2 Kɔliìŋ 7:15 - WƆŊ FƐ̀Ì EBÒ SÌÀŊ DAYÀA

¹⁵ E wèètii e mànauŋ nɛ̀ weèiŋ naŋ ngèè ɓɛìŋ nyìngè sùà, nààŋ wò naŋ jàà jii e ɗeweɛ̀ nyɛ̀iŋ nààŋ gbiŋ nìŋ naŋ banebànè wèè naŋ jɔ̀ɔ̀lɔ̀ e mìè nyaàuŋ nɛ̀ dìì, e ɗeweɛ̀ nìŋ nauŋ ɓèè e jùù yaà e kɔɔ jèla sùà lɛ.

2 Kɔliìŋ 7:15 ပူးပေါင်းရင်းမြစ်များ

Jɔ̀ɔŋ 16:21

Sèè wo jɔùŋ wò nɔ̀ŋ e sùàhɛ̀ɛ̀ e kòmaŋ dìì, wò nɔ̀ŋ ke nyowo sùà wèè e keì nyìngaà wò do nàŋ kɔ̀ dìì lɛ. Kɛɛ sèè wò komo naàŋ wo jɔ̀àuŋ nɔɔ̀ŋ, wo fè ɓɛìŋ gòngò è keì nyìngaà wò naŋ kɔ̀ɛ̀ɛ̀ ko sùà lɛ wò nɔ̀ŋ naàŋ e zɔlɔ̀ sùà, esaɓù kɛ̀ wò hìàŋ wo jɔ̀à kòmaŋ jɛi e ɗuunyaàŋ sùà.

Nyɛ̀nɛ̀ŋ 16:29

Wo nyùnɔ̀ɔŋ gbiɛŋ wo nyùùŋ ko sààŋ nyìwìi wɔ̀ naŋ dawè wèè ke sìnga kùwa, yèè wò naŋ kɔ̀ɔ̀ maŋ dùàŋ wo jɔ̀à ko sààŋ nyìwìi; e jùùɛ yaàùŋ wa wò gè jèla kpàkpà yèè wò naŋ kɔ̀ wo sɔ̀à ko dììnaŋ wo Pɔɔ̀ yèè wo Silà fɛɛ̀feìŋ.

1 Kɔliìŋ 2:3

Kpeiŋ nààŋ mìŋ naŋ hnè ko nɛ̀ɛ̀iŋ niìŋ, e kɔɔ mɛ̀ naŋ nɔ̀ŋ sùà ɓèèlɛ̀ɛ̀ è jele kpàkpà wèè e jùù,

2 Kɔliìŋ 2:9

E wèè e nɛ̀ɛŋ mìŋ naŋ sìngè wɔŋ fɛi wiiŋ ko nɛ̀ɛ̀ŋ niìŋ lɛ tiŋ tɛɛ̀, e wèè kaiŋ tùàŋ maŋ nɔnɔŋ sèè mààŋ nàŋ mààŋ è wòaà sùà, e kìlà sèè mààŋ kòò nìŋ yaà è bànèbaneiŋ teenga gbiŋ wèè naŋ jɔ̀ɔ̀lɔ̀ mànɛ̀ŋ maŋ gbiŋ dìì mìŋ naiŋ woò wèè naŋ nyɛ̀nɛ̀ŋ maŋ.

2 Kɔliìŋ 6:12

Yàwi nààŋ gò wa yìlà màŋ jii wi màŋ kò nɛ̀ɛ̀iŋ niìŋ, nyɛ̀iŋ naŋ wa yìlè maŋ jiiiŋ màŋ gbàùŋ ko nɛ̀ɛ̀ŋ wiì.

Ɛfesɔ̀ 6:5

Ɗo nyàŋ, e kɔɔiŋ nɛ̀ jèlà kpàkpà e jùù sùà wèè niŋ jɔɔlɔ̀ aŋ kɛ̀ɛ̀nɛiŋ nyàŋ dìì, yèè niŋ nyinìàŋ niŋ ke jìì guùŋ, mààŋ nìŋ yaà nyinie wèè Jisɛ̀ Kulaì lɛ.

Fèle 1:8

Wo Dayà nàŋ yaà wo seì miɔ̀ŋ nààŋ mìŋ woà e tɔ̀ɔ̀nyaàaŋ kɛ̀, e mànaàŋ mìŋ kuwa ke jii miɛ̀ŋ sùà weèiŋ lɛ̀, è yewe kè jìì Jisɛ̀ Kulaìɛ sùà wuŋ bi.

Fèle 2:12

Weètii nyɛ̀iŋ nààŋ wùìyaim nyàŋ, nààŋ nìŋ naim wa jɔ̀ɔ̀lɔ̀ dìì e teengaà gbiŋ mìŋ yaà wa ko nɛ̀ɛ̀iŋ niìŋ lɛ, è yaà ngèè pɛɛ naàŋ tɛ̀ɛ̀ wèè naim jɔ̀ɔ̀lɔ̀ dìì nààŋ miŋ fèìŋ ɓɛìŋ è tɛɛ lɛ̀. Weètii sìaìŋ ke di e kìlà niŋ tomo nyìnga e nyaàiŋ dè e jòèyeiŋ nɛ̀, wèè niŋ nyìmàŋ kɛ̀ kiìŋ è naŋ fasàì wèè naŋ wa nàwèè yɛ̀mɛ̀ e jòèye,

Kòlo 3:12

Nyɛ̀iŋ nàŋ yaà anyùùŋ nɛɛmaŋ nyàŋ. Wo Dayà mànàìŋ yèè wòiŋ tàeɗùù wèè naŋ nɔ̀ŋ anyunùuŋ. Weètii, nìŋ kuwa naŋ kùwìè ke nyowo, ke jiio sùà wèè naŋ nyɛ̀nɛ̀ŋ e keì sìàŋ, naŋ dèèyè nyɛ̀iŋ bi, naŋ kùwìè ɓɛ̀ɛ̀jàa yaà maŋ jii tɔumtɔ̀ùm.

2Tɛsè 3:14

È ɓɛ̀nɛ̀ŋ hɛ̀ɛ̀nɛŋ kɛ̀ anyùuŋ bà kui, aŋ naàŋ jɔ̀ɔ̀lɔ̀ kè miè gbìaàŋ è naŋ tùɔ̀ŋ wɔ̀ŋ fɛi wɛɛ̀ŋ sùà yɛ dìì. Sèè tɛɛ̀ è kaaìŋ yɛi, jàaìŋ nyiŋ jii niŋ gè kii nyiŋ kùàŋ sùà wèè e sàngè nyɛ̀nɛ̀ŋ nyiŋ.

1Jɔ̀ɔŋ 3:17

Sèè è naiŋ ɓɛ̀nɛ̀ŋ kɛ̀ɛ̀nɛ̀ŋ e bànè ɗuunyaàŋ è mànàìŋ maŋ nyiiŋ gèe wi màŋ sùà lɛ, e kìlà eiŋ yɛ̀mɛ̀ wo wùìya wiɔ̀ bà wo yèɔ kuwà yèè wò manaŋ è nɛ̀ŋ wɔ, kpeiŋ e gòiŋ tɔ̀ɔ̀ è mànaŋ màŋ jii wi màŋ sùà kòɓɛ̀ wò nyùùŋ bi, kɛ̀ diè è naiŋ ɓɛ̀nɛ̀ŋ wòo kɛ̀ è mànàìŋ wo Dayà?