2 Kɔliìŋ 6:5 - WƆŊ FƐ̀Ì EBÒ SÌÀŊ DAYÀA

⁵ Àŋ naŋ wi ɓùlò, aŋ wi gbìàŋ sààŋ nyìwì, aŋ wi nɛɛmùŋ maŋ nyààŋ tààŋ faaŋ sùà, àŋ naŋ wi toomò eiŋ kpèèwù maŋ jàwè ɔ̀ɔ̀ eiŋ kùwà ke tɔùŋ.

2 Kɔliìŋ 6:5 ပူးပေါင်းရင်းမြစ်များ

Maafiù 14:10

Wo kaaloɔ̀ naŋ kɔ̀ ko sààŋ nyìwìi yèè wò naŋ kɛ̀ɛ̀ wo Jɔ̀ɔŋ e ɗì kpo.

Maafiù 14:3

Wo kanaà Hɛɛlɔ̀ wuŋ bi naŋ wa kìɛ̀ŋ e gààaŋ wèè aŋ kùwà Jɔ̀ɔŋ, yèè wò naŋ nyɛ̀nɛ̀ŋ auŋ dèkà yèè àŋ nauŋ gbìɛ̀ŋ ko sààŋ nyìwìi. Wò naŋ wa tɛɛ̀ nyɛ̀nɛ̀ŋ esàɓù wo nìeɔ̀ àŋ nyaaŋ wa wo Hɛ̀lolìà wɔ, wo jàwè wùìyauŋ nɔɔ̀ŋ Felè, wo yèɔ wo kanaà Hɛɛlɔ̀ naŋ wa naàŋ ɓemè wèè wo nɔ̀ŋ wo jawèuŋ wɔ̀.

Maafiù 9:15

Wo Jisɛ̀ naŋ nyiŋ woò wààŋ, “Nìŋ yaà yɛ̀ɛ̀mɛ̀ dòmaŋ wèè aŋ nyùùnèènyɛiŋ nyàŋ wɔŋ ɗàà gè ke yɛɛ̀ gbìaàŋ sùà aŋ nɔ̀ŋ ke nyowo sùà e teengaà wo kɛ̀ɛ̀nɛ̀ŋ jɔnɔ̀ɔŋ yàa nyìŋ e tɛɛ ko sààŋ yɛɛ̀ gbìaìŋ lɛ? Tɛɛ̀ fè ɓɛ̀nɛ̀ŋ kàaiŋ! Kɛɛ e teenga do nàŋ hnè aŋ nyiŋ gè wo kɛ̀ɛ̀nɛ̀ŋ jɔnɔ̀ɔŋ e tɛɛ, ke ɗɔɔ bi diɛŋ àŋ do nàŋ kùwò ke tɔùŋ.

Nyɛ̀nɛ̀ŋ 13:3

Àŋ naŋ wa kùwò ke tɔùŋ yèè àŋ naŋ zoolò, aŋ nyiŋ gbùwà maŋ kùàŋ diɛŋ yèè àŋ naŋ nyiŋ tùɔ̀ŋ.

Nyɛ̀nɛ̀ŋ 14:19

Aŋ Juùù nyaŋ bà nyiŋ naŋ wa hnè e yìwìà ko Aŋtiɔ̀ wɔŋ fùɔ̀ŋ Pɛ̀siidìàa yèè e yìwìà ko Ìkɔniɔ̀ŋ yèè àŋ naŋ nyɛ̀nɛ̀ŋ anyùùŋ nyaŋ aŋ kɛ̀ɛ̀nɛ̀ŋ maŋ jii fiiì wèè wo Pɔɔ̀. Àŋ naŋ wa hɔ̀wɔ̀ wo Pɔɔ̀ le dùò yèè auŋ gɔ̀ɛ̀ɛ̀ dìì auŋ gè ko jawa gbeeì, yèè àŋ naŋ wa gongò kɛ̀ wò fà.

Nyɛ̀nɛ̀ŋ 14:23

Wo Pɔɔ̀ yaà wo Bànaŋɓà naŋ wa ɓèmè aŋ màmàŋkùmɛŋ wèè ke gbòò anyuùŋ hààwe nyàŋ gbiŋ. Kpeiŋ àŋ naŋ kùwò ke tɔùŋ e kìlà àŋ yaà zoolo wèè wo Dayà kpuumàŋ aŋ màmàŋkùmɛŋ nyɛɛ̀ŋ yè nyaŋ naŋ sìè e hààwe nyiŋ nɛ̀ wo Kanaà Jisɛ̀ sùà lɛ.

Nyɛ̀nɛ̀ŋ 17:5

Kɛɛ aŋ Juùù nyaŋ bà nyiŋ yaà wa gììyè le koo wèè e keì lɛɛ̀, yèè àŋ naŋ gbònò anyùùŋ maŋ tùwo naanààŋ e yìwìà maŋ dòmaŋ màŋ diɛŋ wèè aŋ dàà e gbɔ̀ɔɔ yèè ke gbòà ko jawa gbeeì. Anyùùŋ nyɛɛ̀ŋ manaŋ wa aŋ hìàŋ wo Pɔɔ̀ yèè wo Silà koɓɛ̀ e faaàŋ, yèè àŋ naŋ dùɔ̀ŋ aŋ kà ko gbòò wo felaa bà àŋ nyaaŋ Jasììŋ ko kààmè wo Pɔɔ̀ yèè wo Silà, wèè aŋ fulià nyiŋ koɓɛ̀ e faaàŋ.

Nyɛ̀nɛ̀ŋ 20:31

Yɛ̀mɛìŋ nyɛ̀iŋ bi diɛŋ! Jàaìŋ jii kɛ̀ mìŋ naiŋ wa gbòò kɔɔ maŋ gɔɛɛ yèè e dùùm, mìŋ naŋ kɔ̀ e keì nyìnga dìì, yèè mìŋ naiŋ kaà wèè maŋ dòà taai.

Nyɛ̀nɛ̀ŋ 23:10

Àŋ naŋ dàà ke gùuŋ e nyaàŋ tàaŋ nyiŋ nɛ̀ sùà, yèè e jùù naŋ nyɛ̀nɛ̀ŋ wo kànà aŋ kààlòòɗùà nyaŋ kɛ̀ anyùùŋ nyaŋ ɓɛ̀nɛ̀ŋ jìwà wo Pɔɔ̀ e kìlà auŋ sɛ̀ɛ̀sɛ̀ɛ̀ maŋ fàà nyɛ̀ɛ̀nyɛ̀ɛ̀. Kpeiŋ wò naŋ tùɔ̀ŋ aŋ kààlòòɗùàuŋ nyaŋ wèè aŋ gè nyiŋ wo Pɔɔ̀ e tɛɛ maŋ dùaŋ dùaŋ aŋ koàuŋ ko gbòòkùàŋ aŋ kààlòòɗùà nyaŋ.

Nyɛ̀nɛ̀ŋ 23:35

Wo kanaà naŋ kpɛ̀nɛ̀ŋ wɔŋ fɛiɔ̀ yèè wò naŋ wòò Pɔɔ̀ wààŋ, “Mìŋ do nàŋ kùmìè e keìɛ mùŋ naŋ nyɛ̀nɛ̀ŋ lɛ sèè anyùùŋ nyaŋ hnàŋ nɔŋ wèè aim woò kɛ̀ kiìŋ mùŋ naŋ nyiŋ pɔɔ̀ɔ̀, kpeiŋ kɛ̀ kà gbàì e keì mɔ̀ɛ̀.” Nààŋ wo kanaà naŋ tɛɛ̀ woò, wò naŋ wòò anyunùuŋ nyàŋ wèè aŋ koà wo Pɔɔ̀ ko sààŋ gbèè kanaà, ke yèɛ wo Kanaà Hɛɛlɔ̀ wo Gbeeɔ̀ naŋ nyɛ̀lɛ̀ yɛ, wèè aŋ yɛmɛ̀uŋ diɛŋ.

Nyɛ̀nɛ̀ŋ 24:27

Maŋ dòà tìyèe naŋ mààŋ, yèè wo Pɔsiɔ̀ Fɛtɔ̀ naŋ nɔ̀ŋ wo kana ebɛ̀ŋ wo Filɛ̀. Wo Kanaà Filɛ̀ manaŋ wa wo fɔ̀ɔ̀yɛ̀ aŋ Juùù nyaŋ maŋ jii, weètii wò naŋ nyiŋ wa kìɛ̀ŋ wo Pɔɔ̀ yèè wò nauŋ jòò ko sààŋ nyìwìi.

Nyɛ̀nɛ̀ŋ 26:10

Mìŋ naŋ wa tɛɛ̀ nyɛ̀nɛ̀ŋ ko Jùlusɛ̀làm kuŋ jiɛ̀. Aŋ kànà sìèfèìŋ zòòlo nyàŋ naim wa kìɛ̀ŋ e gààaŋ wèè ka gbìàŋ anyùùŋ nɛɛmaŋ nyàŋ zimgbe nyiŋ ko sààŋ nyìwì. E kìlà mìŋ naŋ wa nyɛ̀nɛ̀ŋ aŋ yɛ̀mɛ̀ fàa.

Nyɛ̀nɛ̀ŋ 26:29

Wo Pɔɔ̀ naŋ fasàì wààŋ, “Sèè pɛɛ e ɓèmè e teenga kpuu ɔ̀ɔ̀ e teenga mùŋlaŋ, mìŋ yaà zòòlò wo Dayà wèè nyɛ̀iŋ nyàŋ gbiŋ naim nàaŋ kumiè nyaŋ niŋ nɔ̀ŋ anyuùŋ hààwe mààŋ miàŋ bì. E kìlà ɓɔ̀ nìŋ nɔ̀ŋ àŋ pèesìnàŋ wèè aiŋ sìà màŋ jɔ̀ɔɔ mɛɛ̀ŋ, màànààŋ àŋ naim miŋ sìè lɛ.”

Nyɛ̀nɛ̀ŋ 28:30

Wèè maŋ dòà tìyèe wo Pɔɔ̀ naŋ wa nɔ̀ŋ wɔŋ kùàŋ wuŋ bi, yèè wò naŋ ɓèmè ke saaŋ ke yèɛ wò hewa paawà weè nyiŋ wuŋ bi. Yèè wò hewa jàà wo nyùnɔ̀ɔŋ gbiŋ hnàŋ wa ko nɛ̀ɛ̀uŋ niìŋ wɔ kùàŋ dìì.

Nyɛ̀nɛ̀ŋ 5:18

Àŋ naŋ kùwò aŋ keela nyàŋ yèè àŋ naŋ nyiŋ gbìɛ̀ŋ ko sààŋ nyìwì.

1 Kɔliìŋ 15:10

Kɛ̀ɛ̀ esàɓù e kèì sìàŋ Dayàa sùà, mìŋ yaà naàŋ wo nyùnɔ̀ɔŋ mìŋ yaà wɔ, yèè e kìɛɛ̀ŋ wò naim kiɛ̀ŋ lɛ e gò nɔ̀ŋ wèè foo. Wɔŋ fàa bàa, mìŋ naŋ tomo nyìnga e nìàŋ aŋ keela tàeɗùù gbànaŋ nyàŋ bà gbiŋ, jòòpɛɛ e gò guùŋ nɔ̀ŋ kè nyɛ̀nɛ̀ŋ miàŋ bi sùà, sɔɔ̀ e kìɛ̀ŋ Dayàa yèɛ yààìm maŋjɛ̀wɛ lɛ̀.

1 Kɔliìŋ 4:11

Sààngɛ lɛɛ̀ pɛɛ, è yààìŋ kùwìè e jìyè yèè ke jòòmàì yàà wì, è yààìŋ maŋ deè bila sùà, àŋ yàà wì ɓùla sùà, è yààìŋ maŋ gòlò diɛŋ e fèiŋ jɛ̀ì koɓɛ̀ guùŋ,

1 Kɔliìŋ 7:5

Wo nyùùŋ ɓɔ̀ gangà wò dawiuŋ nɔɔ̀ŋ sìwè nyɛ̀iŋ tìyèe è fèemàŋ, sɔɔ̀ naŋ nyimèè wèè naŋ yɛi nyɛ̀nɛ̀ŋ wèè è teenga kpàa bà, wèè niŋ gbìàŋ e teengaiŋ bi e zòòlo sùà. Sèè e teenga bi juo nɔŋ, tɔ̀ɔ̀tuìŋ ke kpèè yɛɛ̀iŋ nɛɛ̀ŋ nyɛ̀nɛŋ. E ɗewe lɛɛ̀ sùà, niŋ naàŋ jàà è wɔ̀à Sɛ̀tanàaŋ kùàŋ dìì èsàɓù nyɛ̀iŋ bi gò yɛ̀mɛ̀ diɛiŋ nɛ̀ sùà.

2 Kɔliìŋ 11:27

Mìŋ naŋ tomo yèè mìŋ naŋ fɛ̀ɛ̀, mìŋ naŋ kpèèwù maŋ jàwè. E jìè naim nyɛ̀nɛ̀ŋ yaà ke jòòmàì, e teenga zimgbe mìŋ kuwo ke tɔùŋ, è nɛ̀ŋje teenga fè, ko hàwe fè ɔ̀ɔ̀ maŋ dèè maŋ fè.

Ɛfesɔ̀ 3:1

Wèè esaɓù lɛɛ̀ miàim Pɔɔ̀, wo Jisɛ̀ Kulaì naim nyɛ̀nɛŋ wèè ka nɔ̀ŋ wo nyùùŋ màŋ keì wèè nyɛ̀iŋ nààŋ nyùùŋ nyaŋ fè àŋ Juùù nyaŋ.

Fèle 1:13

esàɓù tɛɛ̀, anyuùŋ tùnìàŋ ke sààŋ gbèè kanaà yaà anyuùŋ gbànaŋ nyàŋ gbiŋ, naŋ nyìmè kɛ̀ mìŋ yaà kià ko sààŋ nyìwì, esaɓù kɛ̀ mìŋ yaà wo ɓɔìjɔ̀à wèè wo Jisɛ̀ Kulaì.

1Tɛsè 2:9

Tɔ̀ɔ̀nyaàŋ wùìyaim nyàŋ, nàŋ jàà jii e tòmo nyìngaà è naiŋ kɔ̀ dìì lɛ! È naiŋ tomo e dùùm yaà maŋ gɔɛ wèè e goiŋ nàŋ hìɛ̀ŋ è keì nyìnga gbiŋ kò diɛŋ è teengaà è yààìŋ wòo sùà Èbò Siaàŋ naŋ yèwè Dayà sìwè lɛ.

1Time 4:10

È fɛ̀ɛ̀ìŋ e kìlà eiŋ tomo nyìnga, esaɓù kɛ̀ èiŋ sìà ke jii tùlia wiɛ̀ wo Dàyà nyiiŋ gèeɔ̀ sùà, wo Nyuùŋ Jòèyeɔ̀ wèè anyùùŋ nyaŋ gbiŋ, ɓɔɔɓɔɔ ngèè anyuùŋ hààwe nyàŋ.

2Time 1:8

Ɓɔ̀ mùŋ nyɛ̀nɛ̀ŋ è sàngè, wèè maŋ gbòà kè mìè seì è nyaàiŋ dè wo Kana wiɔ̀ Jisɛ̀ Kulaì. E kìlà ɓɔ̀ mùŋ nyiniàm è sàngè, esaɓù kɛ̀ mìŋ yaà wo nyùùŋ màŋ keì esàɓù Jisɛ̀ Kulaìɛ sùà. Kɛɛ, ɓèmè e jeum keì nyìngàà wèè Ebò Siaàŋ, màànààŋ wo Dayà naum kìɛ̀ŋ e gààŋ wèè maŋ niŋ nyɛ̀nɛ̀ŋ lɛ.

2Time 2:9

Esàɓù Ebò Siaàŋ mìŋ woà lɛ, mìŋ kuwo e keì nyìnga yèè aim sìà maŋ jɔ̀ɔ̀ɔ mààŋ wo nyuùŋ nyɛ̀nɛ̀ŋ e keì naanààŋ. Kɛɛ ke mìè Dayà ke fè màŋ jɔ̀ɔ̀ɔ sùà,

2Time 4:5

kɛɛ kuwa ke jii mɔɛ̀ŋ maŋ keì ɗewe gbiŋ sùà, yèè e nɔ̀ŋ e keì jiium wèè muŋ kùwà e keì nyìnga. Tòmò nyìnga, ko wòò Ebò Siaàŋ, yèè muŋ nyɛ̀nɛ̀ŋ e tòmo mɔ̀ɛ̀ tɛ̀ɛ̀ mààŋ wo ɓɔ̀ìjɔ̀à Dayà.

Hiɓu 11:36

Anyùùŋ naŋ wa hììlè aŋ bà nyiŋ yèè àŋ naŋ nyiŋ ɓùlò, àŋ sìà aŋ bà nyiŋ maŋ jɔ̀ɔɔ yèè aŋ nyiŋ gbìàŋ ko sààŋ nyìwì.

Hiɓu 13:17

Jɔ̀ɔ̀lɔìŋ anyuùŋ gbeegbèèiŋ nyàŋ dìì, e kìlà niŋ nyɛ̀nɛ̀ŋ e nɛ̀ɛŋ àŋ woàìŋ lɛ. Àŋ naiŋ jàà fɛ̀ɛ̀ diɛŋ e kèè Dayàa sùà, yèè àŋ kuwa aŋ kìɛ̀ŋ e jìwààjɛ̀wɛ̀ koɓɛ̀ Dayài wèè e tòmoɛ̀ àŋ naŋ nyɛ̀nɛ̀ŋ lɛ. Ɓɔ̀ nìŋ nyɛ̀nɛ̀ŋ màŋ jii nyiŋ màŋ do mɔɔnɛ̀ŋ sèè àŋ nɔ̀ŋ nyìnìè e tòmo nyiŋ nɛ̀, kɛɛ nyɛ̀nɛìŋ nyiŋ àŋ nɔ̀ŋ zɔlɔ̀ sùà. Sèè nìŋ go niŋ nyɛ̀nɛ̀ŋ, aŋ naàŋ ɓɛnɛ̀ŋ wèè aiŋ kpuumàŋ.

Hiɓu 13:23

Mìŋ manaŋ naŋ nyìmàŋ kɛ̀, àŋ gè wo wùìya wiɔ̀ Timetè ko sààŋ nyìwìi. Sèè wò hnàŋ kià e teengaà diɛŋ, yà wuuŋ tìyèe do nàŋ hnè sèè mìŋ nɔ̀ŋ hinie wèè kaiŋ jaamè.

Maŋ kèì nyɛɛnɛŋ 2:10

E jùù ɓɔ̀ è nyɛ̀nɛ̀iŋ wèè è nimilàa nìŋ yaà hinie naŋ kà dìì lɛ. Wo Dɛwìɔ doiŋ nàŋ kɔ̀ɔ̀ e wàa dìì e kìlà wo nyɛ̀nɛ̀ŋ aŋ gbìàŋ nyɛ̀iŋ nààŋ bà nyiŋ ko sààŋ nyìwì. E keì nyìngaiŋ nɛ̀ doo nàŋ nɔ̀ŋ wèè maŋ ɗɔ̀ɔ̀ zììyà. Jèeìŋ e hààwe sùà ko nɛ̀ɛ̀ŋ miìŋ, sèè pɛɛ è gelà wèè naŋ fà, mìŋ doiŋ nàŋ kìɛ̀ŋ wɔŋ nyiiŋ gèe màànààŋ nɔŋ àŋ kiɛ̀ŋ wo nyùùŋ ke ɓɔ̀ɗì kana wèè ke nɔ̀ŋ e jìwààjɛ̀wɛ̀ wèè e nɛ̀ɛŋ wò naŋ ɓùlò lɛ.”