2 Kɔliìŋ 8:3 - WƆŊ FƐ̀Ì EBÒ SÌÀŊ DAYÀA

³ Kà ɓɛ̀nɛ̀ŋ nɔ̀ŋ wo seì kaiŋ wòò mìàŋ, àŋ naŋ kiɛ̀ŋ màànààŋ àŋ manaŋ wèè aŋ kiɛ̀ŋ lɛ, yèè àŋ naŋ ngèè pɛɛ kiɛ̀ŋ e nìàŋ e gààŋ kìɛŋ nyiŋ nɛ̀. E yìwìà maŋ jìì nyiŋ bi màŋ diɛŋ

2 Kɔliìŋ 8:3 ပူးပေါင်းရင်းမြစ်များ

Nyɛ̀nɛ̀ŋ 11:29

Anyùùŋ màŋjɛ̀wɛ̀ nyaŋ gbiŋ ko Aŋtiɔ̀ naŋ wa ɗewè wèè aŋ toomò koɓɛ̀ guùŋ aŋ nyɛ̀nɛ̀ŋ maŋ kuàŋ gbònògbono e yìwìà e yèɛ naŋ wa ɓɛ̀ɛ̀nɛ̀ŋ wo nyùùŋ gbiŋ kùàŋ sùà lɛ wèè aŋ tùàŋ anyuùŋ hààwe dàwi nyiŋ nyàŋ ko Jùdià.

Luùm 10:2

Mìŋ yaà wo seì kɛ̀ àŋ manaŋ wo Dayà zimgbe, kɛɛ aŋ kuwà è jiikɛ̀ɛ kɛnɛ niŋ.

1 Kɔliìŋ 16:2

Ke ɗɔɔ jiɛ̀jiɛ̀ɛ ke wikì gbiŋ sùà, nyùùŋ gbiŋ maŋ hàà e nɛɛnɛŋ bà e ɓula, e yìwìà e yèɛ gbiŋ mùŋ naŋ yɛmɛ̀ lɛ sùà, wèè niŋ go nàŋ nyɛ̀nɛ̀ŋ màŋ kuàŋ gbònògbono kè ɗɔɔɛ̀ mìŋ hnàŋ lɛ diɛŋ.

1 Kɔliìŋ 9:17

Sèè e tòmo lɛɛ̀ e yìwìà ke jii miàŋ biɛ̀ diɛŋ wèè kaiŋ nyɛ̀nɛ̀ŋ, kɛ̀ kà ɓɛ̀nɛ̀ŋ yɛ̀mɛ̀ e pààwa, kɛɛ sèè pɛɛ mìŋ go mànàŋ wèè ka niŋ nyɛ̀nɛ̀ŋ, wo Dayà naim tàeɗùù ke gbòòɛ sùà wèè ka nyɛ̀nɛ̀ŋ e tòmouŋ nɛ̀.

Gàla 4:15

Nìŋ yaà wa kai e zɔlɔ̀ sùà! Kiìŋ naŋ wa kaaìŋ? Miaŋ bi kà ɓɛ̀nɛ̀ŋ fè ke mìè seì kɛ̀ nàŋ wa ɓɛ̀nɛ̀ŋ gè maŋ fɛ̀ɛ̀ kòmàŋ nyɛiŋ bi màŋ e zɔlɔ̀ sùà, sèè nìŋ ɓɛnɛ̀ŋ, e kìlà naim miŋ kiɛ̀ŋ.

Fèle 2:13

esaɓù kɛ̀ wo Dayà kòò wò yààìŋ tòòmò sùà, wèè woiŋ nyɛ̀nɛ̀ŋ naŋ nyimèè yèè naŋ ɓɛnɛ̀ŋ wèè nauŋ jɔ̀ɔ̀lɔ̀ dìì.

Kòlo 4:13

Mìàŋ bi mìŋ yaà wo seì kɛ̀, kà yɛ̀mɛ̀ e tòmo nyìngaà wò naŋ nyɛ̀nɛ̀ŋ e weèiŋ, yèè wèè anyuùŋ hààwe nyàŋ ko Làòdisià yaà ko Hɛlapolì.

1Tɛsè 2:8

Esàɓù e mànaàŋ è kuwa weèiŋ nɛ̀ nyɛ̀iŋ nààŋ wùìya mànaŋ wi nyàŋ, wèètii è naŋ wa banebànè wèè e nyɛ̀nɛ̀ŋ naŋ nyìmàŋ e kèì Ebò Siaàŋ è yewe Dayà sìwè lɛ, sèè weè pɛɛ maŋ nyiiŋ wi màŋ maiŋ jèè maŋjɛ̀wɛ. È kuwa e mànaŋ zimgbe weèiŋ.

Felemɔ̀ŋ - PHM 1:14

Kɛɛ miŋ naàŋ nyɛ̀nɛ̀ŋ è keì gbiŋ e jèèsùà maŋ nyimèè. Mìŋ manaŋ wèè ke kpèè tùwo siaŋ mɔɛ̀ŋ ke e yìwìà ke jii mɔɛ̀ŋ sùà, kɛɛ ɓɔ̀ è nɔ̀ŋ è kèkèteè wèè maŋ niŋ nyɛ̀nɛ̀ŋ.

1Pììlɛ 4:11

Anyùùŋ nyaŋ kuwa e kìɛ̀ŋ gbòa nyàŋ, aŋ woò ke mìè gbìàŋ Dayàa. Aŋ yè nyaŋ yaà aŋ ɓɔìjɔ̀à tòmo nyàŋ, aŋ toomò e gàaŋ wo Dayà naŋ nyiŋ kiɛ̀ŋ lɛ. E wèè kɛ̀ e gbio sùà wo Dayà yɛmɛ̀ e ɓɛ̀ɛ̀jàa esàɓù Jisɛ̀ Kulaì sùà wo yèɔ e gààŋ yèè e jòòwo yaà weèuŋ wèè julɔfɔ yèè julɔfɔ wɔ̀. Àmiinàŋ.

1Pììlɛ 5:2

Nààŋ nɔŋ anyuùŋ yɛ̀mɛ̀ aŋ ɓaawaa diɛŋ nyàŋ yɛmɛ̀ aŋ ɓaawaa nyiŋ nyàŋ diɛŋ lɛ̀, mìŋ yààìŋ dàwe sùà wèè naŋ nɔ̀ŋ anyuùŋ yɛ̀mɛ̀ aŋ ɓààwàà Dayà nyaŋ gbiŋ wò naiŋ sèèlè e kii nyiŋ feìŋ nyaŋ diɛŋ. Nyìniàìŋ niŋ ke jii siaŋ diɛ̀ŋ màànààŋ wo Dayà manaŋ wèè naŋ nyɛ̀nɛ̀ŋ lɛ. Ɓɔ̀ nìŋ nyinìàŋ niŋ kè jii kpàaŋ diɛŋ. Nyɛ̀nɛìŋ e tòmoiŋ nɛ̀ ɓɔ̀ è nɔ̀ŋ wèè pààwa, kɛɛ e yiwìàiŋ jii wèè nyɛ̀nɛŋ.