2 Kɔliìŋ 6:10 - WƆŊ FƐ̀Ì EBÒ SÌÀŊ DAYÀA

¹⁰ Jòòpɛɛ ke nyowo nyɛ̀nɛ̀ŋ wì, kɛɛ e teenga gbiŋ è yààìŋ e zɔlɔ̀ sùà. È yaà mààŋ è naiŋ kɛ̀ɛ̀ sìwè, kɛɛ è nyɛ̀nɛ̀ìŋ anyuùŋ zimgbe aŋ banè. È yaà guùŋ mààŋ e kuwàìŋ è nɛ̀ŋ gbiŋ, kɛɛ tɔɔɓaa è kùwàìŋ manɛ̀ŋ maŋ gbiŋ.

2 Kɔliìŋ 6:10 ပူးပေါင်းရင်းမြစ်များ

Maafiù 5:12

Sèè tii kaàiŋ, gèeìŋ zɔlɔ̀ yèè niŋ nɔ̀ŋ ke jii fàa sùà, esaɓù kɛ̀ wo Dayà doiŋ nàŋ kìɛ̀ŋ e jìwààjɛ̀wɛ̀ gbee ko àìjɛnɛ̀ŋ. E ɗèwè guùŋ lɛɛ̀ sùà nɔŋ anyùùŋ naŋ wa nìmìlà aŋ wɛ̀ijì nyaŋ yààìŋ wa tɛɛ nyàŋ e teenga gɔu sùà.

Maafiù 5:4

“E zɔlɔ̀ yaà anyùùŋ nyaŋ yaà ke nyowo sùà nyaŋ. Wo Dayà do nyiŋ nàŋ kìɛ̀ŋ ke jii fàa!

Luù 6:21

“E zɔlɔ̀ yaà nyɛ̀iŋ nyàŋ e jìè yaà naàŋ sààmɛ nyàŋ. Wo Dayà doiŋ nàŋ kìɛ̀ŋ e yèɛ nìŋ manaŋ lɛ̀, e jèèsùà maŋ jii maiŋ fà.” “E zɔlɔ̀ è yaà nyɛ̀iŋ nyàŋ nìŋ yaà naàŋ gulie sààmɛ nyàŋ. Nìŋ do nàŋ hile.”

Jɔ̀ɔŋ 16:22

Nìŋ yaà naàŋ ke nyowo gbee sùà. Kɛɛ mìŋ doiŋ ɓɛìŋ nàŋ yɛmɛ̀, yèè e zɔlɔ̀ do nàŋ nɔ̀ŋ maŋ jiiŋ màŋ sùà, yèè wo nyùùŋ gbiŋ wo naàìŋ ɓɛ̀nɛ̀ŋ gè è zɔlɔ̀ bi màŋ jiiŋ màŋ sùà.

Nyɛ̀nɛ̀ŋ 16:25

E tèèngà wɔŋ duùm hàì tɛɛ wo Pɔɔ̀ yèè wo Silà naŋ tɔ̀ɔ̀tù zòòlo yèè àŋ yaà dàà sùà maŋ nùŋ tɛ̀nɛŋ koɓɛ̀ Dayài, yèè aŋ pèesìnàŋ gbànaŋ nyàŋ ko sààŋ nyìwìi yaà nyiŋ wa kùmiaŋ sùà.

Nyɛ̀nɛ̀ŋ 3:6

Kɛɛ wo Pììlɛ nauŋ woò wààŋ, “Miŋ kuwà è nɛɛnɛŋ gbiŋ wèè kaum kiɛ̀ŋ, kɛɛ mìŋ doum nàŋ kìɛ̀ŋ e yèɛ mìŋ kuwa lɛ̀. E dèè Kanaà Jisɛ̀ Kulaìɛ diɛŋ e yìwìà ko Naazɔ̀ɛ̀ yewà dìì muŋ kaaìŋ!”

Nyɛ̀nɛ̀ŋ 5:41

Nààŋ aŋ keela tàeɗùù nyaŋ naŋ wa yèwè anyùùŋ gbèègbèè fuɔɔ̀ŋ feìŋ àŋ yaà kɔɔyɛ, e zɔlɔ̀ naŋ nyiŋ wa diè, esaɓù kɛ̀ wo Dayà naŋ nyiŋ wa tàeɗùù wèè aŋ nɔ̀ŋ anyuùŋ kɛnɛ wèè aŋ kà e mɔ̀ɔ̀nɛŋ dìì wèè esàɓù wo Kanaà Jisɛ̀.

Luùm 11:12

E jùùmù aŋ Juùù nyaŋ naŋ hìɛ̀ŋ e kpùùmaŋ gbee koɓɛ̀ anyùùŋ e ɗuunyaàŋ, yèè e hààwe gò kɛɛnɛ̀ŋ nyiŋ nɛ̀ naŋ hìɛ̀ŋ e kpùùmaŋ gbee koɓɛ̀ anyùùŋ nyaŋ fè àŋ Juùù nyaŋ. Kpeiŋ e kpùùmaŋ bi do wa nàwèè nàŋ gàŋ zimgbe sèè aŋ Juùù nyaŋ aŋ wa nàwèè nɔ̀ŋ aŋ bà nyiŋ bà wèè e kpùùmaŋ bi.

Luùm 12:15

Sèè mùŋ yɛmɛ̀ anyùùŋ àŋ nɔ̀ŋ zɔlɔ̀ sùà, muàŋ pɛɛ nɔ̀ŋ zɔlɔ̀ sùà weè nyiŋ. Sèè mùŋ yɛmɛ̀ anyùùŋ aŋ nɔ̀ŋ gulie, muàŋ pɛɛ golà weè nyiŋ.

Luùm 15:13

Tɔ̀ wo Dayà, wo yèɔ kiɛ̀ŋ ke jii tùlia wɔ̀, wo kpuumàiŋ niŋ kɛɛnɛ̀ŋ e zɔlɔ̀ kɛnɛ yèè ke jii fàa, esàɓù e hààweiŋ nɛ̀, wèè kɛ̀ ke jii tùliaiŋ nɛɛ̀ŋ e gààŋ wo Jìnàŋ Nɛɛmaàŋ sùà, e nɔ̀iŋ maŋjɛ̀wɛ e teenga gbiŋ.

Luùm 8:32

Tɔɔɓaa e fè ɓɛ̀nɛ̀ŋ nɔ̀ŋ wò Dayà, wo yèɔ gò wa kìlìà wò Jɔ̀àfèlàà wuŋ biɔ̀ kùàŋ feìŋ wɔ, wò nauŋ wa kiɛ̀ŋ e saaà gèe sùà wèè wo nɔ̀ŋ e kpùùmaŋ wèè yàwi nààŋ gbiŋ. Sèè wo Dayà naŋ wa tɛɛ̀ ɓɛ̀nɛ̀ŋ nyɛ̀nɛŋ, e gòiŋ haawè kɛ̀ wò wi ɓɛ̀nɛ̀ŋ kìɛ̀ŋ è nɛ̀ɛŋ gbiŋ wèè foo?

Luùm 9:2

màànààŋ mìŋ naŋ woò lɛ miàŋ ke nyowo gbee yèè ke jii mɔ̀ɔ̀nɛŋ gò kɛ̀ɛ̀nɛ̀ŋ dìa yaà ke jii miɛ̀ŋ sùà,

1 Kɔliìŋ 1:5

Esàɓù e nɔ̀iŋ aŋ bàiŋbà wo Jisɛ̀ Kulaì sùà, nìŋ naŋ nɔ̀ŋ anyuùŋ bàne manɛ̀ŋ maŋ gbiŋ sùà, e kpùlìà maŋ mìè gbòa yaà e jiikɛ̀ɛɛ̀ gbiŋ.

2 Kɔliìŋ 2:4

Mìŋ naŋ sìngìè wɔŋ fɛi wɛɛ̀ŋ e keì nyìnga gbee yèè ke jii mɔ̀ɔ̀nɛŋ keekèè yaà maŋ fɛɛ̀màì zimgbe, diɛŋ e fè kɛ̀ mìŋ manaŋ wèè ka nyɛ̀nɛ̀ŋ maŋ jiiiŋ màŋ mɔɔnɛ̀ŋ, kɛɛ è yaà wèè naŋ nyìmàŋ e ɗeweɛ̀ mìŋ manaŋ nyɛ̀iŋ nààŋ gbiŋ lɛ̀.

2 Kɔliìŋ 4:15

Tɛɛ̀ gbiŋ yaà wèè esaɓùiŋ nɛ̀ sùà, yèè nààŋ e tɛ̀ɛ̀tɛ̀ɛ̀ Dayàa yaà hài sùà anyuùŋ zimgbe, àŋ do nàŋ fè e zòòlò ke sɛ̀ gèe zimgbe koɓɛ̀ e jòòwo Dayàa.

2 Kɔliìŋ 4:7

E ɗewe gbiŋ sùà yàwi nyàŋ è kùwàìŋ e bàne lɛɛ̀ jinàaŋ sùà nyaŋ, è yààìŋ mààŋ maŋ golà kpoò kpàna, wèè e tɔɔ̀iŋ kɛ̀ e gaàŋ kɛnɛɛ̀ è yaà wèè Dayà e fè weè wi.

2 Kɔliìŋ 8:9

Nàŋ nyìmàŋ e tɛ̀ɛ̀tɛ̀ɛ̀ Kana wiɔ̀ Jisɛ̀ Kulaìɛ, e kpulìà e bàneuŋ nɛ̀ gbiŋ, wò naŋ wa mììnè wuŋ bi wo nyuùŋ pɔ̀ɔ e weèiŋ, wèè wo nyɛ̀nɛ̀ŋ naŋ nɔ̀ŋ anyuùŋ banè esàɓù e pɔ̀ɔuŋ nɛ̀ sùà.

Ɛfesɔ̀ 3:16

Mìŋ dawà Dayà e wèè, e yìwìà maŋ bànè e jòòwouŋ nɛ̀ sùà, wo fèiŋ e gààŋ e yìwìà wo Jinàuŋ nɔɔ̀ŋ e wèè niŋ nyìngà sùà.

Ɛfesɔ̀ 3:8

Miàŋ nàŋ yaà wo tòloòɔ anyùùŋ nɛɛmaŋ nyàŋ gbiŋ sùà, yɛi nɔŋ è yaà wo Dayà naŋ nɔ̀ŋ tɛ̀ɛ̀ ko nɛ̀ɛ̀ŋ miìŋ, yèè wò naim tàeɗùù wèè ka wòò ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù nyaŋ e nyaàiŋ dè e bànè nɛ̀ɛ̀màŋ Jisɛ̀ Kulaìɛ e kpùlìà maŋ yè maŋ nyùùŋ fè ɓɛ̀nɛ̀ŋ kpɛ̀nɛŋ màŋ,

Fèle 2:17

Maŋ sɛnìim màŋ wɛ̀i ɓɛ̀nɛ̀ŋ nɔ̀ŋ wùaŋ miŋ mààŋ e nɛ̀ŋ kìɛŋ manɛ̀ŋ saaà maŋ diɛŋ e nyaàiŋ dè e hààweiŋ nɛ̀ koɓɛ̀ Dayài. Sèè è nɔ̀ŋ yɛi, ke jii naim fɔ̀ wèè ka nɔ̀ŋ wo bàimbà e tòmouŋ nɛ̀ sùà, yèè nyɛ̀iŋ pɛɛ naŋ nɔ̀ŋ aŋ bàiŋbà zɔlɔ̀ gèe mɛ̀ sùà.

Fèle 4:4

Nɔ̀iŋ e zɔlɔ̀ sùà e teenga gbiŋ nààŋ nìŋ yaà aŋ bàiŋbà wo Kanaà Jisɛ̀ sùà. Tɔ̀ miŋ woò niŋ ɓɛìŋ, nɔ̀iŋ e zɔlɔ̀ sùà.

Kòlo 1:24

E zɔlɔ̀ naim diè, wèè kɛ̀ mìŋ naŋ ɓɛ̀nɛ̀ŋ kà e mɔ̀ɔ̀nɛŋ dìì e weèiŋ. Esàɓù e mɔ̀ɔ̀nɛɛ̀ŋ mìŋ yaà kɔ̀ɔ̀yɛ̀ dìì lɛ, mìŋ yaà kìɛŋ sùà kpùùmaŋ wèè ka kpɛ̀ɛ̀yɛ̀ e mɔ̀ɔ̀nɛŋ kiiɛ̀ wo Jisɛ̀ Kulaì naŋ wa kɔ̀ dìì lɛ nààŋ wò naŋ wùɔ̀ŋ maŋ sɛ̀ìŋ, wèè esàɓù ke kpùnauŋ nɛɛ̀ŋ. Ke kpùnauŋ nɛɛ̀ŋ zà nàŋ yaà ke gbòò anyuùŋ hààwe nyàŋ.

Kòlo 3:16

Tɔ̀ ke miè gbìaàŋ e nyaàiŋ dè wo Jisɛ̀ Kulaì dià maŋ jiiŋ màŋ sùà. Kààaìŋ e kìlà niŋ kiɛ̀ŋ maŋ mìè gòo koɓɛ̀ aŋ dàwiiŋ nyàŋ e jiikɛ̀ɛ sùà. Dààaìŋ maŋ nùŋ, e nyaàiŋ dè wo Jisɛ̀ Kulaì, yèè maŋ nùŋ nɛɛmaŋ. Dààaìŋ wɔŋ nùŋ ke sɛ̀ gèe koɓɛ̀ Dayài maŋ jiiŋ màŋ sùà.

1Tɛsè 1:6

Nìŋ naŋ wi fɔɔnɔ̀ŋ yèè nìŋ naŋ fɔ̀ɔ̀nɔ̀ŋ wo Kanaà Jisɛ̀. Jòòpɛɛ nìŋ naŋ mɔɔnɛ̀ŋ zimgbe, kɛɛ nìŋ naŋ jàà ke miè gbìaàŋ kùàŋ dìì e zɔlɔ̀ sùà ke yèɛ yewe wo Jìnàŋ Nɛɛmaàŋ sìwè lɛ.

1Tɛsè 5:16

Nɔ̀ɔìŋ e zɔlɔ̀ sùà e teenga gbiŋ.

1Time 4:8

Sèè è gɔɔyɛ̀ìŋ maŋ kpùnaŋ màŋ e tòmò nyìnga sùà, è kuwa e kpùùmaŋ bà, kɛɛ sèè eiŋ tomo nyìnga wo Jìnàŋ Nɛɛmaàŋ sùà, è kuwa e kpùùmaŋ maŋ fàà maŋ gbiŋ, esaɓù kɛ̀ è yaà e ɗààhiì wèè wɔŋ nyiiŋ gèe wɛɛ̀ŋ, yèè wɔŋ nyiiŋ gèeɔ̀ ko dòmàŋfeìŋ.

1Time 6:18

Wòò nyiŋ wèè aŋ nyɛ̀nɛ̀ŋ e keì sìàŋ, aŋ nɔ̀ŋ bàne nyiŋ e tòmo siaŋ sùà, aŋ banebànè wèè aŋ kiɛ̀ŋ anyuùŋ joo.

Hiɓu 10:34

Nìŋ kuwa wa ke nyowo, yèè nìŋ naŋ tuwò tɛ̀ɛ̀ koɓɛ̀ anyùùŋ nyaŋ yaà wa ko sààŋ nyìwì nyaŋ. Yèè àŋ naŋ wa nyimèè wèè anyùùŋ aŋ ɓèmè manɛ̀ŋ siwè nyiŋ màŋ gbiŋ esaɓù, nàŋ nyìmàŋ kɛ̀ nìŋ kuwa e nɛ̀ŋ kɛnɛ, e nɛ̀ŋ kɛnɛ e yèɛ do nàŋ nɔ̀ŋ wèè julɔfɔ lɛ̀.

Jìiiŋ 2:5

Nyɛ̀iŋ nààŋ wùìyaim nyàŋ, jàaìŋ maŋ nùŋ dìì! Anyuùŋ pɔ̀ɔ nyàŋ e ɗuunyaŋ lɛɛ̀ nyiŋ wo Dayà naŋ tàeɗùù wèè aŋ nɔ̀ŋ aŋ nyuùŋ bàne nyàŋ e hààweɛ̀ sùà. Yèè àŋ do nàŋ kɛ̀ɛ̀nɛ̀ŋ e kànà Dayàa e yèɛ wò naŋ wa ɓèmè ɗààhiì wèè wo fè aŋ nyùùŋ nyaŋ mànaùŋ nyaŋ.

1Pììlɛ 4:13

Kɛɛ gèeiŋ zɔlɔ̀ kɛ̀ e keì nyìngaà wo Jisɛ̀ naŋ kɔ̀ɛ̀ sùà lɛ, nìŋ yaà e bàiŋbà, wèè niŋ dià zɔlɔ̀ sèè wo Jisɛ̀ Kulaì hnàŋ wa nàwèè wò tɔɔ̀ e jòòwo gbeeuŋ nɛ̀.

Maŋ kèì nyɛɛnɛŋ 2:9

Kà nyìmàŋ maŋ keì nyìngaiŋ màŋ. Kà nyìmàŋ kɛ̀ nìŋ naŋ kɛ̀ɛ̀ò sìwè, kɛɛ tɔɔɓaa nìŋ naŋ banè. Kà nyìmàŋ maŋ keì naanààŋ maŋ àŋ woà maŋ e nyaàiŋ eiŋ dè e yìwìà anyùùŋ nyaŋ nyaaŋ nyiŋ bi aŋ Juùù, kɛɛ aŋ fè àŋ Juùù nyaŋ. Àŋ yaà ke gbòò anyùùŋ màŋjɛ̀wɛ̀ Sɛ̀tanàŋ.

Maŋ kèì nyɛɛnɛŋ 21:7

Anyùùŋ nyaŋ do nàŋ ɓùlò nyaŋ, nyiŋ mìŋ do nàŋ kìɛ̀ŋ e kpùùmaŋ lɛɛ̀. Mìŋ do nàŋ nɔ̀ŋ wo Dayà nyiŋ nɔɔ̀ŋ yèè àŋ do nàŋ nɔ̀ŋ aŋ jɔ̀àim.