2 Kɔliìŋ 5:14 - WƆŊ FƐ̀Ì EBÒ SÌÀŊ DAYÀA

¹⁴ E mànàŋ Jisɛ̀ Kulaì, nàŋ kilìà wì e kana ko diɛŋ wèè ka nyɛ̀nɛ̀ŋ e yèɛ gbiŋ yaà tɛ̀ɛ̀ lɛ, nààŋ è naiŋ jàà jii kɛ̀ wo fèlàà guùŋ naŋ fɔ̀ wèè anyùùŋ nyaŋ gbiŋ, e yèɛ naŋ tɔɔ̀ kɛ̀ wo nyùùŋ gbiŋ yaà e bàuŋbà wèè e fàa bi lɛ̀.

2 Kɔliìŋ 5:14 ပူးပေါင်းရင်းမြစ်များ

Maafiù 20:28

Màànààŋ nɔŋ miàim wo Jɔ̀àfèlàà Nyuùŋ Kpùnɔɔ̀ŋ kànɔ̀ɔŋ gò wa hnàŋ wèè ànyùùŋ aim tòòmò dìì lɛ, mìŋ naŋ wa hnè wèè ka nɔ̀ŋ wo ɗo, e kìlà wèè ka fè wɔŋ nyiiŋ miɔ̀ŋ wèè ka jòèyè maŋ nyììŋ anyuùŋ zimgbe.”

Luù 15:24

Esaɓù kɛ̀ wo jɔ̀àfelaaim wɛɛ̀ naŋ wa fɔ̀, kɛɛ wò yaà naàŋ wɔŋ nyiiŋ gèeɔ̀ sùà. Wò naŋ wa go, kɛɛ kàuŋ naàŋ mɛɛ̀ŋ.’ Yèè wɔŋ ɗaaà naŋ tɔɔtù.

Luù 15:32

Kɛɛ è kuwa eiŋ gè zɔlɔ̀ esaɓù kɛ̀ wo wùìyà mɔɔ̀ŋ naŋ mɛ̀iŋ fɔ̀, kɛɛ kòò wò yaà naàŋ wɔŋ nyiiŋ gèeɔ̀ sùà, wò naŋ wa go, èuŋ mɛɛ̀ŋ.’ ”

Luù 24:29

Kɛɛ àŋ nauŋ pɔwɔ̀ nyààŋ, “Jawà ko nɛ̀ɛ̀ŋ wiì, esaɓù kɛ̀ e gɔɛɛ̀ naàŋ jùà fùùŋ yèè e dùùmɔɛ yaà naàŋ kuwie.” Yèè wo Jisɛ̀ naŋ jɔ̀ ko saaìŋ wèè wo jàwà ko nɛ̀ɛ̀ŋ nyiŋ niìŋ.

Jɔ̀ɔŋ 1:29

Wɔŋ niìsìaà bàa wo Jɔ̀ɔŋ naŋ yɛ̀mɛ̀ wo Jisɛ̀ wò yaà hìnìè ko nɛ̀ɛ̀uŋ niìŋ, yèè wo Jɔ̀ɔŋ naŋ woò wààŋ, “Wɛɛ̀ nàŋ yaà wo Ɓààwàà Dayàa wo yèɔ naŋ ɓèmè e jùùmù ɗuunyaàŋ wɔ!

Jɔ̀ɔŋ 11:25

Wo Jisɛ̀ nauŋ woò wààŋ, “Miàŋ nàŋ kuwa e gààaŋ wèè ka gè wo nyuùŋ fàa dìì wo kɛ̀ɛ̀ wɔŋ nyiiŋ gèeɔ̀ sùà. Anyùùŋ nyaŋ gbiŋ naim haawè nyaŋ do ɓɛìŋ nàŋ yèwè e fàaà dìì, jòòpɛɛ àŋ wa fà.

Jɔ̀ɔŋ 5:25

Mìŋ yààìŋ wòo sùà e tɔɔɓaaà kɛ̀ e teenga do nàŋ hnè, yèè ngèè kòò è yaà naàŋ kià tɛ, anyuùŋ fàa nyàŋ do nàŋ kòmò ke mìè miàim wo Jɔ̀àfèlàà Dayàa. Yèè anyùùŋ nyaŋ do nyiŋ nàŋ kòmò nyaŋ do nàŋ nɔ̀ŋ wɔŋ nyiiŋ gèe sùà.

Nyɛ̀nɛ̀ŋ 18:5

Kɛɛ nààŋ wo Silà yaà wo Timetè naŋ kɛ̀ɛ̀ maŋjɛ̀wɛ e yìwìà ko Mɛ̀sèdonià, e tòmò Pɔɔ̀ɛ wò yaà wa nyinie lɛ̀ nàŋ yaà ke mìè gbìàŋ Dayàa gbòa koɓɛ̀ aŋ Juùù nyaŋ, kɛ̀ wo Jisɛ̀ nàŋ yaà wo Kulaìɔ wo Dayà naŋ tàeɗùù wɔ wèè wo hìàŋ e jòèye koɓɛ̀ anyùùŋ nyaŋ e ɗuunyaàŋ.

Luùm 2:2

Èiŋ nyìmàŋ kɛ̀ wo Dayà nyɛnɛŋ e tɔ̀ɔ̀nyaàŋ sèè wò gbaì anyùùŋ nyaŋ nyɛnɛŋ maŋ keì mààŋ mɛɛ̀ŋ nyaŋ.

Luùm 5:15

Kɛɛ nyiŋ tìyèe àŋ yaà gbàgbà, esaɓù kɛ̀ e nɛ̀ɛŋ wo Dayà naŋ wa kiɛ̀ŋ lɛ e fè mààŋ è jùùmù Adamàaŋ. È yaà tɔɔɓaa kɛ̀ anyuùŋ zimgbe naŋ fɔ̀ esàɓù e jùùmù wo nyùùŋ guùŋ wii. Kɛɛ e tɛ̀ɛ̀tɛ̀ɛ̀ Dayàa naŋ dɛɛ̀ zimgbe, yèè yɛi nɔŋ wo Dayà naŋ niŋ kiɛ̀ŋ foo koɓɛ̀ anyuùŋ zimgbe esàɓù e tɛ̀ɛ̀tɛ̀ɛ̀ɛ wo Jisɛ̀ Kulaì naŋ nyɛ̀nɛ̀ŋ lɛ.

Luùm 6:13

Ɓɔ̀ nìŋ nyimèè wèè màŋ nɛ̀ɛ̀ŋ kɔ̀ɔ̀ màŋ kpùnaiŋ màŋ bà màŋ do nyɛ̀nɛ̀ŋ jùumù. Kɛɛ deìŋ ke dòmàŋ Dayàa diɛŋ, esaɓù kɛ̀ nìŋ yaà wa mààŋ anyùùŋ naŋ fɔ̀, kɛɛ wo Dayà wòiŋ kìɛ̀ŋ wɔŋ nyiiŋ gèe. Kìɛìŋ maŋ kpùnaiŋ màŋ ko nɛ̀ɛ̀uŋ niìŋ wèè wo toomò miŋ e tɔ̀ɔ̀nyaàŋ sùà.

Luùm 6:6

Èiŋ nyìmàŋ kɛ̀ nààŋ wo Jisɛ̀ Kulaì naŋ wa fɔ̀ɔ̀yɛ̀ wɔŋ vènèkpaaà diɛŋ, yaà maŋ kpùnàŋ jùumù wi màŋ naŋ wa fɔ̀ɔ̀yɛ̀ koɓɛ̀ guùŋ. Tɛɛ̀ naŋ wa kaaìŋ wèè e nyɛ̀nɛ̀ŋ e gààŋ maŋ kpùnàŋ jùumù wi màŋ nɔ̀ŋ pɔ̀ɔ̀pɔɔ niŋ, wèè e go wi ɓɛìŋ nàŋ nyɛ̀nɛ̀ŋ eiŋ nɔ̀ŋ aŋ ɗo wèè maŋ jùumù nyɛ̀nɛŋ.

1 Kɔliìŋ 16:22

Wo nyùnɔ̀ɔŋ gbiŋ gò mànàŋ Kanaà wɔ, e gbòòno yaàùŋ maŋjɛ̀wɛ. Kana wiɔ̀ Jisɛ̀, hnaàŋ!

1 Kɔliìŋ 2:14

Wo nyùnɔ̀ɔŋ gbiŋ kuwà wò Jìnàaŋ wɔ̀, wo fè yɛ̀mɛ̀ è kìɛɛ̀ŋ yewe wò Jìnàŋ Dayàa sìwè lɛ. Wo nyùùŋ mààŋ wii tɔɔɓaa wo gò jàà màŋ kìɛŋ mɛɛ̀ŋ jii, yèè màŋ yaà mààŋ e ɓàaɓàa ko nɛ̀ɛ̀uŋ niìŋ, esaɓù kɛ̀ e gbììŋ gbììŋ miŋ nɛ̀, wo nyuùŋ kɛ̀ɛ̀nɛ̀ŋ Jinàaŋ nɔŋ naŋ miŋ ɓɛ̀nɛ̀ŋ tùàŋ maŋ nɔnɔŋ wo Jinàaŋ sùà.

2 Kɔliìŋ 3:7

Àŋ naŋ wa sìngìè ke sàwàa wɔŋ duò tàà fàà diɛŋ, yèè e jòòwò Dayàa nao hnè e teengaà àŋ yaà nyiìŋ kìɛŋ sùà lɛ. Jòòpɛɛ e gbolòùŋ nɛ yaà wa wɔŋ dèwà Mòòzeɔ̀ lɛ è yaà wa naàŋ fàa sùà e fɛ̀ɛ̀, kɛɛ è kuwa wa e gààŋ e jèèsùà anyùùŋ fùɔ̀ŋ Ezɔ̀ɛ̀ɔ nyaŋ fòuŋ wa ɓɛ̀nɛ̀ŋ yɛ̀mɛ̀ dewà. Sèè ke sàwàa, ke yèɛ hiàŋ e fàa sèè àŋ toomàŋ nyiìŋ sùà nɛ, ke hìàŋ e jòòwo mààŋ tii,

2 Kɔliìŋ 3:9

Sèè ke nyɛ̀nɛɛ̀ŋ hiàŋ e nìmìlà fàa lɛ̀ naŋ kùwìè e jòòwo, kɛ̀ ke nyɛ̀nɛɛ̀ŋ hiàŋ e jòèye lɛ̀ do nàŋ kùwìè e jòòwo gbee!

Gàla 2:20

Jòòpɛɛ kà naàŋ fà, kɛɛ wo Jisɛ̀ Kulaì yaà wɔŋ nyiiŋ gèe miɔ̀ŋ sùà. E kìlà mìŋ yaà naàŋ wɔŋ nyiiŋ gèe e hààwe wo Jɔ̀àfelàà Dayàa sùà, wo yèɔ naim mɔ̀nɔ̀ŋ yèè wò naŋ kìɛ̀ŋ wɔŋ nyiiuŋ nɔɔ̀ŋ e weèim wɔ̀.

Ɛfesɔ̀ 6:24

Mìŋ zoolà wèè e tɛ̀ɛ̀tɛ̀ɛ̀ Dayàa e nɔ̀ŋ wèè anyùùŋ nyaŋ kinɛiŋ kuwa e mànaŋ gò jùà e wèè Kana wiɔ̀ Jisɛ̀ Kulaì nyaŋ.

Kòlo 2:13

E tèèngà guùŋ bà è yaà mààŋ nìŋ naŋ fɔ̀ wo jinàaŋ sùà ko fɛ̀ɛ̀fèìŋ Dayài esàɓù maŋ keì naanààiŋ màŋ, yèè aŋ gòiŋ wa jàà kpùa e kìlà niŋ fè wa ànyùùŋ Dayà aŋ yè nyaŋ kuwà màŋ sàwà maŋ nyàŋ. Kɛɛ wo Dayà wòiŋ naàŋ hìàŋ koɓɛ̀ wɔŋ nyiiŋ gèe wo Jisɛ̀ Kulaì sùà, nààŋ wò naŋ wi jùùyè hakɛ̀ wèè maŋ jùumù wi màŋ gbiŋ.

Kòlo 3:3

Nìŋ naŋ wa fɔ̀, kɛɛ wɔŋ nyiiŋ gèiŋ nɔɔ̀ŋ kòò wɔ̀ŋ yaà ko nyɛɛnɛŋ wo Jisɛ̀ Kulaì ko sùà koɓɛ̀ Dayài.

1Time 2:6

wo yèɔ naŋ wa kìɛ̀ŋ wuŋ bi wèè wo nɔ̀ŋ e nɛ̀ŋ saàà wèè wo bìlɛ̀ŋ anyuùŋ kpùuŋ nyàŋ gbiŋ. Kii nàŋ yaà wa ke mìè seìɛ naŋ hnè e teengaà diɛŋ lɛ̀ kɛ̀, wo Dayà manaŋ wèè wo nyùùŋ gbiŋ yɛ̀mɛ̀ e jòèye,

1Time 5:6

Kɛɛ wo jɔ̀ùŋèèdààa naŋ sìè wuŋ bi e gbana sùà wɔ, wò yaà e fàauŋ tɛ, jòòpɛɛ wò yaà wɔŋ nyiiŋ gèeɔ̀ sùà.

Taitɔ̀ 3:3

Yàwi bi è naiŋ wa zuwò, è naiŋ gangà, è yààìŋ wa ɓàaɓàa. Yèè è yààìŋ wa aŋ ɗo koɓɛ̀ maŋ ɗèwe kà tinàŋ zimgbe yaà maŋ gbana. Maŋ keì sìà jii yaà le koo nɔŋ nàŋ yaà wa maŋ nyiiŋ gèe wi màŋ sùà, aŋ bà naŋ wi wùɔ̀ŋ, yèè yàwi pɛɛ è naŋ nyiŋ wùɔ̀ŋ.

Hiɓu 2:9

Kɛɛ è yɛmɛ̀ìŋ wo Jisɛ̀, wo yèɔ wo Dayà naŋ wa kìɛ̀ŋ e gaàŋ jɔ̀à wèè e teenga kpuu aŋ màikà nyaŋ diɛŋ, wèè kɛ̀ esàɓù e tɛ̀ɛ̀tɛ̀ɛ̀ Dayàa wo fà wèè anyùùŋ nyaŋ gbiŋ. È yɛmɛ̀uŋ naàŋ kɛ̀ wo Dayà nauŋ joowò yèè wò nauŋ kìɛ̀ŋ e ɓɛ̀ɛ̀jàa mààŋ wo kana esàɓù e fàuŋ nɛ̀ yaà e keì nyìngaà wò naŋ kɔ̀ dìì lɛ.

Hiɓu 6:10

Wo Dayà fè wò nyuùŋ gò nɔ̀ŋ tɔ̀ɔ̀nyaàŋ. Wo naàŋ nyɛɛnɛ̀ŋ wèè è tòmoɛ̀ mùŋ naŋ nyɛ̀nɛ̀ŋ yaà è mànaàŋ mùŋ naŋ tɔɔ̀ weèuŋ nɛ̀, e yìwìà kpùùmaàŋ mùŋ kiɛ̀ŋ yèè mùŋ yaà kìɛ̀ŋ sùà koɓɛ̀ anyùùŋ nɛɛmauŋ nyàŋ lɛ.

1Pììlɛ 1:8

Nìŋ kuwa e mànaŋ wèè Dayà jòòpɛɛ kòò nìŋ yɛ̀mɛùŋ, yèè nìŋ nauŋ haawè sùà, jòòpɛɛ niŋ fèeùŋ naàŋ yɛɛmɛ. Wèètii nìŋ gèe e zɔ̀lɔ̀ ɓɛ̀ɛ̀jàa gbee e yèɛ nyùùŋ fè ɓɛ̀nɛ̀ŋ wòò lɛ̀,

1Jɔ̀ɔŋ 5:19

Èiŋ nyìmàŋ kɛ̀ wo Dayà nàŋ kànàŋ wì, jòòpɛɛ e ɗuunyaàŋ gbiŋ è yaà e gààŋ wo Nyuùŋ kɛ̀ɛ̀nɛ̀ŋ ke Kpèè naanààaŋ sìwè.