2 Kɔliìŋ 5:18 - WƆŊ FƐ̀Ì EBÒ SÌÀŊ DAYÀA

¹⁸ Tɛɛ̀ gbiŋ wo Dayà naŋ niŋ nyɛ̀nɛ̀ŋ, wo yèɔ esàɓù Jisɛ̀ Kulaì sùà wò naŋ wi vɔɔnɔ̀ŋ e yìwìà koɓɛ̀ aŋ joo wèè koɓɛ̀ anyuùŋ mɔ̀ɔ̀nɔuŋ, yèè wò naŋ wi kìɛ̀ŋ e tòmo wèè eiŋ hìàŋ anyuùŋ mɔ̀ɔ̀nɔŋ ko nɛ̀ɛ̀ŋ wuŋ Dayài.

2 Kɔliìŋ 5:18 ပူးပေါင်းရင်းမြစ်များ

Luù 10:5

Sèè nìŋ kɔ̀à ko gboo gbiŋ wòoìŋ anyùùŋ nyaŋ ko gboo bi jiɛ̀ nààŋ, ‘Ke jii fàa nɔ̀ŋ ko gboo yaà.’

Luù 24:47

Maŋ fɛi màŋ naŋ ɓɛìŋ woò wààŋ aŋ woò ke miè gbìaàŋ e deè mɛ̀ diɛŋ koɓɛ̀ anyuùŋ kpùuŋ nyàŋ gbiŋ e ɗuunyaàŋ kɛ̀ aŋ fè maŋ tùwo naanààŋ nyiŋ màŋ jɛwɛ aŋ kìlà koɓɛ̀ Dayài, yèè e tɔɔtù ko Jùlusɛ̀làm wèè maŋ jùumù nyiŋ màŋ nɔ̀ŋ hakɛ̀ jùùya miŋ.

Jɔ̀ɔŋ 3:16

E ɗeweɛ̀ lɛɛ̀ wo Dayà naŋ wa tɔ̀ɔ̀ e mànauŋ nɛ̀ koɓɛ̀ anyùùŋ nyaŋ e ɗuunyaàŋ. Wò naŋ wa kìɛ̀ŋ wo Jɔ̀àfèlàà gunùuŋ nɔɔ̀ŋ, wèè kɛ̀ wo nyùnɔ̀ɔŋ gbiŋ haawà miàim wo Jɔ̀àfèlàà Dayàa sùà wɔ, ke kpùnauŋ nɛɛ̀ŋ naàŋ fɔ̀, kɛɛ wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 3:27

Wo Jɔ̀ɔŋ naŋ nyiŋ fasàì wààŋ, “E keì mààŋ tɛɛ̀ fè ɓɛ̀nɛ̀ŋ kàaiŋ kòɓɛ̀ wò nyùùŋ gbiŋ sɔɔ̀ wo Dayà e yìwìà ko àìjɛnɛ̀ŋ wouŋ gè nyààŋ diɛŋ.

Nyɛ̀nɛ̀ŋ 10:36

Nàŋ nyìmàŋ ke mìè gbìaàŋ wò naŋ wa tùɔ̀ŋ koɓɛ̀ anyùùŋ Ezɔ̀ɛ̀ nyaŋ lɛ̀, nààŋ wò naŋ wa wòò Ebò Siaàŋ e nyaàiŋ dè ke jii fàa esàɓù wo Jisɛ̀ Kulaì sùà, wo Kanaà wèè anyùùŋ nyaŋ gbiŋ.

Luùm 11:36

Tɔɔɓaa wo Dayà naŋ wa bànè manɛ̀ŋ maŋ gbiŋ. Wuŋ nàŋ kuwa e gàaŋ manɛ̀ŋ maŋ gbiŋ diɛŋ. E jòòwo nɔ̀ŋ koɓɛ̀ Dayài wèè julɔfɔ. Àmiinàŋ.

Luùm 5:1

E yìwìà e hààwe wilɛ̀ sùà, wo Dayà wò wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ, yèè è kùwàìŋ naàŋ ke jii fàa koɓɛ̀ Dayài esàɓù wo Kana wiɔ̀ Jisɛ̀ Kulaì sùà.

1 Kɔliìŋ 1:30

Kɛɛ wo Dayà wòiŋ nyɛ̀nɛ̀ŋ nàŋ nɔ̀ŋ aŋ bàiŋbà Jisɛ̀ Kulaì sùà, yèè wo Dayà naŋ nyɛ̀nɛ̀ŋ wo Jisɛ̀ Kulaì wèè wo nɔ̀ŋ e jiikɛ̀ɛ wilɛ̀. Wuŋ naŋ wi nyɛ̀nɛ̀ŋ è naiŋ nɔ̀ŋ tɔ̀ɔ̀nyaàŋ koɓɛ̀ Dayài, yèè è naiŋ nɔ̀ŋ anyùùŋ nɛ̀ɛ̀màŋ Dayà nyaŋ, yèè wò naŋ wi joeyè wèè foo.

1 Kɔliìŋ 11:12

Nààŋ nɔŋ wo jɔùŋ naŋ wa fòlò wo felaa e kɔɔo sùà, e ɗèwè guùŋ nii sùà nɔŋ wo jɔùŋ naŋ kòmò wo felaa, yèè wo Dayà nàŋ nyɛnɛŋ maŋ keì bi gbiŋ maŋ kaaìŋ.

1 Kɔliìŋ 12:6

Yàwi nààŋ gbiŋ è nyɛ̀nɛ̀ìŋ maŋ tòmo gbàgbà, kɛɛ wo Dàyà gunɔ̀ɔŋ nàŋ fè gààŋ koɓɛ̀ nyùùŋ gbiŋ wèè maŋ tòmo titi nyiŋ màŋ nyɛ̀nɛŋ.

1 Kɔliìŋ 3:5

Ɓòò kai, nàŋ yaà wo Àpolò? Yèè ɓòò nàŋ yaà wo Pɔɔ̀? È yaà nɔŋ aŋ ɓɔ̀ìjɔ̀à Dayà aŋ yè nyaŋ naiŋ tɔ̀ɔ̀ ke dòmaàŋ wèè naŋ kùwìè e hààweɛ̀ nyaŋ. Yàwi tìyèe, wo nyùùŋ gbiŋ yaà nyìnìè e tòmoɛ̀ wo Dayà nauŋ fè wèè wo nyɛ̀nɛ̀ŋ lɛ.

1 Kɔliìŋ 8:6

È kùwàìŋ nɔŋ wo Dàyà guùŋ kpò, wo Dèdaà, wo yèɔ naŋ bànè manɛ̀ŋ maŋ gbiŋ wɔ̀, yèè wèè wo yèɔ è yààìŋ e ɗuunyaŋ wɔ̀. E kìlà è kùwàìŋ nɔŋ wo Kànà guùŋ kpò, wo Kanaà Jisɛ̀ Kulaì wo yèɔ e saɓùuŋ nɛ̀ sùà manɛ̀ŋ maŋ gbiŋ naŋ wa yɛ̀mɛ̀ e bàne wɔ̀, yèè e saɓùuŋ nɛ̀ sùà è yààìŋ fuɔŋ.

Kòlo 1:22

kɛɛ esàɓù e fà ke kpùnàŋ wo Jɔ̀àfelaauŋ nɔɔ̀ŋ, wo Dayà wòiŋ nyɛ̀nɛ̀ŋ nàŋ nɔ̀ŋ anyuùŋ mɔ̀ɔ̀nɔuŋ, wèè wo nyɛ̀nɛ̀iŋ niŋ nɔ̀ŋ nɛɛmaŋ, niŋ zɛ̀nɛŋ, e kìlà ɓɔ̀ niŋ kɛɛnɛ̀ŋ tɔ̀mɛ kò fɛɛ̀fenùuŋ.

Hiɓu 2:17

Tɛɛ̀ naŋ tɔɔ̀ kɛ̀ wò kuwa wa wo nɔ̀ŋ mààŋ aŋ wùìyauŋ nyàŋ e ɗèwè kìì guùŋ nɛ àŋ yaà lɛ, wèè wo nɔ̀ŋ wo nyuùŋ tùlìà jii nyiŋ nɔɔ̀ŋ yèè wo Kànà Sìèfèìŋ Zòòlo Gbee kɛ̀ɛ̀nɛ̀ŋ ke nyowo e tòmò Dayàa sùà, wèè wo Dayà juuyà maŋ jùùmù nyiŋ màŋ hakɛ̀.

Jìiiŋ 1:17

Manɛ̀ŋ siaŋ màŋ gbiŋ è kùwàìŋ maŋ, wo Dayà nàŋ kiɛ̀ŋ wì miìŋ. Wo Dayàa yèɔ naŋ bànè manɛ̀ŋ maŋ kiɛ̀ŋ e gbolòùŋ lɛ e yìwìà ke nyiliɛ̀, wuŋ nàŋ kiɛ̀ŋ wì manɛ̀ŋ siaŋ. Wo Dayà fè vɔɔnɔ̀ŋ, yèè wo fè wi jùùyà kè nyìwì sùà.

1Jɔ̀ɔŋ 2:2

Yèè wo Kulaì wuŋ bi nàŋ yaà è nɛ̀ŋ saàa wèè maŋ jùumù wi màŋ nɔ̀ŋ hakɛ̀ jùùya miŋ, yèè e fè nɔŋ wèè màŋ jùumù wi màŋ miŋ gùuŋ kɛɛ è yaà wèè maŋ jùùmù anyùùŋ nyaŋ gbiŋ e ɗuunyaàŋ.

1Jɔ̀ɔŋ 4:10

Tɛɛ̀ nàŋ yaà e mànaŋ, e fè kɛ̀ yàwi naŋ mɔ̀nɔ̀ŋ wo Dayà, kɛɛ kɛ̀ wo Dayà naŋ wi mɔ̀nɔ̀ŋ, wèètii wò naŋ tùɔ̀ŋ wo Jɔ̀àfelaauŋ nɔɔ̀ŋ wèè wo nɔ̀ŋ e nɛ̀ŋ saàa wèè maŋ jùumù wi màŋ nɔ̀ŋ hakɛ̀ jùùya.