2 Kɔliìŋ 7:6 - WƆŊ FƐ̀Ì EBÒ SÌÀŊ DAYÀA

⁶ Kɛɛ wo Dayà wo yèɔ kiɛ̀ŋ wo nyuùŋ kùwìè ke jii mɔ̀ɔ̀nɛɔ̀ŋ ke jii nyingè wɔ, naŋ wi fè jii nyingè nààŋ wo Taitɔ̀ naŋ hnè.

2 Kɔliìŋ 7:6 ပူးပေါင်းရင်းမြစ်များ

Maafiù 5:4

“E zɔlɔ̀ yaà anyùùŋ nyaŋ yaà ke nyowo sùà nyaŋ. Wo Dayà do nyiŋ nàŋ kìɛ̀ŋ ke jii fàa!

Jɔ̀ɔŋ 14:16

Kpeiŋ mìŋ do nàŋ dàwè wo Dèdaà, yèè wò doiŋ nàŋ tùɔ̀ŋ wo Jìnàŋ Nɛɛmaàŋ wo yèɔ doiŋ nàŋ kpuumò yèè wo nɔ̀ŋ ko nɛ̀ɛ̀iŋ niìŋ wèè julɔfɔ.

Luùm 15:5

Tɔ̀ wo Dayà, ko tɔ̀ɔ̀tù ke jii tɔumtɔ̀ùm yèè ke jii nyingè, nyɛ̀nɛ̀ŋ e kɛɛnɛ̀iŋ e gòngò guùŋ nɛ yàwi bi e fèemàŋ, nààŋ è dèìŋ e tɔ̀ɔ̀màŋsèì Jisɛ̀ Kulaì lɛ maŋjɛ̀wɛ,

2 Kɔliìŋ 7:13

Tii naŋ nyɛ̀nɛ̀ŋ è naiŋ kùwìè jii nyingè. E fè nɔŋ kɛ̀ è naiŋ kùwìè kè jii nyingè, kɛɛ è naiŋ yɛ̀mɛ̀ e ɗeweɛ̀ wo Taitɔ̀ yaà e zɔlɔ̀ sùà lɛ, esaɓù kɛ̀ niŋ gòuŋ tɔ̀ɔ̀ è nɛ̀ŋ bà gbiŋ wèè wɔ̀ŋ nyiiuŋ nɔɔ̀ŋ sɛ̀ɛ̀ jii.

2 Kɔliìŋ 7:14

Mìŋ naŋ kɛ̀ɛ̀ maŋ nyòngà ko nɛ̀ɛ̀uŋ niìŋ e nyaàiŋ eiŋ dè, yèè kòò nìŋ sìèìm sàngè. E teenga gbiŋ è woàìŋ e tɔ̀ɔ̀nyaàaŋ, yèè maŋ nyongà guùŋ maŋ è naŋ kɛ̀ɛ̀ koɓɛ̀ Taitɔ̀i màŋ nàŋ tɔ̀ɔ̀ e tɔ̀ɔ̀nyaàŋ.

2 Kɔliìŋ 7:7

E hnàuŋ nɛ̀ nɔŋ nààŋ e gò gììyà zɔlɔ̀, kɛɛ ke jii gbàiuŋ nɛɛ̀ŋ sùà, e ɗeweɛ̀ nìŋ nauŋ fè jii nyingè lɛ. Wo naŋ wi wòò e ɗeweɛ̀ nìŋ naŋ haamìŋ zimgbe wèè naim yɛmɛ̀ lɛ, ke nyowoɛ̀ yààìŋ weèim nɛ̀, yèè e ɗeweɛ̀ nìŋ naŋ banebànè wèè naim sìè jɛwɛ lɛ, tii naim ɓɛìŋ nyìnìè zɔlɔ̀.

Fèle 2:1

Maŋ nyiiŋ gèeiŋ màŋ wo Jisɛ̀ Kulaì toomàŋ sùà wo nyɛ̀nɛ̀ŋ naŋ kɛ̀ɛ̀nɛ̀ŋ maŋ jii nyingè, yèè e mànauŋ nɛ̀ nyɛnɛŋ naŋ kɛ̀ɛ̀nɛ̀ŋ jii fàa. Wo Jìnàŋ nɛɛmaàŋ nyɛ̀nɛ̀ìŋ naŋ nɔ̀ŋ koɓɛ̀ guùŋ ke gbòò anyuùŋ hààwe nyàŋ sùà, e kìlà naŋ kɛ̀ɛ̀nɛ̀ŋ gòngo yèè ke nyowo wèè aŋ dàwiiŋ nyàŋ.

1Tɛsè 3:2

yèè è naiŋ tùɔ̀ŋ wo Timetè wùìya wiɔ̀, è yààìŋ tòòmò koɓɛ̀ guùŋ wèè Dayà, nààŋ è woàìŋ Ebò Siaàŋ nyaàiŋ dè wo Jisɛ̀ Kulaì lɛ. È nauŋ tùɔ̀ŋ nɛ̀ɛ̀iŋ niìŋ wèè woiŋ nyììnè maŋ jii, yèè wo kpùùmàŋ e hààweiŋ nɛ̀,