2 Kɔliìŋ 7:3 - WƆŊ FƐ̀Ì EBÒ SÌÀŊ DAYÀA

³ Miŋ gò tɛɛ̀ woò wèè kaiŋ jèè keì, màànààŋ nɔŋ mìŋ naŋ woò lɛ, nìŋ yaà maŋ jii wi màŋ diɛŋ è doiŋ nàŋ nɔ̀ŋ wɔŋ nyiiŋ gèeɔ̀ sùà koɓɛ̀ guùŋ, yèè eiŋ fɔ̀ɔ̀yɛ̀ koɓɛ̀ guùŋ.

2 Kɔliìŋ 7:3 ပူးပေါင်းရင်းမြစ်များ

2 Kɔliìŋ 11:11

Mìŋ yaà tɛɛ̀ woo esaɓù kɛ̀ miŋ kuwà è mànaŋ weèiŋ? Wo Dayà nyìmàŋ kɛ̀ mìŋ mànàìŋ!

2 Kɔliìŋ 12:15

Ke jii doim nàŋ fɔ̀ wèè ka mààŋ e nɛ̀ɛŋ gbiŋ mìŋ kuwa lɛ̀ e hàwè miàŋ bi diɛŋ, wèè maŋ nyiiiŋ màŋ. Sèè mìŋ kuwìà e mànaŋ zimgbe weèiŋ, nìŋ do nàŋ kùwìè e mànaŋ jɔa weèim?

2 Kɔliìŋ 13:10

Esaɓùɛ lii miŋ gòiŋ gbɛ̀ɛ̀ kɛɛ mìŋ naiŋ sìngè wɔŋ fɛi wɛɛ̀ŋ, wɔ̀ŋ yaà wèè sèè mìŋ hnàŋ miŋ go nàŋ tòòmò è gààaŋ wo Kanaà naim kiɛ̀ŋ lɛ kaiŋ fè è keì nyìnga, wò naim niŋ kiɛ̀ŋ wèè kaiŋ nyɛ̀nɛ̀ŋ naŋ nyìngà sùà kɛɛ e fè wèè kaiŋ pɔ̀ɔ̀ jɛ̀i.

2 Kɔliìŋ 3:2

Nyɛ̀iŋ bi nàŋ yaà wɔŋ fɛiɔ̀ è kuwa wɔ̀ŋ, wɔ̀ŋ yaà e sìnga wuŋ maŋ jii wi màŋ diɛ̀ŋ wèè anyùùŋ nyaŋ gbiŋ aŋ wuŋ nyìmàŋ e kìlà aŋ wuŋ kpɛ̀nɛ̀ŋ.

2 Kɔliìŋ 7:12

E wèètii, jòòpɛɛ mìŋ naŋ sìngè wɔŋ fɛiɔ̀, kɛɛ e fè wèè wò nyùnùɔŋ naŋ nyɛ̀nɛ̀ŋ è nànàaŋ wɔ̀ ɔ̀ɔ̀ wò nyùnùɔŋ àŋ naŋ kaaɓì wɔ. Kɛɛ mìŋ naŋ sìngè wèè kaiŋ nyɛ̀nɛ̀ŋ sengei ko nɛ̀ɛ̀ŋ niìŋ, ko fɛ̀ɛ̀fèìŋ Dayà, wèè e ɗeweɛ̀ e wuanàŋ wi yààìŋ, yèè nìŋ naŋ kai kpɛɛ̀ŋ weè wilɛ̀.

Fèle 1:7

E kiiŋ nɛ̀ è yaà ke jii miɛ̀ŋ diɛŋ e teenga gbiŋ. Weètii è yaà nɔŋ tɛ̀ɛ̀ wèè ka gòngò e kiiŋ e ɗewe lɛɛ̀ sùà. Nyɛ̀iŋ nààŋ gbiŋ nàŋ nɔ̀ŋ aŋ bàiŋbà wèè e keì sìàŋ lɛɛ̀ e yèɛ wo Dayà naim kiɛ̀ŋ lɛ, e teengaà mìŋ yaà ko sààŋ nyìwìi yèè e teengaà miŋ fè wa è keì dìì wèè ka dè ebò siaàŋ gòlò jɛwɛ e kìlà ka wòò e kii niŋ e tɔ̀ɔ̀nyaàŋ sùà lɛ.

1Tɛsè 2:8

Esàɓù e mànaàŋ è kuwa weèiŋ nɛ̀ nyɛ̀iŋ nààŋ wùìya mànaŋ wi nyàŋ, wèètii è naŋ wa banebànè wèè e nyɛ̀nɛ̀ŋ naŋ nyìmàŋ e kèì Ebò Siaàŋ è yewe Dayà sìwè lɛ, sèè weè pɛɛ maŋ nyiiŋ wi màŋ maiŋ jèè maŋjɛ̀wɛ. È kuwa e mànaŋ zimgbe weèiŋ.