2 Kɔliìŋ 5:16 - WƆŊ FƐ̀Ì EBÒ SÌÀŊ DAYÀA

¹⁶ Wèètii julɔfɔ ɓɔ̀ è gbaaì ɓɛìŋ wò nyùùŋ gbiŋ è jiikɛ̀ɛɛ̀ màŋ kèìŋ maŋ kuwa lɛ̀. Jòòpɛɛ e teenga bà sùà è naiŋ gbààì wo Jisɛ̀ Kulaì e jììkɛ̀ɛ̀ maŋ kèìŋ maŋ sùà, kɛɛ e fèiŋ yɛi ɓɛìŋ nyɛ̀nɛ̀ŋ.

2 Kɔliìŋ 5:16 ပူးပေါင်းရင်းမြစ်များ

Maafiù 10:37

“Anyùùŋ nyaŋ manaŋ aŋ dèda nyiŋ nyàŋ ɔ̀ɔ̀ aŋ yèye nyiŋ nyàŋ eim nìàŋ nyaŋ, aŋ fè tɛ̀ɛ̀ wèè aŋ nɔ̀ŋ ànyùùŋ màŋjɛ̀wɛ̀im. Yèè anyùùŋ nyaŋ manaŋ aŋ jɔ̀àfelaa ɔ̀ɔ̀ aŋ jɔ̀àjɔùŋ nyiŋ nyàŋ eim nìàŋ nyaŋ, aŋ fè tɛ̀ɛ̀ wèè aŋ nɔ̀ŋ ànyùùŋ màŋjɛ̀wɛ̀im.

Jɔ̀ɔŋ 15:14

Sèè nìŋ nyɛnɛŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, kɛ̀ nìŋ do nàŋ jèè e mɔ̀ɔ̀nɔŋ mɛ̀ sùà.

Jɔ̀ɔŋ 2:4

Wo Jisɛ̀ naŋ fàsàì wo nààŋ wààŋ, “Yèye, kiìŋ tɛɛ̀ kuwa e wi nyiniàŋ! E teenga mɛ̀ kòò è hàì wèè ka nyɛ̀nɛ̀ŋ è keì.”

Jɔ̀ɔŋ 6:63

Wo Jìnàŋ Kanaà Dayà nàŋ kiɛ̀ŋ wo nyùùŋ wɔŋ nyiiŋ gèe. E nɛ̀ŋ kɛnɛ gbiŋ e fè è gààŋ nyuùnkpùuŋ sùà wèè e kìɛ̀ŋ wò nyùùŋ wɔ̀ŋ nyiiŋ gèe. Maŋ mìè maŋ mìŋ naŋ gbòò ko nɛ̀ɛ̀iŋ niìŋ maŋ, màŋ nyɛnɛŋ wo Jìnàŋ Kanaà Dayà woiŋ nɔ̀ŋ ko sùà, wo yèɔ kiɛ̀ŋ wɔŋ nyiiŋ gèe wɔ̀.

Jɔ̀ɔŋ 8:15

Nìŋ gbaì anyùùŋ e ɗèwè guùŋ nɛ sùà màànààŋ nɔŋ anyuùŋ gbànaŋ nyàŋ gbiŋ nyɛnɛŋ lɛ̀, kɛɛ miŋ fè gbàì wò nyùùŋ gbiŋ.

2 Kɔliìŋ 11:18

Kɛɛ nààŋ anyuùŋ zimgbe kɛɛ maŋ nyòngà maŋ kèìŋ maŋ sùà lɛ, miàŋ pɛɛ mìŋ do nàŋ nyɛ̀nɛ̀ŋ e kèì guùŋ bi bà.

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

Fèle 3:4

Kà weè ɓɛ̀nɛ̀ŋ sìà ke jii tùlia miɛ̀ŋ koɓɛ̀ maŋ langi mààŋ miiŋ ke kpùnaŋ miɛ̀ŋ sùà. Sèè nyɛ̀iŋ nààŋ bà guùŋ gbiŋ maŋ gongà kɛ̀ wò kuwa esaɓù wèè wo kɛ̀ɛ̀nɛ̀ŋ jii tùlia koɓɛ̀ manɛ̀ŋ maŋ wò nyiniàŋ ke kpùnauŋ nɛɛ̀ŋ maŋ, kɛ̀ mìŋ kuwa ngèè esaɓù zimgbe wèè ka yɛi gongò miàŋ pɛɛ.

Kòlo 3:11

E tɛɛ gòòno fòo sèè pɛɛ naŋ nɔ̀ŋ anyùùŋ nyaŋ fè àŋ Juùù nyaŋ ɔ̀ɔ̀ àŋ Juùù nyuuŋ, ɔ̀ɔ̀ aiŋ jàà kpùa ɔ̀ɔ̀ naŋ nɔ̀ŋ anyuùŋ gò jàà kpùa, anyùùŋ maŋ fuɔŋ joo, anyùùŋ ɓie gò nyìmàŋ è kèè kò ɓài, aŋ ɗo, yèè anyùùŋ nyaŋ fè àŋ ɗo nyàŋ, kɛɛ wo Jisɛ̀ Kulaì nàŋ yaà e nɛ̀ɛŋ gbiŋ, e kìlà wo Jisɛ̀ Kulaì wò yaà e nɛ̀ɛŋ gbiŋ sùà.

Jìiiŋ 3:17

Kɛɛ e jiikɛ̀ɛɛ̀ yewe wo Dayà sìwè lɛ e jiɛ̀jiɛ̀ɛ nàŋ yaà, è yaà sengei yèè è manaŋ ke jii fàa, è kuwìà nyùùŋ le siwè sìàŋ, è kuwa mɔ̀ɔ̀nɔŋ, è naŋ dìè ke nyowo yèè è hiàŋ maŋ tùwo siaŋ sìàŋ, e fè nyangè yèè e gò gbɛ̀ɛ̀ è kàaɓì kɔɔ.