2 Kɔliìŋ 6:16 - WƆŊ FƐ̀Ì EBÒ SÌÀŊ DAYÀA

¹⁶ Kiìŋ ke saaŋ zòòlò Dayàa kuwa wèè ke nyìnìàŋ aŋ dayà joo? Yàwi nàŋ yaà ke saaŋ zòòlò Dayàa wo yèɔ yaà wɔŋ nyiiŋ gèeɔ̀ sùà wɔ, mààŋ wo Dayà wuŋ bi naŋ woò lɛ, “Ko gboo miìŋ nàŋ do nàŋ nɔ̀ŋ anyunùim nyàŋ yèè ka nyiŋ nɔ̀ŋ e tɛɛ. Mìŋ do nàŋ nɔŋ wo Dayà nyiŋ nɔɔ̀ŋ, yèè àŋ do nàŋ nɔ̀ŋ anyunùim nyàŋ.”

2 Kɔliìŋ 6:16 ပူးပေါင်းရင်းမြစ်များ

Maafiù 16:16

Wo Saimɔŋ Piilɛ̀ nauŋ fasàì wààŋ, “Muàŋ nàŋ yaà wo Kulaìɔ, wo Jɔ̀àfèlàà Dàyà nyiiŋ gèeɔ̀.”

Maafiù 6:24

“Wo nyùùŋ gbiŋ fè ɓɛ̀nɛ̀ŋ nɔ̀ŋ wò ɗo wèè àŋ kààmɔ̀ɔ̀ŋ ɗì tìyèe. Mùŋ do nàŋ mɔ̀nɔ̀ŋ wò guùŋ e nìàŋ wo bàa, ɔ̀ɔ̀ mùŋ do nàŋ jɔ̀ɔ̀lɔ̀ wò guùŋ dìì e nìàŋ wo bàa. Muŋ fè ɓɛ̀nɛ̀ŋ zòòlò wò Dayà yaà è nɛɛnɛŋ.

Luù 5:36

Wo Jisɛ̀ naŋ nyiŋ wòò ke kàɓanè yɛɛ̀ wààŋ, “Wo nyùùŋ gbiŋ fè ɓèmè wɔ̀ŋ deè fàà jɛ̀ì wèè wo gbùwà è jèwì wɔ̀ŋ deè gɔu wɔ̀ŋ lomò. Sèè wò nyɛnɛŋ tii, wɔŋ deè fàà jɛ̀ì wiiŋ do nàŋ sɛ̀ɛ̀ wɔŋ deè gɔuɔ̀ wɔŋ tòòyà e jèwìɛ e nɔ̀ŋ gbee, e kìlà wɔŋ deè fàà jɛ̀ìɔ naàŋ tɛ̀ɛ̀wɛ̀ wɔ̀ŋ deè gɔuɔ̀.

Jɔ̀ɔŋ 14:23

Wo Jisɛ̀ naŋ fasàì wààŋ, “Anyùùŋ nyaŋ mànàìm nyaŋ, do nàŋ nyɛ̀nɛ̀ŋ e yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ. Tɛɛ̀ do nàŋ nyɛ̀nɛ̀ŋ wo Dèda miɔ̀ŋ wo nyiŋ mànàŋ, wo Dèda miɔ̀ŋ yèè miàŋ bi è do nàŋ hnè ko nɛ̀ɛ̀ŋ nyiŋ niìŋ wèè eiŋ nɔ̀ŋ koɓɛ̀ guùŋ.

Jɔ̀ɔŋ 6:56

Anyùùŋ nyaŋ do nàŋ gbìlè e kenìŋ mɛ̀ yèè aŋ tìà maŋ sɛnìim màŋ nyaŋ, àŋ doim nàŋ nyìnìè wɔŋ nyiiŋ gèe nyiŋ nɔɔ̀ŋ ko sùà, yèè wɔŋ nyiiŋ gèe miɔ̀ŋ do nyiŋ nàŋ nɔ̀ŋ ko sùà.

Luùm 8:11

Sèè wo Jìnàŋ Nɛɛmaàŋ, wo yèɔ naŋ gè wo Jisɛ̀ e fàaà dìì wɔ joàùm ko sùà, kpeiŋ kɛ̀ wo Jìnàŋ Nɛɛmaàŋ naŋ gè wo Jisɛ̀ Kulaì e fàaà dìì wɔ do nàŋ kìɛ̀ŋ wɔŋ nyiiŋ gèe koɓɛ̀ maŋ kpùnaiŋ màŋ do nàŋ fɔ̀ maŋ, nààŋ wo Jinàuŋ nɔɔ̀ŋ yààìŋ ko sùà lɛ.

Luùm 8:9

Ɓɔ̀ mùŋ nyɛ̀nɛ̀ŋ nɔŋ è nɛ̀ɛŋ kè kpùnaŋ mɔɛ̀ŋ manaŋ lɛ̀, kɛɛ nyɛnɛ̀ŋ e nɛ̀ɛŋ wo Jìnàŋ Dayàa manaŋ lɛ̀, esaɓù kɛ̀ wò joàùm ko sùà. Wo nyùnɔ̀ɔŋ gbiŋ gò jàà wò Jìnàŋ Jisɛ̀ Kulaìɔ kùàŋ dìì wɔ, wo fè wò bàuŋbà kòɓɛ̀ Jisɛ̀ Kulaìi.

Luùm 9:26

Koɓɛ̀ gunìiŋ wo Dayà naŋ nyiŋ wa woò wààŋ, ‘Niŋ fè ànyunùim lɛ̀,’ kuuŋ àŋ do nyiŋ nàŋ nyààŋ aŋ jɔ̀à wo Dayà gè nyiiɔ̀ŋ.”

1 Kɔliìŋ 10:21

Niŋ fè ɓɛ̀nɛ̀ŋ nɔ̀ŋ àŋ bàiŋbà wèè naŋ tììyà wɔŋ kpòò Kanaà sùà, e kìlà naŋ ɓɛìŋ nɔ̀ŋ àŋ bàiŋbà wèè naŋ tììyà wɔ̀ŋ kpòò jinàŋ naanààŋ sùà, niŋ fè ɓɛ̀nɛ̀ŋ nɔ̀ŋ bàiŋbà wɔ̀ŋ gbɛ̀gbɛ̀ Kanaà diɛŋ, e kìlà naŋ nɔ̀ŋ bàiŋbà wɔ̀ŋ gbɛ̀gbɛ̀ jinàŋ naanààŋ diɛŋ.

1 Kɔliìŋ 6:19

Niŋ nyimààŋ kɛ̀ kè kpùnaiŋ nɛɛ̀ŋ nàŋ yaà kè sààŋ zòòlò Dayàa wèè wò Jìnàŋ Dayàa, yààìŋ sùà wɔ, wo yèɔ wo Dayà naiŋ kiɛ̀ŋ wɔ? Niŋ fè wèè nyɛ̀iŋ bi, nìŋ yaà wèè Dayà.

Ɛfesɔ̀ 2:20

Nyɛ̀iŋ pɛɛ, nìŋ yaà aŋ bàiŋbà wèè ke saaàŋ, aŋ keela tàeɗùù nyaŋ yaà aŋ wɛ̀ijì nyaŋ naŋ wa tɔ̀ɔ̀tù nyɛ̀lɛ yɛ̀, yèè ke kpɛnɛɛ̀ wèè ke saaàŋ nàŋ yaà wo Jisɛ̀ Kulaì wuŋ bibì.

Ɛfesɔ̀ 2:22

Ke saaàŋ wo Jisɛ̀ Kulaì naŋ nyɛ̀lɛ̀ wèè Dayà nɔ̀ŋ dìì wo Jinàaŋ sùà yɛ, nìŋ yaà aŋ bà nyiŋ bà.

Ɛfesɔ̀ 3:17

Mìŋ humo Dayà wèè wo Jisɛ̀ Kulaì nɔ̀ŋ maŋ jiiiŋ màŋ sùà esàɓù e hààweiŋ nɛ̀. E kìlà mìŋ humo Dayà wèè naŋ kɛ̀ɛ̀nɛ̀ŋ e gulòiŋ nɛ̀ yèè ko tɔɔtuiŋ niìŋ e mànaŋ sùà.

1Time 3:15

Kɛɛ sèè mìŋ go zùmò hnàaŋ, wɔŋ fɛi wɛɛ̀ŋ doiŋ nàŋ nyɛ̀nɛ̀ŋ naŋ nyìmàŋ e ɗeweɛ̀ nìŋ naŋ ɓɛ̀nɛ̀ŋ tòòmò koɓɛ̀ guùŋ ke gbòò Dayàa sùà lɛ. Ke gbòò Dayàa zà nàŋ yaà anyuùŋ hààwe nyaŋ wèè wo Dayà nyiiŋ gèeɔ̀, kiiŋ nàŋ yaà e kpɛnɛɛ̀, yèè e kpùùmaàŋ wèè e tɔ̀ɔ̀nyaàaŋ.

2Time 1:14

E yìwìà e gààŋ Jìnàŋ Nɛɛmaàŋ wo yèɔ yaà wì sùà wɔ, bànè manɛ̀ŋ siaŋ sìàŋ maŋ àŋ naum tùlìè jii weè miŋ màŋ ko hàa.

Hiɓu 3:6

Kɛɛ wo Jisɛ̀ Kulaì wò yaà wo nyuùŋ tùlìà jii nààŋ wò yaà wo Jɔ̀àfelaaà wo yèɔ yɛmɛ̀ anyùùŋ Dayà nyaŋ diɛŋ. Yàwi nàŋ yaà anyùùŋ Dayà nyaŋ sèè è kɛɛnɛ̀ìŋ maŋ jii nyingè yaà jii tùlia wèè e yèɛ è yààìŋ yɛ̀ɛ̀mɛ̀ dòmaŋ lɛ̀.

Hiɓu 8:10

Wo Kanaà Dayà naŋ ɓɛìŋ woò wààŋ, “Tɛɛ̀ nàŋ yaà e ɗààhìì e mìèsùàguùŋ nɛ mìŋ do nàŋ banè lɛ wèè anyùùŋ nyaŋ ko Ezɔ̀ɛ̀, maŋ ɗɔɔ màŋ yaà hinie màŋ, mìŋ do nàŋ sìè maŋ sàwàim màŋ maŋ gòngo nyiŋ màŋ sùà e kìlà ka miŋ sìngà maŋ jii komaŋ nyiŋ màŋ diɛŋ. Mìŋ do nàŋ nɔ̀ŋ wo Dayà nyiŋ nɔɔ̀ŋ, e kìlà àŋ do nàŋ nɔ̀ŋ anyunùum nyàŋ.

Jìiiŋ 4:5

Ɓɔ̀ nìŋ gongò kɛ̀ è nɛ̀ɛŋ wɔŋ fɛ̀ì Dayàa naŋ woò lɛ è tɔ̀ɔ̀nyaàŋ fè niìŋ sùà kɛ̀, “Wo Jinàaŋ wo Dayà naŋ wi gbìɛ̀ŋ sùà wɔ e wùànàŋ nauŋ diè wèè e wùàŋ.”

1Pììlɛ 2:5

Hnaìŋ mààŋ maŋ duò gè nyiiŋ wo Dayà nyilìàiŋ ke saaŋ zòòlò Dayà wo jinàaŋ sùà, ko yèi nìŋ do nàŋ nɔ̀ŋ aŋ sìèfèìŋ e zòòlò nɛɛmaŋ wèè e tòmò Dayàa wèè maŋ saàà gèe wo Jìnàŋ Dayàa sùà maŋ yè maŋ wo Dayà jaa kùàŋ dìì esàɓù Jisɛ̀ Kulaì sùà maŋ.

1Jɔ̀ɔŋ 4:12

Nààŋ gbà wo nyùùŋ gbiŋ kòò yɛ̀mɛ̀ wa wò Dayà, kɛɛ sèè è naiŋ mɔ̀nɔ̀ŋ aŋ dàwi wi nyàŋ, wo Dayà do wi nàŋ nɔ̀ŋ maŋjɛ̀wɛ, yèè tɔɔɓaa e mànauŋ nɛ̀ yaà maŋ jii wi màŋ sùà.

1Jɔ̀ɔŋ 4:15

Wo nyùnɔ̀ɔŋ gbiŋ naŋ woò kɛ̀ wo Jisɛ̀ nàŋ yaà wo Jɔ̀àfèlàà Dayàa wɔ̀, wo Dayà douŋ nàŋ nɔ̀ŋ sùà yèè wuŋ pɛɛ do nàŋ nɔ̀ŋ wo Dayà sùà.

Maŋ kèì nyɛɛnɛŋ 2:1

Wo Jisɛ̀ naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè ke gbòò anyuùŋ hààwe nyàŋ ko Ɛfesɔ̀. “Ke miè gbìaàŋ yɛɛ̀ e yìwìà wo yèɔ kuwa maŋ ɗù nɔɔnɔŋ le tìyèe màŋ wɔŋ kùàŋ jìkauŋ nɔɔ̀ŋ, yèè wò kaaìŋ maŋ gòoò kùù sɛ̀ɛ̀ laumpò, màŋ nɔɔnɔŋ le tìyèe e fèemàŋ wɔ.

Maŋ kèì nyɛɛnɛŋ 21:3

Mìŋ naŋ kòmò ke mìè kpàaŋ e yìwìà koɓɛ̀ ke kpùà kanaà kè naŋ woò wààŋ, “Ke vààyà Dayàa do nàŋ nɔ̀ŋ koɓɛ̀ anyunùuŋ nyàŋ! Wò do nàŋ nɔ̀ŋ ko nɛ̀ɛ̀ŋ nyiŋ niìŋ, yèè àŋ do nàŋ nɔ̀ŋ anyunùuŋ nyàŋ. Wo Dayà wuŋ bi do nyiŋ nàŋ nɔ̀ŋ e tɛɛ, yèè wuŋ nàŋ do nàŋ nɔ̀ŋ wo Dayà nyiŋ nɔɔ̀ŋ.

Maŋ kèì nyɛɛnɛŋ 21:7

Anyùùŋ nyaŋ do nàŋ ɓùlò nyaŋ, nyiŋ mìŋ do nàŋ kìɛ̀ŋ e kpùùmaŋ lɛɛ̀. Mìŋ do nàŋ nɔ̀ŋ wo Dayà nyiŋ nɔɔ̀ŋ yèè àŋ do nàŋ nɔ̀ŋ aŋ jɔ̀àim.