2 Kɔliìŋ 8:4 - WƆŊ FƐ̀Ì EBÒ SÌÀŊ DAYÀA

⁴ àŋ naŋ wi pɔwɔ̀ wèè e nyiŋ nyìnìàŋ keì sìàŋ, aŋ tomo aŋ nɔ̀ŋ aŋ bà nyiŋ bà wèè manɛ̀ŋ kìɛŋ màŋ koɓɛ̀ ke gbòò anyùùŋ nɛɛmaŋ nyàŋ ko Jùdià.

2 Kɔliìŋ 8:4 ပူးပေါင်းရင်းမြစ်များ

Maafiù 10:42

Mìŋ yààìŋ wòo sùà e tɔɔɓaaà kɛ̀, wo nyùnɔ̀ɔŋ gbiŋ naŋ kìɛ̀ŋ wɔŋ maì kpòò koɓɛ̀ wo tòloòɔ bà guùŋ anyùùŋ màŋjɛ̀wɛ̀im nyɛɛ̀ŋ sùà wɔ, esaɓù kɛ̀ wò yaà wo nyùùŋ màŋjɛ̀wɛ̀im, wò do nàŋ yɛ̀mɛ̀ e jìwààjɛ̀wɛ̀ weè niŋ.”

Maafiù 12:50

Wo nyùnɔ̀ɔŋ gbiŋ nyɛnɛŋ e yèɛ wo Dèda miɔ̀ŋ ko àìjɛnɛ̀ŋ manaŋ wèè wo nyɛ̀nɛ̀ŋ lɛ, wuŋ nàŋ yaà wo wùìya miɔ̀ŋ, wo jaa miɔ̀ŋ, yèè wo yèye miɔ̀ŋ.”

Maafiù 25:40

Miàim wo Kanaà do nàŋ fasaì mìàŋ, ‘Miŋ woòiŋ e tɔɔɓaaà, sèè mùŋ naŋ niŋ wa nyɛ̀nɛ̀ŋ wèè wo wùìya miɔ̀ŋ bà guùŋ, miŋ gò kpɛɛ̀ŋ kɛ̀ dièsɔa è nɔ̀ŋ kiiuŋ nɛ̀ è yaà, kɛ̀ màŋ niŋ nyɛ̀nɛ̀ŋ e weèim.’

Nyɛ̀nɛ̀ŋ 11:29

Anyùùŋ màŋjɛ̀wɛ̀ nyaŋ gbiŋ ko Aŋtiɔ̀ naŋ wa ɗewè wèè aŋ toomò koɓɛ̀ guùŋ aŋ nyɛ̀nɛ̀ŋ maŋ kuàŋ gbònògbono e yìwìà e yèɛ naŋ wa ɓɛ̀ɛ̀nɛ̀ŋ wo nyùùŋ gbiŋ kùàŋ sùà lɛ wèè aŋ tùàŋ anyuùŋ hààwe dàwi nyiŋ nyàŋ ko Jùdià.

Nyɛ̀nɛ̀ŋ 16:15

Nààŋ wuŋ yaà anyùùŋ nyaŋ ko gboouŋ noo naŋ wa nɔ̀ŋ gùa nyiŋ, wò naŋ wi wa woò wààŋ, “Sèè mààŋ nàim naàŋ jàà kùàŋ dìì wèè ka nɔ̀ŋ wo nyuùŋ hààweɔ̀ bà wo Kanaà sùà, kɛ̀ hnaìŋ niŋ nɔ̀ŋ ko gboo mio.” Yèè wò naŋ wi kai pɔwɔ̀ wèè è kaiŋ noo.

Nyɛ̀nɛ̀ŋ 24:17

“Nààŋ mìŋ naŋ kɔ̀ maŋ fuɔŋ joo sùà wèè maŋ doa jika, mìŋ naŋ kɛɛ̀ wèè ka hìàŋ manɛ̀ŋ kìɛŋ koɓɛ̀ anyuùŋ pɔ̀ɔ nyàŋ yèè koɓɛ̀ wɔŋ fuɔŋ miɔ̀ŋ yèè wèè ka gè maŋ saàà.

Luùm 15:31

Zòòloìŋ Dayà wèè wo joeyèim e yìwìà anyuùŋ gò kɛ̀ɛ̀nɛ̀ŋ hààwe nyàŋ e fèemàŋ ko Jùdià, wèè anyùùŋ nɛɛmaŋ nyàŋ ko Jùlusɛ̀làm aŋ jàà e tòmoɛ̀ mìŋ yaà nyinie lɛ̀ kùàŋ dìì.

1 Kɔliìŋ 16:1

Wèè nyaàiŋ dè, e yèɛ nìŋ naŋ sìngè wèè e nɛɛnɛŋ gbònò gbonoɛ̀, wèè anyuùŋ hààwe nyàŋ ko Jùdià lɛ, sɔɔ̀ naŋ nyɛ̀nɛ̀ŋ e nɛ̀ɛŋ mìŋ naŋ wòò kè gbòò anyuùŋ hààwe nyàŋ ko Gàlatìà wèè aŋ nyɛ̀nɛ̀ŋ lɛ.

1 Kɔliìŋ 16:15

Nàŋ nyìmàŋ e kèè Sìfanà yaà ke kpoouŋ nɛɛ̀ŋ, nyiŋ nàŋ yaà aŋ wùìya jiɛ̀jiɛ̀ nyaŋ e hààweɛ̀ sùà ko Àkaayà yèè àŋ naŋ fè nyiŋ bi wèè tòòmo koɓɛ̀ anyùùŋ nɛɛmaŋ nyàŋ. Mìŋ yààìŋ pɔ̀wɔ sùà, nyɛ̀iŋ nààŋ wùìyaim nyàŋ,

2 Kɔliìŋ 9:1

Esaɓù kɛnɛ ɓà gbiŋ fè wèè kaiŋ sìngà wɔ̀ŋ fɛi nyaàiŋ dè è tòmò kpùùmaàŋ nìŋ naŋ ɗewè wèè naŋ tùàŋ koɓɛ̀ anyùùŋ nɛɛmaŋ nyàŋ ko Jùdià lɛ.

Gàla 2:10

Àŋ naŋ wi wa nɔŋ dawè wèè eiŋ jàà anyùùŋ pɔ̀ɔ nyàŋ jii ke gboò nyiŋ nɛɛ̀ŋ sùà, yèè tɛɛ̀ nàŋ yaà e keìɛ è naŋ wa gongò wèè eiŋ nyɛ̀nɛ̀ŋ lɛ̀.

Gàla 6:10

Kpeiŋ kɛ̀, nààŋ nɔŋ è kùwàìŋ yɛi e ɗeweɛ̀ le, nyɛ̀nɛ̀ŋ wiìŋ e kpùùmaŋ tɛ̀ɛ̀ koɓɛ̀ anyùùŋ nyaŋ gbiŋ, egbèìngèìŋ ngèè aŋ yè nyaŋ yaà ke kpòò e hààweɛ̀ sùà nyaŋ.

1Time 5:10

yèè wo nɔ̀ŋ wo nyùnɔ̀ɔŋ àŋ gboo tɛ̀ɛ̀ e nyaàiŋ euŋ dè wèè ke kpèè siaŋ wɔ̀. Wo nɔ̀ŋ wo jɔunɔ̀ɔŋ wo yèɔ naŋ gè aŋ jɔ̀àuŋ nyàŋ dìì tɛ̀ɛ̀ wɔ, wo yèɔ naŋ jàà aŋ nyùnèènyɛiŋ kùàŋ dìì ko gboo noo wɔ̀, wo nɔ̀ŋ nyùnɔ̀ɔŋ deeyà wuŋ bi e tòmò nɛɛmaŋ sùà wèè anyuùŋ hààwe joo wɔ̀, wo kpuumàŋ anyùùŋ nyaŋ yaà maŋ keì nyìnga sùà nyaŋ, yèè wò naŋ gbìɛ̀ŋ ke nyɛ̀nɛ̀uŋ nɛɛ̀ŋ gbiŋ e keì sìàŋ nyɛ̀nɛŋ maŋjɛ̀wɛ wɔ̀.

Hiɓu 6:10

Wo Dayà fè wò nyuùŋ gò nɔ̀ŋ tɔ̀ɔ̀nyaàŋ. Wo naàŋ nyɛɛnɛ̀ŋ wèè è tòmoɛ̀ mùŋ naŋ nyɛ̀nɛ̀ŋ yaà è mànaàŋ mùŋ naŋ tɔɔ̀ weèuŋ nɛ̀, e yìwìà kpùùmaàŋ mùŋ kiɛ̀ŋ yèè mùŋ yaà kìɛ̀ŋ sùà koɓɛ̀ anyùùŋ nɛɛmauŋ nyàŋ lɛ.