2 Kɔliìŋ 6:7 - WƆŊ FƐ̀Ì EBÒ SÌÀŊ DAYÀA

⁷ esàɓù mìè gbìàŋ tɔ̀ɔ̀nyaàŋ wiɛ̀, yèè esàɓù e gààŋ Dayàa sùà. È kùwàìŋ e tɔ̀ɔ̀nyaàŋ tiŋ nàŋ yaà e kaì nɛ̀ŋ sùmiaŋ wilɛ̀, wèè eiŋ dàà ke gùuŋ, yèè wèè eiŋ yɛ̀mɛ̀ yàwi bi diɛŋ.

2 Kɔliìŋ 6:7 ပူးပေါင်းရင်းမြစ်များ

Nyɛ̀nɛ̀ŋ 11:21

E gààŋ Kanaà yaà nyiìŋ wa maŋjɛ̀wɛ, yèè anyuùŋ zimgbe naŋ wa kìlè koɓɛ̀ wo Kanaà yèè àŋ nauŋ sìè e hààwe sùà.

1 Kɔliìŋ 1:24

kɛɛ wèè anyùùŋ nyaŋ wo Dayà naŋ nyààŋ lɛ, aŋ Juùù yèè anyùùŋ nyaŋ fè àŋ Juùù nyaŋ, ke miè gbìaŋ bi nàŋ yaà Jisɛ̀ Kulaì ko nɛ̀ɛ̀ŋ nyiŋ niìŋ wo yèɔ yaà e gààŋ Dayàa, yèè e jììkɛ̀ɛ̀ Dayàa wɔ̀.

2 Kɔliìŋ 13:4

Jòòpɛɛ wò yaà wa yɔ̀kpɔuŋ e teengaà àŋ nauŋ jìwè wɔŋ vànèkpaàa diɛŋ lɛ̀, kɛɛ esàɓù e gààŋ Dayàa sùà wò yaà wɔŋ nyiiŋ gèeɔ̀ sùà. È naiŋ yɔkpɔ̀ màànààŋ nɔŋ wo Jisɛ̀ Kulaì yaà wa lɛ̀, kɛɛ sèè è hnàìŋ nèè tɛɛ, è doiŋ nàŋ nɔ̀ŋ wɔŋ nyiiŋ gèeɔ̀ sùà esàɓù e gààŋ Dayàa sùà, nààŋ nɔŋ wo Jisɛ̀ Kulaì yaà lɛ.

2 Kɔliìŋ 2:17

E fèìŋ mààŋ ànyuùŋ zimgbe bà, àŋ yè nyaŋ ɓemàŋ kè mìè gbìàŋ Dayàa mààŋ è bòli, kɛɛ esaɓù kɛ̀ wo Dayà naŋ wi tùɔ̀ŋ, è gbòòìŋ e jìlɛŋ sùà ko fɛ̀ɛ̀fèìŋ wuŋ Dayài, mààŋ aŋ keela tàeɗùù wèè Jisɛ̀ Kulaì.

2 Kɔliìŋ 4:2

È naŋ hèè maŋ gbùnu màŋ gbiŋ yèè maŋ kpèè sàngè maŋ gbiŋ e ɓula. E fè fɛ̀ɛ̀ wèè e zùwò nyùùŋ gbiŋ ɔ̀ɔ̀ e kàà kè mìè gbìàŋ Dayàa è tòa sùà. Wo Dayà yaà wo seì weè wi kɛ̀ e tɔ̀ɔ̀nyaàaŋ nɔŋ è woàìŋ, wèè anyuùŋ gbànaŋ nyàŋ aŋ gongò kɛ̀ wo Dayà wò wi ɓɛ̀nɛ̀ŋ tùlìà jii.

2 Kɔliìŋ 7:14

Mìŋ naŋ kɛ̀ɛ̀ maŋ nyòngà ko nɛ̀ɛ̀uŋ niìŋ e nyaàiŋ eiŋ dè, yèè kòò nìŋ sìèìm sàngè. E teenga gbiŋ è woàìŋ e tɔ̀ɔ̀nyaàaŋ, yèè maŋ nyongà guùŋ maŋ è naŋ kɛ̀ɛ̀ koɓɛ̀ Taitɔ̀i màŋ nàŋ tɔ̀ɔ̀ e tɔ̀ɔ̀nyaàŋ.

Ɛfesɔ̀ 1:13

Nyɛ̀iŋ pɛɛ nìŋ naŋ nɔ̀ŋ anyùùŋ Dayà nààŋ nìŋ naŋ kòmò ke miè gbìàŋ tɔ̀ɔ̀nyaàaŋ, e nyaàiŋ dè Ebò Siaàŋ doiŋ nàŋ joeyè lɛ. Nìŋ naŋ hààwè Jisɛ̀ Kulaì sùà, yèè wo Dayà naiŋ sìè e fee wèè e tɔɔ̀ kɛ̀ wuŋ nàŋ kànàìŋ. E fee bi nàŋ yaà wo Jìnàŋ Nɛɛmaàŋ wò naŋ wa ɓèmè e ɗààhiì wèè wo wi kiɛ̀ŋ wɔ.

Ɛfesɔ̀ 3:20

E gaàuŋ nɛ̀ yaà wì tòòmò kɔɔ sùà lɛ, è nyɛnɛŋ zimgbe e nìàŋ e yèɛ gbiŋ è naiŋ ɓɛ̀nɛ̀ŋ dàwe weè niŋ lɛ̀, ɔ̀ɔ̀ e yèɛ kàìŋ nɛ è naiŋ ɓɛ̀nɛ̀ŋ gòngò kii niŋ lɛ̀. Mìŋ zoolà wèè wo Jisɛ̀ Kulaì yaà ke gbòò anyuùŋ hààwe nyàŋ aŋ hìàŋ e jòòwo koɓɛ̀ Dayài, e teenga gbiŋ sùà wèè julɔfɔ yèè julɔfɔ Àmiinàŋ.

Ɛfesɔ̀ 4:21

Nìŋ naŋ kòmò e kiiuŋ, yèè nààŋ nìŋ yaà anyùùŋ màŋjɛ̀wɛ̀uŋ nyàŋ lɛ, àŋ naiŋ kàà e tɔ̀ɔ̀nyaàaŋ è yaà wo Jisɛ̀ Kulaì sùà lɛ.

Kòlo 1:5

E teengaà ke mìè gbìàŋ tɔ̀ɔ̀nyààŋ Ebò Siaàŋ naŋ wa hnè ko nɛ̀ɛ̀iŋ niìŋ jiɛ̀ lɛ, nìŋ naŋ wa kòmò e kèè ke jii tùliaà è kiɛ̀ŋ lɛ. Weètii e hààweɛ̀ yèè e mànaàŋ nìŋ kuwa lɛ̀, nàŋ yaà e yèɛ nìŋ yaà kaame ke jii tùlia sùà lɛ, e yèɛ yaà bàànè hàa weèiŋ ko àìjɛnɛ̀ŋ lɛ.

1Tɛsè 5:8

Kɛɛ yàwi nààŋ nyuùŋ hààwe nyàŋ, kuwa wèè eiŋ yɛ̀mɛ̀ yàwi bi diɛŋ mààŋ aŋ nyùùŋ nyaŋ wɔŋ niìsìaà sùà. E kìlà e hààwe wilɛ̀ yaà e mànaŋ wilɛ̀ e nɔŋ mààŋ wɔŋ kaì fàà ɓɔwɔɔɔ̀ wo kààlò ɗùàa gbuwo ke sɔɔ wo kà e ɗùà feìŋ wɔŋ. Ke jii tùliaà è kuwa kɛ̀ è doiŋ nàŋ yɛ̀mɛ̀ e jòèye lɛ̀, kè yaà mààŋ ke ɓɔ̀ɗì ɗùàa wo kààlò ɗùàa gbuwo ko ɗì wo kà e ɗùà feìŋ yɛ.

2Time 2:15

Nyɛnɛ̀ŋ e tɛ̀ɛ̀tɛ̀ɛ̀ɛ gbiŋ mùŋ naŋ ɓɛ̀nɛ̀ŋ nyɛ̀nɛŋ lɛ̀ wèè wo Dayà jààum kùàŋ dìì, mààŋ wo nyuùŋ tòmoɔ̀ e sàngè fè wèè è tòmouŋ nɛ̀ wɔ, wo yèɔ kaà ke mìè gbìàŋ Dayàa e tɔ̀ɔ̀nyaàŋ sùà wɔ̀.

2Time 4:7

Kà nyɛ̀nɛ̀ŋ e yèɛ gbiŋ mìŋ naŋ ɓɛnɛ̀ŋ e dùaŋ lɛɛ̀ sùà lɛ, kà dùàŋ ke dòmaàŋ ke jùà, yèè kà jàà e hààweɛ̀ kùàŋ dìì.

Hiɓu 2:4

Wo Dayà wuŋ bi naŋ kìɛ̀ŋ ke mìè seì, nààŋ wò naŋ tɔ̀ɔ̀ maŋ tɔ̀ɔ̀màŋsèì keì, yèè maŋ kèè mèè, e kìlà wò naŋ wa kìɛ̀ŋ wo Jìnàŋ Nɛɛmaàŋ koɓɛ̀ wo nyùnɔ̀ɔŋ gbiŋ wò manaŋ wouŋ kiɛ̀ŋ wɔ.

Jìiiŋ 1:18

Wo Dayà wuŋ bi naŋ ɗewè wèè wo wi nyɛ̀nɛ̀ŋ eiŋ nɔ̀ŋ aŋ jɔ̀àuŋ e yìwìà ke mìè gbìàŋ tɔ̀ɔ̀nyaàuŋ nɛɛ̀ŋ sùà. Wò naŋ tɛɛ̀ nyɛ̀nɛ̀ŋ wèè kɛ̀ e nɔ̀iŋ e nɛ̀ŋ kɛnɛ jiɛ̀jiɛ̀ɛ manɛ̀ŋ bàneuŋ màŋ tɛɛ.