2 Kɔliìŋ 5:20 - WƆŊ FƐ̀Ì EBÒ SÌÀŊ DAYÀA

²⁰ È yààìŋ gbuuyè wèè Jisɛ̀ Kulaì, mààŋ koɓɛ̀i wo Dayà wuŋ bi wò yààìŋ dàwe sùà e yìwìà yàwi sùà lɛ. È gboo wèè Kulaì, tɔ̀ wo Dayà vɔɔnɔ̀iŋ e yìwìà koɓɛ̀ aŋ joouŋ wèè koɓɛ̀ anyuùŋ mɔ̀ɔ̀nɔuŋ.

2 Kɔliìŋ 5:20 ပူးပေါင်းရင်းမြစ်များ

Luù 10:16

Wo Jisɛ̀ naŋ ɓɛìŋ wòò anyùùŋ màŋjɛ̀wɛ̀uŋ nyàŋ wààŋ, “Wo nyùnɔ̀ɔŋ gbiŋ komo maŋ mìè gbòaiŋ màŋ wɔ, wo nyùùŋ bi wòim kumiàŋ. Wo nyùnɔ̀ɔŋ gbiŋ goiŋ jàà kùàŋ dìì wɔ, kɛ̀ wo nyùùŋ bì gòim jàà kùàŋ dìì. Wo nyùnɔ̀ɔŋ gbiŋ gòim jàà kùàŋ dìì wɔ kɛ̀ wo nyùùŋ bi gò jàà wò nyùnɔ̀ɔŋ naim tùɔ̀ŋ wɔ kùàŋ dìì.”

Luù 14:23

Kpeiŋ wo kààmɔɔɔ̀ŋ naŋ wòò wo ɓɔìjɔ̀àa wààŋ, ‘Kɔ̀à maŋ dòmàŋ jawa ɗi màŋ diɛŋ yaà maŋ dòmàŋ ɓù maŋ diɛŋ muŋ nyààŋ anyùùŋ aŋ hnàŋ aŋ dià wɔŋ gbolo miɔ̀ŋ sùà ko gboo miìŋ.

Jɔ̀ɔŋ 20:21

Yèè wo Jisɛ̀ naŋ nyiŋ ɓɛìŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ. Mìŋ yààìŋ tùaŋ sùà koɓɛ̀ anyùùŋ nyaŋ e ɗuunyaàŋ, màànààŋ nɔŋ wo Dèda miɔ̀ŋ naim wa tùɔ̀ŋ lɛ.”

Luùm 5:10

È yààìŋ wa aŋ joo koɓɛ̀ Dayài, kɛɛ wò naŋ wi nyɛ̀nɛ̀ŋ anyuùŋ mɔ̀ɔ̀nɔuŋ wèè euŋ ɓɛìŋ jɛ̀ì kɔɔ esàɓù e fà wo Jɔ̀àfelaauŋ nɔɔ̀ŋ sùà. Kɛɛ e nɛ̀ŋ bà ngèè kòò è yaà weè wi è kuwa sɛmɛ e nìàŋ e mɔ̀ɔ̀nɔŋ. Nààŋ è yààìŋ naàŋ ke jii fàa sùà koɓɛ̀ Dayài lɛ̀, wò do wi nàŋ joeyè e yìwìà wɔŋ nyììŋ wo Jɔ̀àfelaauŋ nɔɔ̀ŋ sùà.

2 Kɔliìŋ 12:10

Hɛ̀ɛɛ̀ŋ, ke jii maim fɔ̀ wèè ka yɔkpɔ̀ ɔ̀ɔ̀ aim pɔ̀ɔ̀ɓɛ̀ɛ ɔ̀ɔ̀ aim kùwà naanààŋ ɔ̀ɔ̀ ka kùwìè maŋ keì nyìnga yèè ka mɔɔnɛ̀ŋ, sèè è nɔ̀ŋ nɔŋ e wèè Jisɛ̀ Kulaì. E fèfoo sèè mìŋ yɔkpɔ̀ kpeiŋ, kɛ̀ kà kùwìè e gààŋ.

2 Kɔliìŋ 3:6

Wuŋ naŋ nyɛ̀nɛ̀ŋ è naiŋ ɓɛnɛ̀ŋ wèè eiŋ nɔ̀ŋ aŋ ɓɔìjɔ̀à tòmo wèè e mìèsùàguùŋ jɛ̀ìɛ, e yèɛ e fè kè sàwà sìnga, è yaà wèè Jinàaŋ. Ke sàwà sìngaà hiàŋ e fàa, kɛɛ wo Jinàaŋ kiɛ̀ŋ wɔŋ nyiiŋ.

2 Kɔliìŋ 5:11

Èiŋ nyìmàŋ kɛ̀ kiìŋ nàŋ yaà e fasàìɛ wèè e jùù nɔ̀ŋ nyùùŋ kɔɔ sùà wèè Kanaà, wèètii è fɛɛ wèè eiŋ kpàà anyùùŋ ɗì wèè aŋ haawè. Wo Dayà wò wi nyìmàŋ è jùà jɛ̀wɛ̀ gbɛlɛiŋ. Mìŋ yààìŋ yɛ̀ɛ̀mɛ̀ dòmaŋ wèè naim nyìmàŋ maŋ jiiŋ màŋ sùà miàŋ pɛɛ.

2 Kɔliìŋ 6:1

E tòmò koɓɛ̀ guùŋ wilɛ̀ sùà yàwi nààŋ Dayà, è yààìŋ dàwe sùà nyɛiŋ nyàŋ nìŋ naŋ yɛ̀mɛ̀ e kèì sìàŋ Dayàa nyàŋ, ɓɔ̀ nìŋ dangè niŋ è doò pɔɔ̀ wèè foo.

Ɛfesɔ̀ 6:20

Wo Dayà naim tùɔ̀ŋ wèè ka nyɛ̀nɛ̀ŋ e tòmo lɛɛ̀, yèè e wèè esaɓù lɛɛ̀, àŋ naim sìè maŋ jɔ̀ɔ̀ɔ ko sààŋ nyìwìi. E wèètii zòòloìŋ wèè miŋ kuwìè ke jii miŋ gbòà màànààŋ è kanaŋ lɛ̀.

Kòlo 1:20

E yìwìà esàɓù wo Jɔ̀àfelaauŋ nɔɔ̀ŋ sùà, wo Dayà naŋ wa ɗewè wèè wo kɛ̀lɛ̀ɛ̀ anyùùŋ nyaŋ gbiŋ ko àìjɛnɛ̀ŋ yèè e dììɛ diɛŋ koɓɛ̀ wuŋ biì. Wò naŋ wa hìàŋ jii fàa, nààŋ wò naŋ wa nyimèè wèè wo gììyà maŋ sɛ̀ìŋ wo Jɔ̀àfelaauŋ nɔɔ̀ŋ saaà wɔŋ vànèkpaaà diɛŋ. E ɗewe lɛɛ̀ sùà wò naŋ kɛ̀lɛ̀ɛ̀ manɛ̀ŋ maŋ gbiŋ ko àìjɛnɛ̀ŋ yaà e ɗuunyaàŋ koɓɛ̀ wuŋ biì.

1Tɛsè 4:8

E wèètii, sèè wo nyùùŋ gbiŋ wo gè kùàŋ e kaà lɛ dìì, wo fè gèe sùà wò nyuùŋkpùuŋ kùàŋ dìì, sɔɔ̀ wo Dayà, wo yèɔ naiŋ fè wo Jìnàŋ Nɛɛmauŋ nɔɔ̀ŋ wɔ.