2 Kɔliìŋ 6:4 - WƆŊ FƐ̀Ì EBÒ SÌÀŊ DAYÀA

⁴ Kɛɛ, e nɛ̀ŋ gbiŋ è naŋ nyɛ̀nɛ̀ŋ, è tɔɔ̀ kɛ̀ è yààìŋ aŋ ɓɔ̀ìjɔ̀à Dayà esàɓù maŋ keì nyìnga kà dìì ke jii jùa diɛŋ, maŋ mɔ̀ɔ̀nɛŋ, yèè maŋ nimilà.

2 Kɔliìŋ 6:4 ပူးပေါင်းရင်းမြစ်များ

Luù 21:19

Sèè nìŋ jeeà e hààwe sùà ko nɛ̀ɛ̀ŋ miìŋ, niŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 16:33

Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

Nyɛ̀nɛ̀ŋ 2:22

Wo Pììlɛ naŋ ɓɛìŋ woò wààŋ, “Nyɛ̀iŋ nààŋ nyùùŋ Ezɔ̀ɛ̀ nyaŋ, kùmiaìŋ e yèɛ mìŋ yaà hinie kaiŋ woò lɛ! Wo Jisɛ̀ e yìwìà ko Naazɔ̀ɛ̀ yaà wa wo felaa wo yèɔ wo Dayà naiŋ wa tɔɔ̀ kɛ̀ wuŋ nauŋ tùɔ̀ŋ, e yìwìà maŋ kèè mèè gbeegbèè yaà maŋ tɔ̀ɔ̀màŋsìè maŋ keì maŋ wo Dayà wuŋ bi naŋ wa nyɛ̀nɛ̀ŋ màŋ naŋ kaaìŋ maŋ esàɓù wo Kanaà Jisɛ̀ sùà. Nyɛ̀iŋ bi nàŋ tɛɛ̀ nyìmàŋ, esaɓù kɛ̀ è naiŋ wa kià kàìŋ ko fɛɛ̀fenìiŋ.

Nyɛ̀nɛ̀ŋ 20:34

Nyɛ̀iŋ bi nàŋ nyìmàŋ kɛ̀ mìŋ naŋ tomo nyìnga wèè ka nyɛ̀nɛ̀ŋ wɔŋ nyiiŋ gèe miɔ̀ŋ yàwi nààŋ dàwim nyàŋ.

Nyɛ̀nɛ̀ŋ 9:16

Kɛɛ miàŋ bi douŋ nàŋ tɔ̀ɔ kɛ̀ kiìŋ è keì nyìnga wò do nàŋ kɔ̀ɛ̀ sùà wèè esàɓù e deè mɛ̀.”

Luùm 14:18

Sèè mùŋ nɔ̀ŋ wo ɓɔìjɔ̀à wèè wo Jisɛ̀ Kulaì e ɗewe lɛɛ̀ sùà, wo Dayà do nàŋ kɛ̀ɛ̀nɛ̀ŋ ke jii fàa weèum, yèè anyuùŋ zimgbe doum nàŋ jàà kùàŋ dìì.

Luùm 16:10

Mìŋ zuumàŋ wo Àpɛlè, wo yèɔ naŋ jàà kùàŋ dìì janjai kɛ̀ wò kuwa e hààwe wo Jisɛ̀ Kulaì sùà wɔ. Mìŋ zuumàŋ anyùùŋ nyaŋ ke kpòò Àlèsoɓulɔ̀ɛ sùà.

Luùm 3:5

Weètii, sèè esàɓù e hààwe gò kɛɛnɛ̀ŋ wilɛ̀ yaà maŋ kpèè naanààŋ wi màŋ tɔɔ̀ kɛ̀ wo Dayà nyɛnɛŋ tɔ̀ɔ̀nyaàŋ, èiŋ ɓɛ̀nɛ̀ŋ wòo wìàà wo Dayà naŋ nyɛ̀nɛ̀ŋ e keì naanààŋ sèè wò tuù e kìlà wo wi nimilà? Tɛɛ̀ do nàŋ nɔ̀ŋ e zùwo sèè mùŋ dawà yɛi.

Luùm 5:8

Kɛɛ wo Dayà wò wi tɔ̀ɔ̀ e mànaàŋ wò kuwa weè wilɛ̀, nààŋ wò naŋ nyimèè wèè wo Jisɛ̀ Kulaì wo fà weè wi, jòòpɛɛ è yààìŋ wa anyùùŋ maŋ jùumù.

1 Kɔliìŋ 3:5

Ɓòò kai, nàŋ yaà wo Àpolò? Yèè ɓòò nàŋ yaà wo Pɔɔ̀? È yaà nɔŋ aŋ ɓɔ̀ìjɔ̀à Dayà aŋ yè nyaŋ naiŋ tɔ̀ɔ̀ ke dòmaàŋ wèè naŋ kùwìè e hààweɛ̀ nyaŋ. Yàwi tìyèe, wo nyùùŋ gbiŋ yaà nyìnìè e tòmoɛ̀ wo Dayà nauŋ fè wèè wo nyɛ̀nɛ̀ŋ lɛ.

1 Kɔliìŋ 4:1

Kɛ̀ɛ̀nɛɛ̀ìŋ e gòngo wèè wi mààŋ aŋ ɓɔìjɔ̀à wèè Jisɛ̀ Kulaì, aŋ yè nyaŋ àŋ naŋ kìɛ̀ŋ e tòmo wèè aŋ gɔ̀àì ke mìè gbìàŋ ke gbùnù Dayàa sùà nyaŋ.

1 Kɔliìŋ 9:11

E teengaà è naiŋ wòò ke miè gbìaàŋ lɛ, è yaà wa mààŋ è naiŋ nyùɔ̀ŋ maŋ nɛ̀ŋje wo Jinàaŋ sùà. Wèètii e kuwàìŋ e tɔ̀ɔ̀nyaàŋ wèè eiŋ jàà e nɛ̀ŋ gbiŋ kùàŋ dìì ko siwèiŋ wèè maŋ jewi nɛ̀ŋje kpàa màŋ?

2 Kɔliìŋ 11:23

Àŋ yaà aŋ ɓɔ̀ìjɔ̀à Jisɛ̀ Kulaì? Mìŋ yaà gbuuyè mààŋ wo nyuùŋ zùwo, kɛɛ mìŋ yaà wo ɓɔìjɔ̀à kɛnɛ e nyiŋ nìàŋ! Mìŋ naŋ tomo nyìnga, àim gbìàŋ ko sààŋ nyìwì e teenga zimgbe sùà, àim vuwò nyìnga yèè kà gbɛ̀ɛ̀ ko nyɛ̀mgbɛ̀ fàa e teenga zimgbe sùà.

2 Kɔliìŋ 11:27

Mìŋ naŋ tomo yèè mìŋ naŋ fɛ̀ɛ̀, mìŋ naŋ kpèèwù maŋ jàwè. E jìè naim nyɛ̀nɛ̀ŋ yaà ke jòòmàì, e teenga zimgbe mìŋ kuwo ke tɔùŋ, è nɛ̀ŋje teenga fè, ko hàwe fè ɔ̀ɔ̀ maŋ dèè maŋ fè.

2 Kɔliìŋ 11:9

E teengaà mìŋ yààìŋ e tɛɛ lɛ̀, miŋ gòiŋ kpɛɛ̀ŋ wèè naim kpuumàŋ. Sèè mìŋ mɔnɔŋ nɛɛnɛŋ, aŋ wùìya nyàŋ naŋ yèwè ko Mɛ̀sèdonià nyaŋ naim hìɛ̀ŋ e nɛ̀ɛŋ gbiŋ mìŋ manaŋ lɛ̀. Miŋ gò nɔ̀ŋ è kpɛ̀ɛŋ kò nɛ̀ɛ̀ŋ niìŋ kò tɔɔtuì, miŋ naàŋ nɔ̀ŋ è kpɛ̀ɛŋ kò nɛ̀ɛ̀ŋ niìŋ kò dòmàŋ feìŋ yaà!

2 Kɔliìŋ 12:10

Hɛ̀ɛɛ̀ŋ, ke jii maim fɔ̀ wèè ka yɔkpɔ̀ ɔ̀ɔ̀ aim pɔ̀ɔ̀ɓɛ̀ɛ ɔ̀ɔ̀ aim kùwà naanààŋ ɔ̀ɔ̀ ka kùwìè maŋ keì nyìnga yèè ka mɔɔnɛ̀ŋ, sèè è nɔ̀ŋ nɔŋ e wèè Jisɛ̀ Kulaì. E fèfoo sèè mìŋ yɔkpɔ̀ kpeiŋ, kɛ̀ kà kùwìè e gààŋ.

2 Kɔliìŋ 12:12

Maŋ kèè mèè maŋ yaà maŋ tòmò gààŋ gbee màŋ naŋ kaaìŋ wèè maŋ tɔɔ̀ kɛ̀ mìŋ yaà wo keela tàeɗùù lɛ, mìŋ naŋ kùwò ke jii ka kààìŋ maŋ gbiŋ e tɛɛiŋ.

2 Kɔliìŋ 2:17

E fèìŋ mààŋ ànyuùŋ zimgbe bà, àŋ yè nyaŋ ɓemàŋ kè mìè gbìàŋ Dayàa mààŋ è bòli, kɛɛ esaɓù kɛ̀ wo Dayà naŋ wi tùɔ̀ŋ, è gbòòìŋ e jìlɛŋ sùà ko fɛ̀ɛ̀fèìŋ wuŋ Dayài, mààŋ aŋ keela tàeɗùù wèè Jisɛ̀ Kulaì.

2 Kɔliìŋ 3:6

Wuŋ naŋ nyɛ̀nɛ̀ŋ è naiŋ ɓɛnɛ̀ŋ wèè eiŋ nɔ̀ŋ aŋ ɓɔìjɔ̀à tòmo wèè e mìèsùàguùŋ jɛ̀ìɛ, e yèɛ e fè kè sàwà sìnga, è yaà wèè Jinàaŋ. Ke sàwà sìngaà hiàŋ e fàa, kɛɛ wo Jinàaŋ kiɛ̀ŋ wɔŋ nyiiŋ.

2 Kɔliìŋ 4:17

Maŋ keì nyìnga nyɛɛ̀ mɛɛ̀ŋ wèè e teenga kpuu, màŋ yaà wì bànèbane sùà wèè e jòòwo gò jùà. E yèɛ do nàŋ nyɛ̀nɛ̀ŋ maŋ keì nyìnga wi màŋ gbiŋ maŋ nɔ̀ŋ mààŋ maŋ fè è nɛ̀ŋ bà gbiŋ sùà lɛ.

2 Kɔliìŋ 4:2

È naŋ hèè maŋ gbùnu màŋ gbiŋ yèè maŋ kpèè sàngè maŋ gbiŋ e ɓula. E fè fɛ̀ɛ̀ wèè e zùwò nyùùŋ gbiŋ ɔ̀ɔ̀ e kàà kè mìè gbìàŋ Dayàa è tòa sùà. Wo Dayà yaà wo seì weè wi kɛ̀ e tɔ̀ɔ̀nyaàaŋ nɔŋ è woàìŋ, wèè anyuùŋ gbànaŋ nyàŋ aŋ gongò kɛ̀ wo Dayà wò wi ɓɛ̀nɛ̀ŋ tùlìà jii.

2 Kɔliìŋ 4:8

È kùwòìŋ keì nyìnga kɛɛ aŋ fè wì hike hìkè. E teenga bà è nɔ̀ìŋ jii die sùà kɛɛ e fè niŋ gè ɗì dìì.

2 Kɔliìŋ 7:11

Yɛ̀mɛìŋ naàŋ e ɗeweɛ̀ wo Dayà naŋ tòòmò ke jìì mɔ̀ɔ̀nɛ̀ŋ nyɛiŋ biɛ̀ lɛ, kè naàŋ nyɛ̀nɛ̀ŋ nìŋ manaŋ naàŋ kai wèè naŋ tɔɔ̀ kɛ̀ maŋ keì fèìŋ, nìŋ naŋ tuù. Nìŋ yaà e jùù dìì. E wùànàŋ yààìŋ zimgbe wèè naŋ yɛ̀mɛ̀ e tɔ̀ɔ̀nyaàŋ nɔ̀ŋ gbài niŋ. Nàŋ tɔ̀ɔ̀ nyɛ̀iŋ bi kɛ̀ nìŋ yaà sengei e tɔ̀mɛ bà gbiŋ fèìŋ kɔɔ è keì lɛɛ̀ gbiŋ sùà.

Kòlo 1:11

È zoolà wo Dayà wèè woiŋ kìɛ̀ŋ e gààŋ e yìwìà e gaàŋ jòòwouŋ nɛ̀, e kìlà naŋ kɛ̀ɛ̀nɛ̀ŋ gààŋ wèè naŋ kɔ̀ɛ̀ e keì ɗewe gbiŋ sùà ke jii tɔumtɔ̀ùm sùà. E yìwìà e zɔlɔ̀ gèe sùà, kìɛìŋ ke sɛ̀ gè koɓɛ̀ wo Dèdaà, wo yèɔ naiŋ nyɛ̀nɛ̀ŋ nìŋ naŋ nɔ̀ŋ aŋ bàiŋbà wèè naŋ kɛ̀ɛ̀nɛ̀ŋ e nɛ̀ɛŋ bà wo Dayà naŋ bànè hàa wèè anyùùŋ nɛɛmauŋ nyàŋ e kànà e gbolòùŋ nɛ sùà.

Kòlo 1:24

E zɔlɔ̀ naim diè, wèè kɛ̀ mìŋ naŋ ɓɛ̀nɛ̀ŋ kà e mɔ̀ɔ̀nɛŋ dìì e weèiŋ. Esàɓù e mɔ̀ɔ̀nɛɛ̀ŋ mìŋ yaà kɔ̀ɔ̀yɛ̀ dìì lɛ, mìŋ yaà kìɛŋ sùà kpùùmaŋ wèè ka kpɛ̀ɛ̀yɛ̀ e mɔ̀ɔ̀nɛŋ kiiɛ̀ wo Jisɛ̀ Kulaì naŋ wa kɔ̀ dìì lɛ nààŋ wò naŋ wùɔ̀ŋ maŋ sɛ̀ìŋ, wèè esàɓù ke kpùnauŋ nɛɛ̀ŋ. Ke kpùnauŋ nɛɛ̀ŋ zà nàŋ yaà ke gbòò anyuùŋ hààwe nyàŋ.

1Tɛsè 3:7

Wèè esaɓù tɛɛ̀ sùà nyɛ̀iŋ nààŋ wùìya wi nyàŋ, e kpùlìà maŋ mɔ̀ɔ̀nɛŋ wi màŋ yaà maŋ keì nyìnga màŋ gbiŋ è naiŋ kɔ̀ dìì maŋ, ke di yaà maŋ jii wì sùà e weèiŋ, e hààweiŋ nɛ̀ zà naŋ wi fè ke di bi,

1Tɛsè 5:14

È yààìŋ pɔ̀wɔ sùà, wùìya wi nyàŋ, wèè naŋ fè anyuùŋ gànga wèè tòmo nyàŋ maŋ mìè gòo, niŋ sìà aŋ yè nyaŋ e jùù naŋ bìè nyɛ̀nɛŋ nyàŋ ke di, kpùùmaìŋ anyuùŋ nyaŋ manaŋ e kpùùmaŋ nyàŋ, kùwaìŋ jii wèè nyùùŋ gbiŋ.

1Time 2:15

Kɛɛ wo jɔùŋ do nàŋ yɛ̀mɛ̀ e jòèye esàɓù aŋ jɔ̀à nyaŋ wò naŋ kòmò nyaŋ. E kìlà sèè wo jèè e hààwe yaà e mànaŋ sùà, yèè wo nɔ̀ŋ nyùùŋ nɛɛmaŋ ko fɛ̀ɛ̀fèìŋ Dayài.

1Time 4:6

Sèè maŋ kàà maŋ keì wòo mɛɛ̀ŋ koɓɛ̀ anyuùŋ hààwe nyàŋ, mùŋ do nàŋ nɔ̀ŋ wo ɓɔìjɔ̀à tòmo siaŋ wèè wo Jisɛ̀ Kulaì, mùŋ do naŋ dììyè muàŋ bi e nɛɛmaŋ e yìwìà ke mìè hààweɛ̀ yèè e kàà tɔ̀ɔ̀nyaàaŋ e yèɛ mùŋ naŋ dè maŋjɛ̀wɛ lɛ̀.

1Time 6:11

Kɛɛ muàŋ, Timetè, mùŋ yaà wo nyùùŋ Dayà, weètii, kɛ̀ɛ̀ maŋ keì mɛɛ̀ŋ gbiŋ maŋjɛ̀wɛ. Fɛɛ̀ wèè muŋ nɔ̀ŋ wo nyùùŋ tɔ̀ɔ̀nyaàŋ, muŋ nɔ̀ŋ kèè Dayàa maŋjɛ̀wɛ, muŋ nɔ̀ŋ wo nyuùŋ hààwe, muŋ kuwiè e mànaŋ wèè nyùùŋ gbiŋ, muŋ kuwiè jii nyingè wèè keì nyìnga kà dìì, yèè muŋ nyɛ̀nɛ̀ŋ e keì sìàŋ koɓɛ̀ nyùùŋ gbiŋ.

2Time 1:8

Ɓɔ̀ mùŋ nyɛ̀nɛ̀ŋ è sàngè, wèè maŋ gbòà kè mìè seì è nyaàiŋ dè wo Kana wiɔ̀ Jisɛ̀ Kulaì. E kìlà ɓɔ̀ mùŋ nyiniàm è sàngè, esaɓù kɛ̀ mìŋ yaà wo nyùùŋ màŋ keì esàɓù Jisɛ̀ Kulaìɛ sùà. Kɛɛ, ɓèmè e jeum keì nyìngàà wèè Ebò Siaàŋ, màànààŋ wo Dayà naum kìɛ̀ŋ e gààŋ wèè maŋ niŋ nyɛ̀nɛ̀ŋ lɛ.

2Time 2:24

Nààŋ mùŋ yaà wo ɓɔ̀ìjɔ̀à wèè wo Kanaà Jisɛ̀ Kulaì lɛ, ɓɔ̀ mùŋ nyɛ̀nɛ̀ŋ è nyaàŋ tàaŋ. Mùŋ kuwa maŋ nɔ̀ŋ tɛ̀ɛ̀ koɓɛ̀ nyùùŋ gbiŋ, yèè maŋ nɔ̀ŋ wo kààmɔ̀ɔ̀ŋ ke jii tɔumtɔ̀ùm,

2Time 4:5

kɛɛ kuwa ke jii mɔɛ̀ŋ maŋ keì ɗewe gbiŋ sùà, yèè e nɔ̀ŋ e keì jiium wèè muŋ kùwà e keì nyìnga. Tòmò nyìnga, ko wòò Ebò Siaàŋ, yèè muŋ nyɛ̀nɛ̀ŋ e tòmo mɔ̀ɛ̀ tɛ̀ɛ̀ mààŋ wo ɓɔ̀ìjɔ̀à Dayà.

Hiɓu 12:1

È kùwàìŋ ke gbòò aŋ seì zimgbe kè naŋ wi kiliè yɛ. Weètii, gèe wiìŋ maŋ keì maŋ gbiŋ kùàŋ sùà, maŋ yè maŋ do wi nàŋ kèèwè kùàŋ feìŋ, yèè maŋ jùumù maŋ do wi nàŋ deeyè maŋ. Ɗèwè wiìŋ wèè e kɛɛnɛ̀ìŋ maŋ kpèè siaŋ maŋ nyiiŋ gèe wi màŋ sùà.

Maŋ kèì nyɛɛnɛŋ 1:9

Miàŋ nàŋ yaà wo Jɔ̀ɔŋ, wo wùìyaiŋ nɔɔ̀ŋ, yèè wo nyùùŋ màŋjɛ̀wɛ̀ wo Kanaà Jisɛ̀. Miàŋ nàŋ yaà wo dàwiiŋ nɔɔ̀ŋ ke jii tɔumtɔ̀ùm sùà, wo yèɔ yaà kɔ̀ɔ̀yɛ̀ e keì nyìngaà dìì e yèɛ hnàŋ koɓɛ̀ aŋ yè nyaŋ yaà aŋ bà nyiŋ bà e Kanauŋ nɛ̀ sùà nyaŋ. Àŋ naim wa gbìɛ̀ŋ ke tììŋ Pamòɛ sùà mààŋ wo nyùùŋ keì, esaɓù kɛ̀ mìŋ naŋ gbòò ke mìè Dayàa, yèè mìŋ naŋ wòò e tɔ̀ɔ̀nyaàaŋ e nyaàiŋ dè ke mìè seìɛ wo Jisɛ̀ naŋ wa gɔ̀ì sùà yɛ.

Maŋ kèì nyɛɛnɛŋ 3:10

Nààŋ nìŋ naŋ jɔ̀ɔ̀lɔ̀ ke mìè gbòa miɛ̀ŋ dìì e hàì ko dìaì lɛ, miàŋ pɛɛ mìŋ doiŋ nàŋ joeyè e tèèngà e keì nyìngaà yaà hìnìè e ɗuunyaàŋ diɛŋ lɛ̀, wèè e nɔ̀ŋ e wàa wèè anyùùŋ nyaŋ gbiŋ e dììɛ diɛŋ.