2 Kɔliìŋ 8:19 - WƆŊ FƐ̀Ì EBÒ SÌÀŊ DAYÀA

¹⁹ Yèè eɓìèmàŋjɛ̀wɛ̀ tii, maŋ gbòò anyuùŋ hààwe nyàŋ àuŋ tàeɗùù yèè àuŋ ɓemè wèè wo nɔ̀ŋ wo nyuùŋ tòmoɔ̀ bà maŋjɛ̀wɛ wi ko nyìnìè e tòmò e mànaŋ lɛɛ̀ wèè esàɓù e jòòwò Kanaà sùà, yèè wèè eiŋ tɔɔ̀ kɛ̀ è manaŋ wèè eiŋ kpuumàŋ.

2 Kɔliìŋ 8:19 ပူးပေါင်းရင်းမြစ်များ

Nyɛ̀nɛ̀ŋ 14:23

Wo Pɔɔ̀ yaà wo Bànaŋɓà naŋ wa ɓèmè aŋ màmàŋkùmɛŋ wèè ke gbòò anyuùŋ hààwe nyàŋ gbiŋ. Kpeiŋ àŋ naŋ kùwò ke tɔùŋ e kìlà àŋ yaà zoolo wèè wo Dayà kpuumàŋ aŋ màmàŋkùmɛŋ nyɛɛ̀ŋ yè nyaŋ naŋ sìè e hààwe nyiŋ nɛ̀ wo Kanaà Jisɛ̀ sùà lɛ.

Nyɛ̀nɛ̀ŋ 15:22

Aŋ keela tàeɗùù nyaŋ, yèè aŋ màmànkùmɛ̀ŋ anyuùŋ hààwe nyàŋ, e kpùlìà ke gbòò anyuùŋ hààwe nyàŋ naŋ ɗewè wèè aŋ tà anyùùŋ bà ɗùù wèè aŋ dè wo Pɔɔ̀ yèè wo Bànaŋɓà maŋjɛ̀wɛ aŋ ka ko Aŋtiɔ̀. Kpeiŋ àŋ naŋ tà wo Silà yèè wo Juɗà wo yèɔ àŋ nyaaŋ wa ɓɛìŋ wo Bàsaɓà wɔ ɗùù, aŋ sìèfèìŋ tìyèe anyuùŋ hààwe nyàŋ sùà.

Nyɛ̀nɛ̀ŋ 15:25

Weètii è naiŋ deenè yèè è naiŋ ɗewè wèè eiŋ tà anyùùŋ bà e ɗùù wèè aŋ hnàŋ ko nɛ̀ɛ̀iŋ niìŋ e kpùlìà aŋ dàwi siaŋ wi nyàŋ Bànaŋɓà yèè wo Pɔɔ̀.

Nyɛ̀nɛ̀ŋ 19:22

Kpeiŋ wò naŋ tùɔ̀ŋ anyuùŋ tòmo dàwiuŋ nyàŋ àŋ tìyèe, wo Timetè yaà wo Ɛ̀lesitɔ̀ ko Mɛ̀sèdonià. Kɛɛ wuŋ bi naŋ wa jòò ko Eesìà wèè e teenga kpàa bà.

Nyɛ̀nɛ̀ŋ 19:29

E teenga kpuu sùà anyùùŋ nyaŋ gbiŋ ko jawaì naŋ wa dàà ke gboà gbee. Yèè anyùùŋ nyaŋ bà nyiŋ naŋ kùwò wo Gayɔ̀ yaà wo Àlètakɔ̀, yèè aŋ naŋ nyiŋ kɔ̀ɔ̀ zɛ̀mɛ̀ɛ̀ŋ dèèneì. Aŋ fèlàà tìyèe bi naŋ wa dè wo Pɔɔ̀ maŋjɛ̀wɛ e yìwìà ko Mɛ̀sèdonià. Kpeiŋ anyùùŋ nyaŋ gbiŋ e faaàŋ sùà naŋ dùɔ̀ŋ aŋ kà koɓɛ̀i àŋ yaà wa kɛ̀ɛ̀nɛ̀ŋ sùà e dèènè jawaà lɛ.

Luùm 5:11

Kɛɛ tii fè è gbiŋ. È gèìŋ zɔlɔ̀ esàɓù e nɛ̀ɛŋ wo Dayà naŋ nyɛ̀nɛ̀ŋ e yìwìà wo Kanaà Jisɛ̀ Kulaì sùà lɛ, wo yèɔ naŋ jàànè e mɔ̀ɔ̀nɔŋ wilɛ̀ koɓɛ̀ Dayài wɔ̀.

Luùm 5:3

Kɛɛ tii fè è gbiŋ! E gèìŋ ɓɛìŋ zɔlɔ̀ e keì nyìnga wilɛ̀ sùà, esaɓù èiŋ nyìmàŋ kɛ̀ e keì nyìnga kpuumàŋ wì eiŋ kùwà koɓɛ̀ guùŋ kpaŋ e kìlà e zɔ̀kpɔ̀ fè wi nyɛ̀nɛ̀ŋ è hààwe wilɛ̀ sùà.

2 Kɔliìŋ 4:15

Tɛɛ̀ gbiŋ yaà wèè esaɓùiŋ nɛ̀ sùà, yèè nààŋ e tɛ̀ɛ̀tɛ̀ɛ̀ Dayàa yaà hài sùà anyuùŋ zimgbe, àŋ do nàŋ fè e zòòlò ke sɛ̀ gèe zimgbe koɓɛ̀ e jòòwo Dayàa.

2 Kɔliìŋ 8:11

Kɔ̀aìŋ niŋ feìŋ, niŋ kpɛɛyɛ̀ e tòmo kìɛɛ̀ŋ. Kùwieìŋ e wùànàŋ wèè niŋ kpɛ̀ɛ̀yɛ̀ e tòmo bi màànààŋ nɔŋ nìŋ heiŋ nàŋ ɗewè lɛ, nyɛ̀nɛìŋ niŋ e yìwìà e nɛ̀ɛŋ nìŋ kuwa lɛ̀ sùà.

2 Kɔliìŋ 8:12

Sèè e wùànàŋ e kìɛŋ è nɔ̀ìŋ, wo Dayà do nàŋ jàà e kìɛiŋ nɛ̀ kùàŋ dìì e yìwìà e yèɛ nìŋ kuwa wèè naŋ kiɛ̀ŋ lɛ sùà, e fè wèè è yèɛ fèìŋ sìwè lɛ.

2 Kɔliìŋ 8:20

È yààìŋ yɛ̀mɛ sùà yàwi bi diɛŋ wèè nyùùŋ gbiŋ go wi nàŋ sìè jii wèè è ɗeweɛ̀ è yààìŋ tòòmò è kèè è kìɛŋ lɛɛ̀ sùà lɛ.

2 Kɔliìŋ 9:2

Kà nyìmàŋ kɛ̀ è yààìŋ jii wèè naŋ kpuumàŋ, yèè kà kɛ̀ɛ̀ maŋ nyòngà koɓɛ̀ anyùùŋ Mɛsèdonìà nyaŋ e nyaàiŋ eiŋ dè kɛ̀, “Anyuùŋ hààwe nyàŋ ko Àkaayà, àŋ wa banebànè wèè aŋ kpuumàŋ e yìwìà doa bà mɛ̀iŋ.” E wùànàŋ kpùùmaiŋ nɛ̀, è sìà aŋ zimgbe nyiŋ ke di.

2 Kɔliìŋ 9:8

Wo Dayà wòum ɓɛ̀nɛ̀ŋ kìɛ̀ŋ e nìàŋ e yèɛ mùŋ naŋ kpɛɛ̀ŋ weè niŋ zimgbe lɛ̀, e wèè kɛ̀ e teenga gbiŋ muŋ kɛɛnɛ̀ŋ e keì sìàaŋ mùŋ naŋ kpɛɛ̀ŋ weè niŋ lɛ̀ wèè muàŋ bi, e kìlà màŋ ɓɛ̀nɛ̀ŋ kpùùmàŋ anyùuŋ bà.