2 Kɔliìŋ 8:23 - WƆŊ FƐ̀Ì EBÒ SÌÀŊ DAYÀA

²³ Sèè è nɔ̀ŋ wèè Taitɔ̀, wò yaà wo bàimbà yèè yàwiuŋ nàŋ tomàŋ ɓɛ̀ guùŋ wèè eiŋ kpuumàŋ, e wèè aŋ wùìya gbànaŋ nyàŋ yaàùŋ kɔ̀ɔ̀yɛ̀ maŋjɛ̀wɛ nyàŋ, àŋ yaà aŋ keela nyiŋ naŋ dè ɓɛ̀ŋ anyuùŋ hààwe nyaŋ, yèè àŋ hiàŋ e jòòwo koɓɛ̀ Jisɛ̀ Kulaìi.

2 Kɔliìŋ 8:23 ပူးပေါင်းရင်းမြစ်များ

Luù 5:10

È naŋ wa ɓɛìŋ fòònò wo Jìiiŋ yaà wo Jɔ̀ɔŋ, aŋ jɔ̀àfèlàà Zɛɓɛdiì nyaŋ. Nyiŋ nàŋ yaà wa anyùùŋ tòmò dàwì Saimɔ̀ŋ nyaŋ. Kɛɛ wo Jisɛ̀ naŋ wòò wo Saimɔ̀ŋ wààŋ, “E jùù ɓɔ̀ è nyɛ̀nɛ̀iŋ, e yìwìà nàaŋ nìŋ do nàŋ hìɛ̀ŋ anyùùŋ koɓɛ̀ Dayài.”

Luù 5:7

Kpeiŋ àŋ naŋ nyààŋ anyuùŋ sùnga dàwi nyiŋ nyàŋ e yìwìà je nyiŋ gɔɔ̀ sùà wèè aŋ hnàŋ aŋ kpuumàŋ nyiŋ. Aŋ felaa nyàŋ naŋ hnè yèè nyiŋ gbiŋ naŋ gɔ̀ɛ̀ɛ̀ maŋ kpee màŋ aŋ kùwà aŋ kɛ̀ì aŋ dììyà maŋ gɔ màŋ, e joo tòloò wèè maŋ gɔ màŋ maŋ hɔ̀wɛ.

Jɔ̀ɔŋ 13:16

Miŋ woòiŋ e tɔɔɓaaà kɛ̀, aŋ ɓɔìjɔ̀à kuwà è gààŋ àŋ do nìàŋ wò kààmɔɔŋ nyiŋ nɔɔ̀ŋ, e kìlà aŋ keela kuwà è gààŋ àŋ do nìàŋ wò nyùnɔ̀ɔŋ naŋ nyiŋ tùɔ̀ŋ wɔ.

1 Kɔliìŋ 11:7

Wo felaa kuwà wèè wo ɓùwà è ɗìuŋ nɛ̀, e fèfoo wo Dayà nauŋ banè wèè wo tèènè Dayà yèè wo hìàŋ e jòòwo koɓɛ̀ Dayài. Kɛɛ sɔɔ̀ wo jɔ̀ùŋ tɔ̀ɔ̀ e jòòwo koɓɛ̀ felaa.

2 Kɔliìŋ 12:18

Mìŋ naŋ pɔ̀wɔ̀ wo Taitɔ̀ wèè wo ka, yèè mìŋ nauŋ dè wo wùìyaà bà maŋjɛ̀wɛ yaà nyaàuŋ naŋ kɔ̀. Nìŋ do nàŋ woò nààŋ wo Taitɔ̀ naiŋ nyìnìè kàaɓì? Yàwi Taitɔ̀ gò tòòmò è gòngò guùŋ nɛ yèè maŋ nyɛ̀nɛŋ wi màŋ naŋ nɔ̀ŋ è ɗèwè guùŋ nɛ?

2 Kɔliìŋ 7:6

Kɛɛ wo Dayà wo yèɔ kiɛ̀ŋ wo nyuùŋ kùwìè ke jii mɔ̀ɔ̀nɛɔ̀ŋ ke jii nyingè wɔ, naŋ wi fè jii nyingè nààŋ wo Taitɔ̀ naŋ hnè.

2 Kɔliìŋ 8:16

È naiŋ gè Dayà ke sɛ̀ wèè wò naŋ gbìɛ̀ŋ e wùànàŋ kpùùmaŋ wo Taitɔ̀ jiio sùà màànààŋ è yàà wì jiio sùà wèè eiŋ kpuumàŋ lɛ.

2 Kɔliìŋ 8:18

Wo wùìya kùwìè e ɓɛ̀ɛ̀jàa gbeeɔ̀ bà guùŋ maŋ gbòò anyuùŋ hààwe nyàŋ gbiŋ sùà wèè ke mìè gbìàŋ Ebò Siaàŋ wò gboo lɛ̀, wuŋ yaà Taitɔ̀ nàŋ yaà hinie.

2 Kɔliìŋ 8:19

Yèè eɓìèmàŋjɛ̀wɛ̀ tii, maŋ gbòò anyuùŋ hààwe nyàŋ àuŋ tàeɗùù yèè àuŋ ɓemè wèè wo nɔ̀ŋ wo nyuùŋ tòmoɔ̀ bà maŋjɛ̀wɛ wi ko nyìnìè e tòmò e mànaŋ lɛɛ̀ wèè esàɓù e jòòwò Kanaà sùà, yèè wèè eiŋ tɔɔ̀ kɛ̀ è manaŋ wèè eiŋ kpuumàŋ.

2 Kɔliìŋ 8:22

E wèètii, è yaà dàa sùà wo wùìya wiɔ̀ yaà nyiŋ. Èiŋ wuŋ gɛ̀ɛ̀ jɛ̀wɛ̀ e teenga zimgbe sùà èiŋ nyìmàŋ kɛ̀ e wùànàŋ zimgbe yàaùŋ wèè wo kpùùmaŋ.

2 Kɔliìŋ 8:6

E wèètii, è naŋ dàwè wo Taitɔ̀, wo yèɔ naŋ tɔ̀ɔ̀tù e tòmo lɛɛ̀ wɔ, wèè wo kunò niŋ kɔ̀à feìŋ e kìlà wo kpuumàiŋ wo kpɛɛyɛ̀ e tòmò tìtì e mànaŋ lɛɛ̀.

Fèle 2:25

Mìŋ naŋ gongò kɛ̀ è yaà tɛ̀ɛ̀, wèè ka ɓɛìŋ tùàŋ wo wùìya wiɔ̀ yèè wo nyuùŋ tòmo dàwi miɔ̀ŋ Ɛ̀pàfoditɔ̀ ko nɛ̀ɛ̀iŋ niìŋ. Wò yaà wo ɓɔìjɔ̀à yèè wo nyùùŋ màŋjɛ̀wɛ̀ wèè wo Kanaà, wo yèɔ nìŋ naŋ tùɔ̀ŋ wèè woim wa kpuumàŋ wɔ.

Fèle 4:3

Muàŋ pɛɛ nyuùŋ hààwe dàwi tùlìà jii miɔ̀ŋ, mìŋ dawàùm wèè maŋ kpùùmàŋ aŋ jɔùŋ nyɛɛ̀ŋ. Aŋ jɔùŋ nyɛɛ̀ŋ, naŋ tòòmò yàwi wo Kilɛmɛ̀ŋ kùàŋ sùà, e kpùlìà anyuùŋ tòmo dàwi gbànaŋ wi nyàŋ wèè eiŋ ɓààyè Ebò Siaàŋ. Maŋ deè nyiŋ màŋ yaà naàŋ sìnga miŋ wɔŋ fɛ̀ì Dayàa sùà, wɔŋ yèɔ wo Dayà naŋ sìngè maŋ dèè anyùùŋ nyaŋ do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ nyàŋ.

Kòlo 1:7

Nìŋ naŋ wa kòmò e kèè e tɛ̀ɛ̀tɛ̀ɛ̀ Dayàa e yìwìà wo Ɛpafilè sìwè, wo ɓɔìjɔ̀à tòmo dàwi siaŋ wiɔ̀. Wò yaà wo ɓɔìjɔ̀à tòmo tùlìà jii dàwì wi wo Jisɛ̀ Kulaì sùà.

1Tɛsè 2:2

Nàŋ nyìmàŋ e ɗeweɛ̀ àŋ naŋ wi kùwìè le siwè naanààŋ aŋ wi pɔ̀ɔ̀ɓɛ̀ɛ ko Fèlepì pangàà è naŋ hnè nɛ̀ɛ̀iŋ niìŋ ko Tɛsèlonikà. Jòòpɛɛ aŋ joo wi yaào, kɛɛ wo Dayà wiɔ̀ naŋ wi sìè ke di wèè eiŋ dàànè Ebò Siaàŋ e yèɛ yewe ko nɛ̀ɛ̀uŋ niìŋ lɛ.

2Time 4:10

Wo Dimà naŋ wa sɛ̀ɛ̀ e mànàŋ e ɗuunyaàŋ lɛɛ̀ sùà yèè wò naim gììyè kɛ̀ɛ, wò naŋ kɔ̀ ko Tɛsèlonikà. Wo Kùlìsɛɛ̀ŋ naŋ kɔ̀ ko Gàlatìà, yèè wo Taitɔ̀ naŋ kɔ̀ ko Dàmatià.

Taitɔ̀ 1:4

Mìŋ yaà sìngìè ko nɛ̀ɛ̀ŋ muìŋ, Taitɔ̀, wo jɔ̀à tɔ̀ɔ̀nyaàŋ miɔ̀ŋ è kuwa e hààwè guùŋ wɔ̀. Tɔ̀ wo Dayà yaà wo Jisɛ̀ Kulaì wo Nyuùŋ Jòèye wiɔ̀ kiɛ̀iŋ ke jii fàa yaà e tɛ̀ɛ̀tɛ̀ɛ̀.

Felemɔ̀ŋ - PHM 1:17

Sèè nìŋ naim jàà kùàŋ dìì wèè ka nɔ̀ŋ wo wùìyaiŋ esàɓù Jisɛ̀ Kulaìɛ sùà, kɛ̀ jàaìŋ wo Onisimɔ̀ŋ kùàŋ dìì wo nɔ̀ŋ dàwiiŋ màànààŋ nìŋ doim weè nàŋ jàà kùàŋ dìì lɛ.

Felemɔ̀ŋ - PHM 1:24

Yèè anyuùŋ gbànaŋ nyɛɛ̀ŋ tèènè mààŋ wo Mài, wo Àlètakɔ̀, wo Dimà, yèè wo Luù, anyuùŋ tòmo dàwiim nyàŋ, naiŋ tùɔ̀ŋ e zùùmo nyiìŋ pɛɛ.

3Jɔ̀ɔŋ 1:8

Wèètii, yaà wi nààŋ nyuùŋ hààwe nyàŋ, sɔɔ̀ eiŋ kpùùmàŋ anyùùŋ nyɛɛ̀ŋ, wèè eiŋ nɔ̀ŋ anyuùŋ tòmo dàwi nyiŋ wèè e tɔ̀ɔ̀nyaàaŋ.