2 Kɔliìŋ 8:20 - WƆŊ FƐ̀Ì EBÒ SÌÀŊ DAYÀA

²⁰ È yààìŋ yɛ̀mɛ sùà yàwi bi diɛŋ wèè nyùùŋ gbiŋ go wi nàŋ sìè jii wèè è ɗeweɛ̀ è yààìŋ tòòmò è kèè è kìɛŋ lɛɛ̀ sùà lɛ.

2 Kɔliìŋ 8:20 ပူးပေါင်းရင်းမြစ်များ

Maafiù 10:16

“Kùmiàŋ nìim, mìŋ yààìŋ tùàŋ sùà mààŋ aŋ ɓaawaa ke gbòò anyuùŋ kpùuŋ e tɛɛ, aŋ yè nyaŋ kuwa maŋ kpèè naanààŋ màànààŋ aŋ pɔ̀ɔ̀wɛ̀i yaà lɛ. Dùaìŋ nyiŋ e jiikɛ̀ɛ sùà màànààŋ nɔŋ nìŋ duɔŋ aŋ kaì naanààŋ lɛ, e kìlà niŋ kɛɛnɛ̀ŋ maŋ kpèè ɓɛ̀ɛ̀jàa màànààŋ aŋ bòòùm yaà lɛ, aŋ yè nyaŋ fè nɛ̀ɛ̀mùŋ nyùùŋ nyaŋ.

Luùm 14:16

Ɓɔ̀ mùŋ woò è keì naanààŋ è nyaàiŋ dè e yèɛ mùŋ naŋ woò mààŋ è yaà tɛ̀ɛ̀ lɛ, wèè e kɛ̀ɛ̀nɛ̀ŋ deè naanààŋ.

1 Kɔliìŋ 16:3

Sèè mìŋ hnàŋ, mìŋ do nàŋ fè wɔŋ fɛ̀ì ke jii gbài koɓɛ̀ anyùùŋ nyaŋ nìŋ tùɔ̀ŋ maŋ nɔnɔŋ nyàŋ, kpeiŋ kɛ̀ kà nyiŋ tùàŋ àŋ kòà e kìɛiŋ nɛ̀ ko Jùlusɛ̀làm.

2 Kɔliìŋ 11:12

Mìŋ do nàŋ nɔ̀ŋ ko nyìnìè e nɛ̀ɛŋ mìŋ yaà naàŋ ko nyinie lɛ̀, e wèè kɛ̀ aŋ yè nyaŋ àŋ nyaaŋ aŋ keela tàeɗùù titi nyàŋ lɛ go nàŋ kùwìè è ɗewe wèè aŋ kɛ̀ɛ̀ màŋ nyòngà kɛ̀ àŋ yaà toomo e ɗèwè guùŋ nɛ nɔŋ è yaà toomo lɛ̀.

2 Kɔliìŋ 8:19

Yèè eɓìèmàŋjɛ̀wɛ̀ tii, maŋ gbòò anyuùŋ hààwe nyàŋ àuŋ tàeɗùù yèè àuŋ ɓemè wèè wo nɔ̀ŋ wo nyuùŋ tòmoɔ̀ bà maŋjɛ̀wɛ wi ko nyìnìè e tòmò e mànaŋ lɛɛ̀ wèè esàɓù e jòòwò Kanaà sùà, yèè wèè eiŋ tɔɔ̀ kɛ̀ è manaŋ wèè eiŋ kpuumàŋ.

2 Kɔliìŋ 8:21

Esaɓù wilɛ̀ nàŋ yaà wèè eiŋ nyɛ̀nɛ̀ŋ e yèɛ yaà tɔ̀ɔ̀nyaàŋ lɛ, yèè e fè nɔ̀ŋ wèè kò fɛ̀ɛ̀fèìŋ Kanaà wuŋ guùŋ, sɔɔ̀ ko fɛ̀ɛ̀fèìŋ nyuùŋkpùuŋ nyàŋ nyiŋ pɛɛ.

Ɛfesɔ̀ 5:15

E wèètii yɛ̀mɛìŋ maŋ nyiiŋ màŋ diɛŋ. Ɓɔ̀ nìŋ nɔ̀ŋ fuɔŋ mààŋ ànyuùŋ gò kùwìè jiikɛ̀ɛ, kɛɛ nɔ̀ɔìŋ fuɔ̀ŋ mààŋ anyuùŋ kùwìè kɛ̀ɛ̀jii. Tòòmoìŋ e teenga siaàŋ gbiŋ nìŋ kuwa lɛ̀ tɛ̀ɛ̀.

1Tɛsè 5:22

yèè naŋ gbààè e keì naanààŋ kà tinàŋ gbiŋ wèè nyɛ̀nɛŋ.