2 Kɔliìŋ 7:10 - WƆŊ FƐ̀Ì EBÒ SÌÀŊ DAYÀA

¹⁰ Ke jii mɔ̀ɔ̀nɛɛ̀ŋ wo Dayà naiŋ tòòmò diɛŋ yɛ̀ kè naŋ hìɛ̀ŋ e vɔ̀ɔ̀nɔŋ e yèɛ joeyàìŋ nɛ, yèè ke jii mɔ̀ɔ̀nɛŋ bà gbiŋ fè kìlà kè jiiuŋ nɛɛ̀ŋ. Kɛɛ ke jìì mɔ̀ɔ̀nɛ̀ŋ ɗuunyaàŋ kè hiàŋ e fàa.

2 Kɔliìŋ 7:10 ပူးပေါင်းရင်းမြစ်များ

Maafiù 26:75

yèè wo Pììlɛ e ɗìuŋ naŋ dè koɓɛ̀ e yèɛ wo Jisɛ̀ nauŋ wa woò lɛ wààŋ, “Wèè paŋ wo tɔɔ wowoɔ̀ kolèè, mùŋ do nàŋ gè maŋhɛɛ sùà taai kɛ̀ muŋ nyimààìm.” Yèè wò naŋ fòlò wo ka wo ɓàà ɗì gòla.

Luù 15:10

Tɔ̀ miŋ woòiŋ, yɛi nɔŋ aŋ màìkà Dayà nyaŋ do nàŋ gè zɔlɔ̀ wèè wo nyùùŋ maŋ jùumù wò bà guùŋ wo yèɔ fè maŋ tùwo naanààuŋ màŋ jɛwɛ wɔ̀.”

Luù 18:13

Kɛɛ wo nyuùŋ kùwà nɛ̀ɛ̀nɛ̀ŋ fuɔŋ wii naŋ sìè e fèemàŋ mùnlaŋ, yèè wo gò ngèè pɛɛ gè è ɗì dìì wèè wo yɛ̀mɛ̀ è tèèngà kò àìjɛnɛ̀ŋ, kɛɛ wò naŋ ɓùlò ke sɔɔ yèè wò naŋ woò wààŋ, ‘Dayà, mìŋ yaà wo nyùùŋ maŋ jùumù, yɛ̀mɛ̀im ke nyowo!’ ”

Nyɛ̀nɛ̀ŋ 11:18

Nààŋ àŋ naŋ wa kòmò e yèɛ wo Pììlɛ naŋ woò lɛ, aŋ gbiŋ naŋ wa kumiè yèè àŋ naŋ tɛ̀nɛ̀ŋ wo Dayà. Àŋ naŋ woò nyààŋ, “Wo Dayà naàŋ nyɛ̀nɛ̀ŋ anyùùŋ nyaŋ fè àŋ Juùù nyaŋ àŋ fè maŋ tùwo naanààŋ nyiŋ màŋ jɛwɛ, e kìlà wò nyiŋ kìɛ̀ŋ wɔŋ nyiiŋ gèe.”

Nyɛ̀nɛ̀ŋ 3:19

Fèìŋ maŋ tùwo naanààiŋ màŋ jɛwɛ, Kpeiŋ, niŋ kìlà koɓɛ̀ Dayài, wèè wo juuyà maŋ jùumùiŋ màŋ hakɛ̀.

2 Kɔliìŋ 12:21

E jùù yààìm kɛ̀ sèè mìŋ hnàŋ ɓɛìŋ ko nɛ̀ɛ̀ŋ niìŋ wo Dayà miɔ̀ŋ doim nàŋ sìè sàngè ko fɛɛ̀fenìiŋ, mìŋ do nàŋ gòlò esaɓù kɛ̀ nyɛ̀iŋ nààŋ zimgbe nyiŋ kòò nìŋ kìlè wèè naŋ fè màŋ jùumù gɔugɔ̀ù maŋ nìŋ naŋ wa nyɛ̀ɛ̀nɛ̀ŋ maŋ kùàŋ sùà. Kòò nìŋ yaà nɔŋ nyìnìè maŋ hmɔŋtu naanààŋ, maŋ keì kùwà ninaŋ, yèè maŋ kèì sàngè.

2 Kɔliìŋ 7:9

Kɛɛ sààmɛ e zɔlɔ̀ yààìm , e fè wèè mìŋ naŋ nyɛ̀nɛ̀ŋ màŋ jiiiŋ màŋ naŋ mɔɔnɛ̀ŋ lɛ, kɛɛ esàɓù maŋ jii mɔ̀ɔ̀nɛŋ mɛɛ̀ŋ sùà nàŋ fè maŋ keì naanààiŋ màŋ jɛwɛ. Maŋ jii mɔ̀ɔ̀nɛŋ mɛɛ̀ŋ, wo Dayà naiŋ miŋ tòòmò diɛŋ e gòiŋ jàà è keì naanààŋ bà gbiŋ.

Hiɓu 12:17

E teenga bà naŋ mààŋ, yèè wò naŋ nyɛ̀nɛ̀ŋ wànàŋ wèè e zòòlò dèdauŋ nɛ̀ kɛ̀ɛ̀ ko nɛ̀ɛ̀uŋ niìŋ. Kɛɛ wo gò wa yɛ̀mɛ̀ è ɗewe wèè wo niŋ ɓɛìŋ yɛmɛ̀, jòòpɛɛ wò naŋ wa pɔ̀wɔ̀ wo dèdauŋ nɔɔ̀ŋ yèè wò naŋ gòlò wèè e keì bi.