2 Kɔliìŋ 8:2 - WƆŊ FƐ̀Ì EBÒ SÌÀŊ DAYÀA

² Àŋ naŋ kɔ̀ɛ̀ maŋ wɔ̀à keì nyìnga dìì tiwìtiwì kàìŋ, kɛɛ e zɔlɔ̀ nyiŋ nɛ̀ naŋ dɛ̀ɛ̀ zimgbe, e nɔ̀ŋ saɓù wèè àŋ gè nɛ̀ŋ kùàŋ e kìɛŋ nyiŋ nɛ̀ sùà jòòpɛɛ àŋ yaà anyuùŋ pɔ̀ɔ.

2 Kɔliìŋ 8:2 ပူးပေါင်းရင်းမြစ်များ

Maafiù 20:15

Miŋ fè è nyaàŋ gè diɛm wèè ka tòòmò è nɛɛnɛŋ mɛ̀ è ɗeweɛ̀ mìŋ manaŋ lɛ̀? Wèè kiìŋ nìŋ giiyàìm le koo sèè mìŋ mɔnɔŋ ka kpùùmàŋ anyùùŋ?’ ”

Luùm 12:8

Sèè mààŋ è kuwa eiŋ kìɛ̀ŋ aŋ dàwi wi nyàŋ maŋ jii nyingè, kìɛŋ wììŋ nyiŋ maŋ jii nyingè. Sèè è mɔnɔŋ wèè eiŋ kìɛ̀ŋ aŋ dàwi wi nyàŋ, kìɛŋ wììŋ nyiŋ e mànaŋ sùà. Sèè mààŋ è yààìŋ aŋ ɓɛ̀màŋɗì anyùùŋ, nyɛ̀nɛ̀ŋ wiìŋ e tɛ̀ɛ̀tɛ̀ɛ̀ wilɛ̀ wèè e nɔ̀iŋ e tɔ̀ɔ̀nyaàŋ sùà ko nɛ̀ɛ̀ŋ nyiŋ niìŋ. Sèè è mɔnɔŋ wèè eiŋ tɔ̀ɔ̀ ke nyowo koɓɛ̀ aŋ dàwi wi nyàŋ, nyɛ̀nɛ̀ŋ wììŋ niŋ e ɓɛ̀ɛ̀jàa sùà.

Luùm 2:4

Tɔɔɓaa ɓɔ̀ nìŋ woò nààŋ wò Dayà yaà nyìnìè e keì sìàŋ gbee weè wi, weètii e kuwàìŋ èsaɓù bà wèè eiŋ fè màŋ tùwo naanààŋ wi màŋ jɛwɛ. Nyìmaìŋ kɛ̀ wo Dayà yààìŋ nyinie tɛ̀ɛ̀ e kìlà wò yààìŋ tɔ̀ɔ̀ sùà e mànaŋ, wèè woiŋ kìɛ̀ŋ jii nyingè naŋ fè maŋ tùwo naanààiŋ màŋ jɛwɛ yèè naŋ kìlà ko nɛ̀ɛ̀uŋ niìŋ.

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.

2 Kɔliìŋ 2:9

E wèè e nɛ̀ɛŋ mìŋ naŋ sìngè wɔŋ fɛi wiiŋ ko nɛ̀ɛ̀ŋ niìŋ lɛ tiŋ tɛɛ̀, e wèè kaiŋ tùàŋ maŋ nɔnɔŋ sèè mààŋ nàŋ mààŋ è wòaà sùà, e kìlà sèè mààŋ kòò nìŋ yaà è bànèbaneiŋ teenga gbiŋ wèè naŋ jɔ̀ɔ̀lɔ̀ mànɛ̀ŋ maŋ gbiŋ dìì mìŋ naiŋ woò wèè naŋ nyɛ̀nɛ̀ŋ maŋ.

2 Kɔliìŋ 6:10

Jòòpɛɛ ke nyowo nyɛ̀nɛ̀ŋ wì, kɛɛ e teenga gbiŋ è yààìŋ e zɔlɔ̀ sùà. È yaà mààŋ è naiŋ kɛ̀ɛ̀ sìwè, kɛɛ è nyɛ̀nɛ̀ìŋ anyuùŋ zimgbe aŋ banè. È yaà guùŋ mààŋ e kuwàìŋ è nɛ̀ŋ gbiŋ, kɛɛ tɔɔɓaa è kùwàìŋ manɛ̀ŋ maŋ gbiŋ.

2 Kɔliìŋ 9:11

E wèètii, e teenga gbiŋ wò nyɛ̀nɛ̀ŋ naŋ banè tɛ̀ɛ̀ kaiŋ wèè naŋ gè nɛ̀ŋ kùàŋ e teenga gbiŋ sùà, e wèè anyuùŋ zimgbe aŋ gè wo Dayà ke sɛ̀ wèè e nɛ̀ɛŋ nìŋ naŋ wi kiɛ̀ŋ wèè e nyiŋ fè lɛ.

2 Kɔliìŋ 9:13

Esàɓù e tɔ̀ɔ̀màŋseìɛ e tòmo kiiiŋ nɛɛ̀ e tòmò Dayàa sùà è yaà hìaŋ sùà lɛ, anyuùŋ zimgbe do nàŋ kìɛ̀ŋ wo Dayà e ɓɛ̀ɛ̀jàa, yèè e tɛ̀nɛŋ, wèè e jɔ̀ɔ̀lɔiŋ nɛ̀ koɓɛ̀ ke mìè gbìàŋ Ebò Sìàŋ Jisɛ̀ Kulaìɛ, ke yèɛ nìŋ naŋ nyimèè yɛ, yèè wèè e nɛ̀ŋ gè kùàiŋ nɛ̀ nìŋ goonàŋ naŋ nyiŋ kiɛ̀ŋ ke gbòò anyuùŋ hààwe nyàŋ e kpùlìà anyuùŋ gbànaŋ nyàŋ gbiŋ lɛ.

1Tɛsè 1:6

Nìŋ naŋ wi fɔɔnɔ̀ŋ yèè nìŋ naŋ fɔ̀ɔ̀nɔ̀ŋ wo Kanaà Jisɛ̀. Jòòpɛɛ nìŋ naŋ mɔɔnɛ̀ŋ zimgbe, kɛɛ nìŋ naŋ jàà ke miè gbìaàŋ kùàŋ dìì e zɔlɔ̀ sùà ke yèɛ yewe wo Jìnàŋ Nɛɛmaàŋ sìwè lɛ.

1Tɛsè 2:14

Nyɛ̀iŋ nààŋ wùìya wi nyàŋ, e nɛ̀ŋ guùŋ nɛ naiŋ kaaìŋ lɛ tiŋ naŋ kààìŋ koɓɛ̀ ke gbòò anyuùŋ hààwe Dayà nyàŋ ko Jùdià, koɓɛ̀ anyùùŋ nyaŋ wo Jisɛ̀ Kulaì kanaŋ nyàŋ. Nìŋ naŋ mɔ̀ɔ̀nɛ̀ŋ maŋ mɔ̀ɔ̀nɛŋ guùŋ bi dìì anyùùŋ nyɛ̀iŋ bi nyàŋ sìwè, màànààŋ àŋ naŋ wa mɔɔnɛ̀ŋ e yìwìà aŋ Juùù nyaŋ sìwè lɛ,

Jìiiŋ 2:5

Nyɛ̀iŋ nààŋ wùìyaim nyàŋ, jàaìŋ maŋ nùŋ dìì! Anyuùŋ pɔ̀ɔ nyàŋ e ɗuunyaŋ lɛɛ̀ nyiŋ wo Dayà naŋ tàeɗùù wèè aŋ nɔ̀ŋ aŋ nyuùŋ bàne nyàŋ e hààweɛ̀ sùà. Yèè àŋ do nàŋ kɛ̀ɛ̀nɛ̀ŋ e kànà Dayàa e yèɛ wò naŋ wa ɓèmè ɗààhiì wèè wo fè aŋ nyùùŋ nyaŋ mànaùŋ nyaŋ.

Maŋ kèì nyɛɛnɛŋ 2:9

Kà nyìmàŋ maŋ keì nyìngaiŋ màŋ. Kà nyìmàŋ kɛ̀ nìŋ naŋ kɛ̀ɛ̀ò sìwè, kɛɛ tɔɔɓaa nìŋ naŋ banè. Kà nyìmàŋ maŋ keì naanààŋ maŋ àŋ woà maŋ e nyaàiŋ eiŋ dè e yìwìà anyùùŋ nyaŋ nyaaŋ nyiŋ bi aŋ Juùù, kɛɛ aŋ fè àŋ Juùù nyaŋ. Àŋ yaà ke gbòò anyùùŋ màŋjɛ̀wɛ̀ Sɛ̀tanàŋ.