2 Kɔliìŋ 6:6 - WƆŊ FƐ̀Ì EBÒ SÌÀŊ DAYÀA

⁶ E gòiŋ nyɛ̀nɛ̀ŋ kèì sàngè, yèè è naŋ kùwìè jiikɛ̀ɛ, è naŋ kùwò jii, e kìlà è naŋ nyɛ̀nɛ̀ŋ keì sìàŋ. Wo Jìnàŋ Dayàa naŋ wi nɔ̀ŋ maŋjɛ̀wɛ, yèè e mànaŋ wilɛ̀ naŋ nɔ̀ŋ e kɛnɛ niŋ,

2 Kɔliìŋ 6:6 ပူးပေါင်းရင်းမြစ်များ

Luùm 12:9

Manàŋ aŋ dàwium nyàŋ, e tɔ̀ɔ̀nyaàŋ sùà. Wuàŋ e keì naanààŋ nyɛ̀nɛŋ, dìkià muàŋ bi koɓɛ̀ e keì sìàŋ nyɛ̀nɛŋ.

Luùm 15:19

Tɔɔɓaa, mìŋ doiŋ nàŋ wòò e ɗeweɛ̀ wo Jisɛ̀ Kulaì naŋ wa tɔ̀ɔ̀ e tɔ̀ɔ̀màŋsèì maŋ keì, yèè wò naŋ nyɛ̀nɛ̀ŋ maŋ kèè mèè e yìwìà e gààŋ wo Jìnàŋ Nɛɛmaàŋ sùà. Kà wòò Ebò Siaàŋ e nyaàiŋ euŋ dè e yìwìà ko jawa gbeeì Jùlusɛ̀làm e kà ko Ilekùùm.

1 Kɔliìŋ 12:8

Wo Jinàaŋ kiɛ̀ŋ wo nyùùŋ guùŋ ke miè gbìàŋ e gòngo sengèì, wo Jìnàŋ gunɔ̀ɔŋ wo kìɛ̀ŋ wo nyùnɔ̀ɔŋ bàa ke miè gbìaŋ dìà e jììkɛ̀ɛ̀ nyìmaŋ.

1 Kɔliìŋ 13:4

E mànaŋ naŋ tɔumtɔ̀ùm, yèè è kuwìà nyùùŋ le siwè sìàŋ, e fè gè lè koo ɔ̀ɔ̀ e kɛ̀ɛ̀ màŋ nyongà ɔ̀ɔ̀ e ɓèmè tiŋ bi gbee.

1 Kɔliìŋ 2:16

Wɔŋ fɛ̀ì Dayàa naŋ woò wààŋ, “Ɓòò naŋ nyìmè e ɗeweɛ̀ wo Kanaà Dayà gongà lɛ? Ɓòò nauŋ ɓɛ̀nɛ̀ŋ kìɛ̀ŋ e gòo?” E ɗewe gbiŋ sùà, yàwi, è kùwàìŋ ke jii Jisɛ̀ Kulaìɛ.

1 Kɔliìŋ 2:4

yèè e kàà kiim mɛ̀ yaà ke miè gbìaàŋ, miŋ gò niŋ wòò mìè gbòà è gbèe zimgbe è yìwìà è jììkɛ̀ɛ̀ nyuùŋkpùuŋ sùà, sɔɔ̀ maŋ mìè gbòa kpàà nyùùŋ ɗì maŋ tɔɔ̀ e gààŋ Jìnàŋ Dayàa lɛ̀.

2 Kɔliìŋ 1:23

Wo Dayà nàŋ yaà seì miɔ̀ŋ, wò nyìmàŋ ke jii miɛ̀ŋ! Mìŋ naŋ ɗewè wèè ɓɔ̀ mìŋ ka kò Kɔliìŋ esaɓù kɛ̀ mìŋ manaŋ wèè kaiŋ gè fɛ̀ɛ̀ diɛŋ.

2 Kɔliìŋ 11:11

Mìŋ yaà tɛɛ̀ woo esaɓù kɛ̀ miŋ kuwà è mànaŋ weèiŋ? Wo Dayà nyìmàŋ kɛ̀ mìŋ mànàìŋ!

2 Kɔliìŋ 11:4

È naiŋ wòò e kèè Jisɛ̀ Kulaì, yèè nìŋ naŋ jàà wo Jìnàŋ Dayàa yaà ke miè gbìaŋ Ebò Siaŋ wiɛ̀ kùàŋ dìì. Kɛɛ aŋ anyùùŋ bà àiŋ wòò e kèè wo Jisɛ̀ joo. Nàŋ naàŋ banebànè wèè naŋ jàà wo jinàŋ joo yèè ke mìè gbìaŋ joo kùàŋ dìì.

2 Kɔliìŋ 11:6

Miŋ fè wɔ̀i ɓɛ̀nɛ̀ŋ gbòa tɛ̀ɛ̀ màànààŋ àŋ gboo lɛ̀, kɛɛ e fè wèè è jiikɛ̀ɛ sùà, èiŋ tɛɛ̀ nyɛ̀nɛ̀ŋ nàŋ niŋ nyìmàŋ e teenga gbiŋ sùà, yèè e nɔ̀ŋ kii kà tinàŋ gbiŋ sùà.

2 Kɔliìŋ 12:15

Ke jii doim nàŋ fɔ̀ wèè ka mààŋ e nɛ̀ɛŋ gbiŋ mìŋ kuwa lɛ̀ e hàwè miàŋ bi diɛŋ, wèè maŋ nyiiiŋ màŋ. Sèè mìŋ kuwìà e mànaŋ zimgbe weèiŋ, nìŋ do nàŋ kùwìè e mànaŋ jɔa weèim?

2 Kɔliìŋ 13:10

Esaɓùɛ lii miŋ gòiŋ gbɛ̀ɛ̀ kɛɛ mìŋ naiŋ sìngè wɔŋ fɛi wɛɛ̀ŋ, wɔ̀ŋ yaà wèè sèè mìŋ hnàŋ miŋ go nàŋ tòòmò è gààaŋ wo Kanaà naim kiɛ̀ŋ lɛ kaiŋ fè è keì nyìnga, wò naim niŋ kiɛ̀ŋ wèè kaiŋ nyɛ̀nɛ̀ŋ naŋ nyìngà sùà kɛɛ e fè wèè kaiŋ pɔ̀ɔ̀ jɛ̀i.

2 Kɔliìŋ 2:10

Sèè nìŋ juuyà anyùùŋ hakɛ̀ wèè e nɛ̀ɛŋ àŋ naŋ nyɛ̀nɛ̀ŋ lɛ, miàŋ pɛɛ mìŋ juuyà nyiìŋ hakɛ̀. Sèè mìŋ juuyà nyùùŋ hakɛ̀, sèè tɔɔɓaa mìŋ kuwa wèè ka jùùyà nɛ̀ŋ gbiŋ hakɛ̀, mìŋ nyɛ̀nɛìŋ ko fɛ̀ɛ̀fèìŋ Jisɛ̀ Kulaì esàɓù nyɛ̀iŋ sùà,

2 Kɔliìŋ 2:4

Mìŋ naŋ sìngìè wɔŋ fɛi wɛɛ̀ŋ e keì nyìnga gbee yèè ke jii mɔ̀ɔ̀nɛŋ keekèè yaà maŋ fɛɛ̀màì zimgbe, diɛŋ e fè kɛ̀ mìŋ manaŋ wèè ka nyɛ̀nɛ̀ŋ maŋ jiiiŋ màŋ mɔɔnɛ̀ŋ, kɛɛ è yaà wèè naŋ nyìmàŋ e ɗeweɛ̀ mìŋ manaŋ nyɛ̀iŋ nààŋ gbiŋ lɛ̀.

2 Kɔliìŋ 3:3

È yaà sengei kɛ̀ wo Jisɛ̀ Kulaì wuŋ bi naŋ sìngè wɔŋ fɛi wɛɛ̀ŋ, yèè wò naŋ wi wuŋ fè wèè e wuŋ hiàŋ. Wo gò wuŋ sìngìà kè kuù sìngìà fɛi, wò naŋ wuŋ sìngìè wo Jìnàŋ Dayàa, wo yèɔ yaà wɔŋ nyiiŋ gèeɔ̀ sùà wɔ, yèè wo gò wuŋ sìngìà wɔ̀ŋ duò fàà diɛŋ, wò naŋ wuŋ sìngìè maŋ jìì kòmàŋ nyuùŋkpùuŋ màŋ diɛŋ.

2 Kɔliìŋ 4:6

Wo Dayàa naŋ woò wààŋ, “E yìwìà ke nyìwìɛ sùà e gbolòùŋ do nàŋ mɛ̀ɛ̀ŋ wɔ,” wo Dàyà guùŋ bi nɔŋ naŋ nyɛ̀nɛ̀ŋ e gbolòùuŋ nɛ naŋ mɛ̀ɛ̀ŋ maŋ jii wi màŋ sùà wèè e wi hìàŋ koɓɛ̀ e jììkɛ̀ɛ̀ e jòòwò Dayàa e yèɛ yaà mɛ̀ɛŋ sùà wo Jisɛ̀ Kulaì dewà lɛ.

2 Kɔliìŋ 7:2

Kàmeìŋ ko nɔ̀ŋ wi maŋ jiiiŋ màŋ sùà. E gòiŋ kààɓì nyùùŋ gbiŋ, e gòiŋ pɔ̀ɔ̀pɔ̀ɔ̀ è nɛ̀ŋ nyùùŋ gbiŋ sùà, ɔ̀ɔ̀ wèè eiŋ fɛ̀ɛ̀ wèè eiŋ nììngè wò nyùùŋ gbiŋ fɛ̀ɛ̀.

Gàla 3:2

Wòò nìim e kèì ɗì guùŋ, nìŋ naŋ wa yɛ̀mɛ̀ wo Jìnàŋ Nɛɛmaàŋ esàɓù kɛ̀, nìŋ naŋ wa jɔ̀ɔ̀lɔ̀ ke Sàwàa dìì ɔ̀ɔ̀ nààŋ nìŋ naŋ wa kòmò e Ebò Siaàŋ yèè nìŋ naŋ niŋ haawè lɛ?

Gàla 3:5

Wo Dayà naiŋ kìɛ̀ŋ wo Jinàuŋ nɔɔ̀ŋ, yèè wò naŋ nyɛ̀nɛ̀ŋ maŋ kèè mèè e tɛɛiŋ esaɓù kɛ̀ nìŋ naŋ wa jɔ̀ɔ̀lɔ̀ ke Sàwàa dìì, ɔ̀ɔ̀ esaɓù kɛ̀ nìŋ naŋ wa kòmò e Ebò Siaàŋ yèè nìŋ naŋ niŋ haawè?

Gàla 5:22

Wo Jìnàŋ Nɛɛmaàŋ kiɛ̀ŋ wì e mànaŋ, e zɔlɔ̀, ke jii fàa, ke jii tɔumtɔ̀ùm, e keì sìàŋ, e tɛ̀ɛ̀tɛ̀ɛ̀, e hààwe,

Ɛfesɔ̀ 3:4

Sèè nìŋ do nàŋ kpɛ̀nɛ̀ŋ e nɛ̀ɛŋ mìŋ naŋ sìngè lɛ, nìŋ do kai nàŋ nyìmè e ɗeweɛ̀ mìŋ naŋ jàà e kèè ke gbùnù Jisɛ̀ Kulaìɛ jii lɛ̀.

Ɛfesɔ̀ 4:2

Dèèyeìŋ nyɛ̀iŋ bi e teenga gbiŋ sùà, niŋ kuwìè maŋ jii tɔumtɔ̀ùm, yèè niŋ nɔ̀ŋ anyuùŋ kùwìè e ɓɛ̀ɛ̀jàa. Tɔ̀ɔìŋ e mànaiŋ nɛ̀ ke jii siaŋ diɛŋ koɓɛ̀ aŋ wùìyaiŋ nyàŋ e hààweɛ̀ sùà.

Ɛfesɔ̀ 4:32

Kɛɛ nɔ̀ɔìŋ tɛ̀ɛ̀, yèè niŋ kuwìè maŋ jìì nyowo wèè aŋ dàwiiŋ nyàŋ niŋ juuyà anyùùŋ hakɛ̀ màànààŋ wo Dayà naiŋ jùùyè hakɛ̀ esàɓù Jisɛ̀ Kulaì sùà lɛ.

Kòlo 1:27

Wo Dayà naŋ wa ɗewè wèè wo tɔ̀ɔ̀ ke gbùnuuŋ nɛɛ̀ŋ koɓɛ̀ anyùùŋ nɛɛmauŋ nyàŋ, ke gbùnu kɛ̀ɛ̀nɛ̀ŋ bàne yaà e jòòwo yɛɛ̀, ke yèɛ wò kuwa wèè anyùùŋ nyaŋ gbiŋ nyàŋ. Ke gbùnu bi zà nàŋ yaà kɛ̀, wo Jisɛ̀ Kulaì joàìŋ ko sùà, yèè wuŋ nàŋ yaà ke jii tùliaiŋ nɛɛ̀ŋ wèè naŋ nɔ̀ŋ aŋ bàiŋbà e jòòwò Dayàa sùà.

Kòlo 2:3

Wuŋ nàŋ yaà e jìiìŋ nɛ yilà e sùlò Dayàa è yaà ko nyɛɛnɛŋ e nyaàiŋ dè e jiikɛ̀ɛɛ̀ yaà e keì nyìmàŋ fèemàuŋ nɛ̀.

Kòlo 3:12

Nyɛ̀iŋ nàŋ yaà anyùùŋ nɛɛmaŋ nyàŋ. Wo Dayà mànàìŋ yèè wòiŋ tàeɗùù wèè naŋ nɔ̀ŋ anyunùuŋ. Weètii, nìŋ kuwa naŋ kùwìè ke nyowo, ke jiio sùà wèè naŋ nyɛ̀nɛ̀ŋ e keì sìàŋ, naŋ dèèyè nyɛ̀iŋ bi, naŋ kùwìè ɓɛ̀ɛ̀jàa yaà maŋ jii tɔumtɔ̀ùm.

1Tɛsè 2:10

Nìŋ yaà aŋ sèì weè wi e kìlà wo Dayà yaà seì kɛ̀ maŋ kpèè wi màŋ ko nɛ̀ɛ̀iŋ niìŋ nyɛ̀iŋ nyàŋ naŋ haawè nyaŋ, màŋ naŋ zɛ̀nɛ̀ŋ, yèè màŋ naŋ nɔ̀ŋ e tɔ̀ɔ̀nyaàŋ e kìlà e tɔ̀mɛ gò miŋ nɔ̀ŋ.

1Time 4:12

Ɓɔ̀ mùŋ dangè wò nyùùŋ gbiŋ doim nììngè fɛ̀ɛ̀ esaɓù kɛ̀, mùŋ yaà wo nyuùŋ bɔwɔ, kɛɛ nɔ̀ŋ e tɔ̀ɔ̀màŋseì wèè anyuùŋ hààwe nyàŋ maŋ mìè gbòàum màŋ sùà, maŋ kpèèum màŋ sùà, e mànaŋ mɔ̀ɛ̀ sùà, e hààwe mɔ̀ɛ̀ sùà, yèè maŋ kpèè siaŋ sùà.

1Time 5:2

kuwà aŋ jɔùŋ nyuùŋ kàìŋ nyaŋ mààŋ aŋ yèyeum, aŋ jɔùŋ jɔa bɔwɔ nyàŋ, mààŋ aŋ jaaum, ke kpèè siaŋ sùà.

2Time 3:10

Mùŋ naŋ dè e kàa mɛ̀, ke kpèè miɛ̀ŋ, yèè esàɓù wɔŋ nyiiŋ gèe miɔ̀ŋ maŋjɛ̀wɛ, màŋ tùàŋ e hààwe mɛ̀, ke jii tɔumtɔ̀ùm miɛ̀ŋ, e mànàŋ mɛ̀, yèè ke jii nyìngè miɛ̀ŋ wèè e keì nyìnga kuwa mɛ̀ gbiŋ maŋ nɔnɔŋ.

2Time 4:2

wèè maŋ wòò ke miè gbìaàŋ. Jèèe nyiŋ woo sèè pɛɛ è naŋ nɔ̀ŋ e teenga kɛnɛɛ̀ ɔ̀ɔ̀ è go nɔ̀ŋ è teenga kɛnɛɛ̀ diɛŋ, wèè maŋ de anyùùŋ ke dòmàŋ diɛŋ, maŋ nyiŋ kìɛ̀ŋ mìè gòo, yèè maŋ nyiŋ kìɛ̀ŋ maŋ jii nyingè, nààŋ mùŋ kaà nyiìŋ maŋ jii tɔumtɔ̀ùm sùà lɛ.

Taitɔ̀ 2:7

E gbio sùà, muàŋ bi nɔ̀ŋ e tɔ̀ɔ̀màŋsèì maŋ kpèè siaŋ. Mùŋ kuwa maŋ jilɛ̀ŋ, e kìlà maŋ sìà ke di e kàa mɔ̀ɛ̀ sùà.

Jìiiŋ 3:17

Kɛɛ e jiikɛ̀ɛɛ̀ yewe wo Dayà sìwè lɛ e jiɛ̀jiɛ̀ɛ nàŋ yaà, è yaà sengei yèè è manaŋ ke jii fàa, è kuwìà nyùùŋ le siwè sìàŋ, è kuwa mɔ̀ɔ̀nɔŋ, è naŋ dìè ke nyowo yèè è hiàŋ maŋ tùwo siaŋ sìàŋ, e fè nyangè yèè e gò gbɛ̀ɛ̀ è kàaɓì kɔɔ.

1Pììlɛ 1:12

Wo Dayà naŋ dàànè ebò koɓɛ̀ aŋ wɛ̀ijì nyɛɛ̀ŋ kɛ̀ aŋ fè wa toomo wèè è nàfà nyiŋ bi, sɔɔ̀ nyɛ̀iŋ nyàŋ, àŋ naŋ wòò maŋ keì maŋ nìŋ naŋ yaà kòmò e yìwìà aŋ keela nyàŋ naŋ dàànè Ebò Siaàŋ esàɓù e gààŋ Jìnàŋ Dayàa sùà e yìwìà ko àìjɛnɛ̀ŋ nyaŋ. Mɛɛ̀ŋ nàŋ yaà maŋ keì maŋ aŋ màikà nyaŋ kàìŋ nyaŋ pɛɛ hewa nàŋ mɔ̀nɔ̀ŋ wèè aŋ nyìmàŋ maŋ.

1Pììlɛ 1:22

Nààŋ nìŋ yaà naàŋ jɔ̀ɔ̀lɔ sùà e tɔ̀ɔ̀nyaàŋ dìì, e tɔ̀mɛ jùumù fè ɓɛìŋ màŋ nyiiiŋ màŋ, nàŋ naàŋ zɛ̀nɛ̀ŋ. Yèè nàŋ kùwìè e mànaŋ kɛnɛ wèè anyùùŋ hààwè dawiiŋ nyàŋ. Kùwieìŋ e mànaŋ e fèemàŋ e yìwìà maŋ jiiiŋ màŋ diɛŋ.

1Jɔ̀ɔŋ 3:18

Nyɛ̀iŋ nààŋ jɔ̀àim nyàŋ, nìŋ tɔɔ̀ e mànaŋ wèè aŋ dàwi sèè nìŋ kpuumàŋ nyìŋ e tɔ̀ɔ̀nyaàŋ sùà, kɛɛ e fè nɔŋ wèè naŋ niŋ wòò kò nyààŋ.