2 Kɔliìŋ 7:2 - WƆŊ FƐ̀Ì EBÒ SÌÀŊ DAYÀA

² Kàmeìŋ ko nɔ̀ŋ wi maŋ jiiiŋ màŋ sùà. E gòiŋ kààɓì nyùùŋ gbiŋ, e gòiŋ pɔ̀ɔ̀pɔ̀ɔ̀ è nɛ̀ŋ nyùùŋ gbiŋ sùà, ɔ̀ɔ̀ wèè eiŋ fɛ̀ɛ̀ wèè eiŋ nììngè wò nyùùŋ gbiŋ fɛ̀ɛ̀.

2 Kɔliìŋ 7:2 ပူးပေါင်းရင်းမြစ်များ

Maafiù 10:14

Sèè nìŋ kɔ̀à ko gbooì ɔ̀ɔ̀ ko jawaì ko yèi anyùùŋ nyaŋ gòiŋ jàà kùàŋ dìì ɔ̀ɔ̀ aŋ manàŋ wèè aŋ kùmìàŋ è nɛ̀ɛŋ nìŋ woà lɛ, gbùmoìŋ e hèì gòlòò dìiŋ nɛ̀ niŋ yèwà ko gboo bi.

Maafiù 10:40

“Wo nyùnɔ̀ɔŋ gbiŋ jààìŋ kùàŋ dìì wɔ, wo nyùùŋ bi wòim jàà kùàŋ dìì. Yèè wo nyùnɔ̀ɔŋ gbiŋ jààìm kùàŋ dìì wɔ, wo nyùùŋ bì wò jàà wo nyùnɔ̀ɔŋ naim tùɔ̀ŋ wɔ kùàŋ dìì.

Luù 10:8

Sèè nìŋ kɔ̀à ko jawa gbiŋ anyùùŋ àŋ jààìŋ kùàŋ dìì, jèiŋ e nɛ̀ɛŋ àŋ doiŋ nàŋ jàà feìŋ lɛ.

Nyɛ̀nɛ̀ŋ 20:33

Ke ɗɔ̀ɔ̀ guùŋ miŋ gò nyɛ̀nɛ̀ŋ wànàŋ è kaiŋ fua, è gòoò ɔ̀ɔ̀ màŋ dèè e yìwìà wò nyùùŋ gbiŋ sìwè.

Luùm 16:18

Anyùùŋ nyaŋ nyɛnɛŋ maŋ keì mɛɛ̀ŋ nyaŋ, aŋ gò kpɛɛ̀ŋ wèè aŋ tomo wèè wò Kana wiɔ̀ Jisɛ̀ Kulaì, àŋ naŋ nɔŋ kpɛɛ̀ŋ wèè nyiŋ bi. Maŋ mìè gbòa ɓuuyè nyiŋ màŋ zuwà anyuùŋ gò nyìmàŋ keì fèemàŋ nyaŋ.

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.

2 Kɔliìŋ 11:16

Tɔ̀ miŋ woòiŋ ɓɛìŋ, wo nyùùŋ gbiŋ ɓɔ̀ wò gongò kɛ̀ mìŋ yaà wò nyuùŋ zùwo. Kɛɛ sèè wò gongà yɛi, kɛ̀ jaàim pɛɛ nɔŋ kùàŋ dìì e wèè kàìsa miŋ kuwìè e ɗewe miŋ kɛ̀ɛ̀ maŋ nyongà jɔa.

2 Kɔliìŋ 11:9

E teengaà mìŋ yààìŋ e tɛɛ lɛ̀, miŋ gòiŋ kpɛɛ̀ŋ wèè naim kpuumàŋ. Sèè mìŋ mɔnɔŋ nɛɛnɛŋ, aŋ wùìya nyàŋ naŋ yèwè ko Mɛ̀sèdonià nyaŋ naim hìɛ̀ŋ e nɛ̀ɛŋ gbiŋ mìŋ manaŋ lɛ̀. Miŋ gò nɔ̀ŋ è kpɛ̀ɛŋ kò nɛ̀ɛ̀ŋ niìŋ kò tɔɔtuì, miŋ naàŋ nɔ̀ŋ è kpɛ̀ɛŋ kò nɛ̀ɛ̀ŋ niìŋ kò dòmàŋ feìŋ yaà!

2 Kɔliìŋ 4:2

È naŋ hèè maŋ gbùnu màŋ gbiŋ yèè maŋ kpèè sàngè maŋ gbiŋ e ɓula. E fè fɛ̀ɛ̀ wèè e zùwò nyùùŋ gbiŋ ɔ̀ɔ̀ e kàà kè mìè gbìàŋ Dayàa è tòa sùà. Wo Dayà yaà wo seì weè wi kɛ̀ e tɔ̀ɔ̀nyaàaŋ nɔŋ è woàìŋ, wèè anyuùŋ gbànaŋ nyàŋ aŋ gongò kɛ̀ wo Dayà wò wi ɓɛ̀nɛ̀ŋ tùlìà jii.

Fèle 2:29

Jàa nùuŋ kùàŋ dìì e zɔlɔ̀ sùà, màànààŋ è naŋ tɛɛwɛ̀ wèè anyùùŋ nyaŋ naŋ hààwè Kanaà nyaŋ. Tɔ̀ɔìŋ anyùùŋ gbiŋ yaà mààŋ wuŋ nɛ̀ e ɓɛ̀ɛ̀jàa,

Kòlo 4:10

Wo Àlètakɔ̀, wo yèɔ yàwi wuŋ yaà ko sààŋ nyìwìi wɔ̀, naiŋ tùɔ̀ŋ zùùmo. Wo Mài wuŋ pɛɛ, wo wùìyà Bànaŋɓàa, naiŋ tùɔ̀ŋ zùùmo. Yèè èiŋ woò tɛ wìàà, sèè wo Mài haì ko nɛ̀ɛ̀iŋ niìŋ nauŋ ɓeeè.

1Tɛsè 2:10

Nìŋ yaà aŋ sèì weè wi e kìlà wo Dayà yaà seì kɛ̀ maŋ kpèè wi màŋ ko nɛ̀ɛ̀iŋ niìŋ nyɛ̀iŋ nyàŋ naŋ haawè nyaŋ, màŋ naŋ zɛ̀nɛ̀ŋ, yèè màŋ naŋ nɔ̀ŋ e tɔ̀ɔ̀nyaàŋ e kìlà e tɔ̀mɛ gò miŋ nɔ̀ŋ.

Felemɔ̀ŋ - PHM 1:12

Jòòpɛɛ mìŋ yaà tùàŋ sùà wo Onisimɔ̀ŋ ko nɛ̀ɛ̀ŋ muìŋ, kɛɛ ke jìì mànaŋ miɛ̀ŋ yàaùŋ maŋjɛ̀wɛ.

Felemɔ̀ŋ - PHM 1:17

Sèè nìŋ naim jàà kùàŋ dìì wèè ka nɔ̀ŋ wo wùìyaiŋ esàɓù Jisɛ̀ Kulaìɛ sùà, kɛ̀ jàaìŋ wo Onisimɔ̀ŋ kùàŋ dìì wo nɔ̀ŋ dàwiiŋ màànààŋ nìŋ doim weè nàŋ jàà kùàŋ dìì lɛ.

2Jɔ̀ɔŋ 1:10

Sèè wo nyùùŋ hnàŋ ko nɛ̀ɛ̀ŋ niìŋ wo gò hìàŋ è kàà kii bi, ɓɔ̀ nìŋ jàaùŋ kùàŋ dìì màŋ gbooiŋ màŋ sùà, ɓɔ̀ nìŋ zuumò wò nyùùŋ bi.