2 Kɔliìŋ 7:7 - WƆŊ FƐ̀Ì EBÒ SÌÀŊ DAYÀA

⁷ E hnàuŋ nɛ̀ nɔŋ nààŋ e gò gììyà zɔlɔ̀, kɛɛ ke jii gbàiuŋ nɛɛ̀ŋ sùà, e ɗeweɛ̀ nìŋ nauŋ fè jii nyingè lɛ. Wo naŋ wi wòò e ɗeweɛ̀ nìŋ naŋ haamìŋ zimgbe wèè naim yɛmɛ̀ lɛ, ke nyowoɛ̀ yààìŋ weèim nɛ̀, yèè e ɗeweɛ̀ nìŋ naŋ banebànè wèè naim sìè jɛwɛ lɛ, tii naim ɓɛìŋ nyìnìè zɔlɔ̀.

2 Kɔliìŋ 7:7 ပူးပေါင်းရင်းမြစ်များ

Maafiù 26:75

yèè wo Pììlɛ e ɗìuŋ naŋ dè koɓɛ̀ e yèɛ wo Jisɛ̀ nauŋ wa woò lɛ wààŋ, “Wèè paŋ wo tɔɔ wowoɔ̀ kolèè, mùŋ do nàŋ gè maŋhɛɛ sùà taai kɛ̀ muŋ nyimààìm.” Yèè wò naŋ fòlò wo ka wo ɓàà ɗì gòla.

Maafiù 5:4

“E zɔlɔ̀ yaà anyùùŋ nyaŋ yaà ke nyowo sùà nyaŋ. Wo Dayà do nyiŋ nàŋ kìɛ̀ŋ ke jii fàa!

Luù 22:44

Ke jii mɔ̀ɔ̀nɛŋ gbee sùà wò naŋ ɓɛìŋ zoolò. Yèè maŋ jɛi màŋ nauŋ wa fòlò kɔɔ màŋ yaà wa mààŋ maŋ sɛ̀ìŋ màŋ yaà dè sùà ko dììnaŋ.

Nyɛ̀nɛ̀ŋ 11:23

Ke jii naŋ wa fɔ̀ wo Bànaŋɓà nààŋ wò nao wa haì yèè wò naŋ yɛ̀mɛ̀ e ɗeweɛ̀ wo Dayà naŋ wa kpùùmò anyùùŋ nyaŋ lɛ̀. Kpeiŋ wò naŋ nyiŋ dawè wèè aŋ kɛɛnɛ̀ŋ maŋ jii nyingè e kìlà aŋ jeè e hààwe yaà e tɔ̀ɔ̀nyaàŋ maŋ jii nyiŋ màŋ sùà koɓɛ̀ wo Kanaà.

Luùm 1:12

E yèɛ mìŋ yaà woo lɛ̀ nàŋ yaà wèè kɛ̀ yàwi nààŋ gbiŋ eiŋ kpùùmàŋ aŋ dàwi e tèèngà guùŋ nɛ, e yìwìà e hààwe wilɛ̀ sùà.

1 Kɔliìŋ 5:2

Diè nìŋ naŋ naàŋ ɓɛ̀nɛ̀ŋ ɓèmè nyiŋ bi gbee? Kɛɛ ke nyowo heiŋ nàŋ diè, yèè wo felaaà naŋ nyɛ̀nɛ̀ŋ e keì mààŋ tii wɔ̀, nauŋ gè ke gboòiŋ nɛɛ̀ŋ sùà.

2 Kɔliìŋ 1:4

Wò naŋ wi kpuumò maŋ keì nyìnga wi màŋ gbiŋ sùà, wèè kɛ̀ yàwi pɛɛ eiŋ kpùùmàŋ anyùùŋ nyaŋ nyiŋ pɛɛ àŋ yaà maŋ keì nyìnga gɛ̀wɛɛ̀ gbiŋ sùà nyaŋ. È yààìŋ tòòmò e kpùùmàŋ guùŋ nɛ yàwi bi è naŋ yɛmɛ̀ e yìwìà Dayà sìwè lɛ.

2 Kɔliìŋ 2:9

E wèè e nɛ̀ɛŋ mìŋ naŋ sìngè wɔŋ fɛi wiiŋ ko nɛ̀ɛ̀ŋ niìŋ lɛ tiŋ tɛɛ̀, e wèè kaiŋ tùàŋ maŋ nɔnɔŋ sèè mààŋ nàŋ mààŋ è wòaà sùà, e kìlà sèè mààŋ kòò nìŋ yaà è bànèbaneiŋ teenga gbiŋ wèè naŋ jɔ̀ɔ̀lɔ̀ mànɛ̀ŋ maŋ gbiŋ dìì mìŋ naiŋ woò wèè naŋ nyɛ̀nɛ̀ŋ maŋ.

2 Kɔliìŋ 5:2

Nààŋ è yààìŋ e ɗuunyaŋ lɛɛ̀, è gulìàìŋ ko ɗìòsùà, e kìlà è yààìŋ e wùànàŋ gbee sùà wèè eiŋ kà ko àìjɛnɛ̀ŋ ko yèi wo Dayà do wi nàŋ kìɛ̀ŋ maŋ kpùnaŋ jɛi lɛ̀.

2 Kɔliìŋ 7:6

Kɛɛ wo Dayà wo yèɔ kiɛ̀ŋ wo nyuùŋ kùwìè ke jii mɔ̀ɔ̀nɛɔ̀ŋ ke jii nyingè wɔ, naŋ wi fè jii nyingè nààŋ wo Taitɔ̀ naŋ hnè.

2 Kɔliìŋ 7:8

Sèè mààŋ wɔ̀ŋ fɛiɔ̀ mìŋ naiŋ sìngè wèè kaiŋ kìlà màŋ jii wɔ̀ŋ naiŋ mɔ̀ɔ̀nɛ̀ŋ jii, e gòim nyìnìàŋ nyowo jòòpɛɛ ke nyowo naim nyɛ̀nɛ̀ŋ esaɓù kɛ̀ mìŋ naŋ yɛmɛ̀ kɛ̀ wɔŋ fɛiɔ̀ naiŋ mɔ̀ɔ̀nɛ̀ŋ jii wèè e teenga kpuu sùà.

2 Kɔliìŋ 8:16

È naiŋ gè Dayà ke sɛ̀ wèè wò naŋ gbìɛ̀ŋ e wùànàŋ kpùùmaŋ wo Taitɔ̀ jiio sùà màànààŋ è yàà wì jiio sùà wèè eiŋ kpuumàŋ lɛ.

Fèle 1:20

E yèɛ mìŋ yaà yɛ̀ɛ̀mɛ̀ dòmaŋ, yèè ke jii tùliaà mìŋ kuwa lɛ̀ nàŋ yaà kɛ̀ miŋ naàŋ wa nàwèè nyɛ̀nɛ̀ŋ è keì gbiŋ wèè eim nyìnìàŋ sàngè. Kɛɛ wèè e teenga gbiŋ, yèè sààmɛ pɛɛ, mìŋ do nàŋ kɛ̀ɛ̀nɛ̀ŋ ke jii nyingè, wèè ke kpùnaŋ miɛ̀ŋ gbiŋ ke hìàŋ e ɓɛ̀ɛ̀jàa koɓɛ̀ Jisɛ̀ Kulaìi, sèè pɛɛ ka nɔ̀ŋ wɔŋ nyiiŋ gèe sùà ɔ̀ɔ̀ ka fà.

Kòlo 2:5

Jòòpɛɛ ke kpùnaŋ miɛ̀ŋ fèìŋ è tɛɛ, kɛɛ mìŋ yààìŋ e tɛɛ wɔŋ nyììŋ jinàŋ miɔ̀ŋ sùà. Ke jii naim fɔ̀ wèè ka nyìmàŋ kɛ̀ kòò nìŋ yaà nyìnìè wɔŋ nyiiŋ gèeiŋ nɔɔ̀ŋ e ɗewe kiiɛ̀ è naŋ tɛɛwɛ̀ lɛ, yèè nìŋ naŋ kùwò e hààweiŋ nɛ̀ kpaŋ wo Jisɛ̀ Kulaì sùà wèè e nɔ̀ŋ e sɛmɛmaŋ niŋ.

1Tɛsè 3:6

Wo Timetè kɛ̀ɛ̀ maŋjɛ̀wɛ wò hnàŋ wò dàà mìè ebò siaàŋ nyaàiŋ dè e hààweiŋ nɛ̀, yèè e mànaàŋ nìŋ kuwa lɛ̀. Wò naŋ wi woò kɛ̀ e teenga gbiŋ sùà nìŋ jàà wì jii yèè e wùànàŋ yɛ̀mɛ wi nyɛ̀nɛ̀ìŋ, nààŋ nɔŋ yàwi pɛɛ e wùànàŋ yɛ̀mɛiŋ nyɛ̀nɛ̀ŋ wì lɛ.

1Tɛsè 3:8

esaɓù tɛɛ̀ èiŋ naàŋ ɓɛ̀nɛ̀ŋ nɔ̀ŋ nyiiŋ gèeɔ̀ sùà sèè nìŋ nɔ̀ŋ aŋ bàiŋbà maŋ nyɛ̀nɛ̀ŋ Kanaà Jisɛ̀ maŋ sùà.

Hiɓu 2:1

Esaɓùɛ lɛɛ̀ è kuwa eiŋ gbìàŋ e gòngo wilɛ̀ gbiŋ koɓɛ̀ e tɔ̀ɔ̀nyaàaŋ è naiŋ kòmò lɛ maŋjɛ̀wɛ, wèè kɛ̀ e goiŋ niŋ nàŋ fè jɛwɛ.

Jìiiŋ 5:17

Wo Ìlaajà yaà wa wo nyuùŋkpùuŋ mààŋ yàwi bi. Wò naŋ zoolò e jɔ̀ɔ̀lɔ sùà wèè maŋ gɔ̀àà ɓɔ̀ màŋ sɔ̀àà, yèè wèè maŋ dòà taai gbànaŋ maŋ gɔ̀àà gbiŋ gò sɔ̀àà è dììɛ diɛŋ.

2Jɔ̀ɔŋ 1:4

E zɔlɔ̀ nàim diè wèè ka yɛ̀mɛ̀ aŋ jɔ̀àiŋ nyàŋ bà nyiŋ kuwa e tɔ̀ɔ̀nyaàaŋ maŋjɛ̀wɛ, màànààŋ wo Dèdaà naŋ wi woò maŋ sàwàuŋ sùà wèè eiŋ nyɛ̀nɛ̀ŋ lɛ.

Juù 1:3

Nyɛiŋ nààŋ dàwi mànaim nyàŋ, tɔɔɓaa mìŋ yaà wa zoolo sɛmɛ e wànàŋ gbee sùà wèè ka sìngà ko nɛ̀ɛ̀iŋ niìŋ e nyaàiŋ dè e jòèyè nɛɛmaàŋ è naiŋ gòònò e fèemàŋ lɛ. Kɛɛ sɔɔ̀ ka sìngà kaiŋ dawè wèè naŋ dè e hààwe bi gòlò jɛwɛ e yèɛ wo Dayà naŋ kìɛ̀ŋ anyunùuŋ nyàŋ yèè e bà gbiŋ gò jòò jɛ̀wɛ̀ lɛ.