2 Kɔliìŋ 5:8 - WƆŊ FƐ̀Ì EBÒ SÌÀŊ DAYÀA

⁸ È naiŋ dìè maŋ jii nyingè e jèèsùà e weè pɛɛ mànàŋ wèè eiŋ jòà maŋ gboo wi màŋ ke kpùnaàŋ sùà wèè eiŋ kà ko gbooì koɓɛ̀i wo Kanaà yaà lɛ.

2 Kɔliìŋ 5:8 ပူးပေါင်းရင်းမြစ်များ

Maafiù 25:21

Yèè wo kààmɔɔuŋ nɔɔ̀ŋ naŋ woò wààŋ, ‘Mùŋ naŋ nyɛ̀nɛ̀ŋ tɛ̀ɛ̀. Mùŋ yaà wo ɓɔìjɔ̀à siaŋ yèè e tɔ̀ɔ̀nyaàŋ. Mìŋ naum mɛ̀iŋ jùùyè e nɛɛnɛŋ jɔa, kɛɛ mìŋ doum naàŋ nàŋ kìɛ̀ŋ e gbee niŋ. Hnàaàŋ yèè muŋ nɔ̀ŋ wo bàumbà e zɔlɔ̀ gèe mɛ̀ sùà.’

Maafiù 25:23

Yèè wo kààmɔɔuŋ nɔɔ̀ŋ naŋ woò wààŋ, ‘Mùŋ naŋ nyɛ̀nɛ̀ŋ tɛ̀ɛ̀. Mùŋ yaà wo ɓɔìjɔ̀à siaŋ yèè e tɔ̀ɔ̀nyaàŋ. Mìŋ naum mɛ̀iŋ jùùyè e nɛɛnɛŋ jɔa, kɛɛ mìŋ doum naàŋ nàŋ kìɛ̀ŋ e gbee niŋ. Hnàaàŋ yèè muŋ nɔ̀ŋ wo bàumbà e zɔlɔ̀ gèe mɛ̀ sùà.’

Luù 2:29

“Kanaà, màŋ nyɛ̀nɛ̀ŋ e yèɛ mùŋ naŋ wa woò lɛ, tɔ̀ wo ɓɔìjɔ̀à mɔɔ̀ŋ wo fɔɔyɛ̀ naàŋ ke jii fàa sùà.

Jɔ̀ɔŋ 12:26

Sèè nyɛ̀iŋ nààŋ bà gbiŋ nìŋ mɔnɔŋ wèè naŋ tomo weèim, kɛ̀ sɔɔ̀ naŋ dè ke kpèè siaŋ miɛ̀ŋ maŋjɛ̀wɛ. Kpeiŋ sèè mìŋ fà, koɓɛ̀i mìŋ do nàŋ nɔ̀ŋ lɛ, kuuŋ nɔŋ wo ɓɔìjɔ̀à miɔ̀ŋ wò do nàŋ nɔ̀ŋ. Wo Dèda miɔ̀ŋ do nàŋ dɛ̀ɛ̀kɛ̀ wo nyùnɔ̀ɔŋ gbiŋ tomàŋ weèim wɔ̀.”

Jɔ̀ɔŋ 14:3

Yèè sèè mìŋ kɔ̀à mìŋ kpɛɛyɛ̀o bàne, mìŋ do nàŋ hnè wèè kaiŋ noo koà, wèè kɛ̀ yàwi nààŋ gbiŋ eiŋ nɔ̀ŋ koɓɛ̀ guùŋ.

Jɔ̀ɔŋ 17:24

“Dèda, mìŋ zoolà wèè anyùùŋ nyaŋ gbiŋ mùŋ naim kiɛ̀ŋ nyaŋ aŋ nɔ̀ŋ koɓɛ̀i mìŋ do nàŋ nɔ̀ŋ lɛ. Kpeiŋ kɛ̀ àŋ do nàŋ yɛ̀mɛ̀ e dɛ̀ɛ̀kɛɛ̀ mùŋ naim kiɛ̀ŋ lɛ, esaɓù kɛ̀ mùŋ naim wa mɔ̀nɔ̀ŋ paŋgàà e ɗuunyaàŋ naŋ wa nɔ̀ŋ bàne niŋ.

Nyɛ̀nɛ̀ŋ 21:13

Kɛɛ wo Pɔɔ̀ naŋ nyiŋ fasàì wààŋ, “Wèè kiìŋ nìŋ yaà gulie e kìlà nìŋ yaà pɔ̀ɔ̀pɔɔ sùà ke jii miɛ̀ŋ? Miŋ gò nɔŋ nyimèè wèè aim gbìàŋ kò sààŋ nyìwì wèè èsàɓù e dèè wò Kanaà Jisɛ̀, kɛɛ mìŋ naŋ ngèè pɛɛ nyimèè wèè ka fà e weèuŋ ko Jùlusɛ̀làm!”

2 Kɔliìŋ 5:6

E wèètii è kùwàìŋ maŋ jii nyingè. Èiŋ nyìmàŋ kɛ̀ è teengaà nɔŋ è yààìŋ maŋ gboo wi màŋ ke kpùnaàŋ sùà lɛ, è yààìŋ koɓɛ̀ bà joo eɓìèmàŋjɛ̀wɛ̀ ko gbòò Kanaà.

2 Kɔliìŋ 5:9

Eɓìèmàŋjɛ̀wɛ̀ nɛ̀ŋ maŋ gbiŋ, è manaŋ wèè eiŋ nyɛ̀nɛ̀ŋ ke jiiuŋ nɛɛ̀ŋ ke fà lɛ. E pɛɛ nɔ̀ŋ maŋ gboo wi màŋ sùà ɔ̀ɔ̀ ko gbooì wò yaà lɛ.

1Jɔ̀ɔŋ 3:2

Dàwi mànaim nyàŋ, è yààìŋ naàŋ aŋ jɔ̀à Dayà. Yèè kòò è nyìmèìŋ weè janjai kɛ̀ ɓòò è doiŋ nàŋ nɔ̀ŋ, kɛɛ èiŋ nyìmàŋ kɛ̀ sèè wo Jisɛ̀ hnàŋ wa nàwèè è doiŋ nàŋ nɔ̀ŋ màànààŋ wò yaà lɛ. Yèè è douŋ nàŋ yɛmɛ̀ màànààŋ wò yaà lɛ.

Maŋ kèì nyɛɛnɛŋ 22:3

E nɛ̀ɛŋ gbiŋ wo Dayà gò jàà kùàŋ dìì lɛ e fè nɔ̀ŋ kò jawa gbeeì. Ke kpùà e kànà Dayàa yaà wo Ɓaawaaà do nàŋ nɔ̀ŋ ko jawa gbeeì, e kìlà aŋ ɓɔìjɔ̀àuŋ nyàŋ douŋ nàŋ zoolò.