2 Kɔliìŋ 8:10 - WƆŊ FƐ̀Ì EBÒ SÌÀŊ DAYÀA

¹⁰ Kpeiŋ e keì lɛɛ̀ sùà, ke mìè gòo miɛ̀ŋ kɛɛ̀, è yaà tɛ̀ɛ̀ wèè naŋ kpɛ̀ɛ̀yɛ̀ e nɛ̀ɛŋ nìŋ naŋ tɔɔtù doa bà mɛ̀iŋ nɛ̀. Nyɛ̀iŋ nàŋ yaà mɛ̀iŋ aŋ jiɛ̀jiɛ̀ nyaŋ, e fè guùŋ nɔŋ wèè naŋ kiɛ̀ŋ, kɛɛ naŋ kùwìè e ɗèweɛ̀ wèè naiŋ nyɛ̀nɛ̀ŋ.

2 Kɔliìŋ 8:10 ပူးပေါင်းရင်းမြစ်များ

Maafiù 10:42

Mìŋ yààìŋ wòo sùà e tɔɔɓaaà kɛ̀, wo nyùnɔ̀ɔŋ gbiŋ naŋ kìɛ̀ŋ wɔŋ maì kpòò koɓɛ̀ wo tòloòɔ bà guùŋ anyùùŋ màŋjɛ̀wɛ̀im nyɛɛ̀ŋ sùà wɔ, esaɓù kɛ̀ wò yaà wo nyùùŋ màŋjɛ̀wɛ̀im, wò do nàŋ yɛ̀mɛ̀ e jìwààjɛ̀wɛ̀ weè niŋ.”

Jɔ̀ɔŋ 11:50

Yèè wààŋ niŋ gò gongò kɛ̀ è yaà tɛ̀ɛ̀ wèè wo nyùùŋ guùŋ wo fà wèè anyùùŋ nyaŋ e nɛ̀ɛŋ nyɛ̀nɛ̀ŋ wɔŋ fuɔɔ̀ŋ gbiŋ wɔŋ pɔɔpɔ̀ɔ̀ lɛ?”

Jɔ̀ɔŋ 16:7

Kɛɛ mìŋ yààìŋ wòò sùà e tɔɔɓaaà, è yaà tɛ̀ɛ̀ wèè ka kà koɓɛ̀ Dèda miɔ̀ŋ, sèè mìŋ go ka, wo nyuùŋ kpùùmaàŋ, wo Jìnàŋ Nɛɛmaàŋ naàŋ hnè wèè woiŋ kpuumàŋ. Kɛɛ sèè mìŋ kɔ̀à, mìŋ do nàŋ tùɔ̀ŋ wo Jìnàŋ Nɛɛmaàŋ ko nɛ̀ɛ̀iŋ niìŋ.

Jɔ̀ɔŋ 18:14

Wo Kàìfɔ̀ guùŋ wɛɛ̀ naŋ wa wòò anyùùŋ gbèègbèè aŋ Juùù nyaŋ wààŋ, “È yaà tɛ̀ɛ̀ wèè wo nyùùŋ guùŋ wo fà wèè anyùùŋ nyaŋ, e nɛ̀ɛŋ nyɛ̀nɛ̀ŋ wɔŋ fuɔɔ̀ŋ gbiŋ wɔŋ pɔɔpɔ̀ɔ̀ lɛ.”

1 Kɔliìŋ 10:23

“È yààìŋ nyaàŋ gè diɛŋ wi wèè eiŋ nyɛ̀nɛ̀ŋ e nɛ̀ŋ gbiŋ,” tii àŋ woà. Tɛɛ̀ yaà tɔɔɓaa, kɛɛ e nɛ̀ɛŋ gbiŋ nààŋ fè tɛ̀ɛ̀. “È yààìŋ nyaàŋ gè diɛŋ wi wèè eiŋ nyɛ̀nɛ̀ŋ e nɛ̀ŋ gbiŋ,” kɛɛ e nɛ̀ɛŋ gbiŋ nààŋ fè kpuumàŋ.

1 Kɔliìŋ 16:2

Ke ɗɔɔ jiɛ̀jiɛ̀ɛ ke wikì gbiŋ sùà, nyùùŋ gbiŋ maŋ hàà e nɛɛnɛŋ bà e ɓula, e yìwìà e yèɛ gbiŋ mùŋ naŋ yɛmɛ̀ lɛ sùà, wèè niŋ go nàŋ nyɛ̀nɛ̀ŋ màŋ kuàŋ gbònògbono kè ɗɔɔɛ̀ mìŋ hnàŋ lɛ diɛŋ.

1 Kɔliìŋ 6:12

Wo nyùùŋ bà ɓɛ̀nɛ̀ŋ wòo wààŋ, “Wo Dayà naim gè nyààŋ diɛŋ wèè ka nyɛ̀nɛ̀ŋ nɛ̀ŋ gbiŋ.” Hɛ̀ɛɛ̀ŋ kɛɛ, e nɛ̀ɛŋ gbiŋ nààŋ fè tɛ̀ɛ̀ weèim.

1 Kɔliìŋ 7:25

E yèɛ nìŋ naŋ sìngè nyaàiŋ dè anyuùŋ gò kùwìè àŋ jɔùŋ ɔ̀ɔ̀ felaa nyàŋ lɛ, miŋ kuwà kè sàwà è yìwìà wò Kanaà sìwè, kɛɛ mìŋ yaà tɔ̀ɔ sùà e yèɛ yaà e gòngo mɛ̀ sùà mààŋ wo yèɔ esàɓù ke nyòwò Kanaà sùà wò naŋ banè e bànè ke jii tùlia wɔ̀.

1 Kɔliìŋ 7:40

E ɗewe gbiŋ sùà, kà gongò kɛ̀ mìŋ yaà jɔ̀ɔ̀lɔ sùà wo Jìnàŋ Dayàa dìì nààŋ mìŋ naŋ woò mìàŋ wò do nàŋ nɔ̀ŋ ke jii fà zimgbe sùà sèè wò jeeà e kpào lɛ̀.

2 Kɔliìŋ 12:1

Mìŋ yaà kɛ̀ɛ sùà maŋ nyòngà jòòpɛɛ e jìwà jɛ̀wɛ̀ fè miìŋ màŋjɛ̀wɛ̀. Kɛɛ mìŋ do nàŋ wòò e kèè maŋ gɔ̀à gò e jɛ̀ì yèè maŋ bò dààne màŋ wo Kanaà naim fè maŋ.

2 Kɔliìŋ 8:6

E wèètii, è naŋ dàwè wo Taitɔ̀, wo yèɔ naŋ tɔ̀ɔ̀tù e tòmo lɛɛ̀ wɔ, wèè wo kunò niŋ kɔ̀à feìŋ e kìlà wo kpuumàiŋ wo kpɛɛyɛ̀ e tòmò tìtì e mànaŋ lɛɛ̀.

2 Kɔliìŋ 8:8

Miŋ fè hàa sùà màŋ sàwà. Kɛɛ sèè mìŋ nɔ̀ŋ tɔ̀ɔ sùà e ɗeweɛ̀ anyùuŋ bà e wùànàŋ kpùùmaŋ yaà nyiìŋ nɛ, mìŋ yaà fɛ̀ɛ sùà wèè kaiŋ tùàŋ maŋ nɔnɔŋ wèè ka nyìmàŋ kɛ̀ dièsɔa nyɛ̀iŋ bi e mànaiŋ nɛ̀ è yaà.

2 Kɔliìŋ 9:2

Kà nyìmàŋ kɛ̀ è yààìŋ jii wèè naŋ kpuumàŋ, yèè kà kɛ̀ɛ̀ maŋ nyòngà koɓɛ̀ anyùùŋ Mɛsèdonìà nyaŋ e nyaàiŋ eiŋ dè kɛ̀, “Anyuùŋ hààwe nyàŋ ko Àkaayà, àŋ wa banebànè wèè aŋ kpuumàŋ e yìwìà doa bà mɛ̀iŋ.” E wùànàŋ kpùùmaiŋ nɛ̀, è sìà aŋ zimgbe nyiŋ ke di.

Fèle 4:17

Mìŋ fè kààmè ɗewe wèè kaìŋ gè è nɛ̀ŋ sìwè, kɛɛ mìŋ manaŋ wèè naŋ yɛ̀mɛ̀ e kpùùmaàŋ wo Dayà doiŋ nàŋ kiɛ̀ŋ lɛ sèè nìŋ kiɛ̀ŋ.

Hiɓu 13:16

Ɓɔ̀ nìŋ nyɛɛnɛ̀ŋ wèè naŋ kpùùmàŋ kè gbòò Dayà zòòloɛ̀, tɛɛ̀ nàŋ yaà e saaà gèeɛ̀ fɔɔyɛ̀ Dayà jii lɛ̀.