìŋ 9:11

E wèètii, e teenga gbiŋ wò nyɛ̀nɛ̀ŋ naŋ banè tɛ̀ɛ̀ kaiŋ wèè naŋ gè nɛ̀ŋ kùàŋ e teenga gbiŋ sùà, e wèè anyuùŋ zimgbe aŋ gè wo Dayà ke sɛ̀ wèè e nɛ̀ɛŋ nìŋ naŋ wi kiɛ̀ŋ wèè e nyiŋ fè lɛ.

2 Kɔliìŋ 9:14

E wèètii e mànaŋ zimgbe sùà àŋ do nàŋ zoolò weèiŋ, esàɓù e tɛ̀ɛ̀tɛ̀ɛ̀ gbeeɛ̀ wo Dayà naiŋ tɔɔ̀ lɛ.

Ɛfesɔ̀ 5:20

Tòòmoìŋ e dèè Kanaà Jisɛ̀ Kulaìɛ e teenga gbiŋ niŋ gèe wo Dayà, wo Dèda wiɔ̀ sɛ̀ wèè e nɛ̀ŋ gbiŋ.

Jìiiŋ 1:17

Manɛ̀ŋ siaŋ màŋ gbiŋ è kùwàìŋ maŋ, wo Dayà nàŋ kiɛ̀ŋ wì miìŋ. Wo Dayàa yèɔ naŋ bànè manɛ̀ŋ maŋ kiɛ̀ŋ e gbolòùŋ lɛ e yìwìà ke nyiliɛ̀, wuŋ nàŋ kiɛ̀ŋ wì manɛ̀ŋ siaŋ. Wo Dayà fè vɔɔnɔ̀ŋ, yèè wo fè wi jùùyà kè nyìwì sùà.

Maŋ kèì nyɛɛnɛŋ 4:9

Maŋ ɗòlònɛ̀ŋ tiinàŋ maŋ daa maŋ nùŋ jòòwo, e ɓɛ̀ɛ̀jàa yèè ke sɛ̀ ge koɓɛ̀ wo nyùnɔ̀ɔŋ jaà ke kpùà kanaà diɛŋ wɔ̀, wo yèɔ yaà wɔŋ nyiiŋ gèeɔ̀ sùà wèè julɔfɔ yèè julɔfɔ wɔ̀. Nààŋ àŋ nyɛnɛŋ yɛi,