2 Kɔliìŋ 7:5 - WƆŊ FƐ̀Ì EBÒ SÌÀŊ DAYÀA

⁵ E teengaà pɛɛ è naiŋ hàì ko Mɛ̀sèdonià lɛ, e gòiŋ gè nyiiŋ. È naŋ mɛ̀ɛ̀ŋ maŋ keì nyìnga ko nɛ̀nɛ̀ŋ gbiŋ, maŋ nyaàŋ tàaŋ anyùùŋ fèemàŋ, yèè e jùù naŋ wi sɛ̀ɛ̀ kɔɔ sùà.

2 Kɔliìŋ 7:5 ပူးပေါင်းရင်းမြစ်များ

Nyɛ̀nɛ̀ŋ 20:1

Wo Pɔɔ̀ naŋ nyààŋ anyuùŋ hààwe nyàŋ koɓɛ̀ guùŋ nààŋ ke gbòàa naŋ gɔ̀à dìì, wò naŋ nyiŋ kìɛ̀ŋ maŋ mìè jii nyingè. Maŋ ɗɔɔ kpàa naŋ mààŋ yèè wò naŋ nyiŋ diemè. Kpeiŋ wò naŋ kuii yèwè yèè wò naŋ kɔ̀ ko Mɛ̀sèdonià.

Luùm 15:26

Maŋ gbòò anyuùŋ hààwe nyàŋ ko Mɛ̀sèdonià yèè ko Àkaayà naŋ gbònògbònò e nɛɛnɛŋ, wèè ka niŋ kòà koɓɛ̀ anyùùŋ nɛɛmaŋ nyàŋ ko Jùlusɛ̀làm, wèè e nɔ̀ŋ e kpùùmaŋ koɓɛ̀ anyuùŋ pɔ̀ɔ nyàŋ.

1 Kɔliìŋ 15:31

Nyɛ̀iŋ nààŋ wùìyaim nyàŋ, mìŋ sia e fàa fɛɛ̀feìŋ ke ɗɔɔ gbiŋ. E zɔlɔ̀ɛ mìŋ kuwa e nyaàiŋ eiŋ dè wɔŋ nyiiŋ gèe wiɔ̀ sùà, nààŋ è yààìŋ aŋ bàwibà Jisɛ̀ Kulaì wo Kana wiɔ̀ sùà lɛ, naim nyɛ̀nɛ̀ŋ mìŋ naŋ tɛɛ̀ woò.

1 Kɔliìŋ 16:5

Mìŋ do nàŋ hìɛ̀ŋ e jààme, sèè mìŋ yewe ko Mɛ̀sèdonià, mìŋ naŋ ɗewè wèè ka kɔ̀ɛ̀ ko Mɛ̀sèdonià.

2 Kɔliìŋ 2:13

Kɛɛ ke jii miɛ̀ŋ naŋ sɛɛɛ̀ tiwìtiwì esaɓù kɛ̀ miŋ gòo mɛ̀ɛ̀ŋ wò wùìya wiɔ̀ Taitɔ̀. Wèètii mìŋ naŋ gbìɛ̀ŋ anyùùŋ nyaŋ e dìàmaaŋ, yèè mìŋ naŋ kɔ̀ ko Mɛ̀sèdonià.

2 Kɔliìŋ 2:3

Wèètii mìŋ naŋ sìngè wɔŋ fɛi wiiŋ ko nɛ̀ɛ̀ŋ niìŋ. Miŋ gò mànàŋ wèè ka hnàŋ kò nɛ̀ɛ̀ŋ niìŋ wèè kè jii miɛ̀ŋ ke mɔɔnɛ̀ŋ è yìwìà ànyùùŋ guùŋ nyaŋ mìŋ naŋ tùlìè jii wèè aŋ nyɛ̀nɛ̀ŋ jii miɛ̀ŋ ke fà nyaŋ. Kà nyìmàŋ kɛ̀ sèè mìŋ nɔ̀ŋ ke jii fàa sùà, kɛ̀ nyɛ̀ìŋ nààŋ gbiŋ nìŋ yaà ke jii fàa sùà nyɛ̀iŋ pɛɛ.

2 Kɔliìŋ 2:9

E wèè e nɛ̀ɛŋ mìŋ naŋ sìngè wɔŋ fɛi wiiŋ ko nɛ̀ɛ̀ŋ niìŋ lɛ tiŋ tɛɛ̀, e wèè kaiŋ tùàŋ maŋ nɔnɔŋ sèè mààŋ nàŋ mààŋ è wòaà sùà, e kìlà sèè mààŋ kòò nìŋ yaà è bànèbaneiŋ teenga gbiŋ wèè naŋ jɔ̀ɔ̀lɔ̀ mànɛ̀ŋ maŋ gbiŋ dìì mìŋ naiŋ woò wèè naŋ nyɛ̀nɛ̀ŋ maŋ.

Gàla 4:11

Mìŋ yaà e jùù yèè e gòngo sùà e nyaàiŋ eiŋ dè. Tɛɛ̀ ɓɛ̀nɛ̀ŋ nɔŋ kɛ̀ e tòmo mɛ̀ gbiŋ tɛɛiŋ è nɔ̀ŋ e wèè foo?

1Tɛsè 3:5

Miŋ gò niŋ ɓɛ̀nɛ̀ŋ dìì, wèètii mìŋ naŋ tùɔ̀ŋ wo Timetè. Mìŋ nauŋ tùɔ̀ŋ wèè wo nyɛ̀nɛ̀ŋ maŋ nɔnɔŋ tùaŋ e nyaàiŋ dè e hààweiŋ nɛ̀. Tɔɔɓaa tiŋ e fè ɓɛ̀nɛ̀ŋ nɔ̀ŋ kɛ̀ wo Dɛwìɔ wòiŋ gɛ̀ɛ̀ jɛ̀wɛ̀ e tòmo wilɛ̀ gbiŋ nɔ̀ŋ wèè foo.