2 Kɔliìŋ 8:7 - WƆŊ FƐ̀Ì EBÒ SÌÀŊ DAYÀA

⁷ Kpeiŋ nààŋ nìŋ yaà naàŋ kɔ̀ɔ̀yɛ̀ feìŋ tɛ̀ɛ̀ manɛ̀ŋ maŋ gbiŋ sùà, e hààwe sùà, e gbòà kii sùà, e jiikɛ̀ɛ sùà, e wùànàŋ e kpùùmaiŋ nɛ̀ gbiŋ sùà, yèè e mànaàŋ nìŋ kuwa weè wilɛ̀. E wèètii e mànaiŋ nɛ̀ sùà ɓɔ̀ nìŋ nyìngà kò sìwè wèè è tòmò kìɛŋ lɛɛ̀.

2 Kɔliìŋ 8:7 ပူးပေါင်းရင်းမြစ်များ

Maafiù 25:22

Kpeiŋ, wo ɓɔìjɔ̀àa àŋ naŋ wa kìɛ̀ŋ e pàtaà tààsùùŋ tìyèeɛ̀ wɔ naŋ niŋ hiɛ̀ŋ e hààwè e tààsùùŋ tìyèeɛ̀ wò naŋ yɛmɛ̀ e geenìŋ sùà lɛ. Yèè wò naŋ woò wààŋ, ‘Kààmɔɔŋ, mùŋ naim mɛ̀iŋ kìɛ̀ŋ e pàtaà tààsùùŋ tìyèe, kɛɛ mìŋ naŋ yɛ̀mɛ̀ e gèènìŋ e tààsùùŋ tìyèe ɓɛìŋ.’

Luùm 15:14

Wùìyaim nyàŋ, mìŋ kuwa ke jii tùlia kɛ̀ nìŋ kuwa maŋ kpèè siaŋ zimgbe, yèè nìŋ kuwa e jiikɛ̀ɛɛ̀ gbiŋ, e kìlà nàŋ ɓɛ̀nɛ̀ŋ kàà aŋ dàwiiŋ nyàŋ.

1 Kɔliìŋ 1:5

Esàɓù e nɔ̀iŋ aŋ bàiŋbà wo Jisɛ̀ Kulaì sùà, nìŋ naŋ nɔ̀ŋ anyuùŋ bàne manɛ̀ŋ maŋ gbiŋ sùà, e kpùlìà maŋ mìè gbòa yaà e jiikɛ̀ɛɛ̀ gbiŋ.

1 Kɔliìŋ 12:13

Yɛi nɔŋ, yàwi nààŋ gbiŋ è yààìŋ, èiŋ nɔ̀ŋ aŋ Juùù, ɔ̀ɔ̀ ànyùùŋ nyaŋ fè àŋ Juùù nyaŋ, èiŋ nɔ̀ŋ àŋ ɗo ɔ̀ɔ̀ e fèìŋ àŋ ɗo, wo Jinàŋ guùŋ wɛɛ̀, wò wi gùà e kìlà wò wi gbìàŋ ke kpùnàŋ guùŋ yɛɛ̀ sùà. Yàwi nààŋ gbiŋ è tìèìŋ e yìwìà wo Jìnàŋ guùŋ wɛɛ̀ sìwè.

1 Kɔliìŋ 12:8

Wo Jinàaŋ kiɛ̀ŋ wo nyùùŋ guùŋ ke miè gbìàŋ e gòngo sengèì, wo Jìnàŋ gunɔ̀ɔŋ wo kìɛ̀ŋ wo nyùnɔ̀ɔŋ bàa ke miè gbìaŋ dìà e jììkɛ̀ɛ̀ nyìmaŋ.

1 Kɔliìŋ 13:2

Kà wɛ̀i weè pɛɛ kuwìè e kìɛŋ wèè ka gbòà mààŋ wo wɛ̀ijì, ka kùwìè e jiikɛ̀ɛ wèè e nɛ̀ŋ gbiŋ nyìmaŋ, e kìlà ka jàà ke gbùnu gbiŋ jii, ka wɛ̀i pɛɛ kùwìè e hààweɛ̀ gbiŋ mìŋ manaŋ wèè ka gè wɔŋ toò e dìì, kɛɛ sèè miŋ gò kùwìè è mànaŋ, miŋ fè nɛ̀ŋ gbiŋ.

1 Kɔliìŋ 13:8

E mànaŋ è yaà wèè julɔfɔ. Maŋ mìè gbòà wɛ̀ijì màŋ yaà, kɛɛ màŋ yaà nɔ̀ŋ wèè e teenga kpuu. Maŋ kìɛŋ màŋ yaà wèè nyùùŋ gbùùyà maŋ kaìŋ joo sùà, kɛɛ màŋ do nàŋ gɔ̀à dìì. E jiikɛ̀ɛ è yaà, kɛɛ è do nàŋ mààŋ.

1 Kɔliìŋ 14:12

Nààŋ nìŋ naŋ haamìŋ wèè naŋ kùwìè e kìɛ̀ŋ Jìnàŋ Nɛɛmaàŋ lɛ, sɔɔ̀ naŋ fɛ̀ɛ̀ e nìàŋ manɛ̀ŋ maŋ gbiŋ wèè naŋ tòòmò anyùùŋ nyaŋ naŋ kpuumò wèè ke sààŋ Dayàa yɛ̀mɛ̀ nyɛ̀lɛ nyàŋ.

1 Kɔliìŋ 4:7

Kiìŋ kai nàŋ yaà e kiium sùà è yaà è gbà? Wo Dayà nààŋ gòum fè è nɛ̀ɛŋ gbiŋ mùŋ kuwa lɛ̀? Sèè è nɔ̀ŋ yɛi, kɛ̀ wèè kiìŋ mùŋ kɛɛ maŋ nyòngà, mààŋ koɓɛ̀i e nɛ̀ɛŋ mùŋ kuwa lɛ̀, e fè è nɛ̀ŋ kìɛ̀ŋ Dayà?

2 Kɔliìŋ 7:7

E hnàuŋ nɛ̀ nɔŋ nààŋ e gò gììyà zɔlɔ̀, kɛɛ ke jii gbàiuŋ nɛɛ̀ŋ sùà, e ɗeweɛ̀ nìŋ nauŋ fè jii nyingè lɛ. Wo naŋ wi wòò e ɗeweɛ̀ nìŋ naŋ haamìŋ zimgbe wèè naim yɛmɛ̀ lɛ, ke nyowoɛ̀ yààìŋ weèim nɛ̀, yèè e ɗeweɛ̀ nìŋ naŋ banebànè wèè naim sìè jɛwɛ lɛ, tii naim ɓɛìŋ nyìnìè zɔlɔ̀.

2 Kɔliìŋ 8:6

E wèètii, è naŋ dàwè wo Taitɔ̀, wo yèɔ naŋ tɔ̀ɔ̀tù e tòmo lɛɛ̀ wɔ, wèè wo kunò niŋ kɔ̀à feìŋ e kìlà wo kpuumàiŋ wo kpɛɛyɛ̀ e tòmò tìtì e mànaŋ lɛɛ̀.

2 Kɔliìŋ 9:14

E wèètii e mànaŋ zimgbe sùà àŋ do nàŋ zoolò weèiŋ, esàɓù e tɛ̀ɛ̀tɛ̀ɛ̀ gbeeɛ̀ wo Dayà naiŋ tɔɔ̀ lɛ.

2 Kɔliìŋ 9:8

Wo Dayà wòum ɓɛ̀nɛ̀ŋ kìɛ̀ŋ e nìàŋ e yèɛ mùŋ naŋ kpɛɛ̀ŋ weè niŋ zimgbe lɛ̀, e wèè kɛ̀ e teenga gbiŋ muŋ kɛɛnɛ̀ŋ e keì sìàaŋ mùŋ naŋ kpɛɛ̀ŋ weè niŋ lɛ̀ wèè muàŋ bi, e kìlà màŋ ɓɛ̀nɛ̀ŋ kpùùmàŋ anyùuŋ bà.

Ɛfesɔ̀ 4:29

Maŋ mìè gbòa naanààŋ ɓɔ̀ màŋ fòlàiŋ nyààŋ kòɓɛ̀ ànyuùŋ kpùuŋ dàwiiŋ nyàŋ, sɔɔ̀ maŋ yè maŋ kuwa e kpùùmaŋ, wèè maŋ nyɛ̀nɛ̀ŋ wo nyùùŋ nyìngà sùà e kìlà maŋ hìàŋ e nɛ̀ɛŋ wo nyùùŋ manaŋ lɛ̀, kɛ̀ e nɛ̀ɛŋ mùŋ woà lɛ è do nàŋ nɔ̀ŋ e keì sìàŋ koɓɛ̀ anyùùŋ nyaŋ komo e nɛ̀ɛŋ nìŋ woà lɛ.

Fèle 1:11

Maŋ nyiiŋ gèeiŋ màŋ do nàŋ dìè maŋ kèì tɔ̀ɔ̀nyaàŋ kɛnɛ, maŋ yè maŋ wo Jisɛ̀ Kulaì doiŋ nàŋ kpuumò wèè naŋ nyɛ̀nɛ̀ŋ, wèè e jòòwò yèè e tɛ̀nɛŋ koɓɛ̀ Dayài.

Fèle 1:9

Mìŋ zoolà wèè e mànaiŋ nɛ̀ e dɛɛ̀ sùà zimgbe, e nyɛ̀nɛ̀ŋ niŋ kɛɛnɛ̀ŋ jiikɛ̀ɛ e kìlà niŋ nyìmàŋ e keì fèemàŋ,

2Tɛsè 1:3

Nyɛ̀iŋ nààŋ wùìya wi nyàŋ, è kuwa eiŋ gè wo Dayà ke sɛ̀ e teenga gbiŋ e weèiŋ. È yaà tɔ̀ɔ̀nyaàŋ wèè eiŋ tɛɛ̀ nyɛ̀nɛ̀ŋ, e fèfoo kɛ̀ e hààweiŋ nɛ̀ è yaà dɛ̀ɛ sùà zimgbe, yèè e mànaàŋ nìŋ kuwa wèè aŋ dàwiiŋ nɛ̀, è yaà gàaŋ sùà gbee.

2Time 2:1

Muàŋ, jɔ̀àfelaa miɔ̀ŋ Timetè, nyìngà sùà e yìwìà e tɛ̀ɛ̀tɛ̀ɛ̀ è kànàìŋ nààŋ è yààìŋ aŋ bàwibà wo Jisɛ̀ Kulaì sùà lɛ.

Hiɓu 12:28

Gè wiìŋ Dayà ke sɛ̀, wèè esaɓù kɛ̀ è naìŋ yɛ̀mɛ̀ e kana e yèɛ fè ɓɛ̀nɛ̀ŋ mɛ̀ɛ̀mɛɛŋ lɛ. Kɛ̀ɛ̀nɛ̀ŋ wiìŋ e jòòwo gbee yèè e zoolòiŋ Dayà e ɗewe kiiɛ̀ douŋ nàŋ fɔ̀ɔ̀yɛ̀ jii lɛ̀ e ɓɛ̀ɛ̀jàa sùà.

1Pììlɛ 1:22

Nààŋ nìŋ yaà naàŋ jɔ̀ɔ̀lɔ sùà e tɔ̀ɔ̀nyaàŋ dìì, e tɔ̀mɛ jùumù fè ɓɛìŋ màŋ nyiiiŋ màŋ, nàŋ naàŋ zɛ̀nɛ̀ŋ. Yèè nàŋ kùwìè e mànaŋ kɛnɛ wèè anyùùŋ hààwè dawiiŋ nyàŋ. Kùwieìŋ e mànaŋ e fèemàŋ e yìwìà maŋ jiiiŋ màŋ diɛŋ.

2Pììlɛ 3:18

Kɛɛ kùnoìŋ nɔŋ dɛ̀ɛ e tɛ̀ɛ̀tɛ̀ɛ̀ sùà yaà e jììkɛ̀ɛ̀ Kanaà, yèè wo Nyuùŋ Jòèyeɔ̀ Jisɛ̀ Kulaì sùà. E jòòwo nɔ̀ŋ ko nɛ̀ɛ̀uŋ niìŋ nàaŋ yèè julɔfɔ. Àmiinàŋ.

Maŋ kèì nyɛɛnɛŋ 3:17

Mùŋ woà mààŋ, ‘Mìŋ naŋ banè yèè mìŋ yaà tɛ̀ɛ̀, mìŋ kuwa e nɛ̀ɛŋ gbiŋ mìŋ naŋ kpɛɛ̀ŋ weè niŋ lɛ̀.’ Kɛɛ muŋ nyimààŋ è ɗeweɛ̀ ke jii mɔ̀ɔ̀nɛŋ naum wòòyè fùùŋ e kìlà mùŋ naŋ tɛɛwɛ̀ wèè aum tɔ̀ɔ̀ ke nyowo lɛ̀. Mùŋ yaà wo nyuùŋ kɛ̀ɛ̀o sìwè, ke kpanja, yèè wo nyuùŋ zììlè fɛ̀ɛ̀.