2 Kɔliìŋ 8:16 - WƆŊ FƐ̀Ì EBÒ SÌÀŊ DAYÀA

¹⁶ È naiŋ gè Dayà ke sɛ̀ wèè wò naŋ gbìɛ̀ŋ e wùànàŋ kpùùmaŋ wo Taitɔ̀ jiio sùà màànààŋ è yàà wì jiio sùà wèè eiŋ kpuumàŋ lɛ.

2 Kɔliìŋ 8:16 ပူးပေါင်းရင်းမြစ်များ

2 Kɔliìŋ 7:12

E wèètii, jòòpɛɛ mìŋ naŋ sìngè wɔŋ fɛiɔ̀, kɛɛ e fè wèè wò nyùnùɔŋ naŋ nyɛ̀nɛ̀ŋ è nànàaŋ wɔ̀ ɔ̀ɔ̀ wò nyùnùɔŋ àŋ naŋ kaaɓì wɔ. Kɛɛ mìŋ naŋ sìngè wèè kaiŋ nyɛ̀nɛ̀ŋ sengei ko nɛ̀ɛ̀ŋ niìŋ, ko fɛ̀ɛ̀fèìŋ Dayà, wèè e ɗeweɛ̀ e wuanàŋ wi yààìŋ, yèè nìŋ naŋ kai kpɛɛ̀ŋ weè wilɛ̀.

2 Kɔliìŋ 7:7

E hnàuŋ nɛ̀ nɔŋ nààŋ e gò gììyà zɔlɔ̀, kɛɛ ke jii gbàiuŋ nɛɛ̀ŋ sùà, e ɗeweɛ̀ nìŋ nauŋ fè jii nyingè lɛ. Wo naŋ wi wòò e ɗeweɛ̀ nìŋ naŋ haamìŋ zimgbe wèè naim yɛmɛ̀ lɛ, ke nyowoɛ̀ yààìŋ weèim nɛ̀, yèè e ɗeweɛ̀ nìŋ naŋ banebànè wèè naim sìè jɛwɛ lɛ, tii naim ɓɛìŋ nyìnìè zɔlɔ̀.

2 Kɔliìŋ 8:23

Sèè è nɔ̀ŋ wèè Taitɔ̀, wò yaà wo bàimbà yèè yàwiuŋ nàŋ tomàŋ ɓɛ̀ guùŋ wèè eiŋ kpuumàŋ, e wèè aŋ wùìya gbànaŋ nyàŋ yaàùŋ kɔ̀ɔ̀yɛ̀ maŋjɛ̀wɛ nyàŋ, àŋ yaà aŋ keela nyiŋ naŋ dè ɓɛ̀ŋ anyuùŋ hààwe nyaŋ, yèè àŋ hiàŋ e jòòwo koɓɛ̀ Jisɛ̀ Kulaìi.

2 Kɔliìŋ 8:6

E wèètii, è naŋ dàwè wo Taitɔ̀, wo yèɔ naŋ tɔ̀ɔ̀tù e tòmo lɛɛ̀ wɔ, wèè wo kunò niŋ kɔ̀à feìŋ e kìlà wo kpuumàiŋ wo kpɛɛyɛ̀ e tòmò tìtì e mànaŋ lɛɛ̀.

Fèle 2:20

Wuŋ guùŋ nɔŋ nàŋ yaà wo bàimbà wèè e gòngo siaàŋ mìŋ kuwa yèè tɔɔɓaa wo yèɔ naŋ kpɛɛ̀ŋ weèiŋ wɔ̀.

Kòlo 3:17

E nɛ̀ɛŋ gbiŋ nìŋ woà ɔ̀ɔ̀ nìŋ nyɛnɛŋ lɛ̀, e nɔ̀ŋ nyɛ̀nɛŋ niŋ e dèè Kanaà Jisɛ̀ Kulaì sùà, nààŋ nìŋ kiɛ̀ŋ ke sɛ̀ gèe koɓɛ̀ Dayài e saɓùuŋ nɛ̀ sùà lɛ.

Maŋ kèì nyɛɛnɛŋ 17:17

Wo Dayà naŋ nyɛ̀nɛ̀ŋ aŋ kana nyɛɛ̀ŋ gbiŋ naŋ kɛ̀ɛ̀nɛ̀ŋ ke jìì guùŋ wèè aŋ kiɛ̀ŋ e gaàŋ nyiŋ nɛ̀ koɓɛ̀ wo yilì kùùnoɔ̀. Yèè àŋ do tɛɛ̀ nàŋ nyɛ̀nɛ̀ŋ e jèèsùà e yèɛ wo Kanaà Dayà naŋ woò lɛ e hɛɛnɛ̀ŋ.